#قصص_وروايات ✏

#قصص_الصباح 🌞

رجل أنجليزى اسمه (توماس ) يعمل ميكانيكى
و يجد قوت يومه بصعوبه .. رزقه الله ببنت .. ولما تمت 5 سنوات .. أصيبت بمرض أدى إلى ضمور عضلاتها .. فتوقف نموها عند هذا السن .. كلما دخل عليها أبوها وجدها تبكى.. فيغلق عليها الباب و يذهب لحجرته مهموماً ..
يضرب السرير بقدمه فى غيظ قائلا : لماذا يارب ..
كل الناس تنجب بناتا ..
وأنا الوحيد الذى ابتليتنى بالفقر و ابنته مريضة ؟!!
ذهب لعمله يوماً .. فاشتكى لصديق له .. قال له صاحبه :
( البنات يا صديقي من اسرار جمال الله .. فإستمتع بقُربها .. ولسوف يُريك الله جمال وجودها ذات يوم ) !
ذهب لبيته .. دخل على ابنته المقعدة .. فنظرت إليه وبكت كعادتها .. حملها على ظهره فسكتت .. جرى بها فى الشقة فاردا ذراعيه كأنهما جناحين .. فضحكت حتى شهقت من كثرة الضحك !! شعر بالسعادة لأول مرة فى حياته .. حملها و جرى بها فى الشارع كالمجنون .. ضحكت و ضحكت
و ضحكت .. رآه جاره فقال له : أنا أراك سريعا جداً فى الجرى .. لماذا لا تتقدم فى مسابقة الجرى التى تجريها ملكة بريطانيا سنويا .؟!!
تقدم توماس للمسابقة وذهب للمسابقة حاملاً ابنته على كتفه .. وصل للمركز الثالث .. و لكنه خطف الأنظار نحوه بسبب ابنته .. تكلمت عنه الجرائد .. و انصرفت أبصار الناس عن صاحب المركز الأول ..
تقدم فى العام التالى لنفس المسابقة .. حمل ابنته أيضا و جرى بها .. عافر و قاوم .. حتى حاز على المركز الأول .. وفاز ب 9 مليون دولار
وجائزة الأب المثالى ليصبح من أغنى أغنياء بريطانيا ..
أصبح صاحب شركة ووضع مقولة صاحبه (البنات يا صديقي من اسرار جمال الله .. فإستمتع بقُربها .. ولسوف يُريك الله جمال وجودها ذات يوم ) على برواز فوق مكتبه !!
سبحان الله الذي قال: ( ويرزقكم من حيث لا تعلمون ) .
و قال تعالى: ( ولا تقتلوا أولادكم خشية إملاق نحن نرزقهم وإياكم ).

#جمعة_مباركة

تنويه....

للي مو عارف نظام القناة....
يوم الجمعة اجازة .... لايتم فيه نشر القصة او الرواية .... واحيانا يتم انزال جدول اعلانات بهدف زيادة اعضاء القناة...

تحياتنا لكم

#ادارة_القناة

#قصص_وروايات ✏

#ملائكة_الرحمة👩‍⚕

#بقلم_مال_الشام

الجزء الأول
@novels_stories

ممرضة سارة المريضه بغرفة رقم 24 عاوزتك

سارة: طيب حاضر...

قمت و انا مخنوئة كتير،، هي ختيارة الجن الها تلات ايام بالمستشفى دبحتني بنقها و طلباتها الوضع صار ما بينحمل بنوب...

و انا ماشيه بالممر مرقت جنب غرفة الطفل اياد،،

سارة: كيفووو حبيييبي؟
و زتيتلو بوسة بالهوا..
ضحكلي دخيل ضحكتو انا و خلى مزاجي يتعدل شوي..

وصلت على غرفة ام النور و انا عم ارسم ابتسامة مصطنعه

سارة: ايه مدام تفضلي

ام النور: زبطيلي السرير مو مرتاحه

سارة: اه!!!

ام النور: في مشكلة؟

سارة: لا ابداً، يلا تكرمي..

قربت من التخت و رفعتلها الجزء العلوي

سارة: هيك؟

ام النور: بس بس بس

سارة: ايه ايه خلص وقفت

ام النور: ارجعي نزليه شوي

سارة: طيب... حاضر... بس يصير مريح بالنسبه الك قليلي لوقف يلا..

ام النور: يييييي لك لا هيك واطي كتيررررر

سارة: يا خالة حيرتيني شو اعمل!!!

ام النور: ايييييه ليش هيك عم تتنتوري فيني؟ انا دافع مصاري شه!

