#قصص_وروايات ✏

#الحصرم 🍇

#مال_الشام
@novels_stories
الجزء التاسع

ليان قعدت بالارض: مستحيل

قربت منها فاتن و ضمتها: لا تزعلي والله نبهتك منو… من الاول حاولت ابعدك عنو ما توقعت تعملي هيك و تتنازليلو عن البيت

ليان وهي عم ترجف: كلكن تركتوني ما كان الي غيرو يا فاتن، حتى انتي خنتيني

فاتن: لا والله العظيم.. انا بس حكيت مع مهند لما رجع لهون و بس سافر ما بقى حكينا، وقتا قلي انو مجبور بمرتو لانها بتصرف عليه… لهيك كنت شجعك تكتبيلو البيت فكرت برجعلي و بطلق مرتو… بس ما في بينا حكي والله و لا اتفقت معو عليكي

ليان رفعت راسها: وكيف بدي سدئك؟

فاتن: مابعرف… لحظة لحظة… في دليل… انتي مو قلتيلي عن الدهب؟

ليان: ايه؟

فاتن: لو متفقه مع مهند عليكي لنسرقك كنت قلتلو انو الدهب معك و ما بعتيه صح؟ بس مهند ما معو خبر وحتى ايهم ما بيعرف

ليان: طيب ضل شغله لسدئك… كيف قلتيلي انو ايهم و مهند متفقين سوا… شو عرفك؟

فاتن: عرفت لما نبهك ما توقعي فهمت انو طمعان هو فيكي و وقت مهند كان هون قلتلك انو حكالي كتير حكي مو منيح عنو

ليان: فاتن بدي ابني… بدي ابني مشان الله
@novels_stories
ضلت تبكي بحضن فاتن و تهديها لتاني نهار… طلعو و جابت دهبات امها باعتهن و استلمت المصاري و كان مبلغ كبير … و حاولت تدور على ايهم بكل مكان و تسال عنو ما لقتلو اثر كأن الارض انشقت و بلعتو..
ضلت شهر تدور و تحاول تعرف وينو و حاولت تعرف من الي اشترو بيت اهلها اي معلومة عن ايهم قالولها انو باعهن عن طريق مكتب عقارات و ما بيعرفو عنو شي…
بلشت ليان تخاف من نظرات تامر الي فاتن كانت ملاحظيتهن
و قررت تشغل المصاري الي معها مشان تستفيد منهن… اقترحت عليها فاتن انهن يشتركو مع بعضن و يفتحو صالون نسائي لان ليان عندها خبرة بهل موضوع… و بالفعل اشتركو سوا و استأجرو صالون بمكان ممتاز و اسسوه منيح و بلشو الافتتاح بعد اول شهرين شغل انتقلت ليان على شقه جنب شقة فاتن لترتاح من خوفها من تامر….
صارت ليان الها علاقاتها مع السيدات الي بجو عالصالون و بكل فرصة تسأل عن ايهم حتى علقت صورتو بصدر صالة الاستقبال لتحاول تستدرج اي وحده شافتو او بتعرفو …

بيوم عطلتها نزلت متل العادة تحاول تعرف شي عن ابنها… كانت راجعه الساعه 8 المسا… و بس وقفت على باب شقتها وعم تفتح بالمفتاح…
طلع تامر من الشقه عم يركض و يعيط: لياااان الحقيني مشان الله

ليان : شبك شو في

تامر: فاتن وقعت و عم تنزف

ليان ركضت عالشقه وهي مرعوبة و دفشت الباب : شو صرلها

فات تامر و سكر باب بالمفتاح و رماه لبعيد… بس سمعت ليان انو الباب تسكر وقفت مكانها وهي عم ترجف
@novels_stories
ليان: وينها فاتن؟ ليش قفلت الباب؟

تامر وهو عم يقرب منها : هيك رح ازعل منك… على اساس مابتعرفي انها بالعطلة بتروح لعند امها؟ …. بس شكلك حبيتي تفوتي لننبسط سوا

ليان: تامر… لا تقرب… لا تقرب مني… تامررر...
@novels_stories
#يـتـبـع

#قصص_وروايات ✏

#الحصرم 🍇

#مال_الشام

الجزء العاشر
@novels_stories
تامر: لك بس بوسة تعي لهوووون…

صارت تحاول تدافع عن حالها و تصرخ…

ليان: حقيررررر حقيرررررررر لك اتركني

و سمعو صوت حدا عم يدق الباب… صارت ليان تصرخ: يا عااااالم يا ناااااااس

فاتن: لك افتحولي شو عممممم يصيرررررر

بس سمع تامر صوت فاتن تركها لليان و لزق بالحيط..
ركضت ليان و صارت تحاول تفتح الباب…

