ها !

عدي: سامحيني هناء ، انا مستعد اعمل اي شي مشان تسامحيني ... والله ما خطرلي توصل لهون م

ا عم نام الليل ما عم اقدر اكول ولا كمل حياتي سامحيني

ام مراد : عدي ، الشغله مو بهل بساطة ... انت لو ندمان عنجد كان عملت شي وحكيت الحقيقه

عدي : لك محدا سمعني !! اهلي سكتوني ودفعو لبيت عمي الصلحة وانمنع اي حدا يفتح الموضوع بعد هديك اللحظة

ام مراد : بس هلأ رح ينفتح الموضوع ، مراد روح جيب مروان لهون .. بالرضى بالغصب بتجيبو وبتجي ... بسرعه

مراد : ماشي ...

راح مراد وتأخر لوقت ما رجع هو ومروان ... ما قدرت حط عيني بعينو من قهري ... حكو قدامي وعدي خبرو كل شي وقلو انو مستعد يواجه عهد بهاد الحكي ويثبت برائتي قدام الكل بس المهم سامحو

عدي : انت ابن خالي ، عرضك هو عرضي .. وشرفك هو شرفي ... وهالمخلوقه اخت رجال من وقت ما حطت رجلها بهل بلد ما شغنا منها غير العفة و الأخلاق والكل بيشهدلها
وانا صحيح حرامي .. وصحيح ماني متعلم ولا ابن مصلحه ... بس يشهد علي ربي ما خطرلي بيوم غبر على شرفك ! .. كنت محتاج مصاري مشان ما فوت السجن هاد كل شي ...

مروان : لك ليش ما حكيت !! هلأ جاي تقول هالحكي ؟؟؟؟؟؟ بعد ما صارت سمعت مرتي سيرة على كل لسان ؟ بعد ما نخرب بيتي وطلقتها و تشردو ولادي بدون ام ! لك هلأ جاي تحكي !!

عدي : ماحدا سألني .. ماحدا سمعني .. ما حدا اعطاني فرصه انتو الي قررتو تتهموها وتصدقو التهمة

التفت علي مروان وحط ايدو على جبينو ... تنهد و لمعت الدمعة بعيونو : خجلان قلك اسف !!

هناء : ما بدي تقلي شي .. بدي ولادي يا مروان

مروان : رح ترجعي لولادك وبيتك ولجوزك معززة مكرمة

هناء : لأ !

ام مراد : هناء

هناء : امي ازا بتريدي .. انا بس بدي ولادي

مروان : حقك .. حقك ..

هناء : جيبلي ياهن هلأ ..

مروان : هلأ صعب ... اعطيني وقت
@novels_stories
___
___
@novels_stories

رجعنا على بيتنا وبعد جمعة لحقنا مروان والاولاد معو ... كان مكسور وما عم يعرف يحكي كلمتين على بعض
بعدين خبرنا انو حكى لاهلو كل شي و اخد عدي خلاه يواجه عهد ويعترف بكل شي .. بس بيت عمي انكرو ورفضو يسدئو مشان ما يرجعو المبلغ الكبير الي اخدوه
ومشان ما ينخرب بيت عهد ويسمع جوزها ... ومشان ما ترجع الناس تحكي بالسيره بعد ما نسيوها .. وحلف انو رح يغضب علي ازا برجعك على ذمتي

هناء : كيف يعني ؟ العالم ما عرفت انو انا بريئة لهلأ ؟

مروان : امبلى .. انا حكيت للكل وعدي حكى ما عم نسكوت بس اهلي عم يلفلفوها

هناء : لك ليش !!!!!!! انا بنت اخوه من لحمو ودمو !!