كنت رح انفجر بس مسكت حالي... بدون شي صرت ماخده انذارين من الادارة... مستشفى متل الحمام المقطوعه ميتو
اصلا حرام يكون اسمو مستشفى..
غش و خداع و جشع و اهم شي عندهن المصاري، يمكن لانو مستشفى خاص...
#مال_الشام

سارة: طيب بعتزر، هلأ شو اعمل نزلو و لا ارفعو؟

ام النور: ممممم اخر شي شو عملنا؟

سارة: نزلتو!

ام النور: ايه ارفعيه

سارة: يلا....هيك تمام؟

ام النور: ايه ايه منيح مابو شي

وقفت شوي و انا ساكته لشوف ازا عندها طلبات تانيه

ام النور: صحيح شو بدي ئلك

سارة: تفضلي

ام النور: الغدا اليوم ما عجبني مكترين ملح على الشورية و الخضار مو مستويه
@novels_stories
ايه لا هيك كتير شو انا بدي راقبلها المطبخ كمان و اتاكدلها من جودة الاكل!!!

شديت اسناني على بعض و ابتسمت ابتسامة صفرا: طيب بكرا بفوت اعملك الاكل انا بايدي... بقلهن اكل غرفة 24 ممنوع حدا يمد ايدو عليه و بدنا فريق خاص ليتذوقوه قبل ما نفوتو لعندا

ام النور: ايه ممتاز هيك تمام

سارة: 😳 😳 😳

ام النور: ليش عم تبحلقي فيني؟

سارة: لا خالة سلامتك.. انا طالعه

طلعت من الغرفة و انا رح جن منا و مو مركزة... و ضربت بالدكتور ليث بالغلط

سارة: اسسسسففففه دكتور

د.ليث: حصل خير عزيزتي

سارة: يييي لك وسخت تيابك بالقهوة
اسفه اسفه... اشلح اشلح

د.ليث: عفواً!!

سارة: قصدي اشلح المريول الطبي خليني نظفو

د.ليث: مو مشكلة مافي داعي انا فايت اخود غفوة بمكتبي

سارة: متل ما بدك دكتور...

نطرتو ليمشي و انا رح دوب من الخجل... دكتور ليث من افضل و ارقى الاطباء بالمستشفى، متزوج من سبع سنين و ما عندو اولاد وما حدا بيعرف السبب يمكن العلة من عندو و خجلان يحكي ههههه

ركضت على الاستقبال و كانت زهرة و بيسان عم يشربو قهوة و يحكو عن العريس الي متقدم لبيسان

سارة: عريييييس؟ شو اسمو؟ كم عمرو؟ من وين؟
ليش ما حكيتولي 😭 😭

بيسان: لك و لعية ليش انبحتي هيك لسه ما اجا بس امو حكيت مع امي

زهرة: عقبااالنااااا

فتلت ورا طاولة الاستقبال و سرقت كاسة القهوة من ايد زهرة: من وين يا حسرة!! كل ما يشرف عريسو يعرف انو عندنا مناوبة ليلة بيهرب
كأنو منطلع بالليل نتسلى

زهرة: اختي معن حق والله دوامنا بهل ليل ما بتداومو الا الرقاصه

ضحكنا نحنا التلاته بصوت عالي و ضحكتنا رنت بالكريدور

بيسان: يبعتلكن حمى فضحتونا

سارة: هههههه ما تخافو الفسادين ما هون اليوم

بيسان: بس مدير المستشفى الدكتور عبد الله موجود

فتحت عيوني و طلعت القهوة الي كنت اشربها من انفي

سارة: شووو؟؟ لك ليش ما خبرتوني

زهرة بمئلسة: يييي نسينا نعطيكي خبر دكتورة سارة

بيسان: ايه والله الله يصلحنا على هالعملة كيف نسينا نعطيكي خبر لتعملي اجراءاتك الخاصه

قمت و انا معصبة: تضربي منك الها ما اغلظكن،، اصلا الممرضه بتتعب اكتر من الدكتور و دورها اهم... خدي قهوتك سدت نفسي
@novels_stories
طلعت من ورا الطاولة و التنتين عم يضحكو متل الفيران...و لسه ما بعدت... و سمعنا برا صوت سيارة صفت بسرعه و طلع صوت تشحيط الفرامات... ارتعبنا كلنا و فكرنا عمل حادث...

زهرة: يا لطيف شو في!!!

طلع دكتور طلال و دكتورة آية من مكاتبهن و شوية ممرضين ركضو على باب المستشفى...

بيسان قربت مني: شو في؟

سارة: مابعرف الله يستر...

بعد شوي فات شب حامل صبيه بين ايديه و تيابو كلها دم و البنت مغمورة بدمها...

الشب: اسعااااف... ساعدوووونييييي

سارة: ياربي دخلك!!!