ليان: فاتن افتحي من عندك الباب مقفوووول

فتحت فاتن الباب و ركضت ليان تخبت ورا ضهرها و تيابها مشقوقين…

فاتن فاتت عالبيت و هي مصدومة…

فاتن: شو عم يصير

صارت تبكي ليان من كل قلبها و تصرخ: اسالي جوووزك
اسالييييييه

قربت فاتن من تامر: شو عم يصير

تامر: هلا عم تسالي؟ … كل الوقت كنت قلك رفيقتك مو مزبوطة و هي عم تبادلني نظرات من ورا ضهرك ما كنتي تسدئيني… فاتت ع اساس بدها تسال عنك و ما شفتا الا قفلت الباب وراها

ليان: شوووووو…. لك شو عم تخبص

تامر: اخرسي يا فلتانة… حاولت اسحبها من تيابها لارميها برا البيت و انشقت الكنزة… و بس سمعت صوتك عالباب و شافتني صديتها صارت تصرخ لتعمل حالها بريئة

ليان: انت واحد حيوان فاتن لا تسدئيه هو حاول يعتدي علي

تامر: طيب انا كزاب… و انا حاولت اعتدي عليكي.. بس انا شحطتك عالبيت و فوتك غصب عنك؟ انتي فتي و بتعرفي فاتن عند اهلها… فاتن انتي مخبرتيها و لا لا

ليان: يا حيوان انت قلتلي انها
و قبل ما تكمل جملتها ضربتها فاتن كف على وشها…
@novels_stories
فاتن: ما ضللك بيت يضبك و صار بدك جوزي صح؟

ليان: فاتن!

فاتن دفشت ليان لبرا و سكرت الباب بقوة…

فاتت ليان على شقتها و صارت تبكي و تصرخ… بس هديت اتصلت على اخوها فوراً… و حكتلو كل شي و طلبت منو يحاول يعرف اي شي عن ايهم بأي وسيلة…
اخوها قلها انو رح يحاول يلاقيه بس مو مشانها مشان يربيه و ياخد حقو منو…

ضلت ليان اسبوع ما تطلع من شقتها و على امل تجي فاتن و تصالحا و تعتزر منها و بس يئست لبست و جهزت حالها و نزلت عالصالون و تفاجئت انو ما لقت صورة ايهم بصالة الاستقبال… فاتت فوراً لجوا و صارت تعيط على فاتن قدام الزباين و تعالقو ببعضن

ليان: ليش شلتيهااااا انا بدي ابني بدي ابني

فاتن: حبيبتي هاد مو شغلي الصورة مشوهة المدخل و الصالون الي فيه متل ما الك ابقي التزمي حدودك…

رضيت ليان بالوضع الجديد و بالحال الجديد الي وصلتلو…و قررت تبعد عن فاتن و تتجنبها و تضل تدور على ابنها و تلاقيه..

لوقت ما بيوم من الايام… كانت ليان عم تشتغل شعر زبونة عندها… و سمعتا عم تحكي عالجوال مع زوجها الي اسمو ايهم.ما كانت اول مره بتصير معها، و كل مره بتقول لازم تبطل تفكر انو كل شخص اسمو ايهم بكون نفسو ايهم… بس قلب الام اضعف من اي شي…
احتارت كيف بدها تسال الصبيه بدون ما تخليها تشتلق…

ليان: انا رح اتوصى فيكي احزري ليش
@novels_stories
سماح: ههههه ميرسي بس ليش

ليان: لان جوزك اسمو ايهم على اسم جوزي

سماح: عنجد شو هالصدفة

ليان: ايه والله… و احزري شو… ازا بيطلع شبهو رح اعملك الميك اب ببلاش لانو انا بعشئو لزوجي ورجيني صورتو لاحكم

سماح: ياااي…. رح ورجيكي صورتو و يارب يكون بيناتهن شبه

طلعت سماح الموبايل….: ممممم يارب يكون حظي حلو… هاد هو شوفيه
@novels_stories
#يـتـبـع

