‏﴿ وَلَسَوْفَ يُعْطِيكَ رَبُّكَ فَتَرْضَىٰ ﴾ .💚

🖤جدول دراسة اليومي :

💛٨:٣٠ دراسة الى ١٢ ظهر ، ٤ ساعات ونص
ساعة استراحة وصلاة ✔️

🔵١ ظهر الى ٣:٣٠ عصر ، ٣ ساعات ونص
استراحة نص ساعة😀

🔘٤ عصر الى ٦:٣٠ بليل ، ٣ ساعات ونص
نص ساعه صلاه ومدري ايش😀

✅٧ بليل الى ٩:٣٠ بليل ، ٣ ساعات ونص
نص ساعه استراحة😀

✅١٠ بليل الى ١٢ بليل دراسة ، ساعتين

🎚️ملاحظات :
نوم 12 بليل الى 8 الصبح
+ تكدر تخليها من 12 الى 7 او 6 صبح وبهالحالة حتحصل ساعة او ساعتين اضافية تدرس او تسخت بيها براحتك .✅

🩷عدد ساعات الدراسة : 13 ساعة
+راح يزود نص ساعة فـ هذني خاف سختت او شي
🩷عدد ساعات النوم : 8 ساعات
عدد ساعات الاستراحة : ساعتين ونص

شلون ادرس لساعات طويلة بدون ملل وصفنات🥺😀

اولاً :سوي قائمة مهام يعني مثلاً كول اني راح اخلص
الكيمياء خلال ساعتين
او ساعتين للأحياء
او هيج تستمر يعني خلال الوقت الي انت مخلي بالك لازم تنجز شي بدون تسخيت او هاي طريقة راح تسويلك واهس

ثانياً : لا تضل تدرس مادة وحدة الوقت حيل طويل هيج اكيد راح تمل خلي الكل مادة وقت معين سواء ساعتين و ثلاث ساعات يعني هيج اوقات لا تطول حيل وبنفس الوقت
لا تضغط ع روحك بعدد مواد هواية خلي حسب طاقتك

ثالثاً : المكان الي تكعد بي لازم يكون مرتب او مناسب علمود ما تمل من المكان الي كاعد بي وخلي كلشي تحتاجه يمك لا كل شوية وتكوم يخرب الواهس
وانتو يرادلكم حجة 😀

رابعاً :التلفون لازم تبعده عنك نهائياً او اذا عندك دراسة بي أغلق كل الاشعارات

خامساً : استعمل الألوان الهايلات بالألوان الي انتت تحبه لان راح تسويلكم واهس علمود تدرس

سادساً : كافئ نفسك يعني شلون؟ مثلاً كول اذا اليوم خلصت كل دراستي او سويت كل مهامي راح اطلع او اباوع مسلسل او فلم او قصة او اي شي تحبه كافئ نفسك بي لان اذا كلت هيج راح ايصيرعندك شغف علمود تخلص دراستك .. 😀

#اخطاء_طلاب_السادس 🔗🧡

1- التركيز على مواد وإهمال أخرى.
2- إهمال الصحة.
3- خليت ببالي فكرة الإعادة.
4- إهمال الامتحانات مع الأساتذة وهذه كارثة عظمى .
5- عدم التخطيط.
6- التسويف والمماطلة.
7- غيرت مصادري هواية.
8- دخلت كل المواد حضوري.
9- ما درست بالعطلة.
10- حرمت نفسي من الونسة كلش وتعبت.🫶

تحدي دراسه 👌
من 5:00 الى 6:30
‏﴿فَرِحِينَ بِمَا آتَاهُمُ اللَّهُ مِنْ فَضْلِهِ﴾
الي يدرس يتفاعل ب😀

نصيحة للطلاب السادِس ؛
مو الدرجات إللي تحدد مُستقبلَك ، مُمـكن الدرجات علامة او اداة او وسيلة ، لكن مو الدرجات هيَّ اللي تحدد مُستقبلَك اللّٰــه هــوَ الذي يُحدد مُستقبلَك انت ما قصرت اديت اللي عليك فـ لتضل تاكل بنفسَك اذا درجاتك قليلة إشكُر اللّٰــه گله : { اللّٰــهُمَّ هذا ما قدرتُ عليه اللّٰــهُمَّ وأسالُك التوفيق مِنك } 🦋
يا ما اكو ناس عندهم درجات عالية ماوصلوا إلى مُستقبل مُشرق واكو ناس ما عندهم درجات عالية لكن عندهم مُستقبل مُشرق 💗

رضيتُ بما قسم الله لي
وفوضت أمري الى خالقي
لقد أحسن الله في ما مضى
كذلك يحسن في ما بقي 🦋

اختبارات احياء فصل اول🦋