جابت ممرضه النقالة و حطها من ايدو و ركضت دكتورة آية لعند الصبيه و سالت الشب: شو صاير معهااا؟؟؟

الشب: مابعرررف لقيتها مرميه عالطريق الفرعي... كانت مرمية بعيد بس شكلها ضلت تزحف لوصلت للشارع و شفتا كانت عالارض هيك غرقانه بدمها...

ممرض: دكتورة المريضه مطعونة تلات طعنات... تنتين اسفل البطن و واحدة على الكلية ال

يسرى

بيسان: يا حرام شو صايرلها!!
قربت منهن و كانو لسه واقفين عالباب... و وقفت جنب البنت..
كانو تيابها مقطعين بطريقه بشعه و واضحه عليها علامات عنف

حكيت وصوتي عم يرجف: دكتورة... البنت متعرضة للاغتصاب...

د.آية: دكتور طلال استدعي المدير فوراً

الشب: لك شو يستدعي البنت رح يصفى دمها عالجوها

كنت عم اتطلع عليهن و اسمع شو عم يحكو... بعدين حسيت في حدا عم يمسك ايدي... نزلت عيوني... و شفت البنت المطعونة عم تلف اصابعها المبللين بالدم حوالين ايدي و تحاول تمسكها...

@novels_stories
#يتبع

#قصص_وروايات ✏

#ملائكة_الرحمة👩‍⚕

#بقلم_مال_الشام

الجزء الثاني

@novels_stories

حسيت تيار كهربا مشي بجسمي .. نزلت لعندا وقربت ادني من تمها لان حسيتا بدها تحكي شي ..

كانت عم تحاول تحكي بس ما فهمت عليها شي ..

د.آية: لو سمحتي سارة بعدي عنها

سارة : بس يا دكتورة

د.آية : وين الدكتور عبدالله بسرررعه

ارتبكت كتير .. شو اعمل !! حسيتها استجمعت كل قوتها وشدت اصابعها على ايدي .. نفض جسمي .. مسكت ايدها
بايدي التنتين وحاولت جس نبضها

سارة : البنت رح تموت اعملوووو شي ... اعملو شي البنت رح تمووووووووووت

اجا صوت من بعيد .. كان صوت مدير المستشفى ..

د.عبدالله : بعدو هيك خليني شوف ..

بعدو الكل الا انا ..

د.عبدالله : بعدي هيكـ

ما عرفت انو عم يحكي معي إلا لما بيسان نكشتني وقالتلي : سارة بعدي

صحيت من شرودي واتطلعت على الكل .. وكانو كلهن ناطريني بعدلهن

سحبت ايدي من ايدها وحسيت كأني تخليت عنها .. متل الطفل الصغير لما يمسك بتيابك ويتعلق برقبتك كأنو عم يتخبى جوات قلبك و انا تركتا


د.عبدالله : طلعوها من هون

د.طلال : يا دكتور رح تموت البنت

د.عبدالله : نحنا ما منستقبل طوارئ و الحالة ما معها اي شخص يوقع على أوراق دخولها للمستشفى

كانو عيوني مركزين على البنت الي مغمورة بدمها .. الدم نشفان على وشها ومخبي ملامحها .. بس في شي لمع على خدها ..
كانت دمعتها عم تنزل ، قدرت شوفا وهي عم تبكي .. وبدون ما حس على حالي نزلت دمعتي انا كمان وسالت على خدي

سارة : حالة !! هلأ البني أدم صار حالة ؟ ازا على المصاري انا رح ادفع

زهرة : لك سارة اسكتي مشان الله

د.عبدالله : شو قلتي ؟

زهرة : ما قالت شي دكتور

وهون طلع صوت الشب الي جاب البنت وكان حاملها ، اسمو عابد .. هاد الي فهمتو بعدين ..

عابد صار يصرخ وعلي صوتو بالمستشفى : لك شو انت بلا احساس .. هاد اقرب مستشفى البنت رح تموت
@novels_stories
التمو الأمن على الصوت وثبتوه لعابد و انا عم التفت على كل الوجوه حوالي ، وبآخر لحظة انتبهت على وش البنت
بثانية .. لا جزء من الثانية .. ايدها الي مسكتني فيها ارتخت و نزلت جنب التخت .. وصارو قطرات دمها ينزلو عالأرض وانا عم اتطلع
و مفتحه عيوني على وسعهن والدموع عم تفيض منهن !!

بمهنتي بشوف شغلات كتير بشعة .. وياما ناس ماتو قدام عيوني .. وياما مواقف صعبه مريت فيها
هاد شغلي .. وهي حياتي .. بس الي عم يصير هلأ شي مختلف تماماً

والكل عم يصرخ و دكتور عبدالله عم يدير ضهرو ويرجع على مكتبو بكل برود ويقلنا طلعوها لبرا

د.آية : المريضه ماتت ..