#قصص_وروايات ✏

#الحصرم🍇

الجزء الحادي عشر
@novels_stories
مسكت ليان الموبايل وهي عم ترجف وتتعرق .. و سماح تحكي معا وهي ما عم ترد
انتبهت عليهن فاتن واجت لعندهن

فاتن : خير مدام شو في

سماح : عم بحكي الست ليان وما عم ترد .. خليها تعطيني جوالي

مسكت فاتن الموبايل واعطتو لسماح : عفواً منك

كانت فاتن بدها تروح بس وقفت لما سمعت ليان شو حكت

ليان : جوزك كتير بيشبه جوزي

سماح : ييييي عنجد ؟؟

ليان : ايه والله .. بس هو مسافر لهيك مابعرف شو صرلي اشتقتلو
المهم رح اعملك الخصم الي وعدتك فيه وغير هيك رح قدملك هدية من الصالون
رح نبعتلك صبيه عالبيت تعملك بديكير ومنيكير و فل ميك اب اكتبيلي العنوان هون

ضلت فاتن ساكته لوقت ما راحت سماح .. وبعدين مسكت ليان من ايدها : شو عم تتبعزقي برزقنا ؟

ليان وهي عم تبكي : لقيت ايهم .. لقيتو

فتحت فاتن عيونا : شو ؟

ليان : ياااااا الله يا فاتن شو ربك كبير .. الظالم الو يوم
اد ما ظالم و قهر و تكبر بيجيه يوم .. شوفي كيف وقع بين ايدي .. ما خليت زبونة
ما خليت ست تعتب علي وانا اتاكد لوقت ما يئست
و بعز انهزامي وانكساري لقيتو !! بإيدي مكيجتلو مرتو
فاتن وين راح بابني .. وين راح فيه

فاتن : متاكده انو هو ؟ ليش ما سالتيها عن الولد
@novels_stories
ليان : لك اييييييييييييه شفت صورتو شفتووو بعيونيييييييييي

فاتن : طيب انا شفتك اخدتي العنوان شو بدك تعملي ؟

قعدت ليان عالكرسي : ما بعرف بس بدي جيب ابني .. لهلا ما عم انسى ريحتو
صوتو وهو عم يبكي بيرن بادني كل الوقت .. صار عمرو هلأ ست شهور ..

فاتن : انا عندي خطة

ليان : يعني رح تساعديني ؟؟!

فاتن : اه ؟ انا ... يعني .. رح ساعدك مشان ابنك

ليان : انتي بتعرفي انو جوزك هو الي اعتدى علي صح ؟ ليش ما وقفتي معي

فاتن : لو سمحتي نحنا موضوعنا ابنك .. اسمعي شو رح نعمل ..

اتفقت ليان وفاتن على خطة .. و تاني نهار جهزو حالهن و راحو على العنوان
بس وصلو انبهرو بالبيت تبع ايهم .. الجنينة الكبيرة و البيت الفخم .. و سيارة عند الباب ضلو
ناطرين حتى طلع ايهم واتاكدو انو هو و حرك السيارة ..

ليان : البي رح يوقف .. نسي اركض امسكو اكلو بسناني

فاتن : طولي بالك بس يلا تعي نفوت

دقو الباب واستقبلتهن سماح مرتو وفاتو ..

سماح : ما كان في داعي تجو تنيناتكن

فاتن : بصراحة نحنا منبعت عالبيوت تنتين مشان وحده تكون بيي سيتر
انا بهتم فيكي و ليان رح تهتم بأطفالك مشان نعرف نشتغل

سماح : اوف اول مره بسمع بهيك خدمه

ليان : ايه لان نحنا منحب نريح زباينا

سماح : واو .. رح دل كل رفقاتي عليكون

ليان : تمام وين غرفة ولادك ؟

سماح: انا ما عندي ولاد .. في ابن جوزي .. جوزي كان متزوج ومرتو ماتت
وضل ابنها غرفتو هنيك .. تعي ورجيكي وين

اخدتها عالغرفة و فوتتها وسكرت الباب و فاتن ضل
ت برا عم تمكيجها و تحاول تلهيها
مسكت ليان ابنها .. كان وشو مفتح وكبران