مروان : هناء كل الي صار ذنبي انا .. ما حدا بينلام غيري

هناء : بتعرف شو ؟ حسبي الله ونعم الوكيل فيك وباهلك وبمرت اخوك .. المهم ولادي بحضني ما عاد بدي منكن شي ولا عاد بدي شوفك

قمت مشان فوت على غرفتي .. لحقني ومسك ايدي : استني شوي بدنا نحكي

هناء : ليش ضل حكي ؟

ام مراد : هنا اقعدي وهدي حالك .. احكو وتفاهمو على مهلكن وانا رح حضر لقمة ناكلها

تركتنا امي لحالنا وقعدت انا ومروان ... ضل يعتذر مني

هناء : شو نفعو هالحكي ؟ ما السيد الوالد رح يغضب عليك ازا رجعتني

مروان : لهيك انا جيت لهون ... رح عيش انا وياكي و الاولاد هون .. ما عاد رح نرجع ع لبنان
@novels_stories
____
____

بلش مروان شغل بمصلحتو و كان جايب معو مصاري .. سندنا حالنا و رجعنا بلشنا من الصفر مع بعض
انا حاولت انسى الي صار وسامحو وهو حاول ينسى مشاكلو مع اهلو ويسعدني مع انو كانو يستغلو كل فرصة وكل طريقه ليبعتولو انو جابلهن العار و انو لسه عندو فرصه يرجع لعندهن وبيسامحوه، بس ماضعف ولا لحظة بالعكس كنت عم شوف منو حنية ومحبة اكتر من اي وقت سبق... لدرجة قدر يخليني انسى الجرح و اوثق فيه من جديد .. وهيك الحياة مشيت لوقت ما بلشت الحرب ..

يتبع ....
@novels_stories

#قـــــصــــص_وروايــــات ✏

#كيفك_انت❓

الجزء الرابع و الأخير

@novels_stories
[بتذكر آخر مرة شفتك سنتا

بتذكر وقتا آخر كلمة قلتا

وما عدت شفتك

وهلّق شفتك

كيفك إنت ملّا إنت]
@novels_stories
لما بلشت الحرب ... بلش الخوف يتسلل لقلوبنا ... وصرنا نحسب ونفكر شو مخبيه الأيام الجايه ؟... انتقلنا على الشام لان مروان كان موعود بشغل
وبالفعل أول خمس شهور كانت الأمور ميسرة وعايشين .. بعدين بلشت الحياة تعاكسنا والشغل يتعسر .. صار مروان يشتغل يوم ويقعد اسبوع
بعدين اصحاب الشغل سكرو وسافرو برا البلد .. ورجع يدور على شغل تاني .. انتقلنا لمنطقة تانيه واشتغل بيومية قليلة كتير ما كفتنا أجار بيت
ضبينا اغراضنا ورجعنا لعند أمي مضينا عندا تلات شهور وبيوم صحيت متل العادة جهزت يوسف للمدرسة وعملتلو عروسة زعتر
وعملت قهوة وصحيت مروان لنقعد مع بعض بحديقة البيت ..

نطرتو لوقت ما غسل و لحقني لبرا .. كان الجو حلو والسما صافيه ومزاجي كتير رايق .. حطيت ايدي على الأرض جنبي : بتتذكر لما كنت قاعد هون وقت جيت خطبتني ؟
هز براسو وابتسم بدون ما يجاوب .. ضحكت ورجعت اشرتلو : ولا لما كنت واقف هون وانا كنت بدي زت حالي وموت هههههه .. بتعرف لما شفت ملامحك حسيت الدنا كلها ضحكتلي وانو لسه فيني حس بأبي موجود