كانت ماسكة ايد البنت .. وحست انو توقف نبضها ..

د.عبدالله : اتصلوا بالشرطة فوراً ..

صارت ضجة كبيرة ... وانا صرت صرخ وقلهن خلونا نفوتها على الأنعاش .. لا تتركوها تموت
سحبتني بيسان و زهرة لجوا وهن عم يقولولي لك اسكتي شو صرلك

فوتوني على غرفة وسكرو الباب وشربوني مي

سارة : كرمال الله خلونا نفوتها على الأنعاش

بيسان : لك سارة شو صارلك شو اول مره بتشوفي مريضه !! البنت خالصه ما فيها نفس مو شايفه كيف عم تنزف

زهرة : الله يلعنهن مريضين لو خلونا نسعفها كان لحقناها الله يلعنهن

حطيت ايدي على وشي وانا عم ابـــكي ..

ضلت زهرة عندي وطلعت بيسان لبرا لتشوف شو صار .. وسمعنا صوت سيارات الشرطة برا ..

كانت البنت ميــته و مفارقة الحياة .. والشب الي جابها عابد كان عم يصرخ و يقول للشرطة انو بدو يشكتي على المشفى

بعد تلات ايام عرفنا انو البنت اسمها لين .. طالبة تجارة سنة تالته عمرها 21 ..
وبعد الفحص الجنائي والتشريح تأكدو انها متعرضة للاغتصاب ..
#قصص_وروايات
ضجة البلد بقصة لين و جمعيات حقوق المرأة كلهن انتفضو .. صارت لين كأنها رمز لأضطهاد المرأة و ظلمها
الطريقه الي انقتلت فيها بشعه كتير ..
اعطى عابد افادتو كاملة

ضليت بالبيت شهر ما قدرت اطلع منو بنوب ، كانت صورة لين ما عم تفارق بالي ... هي مسكت فيني وانا تخليت عنا وتركتا تحت رحمة
ناس ما بتهمهن الا المصاري المصاري ... ما كان لازم خليهن يعملو الي بدهن ياه حتى لو اتقلعت
أحساس الذنب كان عم يقتلني وما قدرت اطلع منو واهلي وقفو جنبي وحاولو يواسوني
هي الحالة فتت فيها ببداية شغلي .. كانت جاية وحده وعم تولد وماتت وعاش الطفل

وقتا عشت نفس هاد الأحساس بس طلعت منو بمدة اسبوع ، اما هالمرة ما عم اقدر استوعب الي صار ..

ضلو زهرة وبيسان عم يقنعوني ارجع عالشغل لان رح يفصلوني ...

سارة : ما عم اقدر .. عم اتزكرها بس فوت لهنيك وعم غص

بيسان : خلص ولو افرطيها بئى

سارة : لك انتي شو ما بتحسي ؟!!البنت ماتت قدامنا

بيسان : ليش هيك عم تحكي معي ..الك سنة عامليتلنا دراما وفيلم هندي .. صرعتونا كلكن بلين .. خلص يا اختي
هلأ بهل ثانية هي عم تموت مية بنت نتيجة الأغتصاب و قضايا الشرف وغيرو وغيرو ..

سارة : و نحنا لازم نبطل نحس !! لازم ما نتأثر خلص؟

وقفت زهرة بيناتنا : خللللللللص شبكن شو صارلكن

سارة : مو شايفيتا كيف عم تحكي ؟ عم يتقطع قلبي على هالبنت .. ما عرفو مين الحقير الي عمل فيها هيك ؟؟

زهرة : لا ما عرفوا .. ما ضل الا يعرفو .. اصلا مين بيهمو

بيسان : هاد حكينا .. محدا بيهتم ولا حدا سائل ..
@novels_stories
التفتت علي وصارت تقنعني : يا سارة يا عمري انتي بحاجة الشغل .. ما تخربي على حالك .. خلص الله يرحمها شو طالع بايدنا نحنا ..

بعد اسبوع من هي الزيارة .. جهزت حالي ونزلت على الشغل و كنت حاملة هم رجعتي

وبس فتت استقبلوني كل رفقاتي وانبسطو بشوفتي و حسسوني شوي بالراحة ..

د.ليث : اهلين سارة وين هالغيبة ؟

سارة بخجل : اهلين دكتور

د.ليث : اهلا وسهلا برجعتك نورت المستشفى ..