ليان ضمتو لصدرها : يووووه يا امي .. يا حبيب عمري انت حرمني منك

ضلت تشمو و تبوسو وبعدين رجعتو لتختو .. ومسحت دموعا وطلعت

فاتن : منيح جيتي نحنا خلصنا

ليان : اها وانا داق خلقي من الولد شكلو مزعج ما هيك مدام سماح ؟

سماح : مممممم ما بعرف ما بتعامل معو ابوه بيعتني فيه

ليان : ايوه .. طيب يلا عن ازنك

طلعو من البيت وانهارت ليان وصارت تبكي
فاتن : لك مو وقت دموعك هلأ قومي

ليان: مو مسدئة انو تركت ابني جوا ما عم سدء

فاتن : لك لياااااان قومي بقى لازم نبعد من هون و نتصل بالشرطة

ليان : يعني عملتي متل ما اتفقنا ؟
@novels_stories
#يـتـبـع

#قصص_وروايات ✏

#الحصرم🍇

#مال_الشام

الجزء 12 والأخير
@novels_stories
وقفو بعيد وضلو ناطرين تلت ساعات لرجع ايهم .. بس فات عالبيت تحركو هن على مركز الشرطة
فاتت ليان وقالت انها بدها تقدم بلاغ ضد جوزها لان خطف ابنا
قلها الضابط انو ما فيهن يعتبروها قضية خطف

ليان : ايه بعرف انا جيت لعندكن كتير وقلتولي هاد الحكي

الضابط : ايه ؟

ليان : بس انا عندي حكي جديد بدي ضيفو

الضابط : تفضلي

ليان : جوزي تاجر مخدرات .. و قبل ما خلف هددني ازا ما بساعدو ببع البضاعه
رح ياخد مني ابني ، ولما رفضت فعلاً هاد الي صار ما توقعتو يعملها

الضابط : شو هالحكي انتي عرفانه حالك شو عم تحكي

ليان : ايه والله يا سيدي .. وهاد عنوان بيتو

الضابط : انتي بتعرفي شو عقوبة البلاغ الكاذب ؟

ليان : طبعاً بعرف .. انا بس بدي ابننننننني

قدم الضابط بلاغ لقسم جرائم المخدرات وطلب من ليان تضل موجده عندو ليتأكدو
بعد نص ساعه رن الهاتف ورد الضابط ..

ليان : شو صار؟

الضابط : حكيك مزبوط لقينا ببيتو مخدرات بكميات كبيرة بتدل على انو تاجر ومو مجرد متعاطي

ليان : الحمدلله يا ربي اخيراً ظهر الحق .. و ابني ؟

الضابط : بتعرفي بيتو بتقدري تروحي تاخديه لانهن شحطوه .. بس بدك بالأول تقدمي بلاغ
وتوقعي على شهادتك الي شهدتيها

ليان : طبعاً انا جاهزة ..

خلصت ليان كل شي وطلعت لعند فاتن الي كانت ناطريتها برا
و رجعو على بيت ايهم فتحتلهن سماح وهي عم تبكي ..
دفشتها ليان وفاتت عالغرفة
اخدت ابنها وفاتن فهمت
سماح انو هاد الولد ابن ليان وانهن اجو مشان يتأكدو و شرحتلها ع مهل
انو خطفو من ليان وهي بالمستشفى وانها بس اجت مشان تشوفو وتروح بس لما سمعو انو ايهم
طلع بيتاجر بالمخدرات خافو عالولد واجو ياخدوه .. وهيك اتطمنو انو سماح كمان ما تشك فيهن
طلعت ليان فوراً ضبت شنتايتها و اخدت جواز سفرها و حجزت على اوكرانيا
تاني نهار وضلت على اعصابها لوقت ما صار موعد طيارتها

فاتن : ديري بالك على حالك

ليان : وانتي كمان .. ازا صار شي لا سمح الله خبريني

فاتن : لا تخافي ما رح يصير شي التهمة لازقتو بالأخص بعد شهادتك ، ما في اي شي
يخلي حدا يشك فينا .. لا تخافي

ليان : قبل ما روح بس بدي اسألك .. انتي بتعرفي انو انا مظلومة وجوزك اعتدى علي صح؟

فاتن : من وقت شفت تيابك مشققة عرفت

ليان : لكن ليش هيك عملتي ؟

فاتن : انا بعرف انو تامر حقير ووافقت عليه بس لاتزوج
كنت هبلة كتير ولازم اتحمل نتيجة قراري .. كان لازم سايرو
واعمل حالي مسدئتو مشان حافظ على زواجي ... ما بدي صير مطلقة

