قصص وروايات✏

#مكتوب_لي_أحبك ♥
#قصص_روايات

الحلقه 18 و 19

بسمه:صباح الفل ياقمر كنتي بتدوري عليا ولا ايه
مي:اه عايزه اسألك عن حاجه
بسمه:اسألي
مي:تعرفي ايه عن العلاقه الي كانت بين سلمي وزياد
بسمه:مفيش حاجه اصلا بين سلمي وزياد
مي:انا بتكلم عن السنه الي فاتت مش دلوقتي
بسمه:مي بلاش تدوري في القديم
مي:لو سمحتي يا بسمه قوليلي الي تعرفيه
بسمه:طب ما تسألي زياد
مي:ماهو قالي
بسمه:امال عايزه تعرفي ايه
مي:عايزه اسمع منك
بسمه:انتي مش مصدقاه يعني
مي:لأ مصدقاه بس حسيت انه خبي حاجات عني يعني مقالش كل حاجه
بسمه:بصي انا وسلمي اتعرفنا علي زياد في الجواله وبقينا صحاب مع الوقت بقيت اشوفه مع سلمي كتير وفي مره خرجنا احنا التلاته نتغدي سوي،،حسيت ان هيبقي فيه حاجه بينهم وفعلا سلمي قالتلي انهم بيحبو بعض
مي:يعني زياد كان بيحبها
بسمه:معرفش هو مقالهاش بحبك قدامي بس معاملته ليها في الاول كانت كويسه جدا اي حد يشوفهم مع بعض طبيعي يقول انهم مرتبطين
مي:بس هو قالي انه محبهاش وانها طلعت اشاعه بالكلام ده
بسمه:جايز..الله اعلم
مي:لو حبها مكنش هيسيبها اكيد كان بيتسلي
بسمه:وده الاحتمال الاكبر
مي:فاكره يوم رحله اسكندريه يا بسمه
#قصص_وروايات
@novels_stories

بسمه:اه طبعا ده كان يوم جامد
مي:واحنا بنلعب كرسي الاعتراف مروان سأل زياد سؤال محيرني اوي..قاله انت ليه كل البنات الي تعرفها تقول انك بتحبهم وزياد رد وقاله محصلش
بسمه:انا مش فاهمه انتي شاغله دماغك بكل ده ليه
مي:متحاوليش تغيري الموضوع انا عايزه اعرف كلام مروان حصل فعلا ولا محصلش زي ما زياد قال
بسمه:حصل يا مي
مي:مين غير سلمي
بسمه:مش عارفه
مي:امال قولتي حصل ليه
بسمه:انا كنت بشوفه مع بنات كل واحده مبتاخدش اكتر من اسبوع واقلب علي الي بعدها،، مره واحده تسيبه ومره هو الي يسيبها...هبل يعني من الاخر
مي:انتي ازاي ماتحكيليش عن الحاجات دي قبل كده
بسمه:ملهاش لزمه اننا نتكلم فيها اصلا دي حوارات فاكسه اوي يعني
مي:ملهاش لزمه ازاي ده انا ممكن اطلع زي اي بنت من البنات دي بالنسباله يقضي وقت فتره وبعدين خلاص
بسمه:لأ زياد بيحبك..شباب كتير بيعرفو بنات بس لما بيحبو بجد كل حاجه في حياتهم بتتغير وبيبعدو عن القرف ده كله
مي:وسلمي ذنبها ايه كسر قلبها وهي بتحبه
بسمه:يابنتي سلمي هي الي رمت نفسها عليه وكانت لازقه ل زياد طول النهار وكانت مبسوطه مهماش هو نيته ايه المهم انه معاها وبس
مي روحت بيتها وفضلت تفكر في كلام بسمه كتير مبقتش عارفه تعمل ايه وكذا سؤال في بالها
ياتري زياد بيحبها ولا بيعتبرها زي سلمي وغيرها من البنات الي كان على علاقه بيهم؟؟
كل اهتمامه وتصرفاته معاها دي تمثيل ولا بجد ؟؟
ايه الصح الي المفروض تعمله؟؟
وبعدت شويه عن زياد لحد ما تاخد قرار وفعلا قفلت موبايلها ومراحتش الكليه
زياد اول ما شاف جهاد سألها عن مي
زياد:جهاد مي فين
جهاد:في البيت
زياد:بقالها يومين مش بتيجي الكليه وموبايلها مقفول انا هموت من القلق عليها
جهاد:يعني انت متعرفش السبب
زياد:سبب ايه
جهاد:ليه خبيت عليها يا زياد كان المفروض تحكيلها كل حاجه حصلت في حياتك بصراحه صدقني مكنتش هتزعل
زياد:انتي بتتكلمي عن ايه انا خبيت ايه بالضبط
جهاد:موضوع سلمي مثلا
زياد:يخربيت سلمي واليوم الي عرفتها فيه
جهاد:ومش بس سلمي غيرها بنات كتير
زياد:قصدك اني واد صايع بتاع بنات مش كده
جهاد:تقدر تدافع عن نفسك
زياد:ممكن تفهميني مي عرفت ايه بالضبط ومين الي قالها
جهاد:ده الي هامك
زياد:رودي علي سؤالي لو سمحتي
جهاد حكتله كلام بسمه
زياد:بصي انا مش هنكر الي بسمه قالته حصل فعلا
جهاد:يعني كنت بتكدب علي مي
زياد:لأ مكدبتش
جهاد:بس خبيت حاجات كتير
زياد:اه خبيت تفاصيل لو كنت قولتها كان هيحصل مشاكل بيني وبين مي انا طول الفتره الي فاتت بحاول اكسب ثقتها
جهاد:ودلوقتى الثقه دي اختفت لما تعرف منك احسن ماتعرف من بسمه او من اى حد تاني
زياد:جهاد صدقيني كل القرف الي كان في حياتي قبل ما اعرف مي اختفي..لاني بحبها اوي ومش هقبل انها تبعد عني
تاني يوم
مي راحت الكليه بس فضلت قاعده تحت مطلعتش للمحاضره
مروان:مي قاعده هنا ليه
مي:مستنيه جهاد
مروان:بس جهاد كانت في المحاضره فوق
مي:هي المحاضره خلصت
مروان:اه مانا حضرتها انتي بقي قاعده كده ليه قولي الصراحه
مي:اصلي اتخنقت من البيت وفي نفس الوقت مش عايزه اشوف زياد
مروان:مش فاهم حصل ايه مع زياد تاني
#قصص_وروايات
@novels_stories

مي:مروان تعرف ايه عن زياد
مروان:من ناحيه ايه
مي:كل حاجه
مروان:هو فيه ايه يا مي
مي:طيب هسألك بطريقه تانيه،،كانت ايه علاقاته مع البنات قبل مايعرفني
مروان:اديكي قولتي قبل ما يعرفك مالك انتي بحياته قبل ما يعرفك
مي:مروان بليز ريحني
مروان:ماشى هقولك كل حاجه بالتفصيل
مي:ياريت
مروان:تعرفي آية
مي:اه زياد حكالي عنها آية اول حب في حياته
مروان:بالضبط،،كان بيحبها ايام تالته ثانوي بس مكملوش مع بعض لأ

2.9K views10:42