و ابتسملي ابتسامة حلوة كتير و راح

كانو البنات كلهن حوالي وانا خدودي موردين وعم اضحك

عنود : شوووووووووو ياااااااااه

سها : يا عيني يا عيني المي ماشيه من تحتنا

سارة : يبعتلك قتلك منك لالها شو عم تحكو

زهرة : لك عنجد سارة شفتي كيف قلك ؟ ( نورت المستشفى )هههههههههه

سارة : تضرسو ايه ؟ .. بعدولي هيك لروح البس وبلش شغل

طلعت من بيناتهن وانا مبسوطة انو الكل لاحظ اهتمام دكتور ليث فيني .. بس شو هالهبل هاد .. هو متجوز
عادي اكيد ما قصدو شي بس هو كتير مجذب اي كلمة منو بتفرحنا هههه

بلشت دوامي بشكل طبيعي .. لقيت ام النور طالعه و الطفل اياد كمان رايح و كتيرين متخرجين من المستشفى
واهم شي انو د.عبدالله مسافر على السويد مؤتمر طبي يعني ما رح شوف وشو
@novels_stories
اول اسبوع كان صعب علي كتير وحاول ما حسس حدا بهاد الشي لان الكل قلي انو عم بالغ لهيك عملت حالي تجاوزت الموضوع

بعدين رجعت لحياتي الطبيعية ولروتين حياتي اليومي ... بس كنت عم تابع قضية لين وما كنت حس انو رح ارتاح او يهدى بالي ليمسكو المجرم الي عمل هي العملة

هيك لبعد 4 شهـــــــور على القضية .. نزل خبر من جمعية لحقوق المرأة عم يعترضو لأنو قضية لين تسجلت ضد مجهول
والمشفى تبعنا ما تحاسب لأنو ترك المريضه تموت عالباب وطبعاً هاد الشي كان متوقع لأن مو دكتور عبدالله الي بيتحاسب على شي
بس ما قدرت استوعب كيف هيك المجرم نفد بعملتو حسيت عقلي رح يطق .. كنت عند الأستقبال وانا عم اقرأ الجريدة مسكتها وعيوني حمر
والدمعه واقفه على باب عيني

وطلعت مستعجلة كان بدي ورجيها لبيسان .. وضربت بالدكتور ليث

د.ليث : شبك سارة ؟

سارة : ما بني شي ..

تجاوزتو وهرو دموعي وكملت طريقي ...

فتت عالمكتب الي فيه رفقاتي وصرت عيط وصرخ ورميتلهن الجريدة

سارة : شوووفوووو ... سجلو القضية ضد مجهول ... حتى المجرم ما مسكوه .. ما خايفين انا او انتي او هي نكون محل هالبنت المسكينة هي

زهرة : سارة وطي صوتك

سارة : ما بدي وطيه ... ما رح اسكوووت ... الكل قتلها للين .. كلكن شركاء بهي الجريمة عم تفهمو

قامت بيسان لتسكر الباب مشان صوتنا ما يطلع ..

بيسان : دكتور ليث ؟

كان واقف وعم يسمع حكينا وبس شافتو بيسان لف وشو ومشي

سكرت بيسان الباب وقعدو يهدوني لاسكوت ووطي صوتي ..

انقهرت كتير عليها .. كيف هيك راح دمها عالفاضي ، اهلها شو حسو وشو رح يعملو هلأ ...

كل عصبيتي وجناني وعياطي ما غيرو شي من الحقيقية .. حقيقة انو صبيه متل القمر .. اغتصبوها وقتلوها بطريقه وحشية
وماتت وما حدا سأل فيها ..

تعبت نفسيتي .. بلشت تدبل ملامحي ويخف نشاطي وحيوتي .. صرت حس بالأرهاق بسرعه
والملل والضجر وما كان الي خلق احكي مع اي حدا

لوقت ما مره وانا طالعه من الدوام...حسيت انو في حدا عم يلحقني ..
التفتت وراي وشفت ظل بني ادم واقف ورا الحيط ..

رجف البي وكملت طريقي ،، وقفت تكسي وطلعت فيا وانا مرعوبة وعم اتطلع وراي ...

حاسبت ونزلت وايدي عم يرجفو و طلعت ركض عالدرج ...

وبس طلعت على درج الطابق التاني .. انقطعت الكهربا عن البناية كاملة .. وما عاد شفت شي قدامي

@novels_stories

#يتبع

#قصص_وروايات ✏

#قصص_الصباح 🌞


يحكى أن هناك فى زمن بعيد خرج ملك مع وزيره متنكرين، يطوفان أرجاء المدينة، ليروا أحوال الرعية، فقادتهم الخطا إلى منزل في ظاهر المدينة، فقصدا إليه، ولماقرعا الباب، خرج لهما رجل عجوز دعاهما إلى ضيافته، فأكرمهما.