ليان : لا تفكري هيك .. لا تكوني ضعيفة متلي الكل قسي علي وظلمني لان ما عرفت دافع عن حقي
وقت الي بدك تطلقي والحقيني ... منرجع نبش شغلنا هنيك
@novels_stories
فاتن : رح تروح طيارتك ... استعجلي

سافرت ليان لعند اخوها .. اول اسبوعين شافت ايام متل السم عندو وعند مرتو
بعدين فاتن بعتتلها حصتها من الصالون و بشرتها انو التهمة ثبتت على ايهم
لانهن لقو بدمو نسبة مخدرات وكحول .. و انحكم ست سنين لان تهتمو تحولت لتعاطي مخدرات
ما قدرو يثبتو عليه تهمة تجارة مخدرات

بلشت ليان تشوف كيف اخوها متل الذليل لمرتو وهي الي بتصرف عالبيت
و بلشت تفهم ليش كان بلا رحمة وبلا اخلاق معها ، لان حياتو جحيم وذل مع مرتو
اخدتو على جنب واعطتو المصاري الي معها وقالتلو انها مستعده تشتغل وتصرف عالبيت
بس بشرط يعيش ابنها معزز مكرم و يحميهن و يكون سند الهن
@novels_stories
قويت عين مهند على مرتو و احتدت الأمور بيناتهن وكترت الخناقات بشكل كبير
بالأخص بعد ما بلشت ليان تشتغل وتصرف عالبيت وسهام انكسرت عينها ..

تعرفت ليان على شب من جنسية غير عربية .. وصار يهتم فيها كتير لوقت ما تقدم لخطبتها ... خبرتو ليان
بكل قصتها وطلبت منو وقت لتمشي بموضوع طلاقها وكلت محامي ليرفع قضية
خلع على ايهم ... و كسبتها بسبب تهمتو .. وخلال تلت شهور حصلت على طلاقها غيابي
وارتبطت بجيمي .. الشب الي حبها و تعلق فيها
دعم موهبتها و شجعها كتير ... و كانو متكاملين وكل منهن همو يسعد التاني
وحب ابنها كتير ودللو .. و جابت بعدو تلت بنات
بس خلصت مدت حبسو لأيهم طلع من السجن و تهجم على فاتن
ليعرف وين ليان واشتكت عليه فاتن وخلوه يكتب تعهد انو ما يتعرضلها مره تانيه
ومرتو طلبت الطلاق كمان وتخلت عنو واخدت أملاكو لان كان كاتبلها مقدم ومأخر كبير كتير
وبسبب الحالة الي وصللها صار فعلاً يتعاطى مخدرات ويروجلها و رجع فات عالسجن بعد فترة
@novels_stories
كبرو ولاد ليان وصار ابنها شب متل الوردة ..
فات عليها وهي قاعده وحاضنه خواتو وعم تحكي معن

سوسن : يعني انا شو توحمتي علي لما كنتي حامل ؟

ليان : انتي توحمت بفريز لهك جيتي حلوة

سمر : وانااااااااا

ليان : انتي بعسل لهيك طلعتي بتجنني

هيا : وانا وانا

ليان : ههههههه انتي توحمت فيكي على فلافل

فات سعيد وباسها من خدها : وانا يامو ع شو توحمتي فيني ؟

ليان : ااا

خ يا امي .. انت خص نص توحمت فيك على حصرم

سعيد : ولي حمض تمي شو هالوحام هاد شدتو ليان من خدو : لو تعرف شو عزبتني

سعيد : لو تعرفي شووووو بحببببببببببك
@novels_stories
#تمت

انتهت قصتنا للمبدعة مال الشام ....

#الحصرم 🍇

القصة راااائعة وممتعة ومشوقة .....

مارأيكم متابعينا بها عجبتكم ولا لا؟؟


شاركونا هنا.....
@NovelsStoriesBot

.
اعلان القصة...
.