وقبل أن يغادره،قال له الملك : لقد وجدنا عندك الحكمة والوقار، فنرجوا أن تزوّدنا بنصيحة.

فقال الرجل العجوز :

لا تأمن للملوك ولو توّجوك.

فأعطاه الملك وأجزل العطاء ثم طلب نصيحة أخرى.

فقال العجوز: لا تأمن للنساء ولو عبدوك.

فأعطاه الملك ثانية ثم طلب منه نصيحة ثالثة.

فقال العجوز: أهلك هم أهلك، ولو صرت على المهلك.

فأعطاه الملك ثم خرج والوزير وفي طريق العودة إلى القصر أبدى الملك استياءه من كلام العجوز وأنكر كل تلك الحكم، وأخذ يسخر منها، وأراد الوزير أن يؤكد للملك صحة ما قالهالعجوز،

فنزل إلى حديقة القصر، وسرق بلبلاً كان الملك يحبه كثيراً، ثم أسرع إلى زوجته يطلب منها أن تخبئ البلبل عندها، ولا تخبر به أحداً. وبعد عدة أيام طلب الوزير من زوجته أن تعطيه العقد الذي في عنقها كي يضيفإليه بضع حبات كبيرة من اللؤلؤ، فسرتبذلك، وأعطته العقد.

ومرت الأيام، ولم يعد الوزير إلى زوجه العقد، فسألته عنه، فتشاغل عنها، ولم يجبها، فثار غضبها، واتهمته بأنه قدم العقد إلى امرأة أخرى، فلم يجب بشيء، مما زاد في نقمته.

وأسرعت زوجة الوزير إلى الملك، لتعطيه البلبل، وتخبره بأن زوجها هو الذي كان قد سرقه، فغضب الملك غضباً شديداً، وأصدر أمراً بإعدام الوزير.

ونصبت في وسط المدينة منصة الإعدام، وسيق الوزير مكبلاً بالأغلال، إلى حيث سيشهد الملك إعدام وزيره، وفي الطريق مرّ الوزير بمنزل أبيه وإخوته ، فدهشوا لما رأوا، وأعلن والده عن استعداده لافتداء ابنه بكل ما يملك من أموال، بل أكد أمام الملك أنه مستعد ليفديه بنفسه.

وأصرّ الملك على تنفيذ الحكم بالوزير، وقبل أن يرفع الجلاد سيفه، طلب أن يؤذن له بكلمة يقولها للملك، فأذن له، فأخرج العقد من جيبه،

وقال للملك، ألاتتذكر قول الحكيم:

لا تأمن للملوك ولو توّجوك
ولا للنساء ولو عبدوك
وأهلك هم أهلك ولو صرت على المهلك

وعندئذ أدرك الملك أن الوزير قد فعل ما فعل ليؤكد له صدق تلك الحكم، فعفا عنه، وأعاده إلى مملكته وزيراً مقربـــاً.

#صباح_الخير

#قصص_وروايات ✏

#ملائكة_الرحمة👩‍⚕

الجزء الثالث

@novels_stories

مسكت الدرابزين وخفت اوقع لان كانت الشمس غايبه وما في ضو جايه من برا ليساعدني امشي ..

فتحت شنتي وانا مرعوبة كتير وصرت دور عالموبايل وما عم لاقيه .. و فجأة حسيت كأنو عم اسمع صوت ..

وقفت حركتي تماماً و حاولت احبس انفاسي لانو كانت متسارعه ..

وبلشت اسمع صوت دعسات حدا عم يطلع على الدرج ..

رجعت لورا لوقت ما لزقت بالحيط .. و صرت حاول اطلع الدرجات وانا مستنده عالحيط شوي شوي وبدون اي صوت

كتمت نفسي و تسحبت بهدوء ... بعدا للحظة شفت حدا عم يتحرك بالعتمة وبيفصل بيني وبينو درج

بس شفت هيك قلبي ما عاد تحمل ... رجعت مسكت دربزين الدرج و طلعت بسرعه وانا عم اركض و نفسي يزيد بدون ما اتطلع وراي

و انا عم اطلع انفتح باب شقة جيرنا ...

سارة : مين الي فتح الباب ؟

ام محمود : مين ؟ سارة ؟

ركضت لعندا ومسكت فيا و باين من شكلي اني مرعوبة و ايدي عم يرجفو .. كانت ماسكة بايدها كشاف صغير

سارة : لو سمحتي اعطيني ياه

سحبتو من ايدا و وجهت الضو لوراي بسرعه لشوف مين الي كان لاحقني ..

وجهت الضو بكل زاوية .. ما شفت حدا ..

ام محمود : على شو عم تدوري ؟

نزلت كم درجة و وجهت الضو لتحت .. و شفت حركة شخص عم يركض طالع من البناية

ابو محمود : اعطيني الضو لأنزل شوف ازا نازل مقبض الكهربا تحت

سارة : لا ما تنزل ما تنزل

ابو محمود : ليش ؟

سارة : ما بعرف بس كأنو في حدا تحت

ابو محمود : ايه بكون والجيران .. اعطيني

اخدو من ايدي و انا وقفت جنب ام محمود .. طلع ابنها الصغير محمود

سارة : حبيبي فوت لجوا

محمود : ليش ؟

سارة : خلص فوت لجوا انته
@novels_stories
وفجأة ضوت البناية .. ضليت مكاني لطلع ابو محمود واطمنت عليه ، وقلنا انو قاطع الكهربا كان نازل

سارة : كيف يعني نازل .. مين نزلو ؟

ابو محمود : يمكن صار ماس كهربا وفصل لحالو

سارة : بس ما بالعاده يصير معنا هيك .. اكيد حدا نزلو

ابو محمود : ايه بيجوز .. تفضلي اختي

حطيت ايدي على راسي وانا حاسة انو دايخه ومرهقة كتير

سارة : شكراً .. لازم اطلع عالبيت

طلعت للطابق الرابع ودقيت الباب وفتت عالبيت .. بوست امي و فتت سلمت على ابي و شقيت على اختي كانت نايمة

وفتت على غرفتي بدلت تيابي وحاولت اتمدد وارتاح شوي ..

قمت وفتحت الشباك لاتنفس لان كنت حاسة عم اختنئ .. كان في برا نسمة باردة والطريق فاضي ما في عالم لان شارعنا شارع سكني ما فيه محلات

وانا عم اتطلع ما بعرف من وين طلع رجال .. و مشي بالشارع ... كان الشارع معتم شوي في بس ضو واحد بآخر الطريق

كان الوضع عادي .. بس لما وقف والتفت علي .. التفت على بيتنا و على شباكي تحديداً ..

رجعت راسي لورا شوي ..

و طفيت ضو الغرفة بايدي ..

طلع هو موبايلو وشغل الضو الي فيه ولوحلي بأيدو ..

طرقت الشباك ونزلت البرادي فوراً وحطيت ضهري عليه

سارة : ياربي شو عم يصير .. شو هاد .. يا الله

ركضت عالمغسلة وغسلت وشي .. ضلت المي شغالة وانا حاطة ايدي على حوض المغسلة وسانده راسي بين ايدي

مسكني حدا من ورا و نئزت

سارة : ييييييييييي

ام سارة : بسم الله الرحمن الرحيم .. شبك يامو ؟

سارة : امي ؟

ام سارة : ايه لك شبك بنتي ؟ والله حالتك مو عاجبيتني لا انا ولا ابوكي شو عم يصير معك ..
@novels_stories
حطيت راسي على كتفها وكان بدي ابكي بس ما بدي اشغل بالها ..

رفعت راسي وابتسمتلها

سارة : ما في شي حبيبتي بس ضغط شغل ..

التفتت لوراي وسكرت الحنفية .. نشفت وشي .. و فتت نمت عند اختي سوسن ،، حطيت حالي جنبها .. ونمت

تاني نهار صحيت متأخرة ما كان معي وقت لأتزكر الي صار امبارح ..

لبست مستعجلة واخدت معي تفاحة وانا نازلة ونزلت عالسريع .. واضطريت اخود تكسي مشان الحئ

وصلت وفتت مستعجلة

زهرة : ولك وينك

سارة : امسكي هي التفاحة كليها

كملت طريقه وفتت بسرعه لجوا لبست و جهزت حالي و طلعت ..

سارة : وينا بيسان ؟

عنود : عم تعطي إبرة للمريضه

كان لازم اعمل جولة على غرف المرضى الي انا مسؤلة عنهن .. اخدت الأوراق الخاصة بمتابعة الحالات المرضيه الي تابعين الي

وبلشت افتل على الغرف .. لقيتهن ضايفينلي غرفة رقم 24

سارة : هي الغرفة بينئزني البي منها اوووففف ما بحبا ما بحبا

خلصت ووصلت للغرفة هي وفتحت الباب وفتت وانا عم احكي

سارة : صباح الخير .. ان شاء الله تكونـــي ..
#قصص_وروايات
سكتت وما كملت حكي لما شفت أم النور بالتخت

رفعت حواجبي و صفنت فييا

بعدين رحت على الشبابيك وفتحت الستائر لتفوت الشمس على الغرفة

ام النور : ليش ما كنتي هون امبارح المسا ؟

سارة : امبارح ما كانت مناوبتي .. خلصت عالسته وطلعت من هون ،، انتي ايمت جيتي ؟

ام النور : مممم كمان عالسته ، يبدو انا فتت وانتي طلعتي

سارة : ايه هيك الهيئة ..