#قصص_وروايات ✏

قصة ما قبل النوم 💤

قصة عن مزارع قديم كان يملك أعدادا هائلة من النخيل.. وكانت من بينها نخلة يحبها ويحسده أهل القرية على جودة تمورها.
وخلال عامين متتاليين سطا عليها لص يسرقها قبل ليلة واحدة من موعد قطافها. وبسبب دقة توقيت السارق أيقن أنه احد جيرانه الذين يتجمعون لديه كل ليلة لشرب القهوة.
وفي السنة الموالية تعمد الحديث عن سرقة النخلة وكرر على مسامعهم انه سيجنيها في اليوم الفلاني (وكرر الموعد أكثر من مرة).. وقبل حلول الموعد بليلة جهز بندقيته وبات خلف ربوة صغيرة في مزرعته بانتظار السارق ليرديه قتيلا..
ولم يطل انتظاره كثيرا حيث حضر رجل يتوكأ على عصاه لم يتبين ملامحه في البداية.. ولكن حين اقترب أكثر أصيب بالذهول والصدمة كونه لم يكن غير جاره الأعمى "أبو سعد". ومن فرط الفضول تخلى عن بندقيته وقرر البقاء ليرى كيف يمكن لرجل أعمى أن يسرق نخلة باسقة الطول...
أما ابو سعد فتحسس طريقه نحو النخلة وأخرج حبلا لفه حولها ثم ربطه خلف ظهره (بحيث أصبح هو والجذع ضمن دائرة الحبل) وبدأ يتسلق بالطريقة التقليدية المعروفة . واستمر بالصعود حتى اصطدم رأسه بسعف النخلة فعرف انه وصل الى القمة فأخذ يقطع عراجين التمر ويرميها على الارض.. وحين انتهى نزل بنفس الطريقة وجمع الغلة وذهب لبيته..
عندها استخسر فيه المزارع ثمن الرصاصة (وخسارة سمعته بقتل رجل أعمى) فقرر الانتقام منه بطريقة ماكرة، وهكذا كتم حقده سنة كاملة حتى حان نفس الموعد من العام القادم فتحدث في مجلسه أمام ابو سعد عن موعد القطاف وقال "عسى أن تسلم النخلة هذا العام من سارقها". وفور حلول الظلام سبق جاره الأعمى إلى نخلته العزيزة وقطع رأسها بنفسه فأصبحت جذعا بلا رأس ثم ذهب إلى بيته ونام ملء جفنيه.
وفي صباح اليوم التالي (خمنوا ماذا حصل) تسلق الاعمى النخلة بطريقة لف الحبل المعروفة واخذ يصعد ويصعد حتى خرج الحبل من أعلى الجذع (حيث لا سعف في الأعلى يوقفه) فسقط على قفاه ميتا فعرفه كل الجيران!!
عجبا من طول صبره وكتمان سره وحسن استقباله لأبي سعد طوال هذه الفترة!!
لكنه أحمق قطع نخلته لأجل ان ينتقم ولو أنه فكر لوجد أكثر من طريقة

#تصبحون_على_خير

#قصص_وروايات ✏

#قصص_الصباح 🌞

كان في إجازة فى مصر، انتهت اجازته و ركب الطائرة عائدا إلى بلده.. بجانبه إمرأة مصرية مسنة من الفلاحات، هي إمرأة بسيطة وطيبة القلب.. فى الطائرة قاموا بتقديم وجبات الطعام ومع كل وجبه قطعة " جاتوه "..

المرأة المسنة فتحت قطعة " الجاتوه " و بدأت تأكلها بقطعة خبز ظناً منها أنها قطعة جبنة بسبب اللون الأبيض.. و عندما اكتشفت أنها " جاتوه " شعرت بإحراج شديد و نظرت إلى الرجل الذي بجانبها، فتظاهر بأنه لم يرَ ما حصل .. ثوان قليلة، قام بفتح قطعة " الجاتوه " و قام بما قامت به المرأة المسنة تماما فضحكتْ المرأة.. فقال لها " الله يهديكي يا حجة ليش ما قلتيلي انها جاتوه مو جبنة " فقالت المرأة " و انا كمان ياابني كنت فاكراها جبنه زيك" ثم ضحك الاثنان..

هو فعل ذلك عمدا حتى يتجنب إحراجها و لكي تكمل طعامها بشكل طبيعي..

حاول أن تعود نفسك على تقبل فكرة أنه ليس كل الناس تعرف معلومة ما لمجرد أنك أنت تعرفها، فما تفترضه أنت من البديهيات هو أمر مجهول عند غيرك و بعض ما هو مجهول عندك هو بديهي عند الناس سواء كان معلومة او طعاما او غيره.. و المواقف الكثيرة تثبت ذلك!

حاول أن لا تجرح أحداً و ابذل جهدك لكي توصل لهم فكرة أنك مثلهم لا تعلم و قم بتوصيل الفكرة أو المعلومة بطريقة جميلة وخالية من الإحراج..

فصدقوني لا شيء أجمل من جبر الخواطر 🌹

#صباح_جبر_الخواطر