مسكت اوراقها الي بين ايدي وقلبتهن ..

سارة : صحتك منيحه يا خالة ..

ام النور : ايه بعرف الحمدلله .. بس حبي

ت اطمن على حالي وبدي تعملولي فحوصات شاملة و بعدين هيك حاسة جسمي عم يوجعني من كل جهة

هزيت براسي .. بمعنى انو ماني مقتنعه بحكيها

وقربت وقعدت على تختها

سارة : يا خالة ما بصير تكوني موسوسة هيك لان هاد الخوف بيجيب المرض ، بعدين حرام تدفعي مصاري بدون داعي
و المشفى غالي كتير ..

ام النور : ايييييه بلا كترت حكي انتي دافعه شي ؟

سارة : مممم لا .. ماني دافعه .. خلص لكن .. اهلا وسهلا فيكي

طلعت وانا عم اضحك انو غريبه الانسان بس يكبر كيف بصير ..

مشيت بالممر و مرق دكتور طلال وسلمت عليه ..

مرقت جنب مكتب الدكتور ليث .. ميلت راسي وضحكتلو : صباح الخير دكتور

د.ليث : سارة سارة تعي شوي لو سمحتي
@novels_stories
رجعت لورا ووقفت عالباب

سارة : خير دكتور في شي مشكلة ؟

د.ليث : تفضلي فوتي

فتت وانا مستغربة وماني متوقعه شو بدو يحكي معي ابداً

د.ليث : كيفك اليوم ؟

سارة : الحمدلله منشكر الله كيفك انت

د.ليث : الحمدلله تمام .. صحتك منيحه ؟

سارة : ايه منيحه ليش خير ؟

د.ليث : بصراحة وضعك مو عاجبني هالفترة .. قلت يمكن تكوني بحاجة مساعده او عم يوجعك شي

نزلت راسي عالأرض وما رديت ، قام هو من ورا مكتبو .. وقعد على طرف الطاولة

د.ليث : لسه مأثر فيكي ذات الموضوع ؟

سارة : ما بعرف ..

د.ليث : بهديك الليلة انا كنت نايم .. من التعب ما قدرت اصحى عالأصوات الا متأخر للاسف .. انا جد بعتزر
لو كنت موجود ما كنت سمحت بأنو يصير ذات الشي

ابتسمت وانا عم داري انكساري و وجعي : نصيبها يا دكتور

د.ليث : انا مقتنع انو نصيبها بس انتي لازم تقتنعي

سارة : ان شاء الله عم حاول .. بس الشي الي ما رح اقتنع فيه ابداً .. هو انو الي عمل فيها هالشي ما يتحاسب وانا ما
رح اسكت عن الموضوع

د.ليث : يا سارة هي ما شغلتك .. اتركيها للي اكبر منك

سارة : مين الي اكبر مني ؟ د.عبدالله ؟ على فكرة انا ماني خايفه منو .. وماني هون لاني دابحة حالي على الشغل
بس انا هون ليتسكر موضوع لين ..

رجع ورا مكتبو وفتح ملف على قدامو وحط نظارتو : موضوع لين تسكر

سارة : ما تسكر ..

و سحبت حالي وطلعت من عندو

رحت عالاستقبال لعند زهرة وبيسان وانا معصبة

سارة : اعطوني مي ..

كان وشي احمر كتير ومتوترة .. التفتت وراي .. كان الكريدور الي بودي على غرف الأطفال حديثي الولادة واقف فيه شب
استغربت انو شو موقفو هنيك وهاد مو موعد الزيارات لسه ما صار الوقت ..

قربت شوي وميلت حالي لشوفو منيح ..

كان شب طويل واشقر كتير عم يتطلع فيني ..

سارة : صبايا هاد ليش هون ؟

التفتت عليهن وانا مستغربة

سارة : مين سمحلو يفوت ؟

زهرة : مين هو ؟

ناولتني بيسان كاسة المي

سارة : لك هاد
@novels_stories
مسكت الكاسة وحطيتها بتمي والتفتت وراي وعم اشرلهن على الشب

سارة : ليكو

وقت رفعت ايدي واشرتلهن .. انصدمت انو ما في حدا ابداً

وقعت كاسة المي من ايدي ..

بيسان : سارة شبك ؟

سارة : وين راح ؟

بيسان : لك مين هو ؟

قامت زهرة وطلعت من ورا الريسبشن و وقفت جنبي واتطلعت محل ما كنت عم اشرلهن

زهرة : مين !!

سارة : كان هون !! والله كان هون !!وين راح؟؟
@novels_stories

#يتبع