مروان : شبك على هالصبح ؟
هناء : انو ما بعرف .. زعجتك شي بكلامي ؟
مروان : لا .. بس عم تصعبي علي الموضوع
هناء : انو موضوع ؟
مروان : هناء انا اخدت قراري
هناء : قرار شو ؟
مروان : رح ارجع على لبنان
هناء : بس اهلك ما بدن ياني كيف بدنا نرجع !
مروان : لا مو انتي .. بس انا رح روح وبتبقي انتي و الاولاد هون
هناء : كيف !!
مروان : اسمعي ، انا ما فيني ضل صهر بيت وقاعد عند مرت عمي عم تصرف علينا اكل وشرب .. شغل بهل بلد ما عم لاقي حاسس حالي كتير صغير
عم استحي اكول لقمة الأكل .. هيك ما بيمشي الحال
هناء : بتقوم بتتركني وبتفل !!
مروان : لك شو اتركك يا مجنونه .. شو عم تخبصي
هناء : انا ما حكيت شي انت الي عم تقول !!
مروان : ما خليتيني كفي كلامي ! .. انا رايح بيع البيت الي تعبنا فيه .. نسيانه تعبك وشقاكي لتعمر هالبيت ؟ بدي روح بيعو و جيب مصاريه وجيب دهبك وبيع الأثاث وكل شي بقدر عليه وارجع
منفتح مصلحه ..

صفنت شوي وانا محتارة ، ما عم اعرف ازا هالفكرة منيحه او لأ .. مسكلي ايدي وحط ايد على خدي : ما تخافي ، ما بتأخر عليكي رح اعمل كل شي بسرعه وارجعلكن

هناء : طيب بروح معك

مروان : والاولاد ؟ ما بنتركو بهل وضع و ما حلوه تحملي امك المسؤولية لحالها

هناء : مو قلت ما رح تتأخر ؟ منخلص كل شي سوا ومنرجع

مروان : لا حبيبتي .. ازا اخدتك معي رح كون بقصه وصير بقصه .. مو رايق ابداً لأي مشكلة

هناء : ايمت بدك تروح ؟

مروان : هالأسبوع ازا الله راد .. مو متحمل هالوضع ابداً ..
@novels_stories
_
_

ودعني انا والاولاد ورجع وعدني ما يتأخر علي وسافر .. بس وصل حكيني فوراً وطمني انو وصل بالسلامه .. وبعدا انقطعت اتصالاتو وما عاد عرفت اوصلو
أسبوع .. تنين ... تلاته ... واتصل فيني مروان يخبرني انو ما عم يقدر يبيع البيت لانو مبني على أرض باسم عمي .. وعمي شرط عليه يتجوز ليخليه يبيع البيت
قلي ما خاف ... طلب مني دير بالي على الأولاد وهو رح يحل المشكلة ويرجعلي ! لك وانا سدئت !
وبعد اسبوع واحد ... تجوز مروان ... حسب ما سمعت تزوج بنت اسمها لارا عمرها 16 سنه وحلوة كتير ... وباع البيت وطلع هو وياها شهر عسل .. ونسي هناء .. و اولاد هناء ... وقلب هناء الي احترق !

كنت كل يوم أصحى على امل يرجعلي ... ازا تخلى عني معقول يتخلى عن اولادو !! بعد سنة من الضياع ردو علينا بيت عمي وخبرونا انو لارا حامل و مروان مشي بأوراق الطلاق رح ينهي كل شي بشكل رسمي ويبعتلي اوراق طلاقي مشان صير حرة
وسألوني ازا بدي الاولاد او يبعتو حدا ياخدهن هن بيربوهن !

تطلقت وعيوني ما عاد شافو النوم .. كنت كل الليل ضل قاعده عم فكر .. هاد الأنسان الي تركت كل شي ورحت لعندو .. امنتو على قلبي و حالي و سدئت حكيو و وعودو وهيك كان المقابل ! اشتغلت متل الرجال كانت الشمس فوق راسي من الصبح للمغيب وانا قول معليش
المهم يصير عندنا بيت ونخلص من المشاكل ، انظلمت وسامحت .. و رجعت وقفت معك وتحملت ظلم اهلك .. انا بشو غلطت ! ليش تخلى عني بهل وقت الصعب !

بلشت الحياة تقسى علي اكتر ، وامي ما عادت حمل مصروفي انا و اولادي بهل أزمة وبلشت تنق لابعت الاولاد لابوهن .. وانا اترجاها ما تظلمني متل ما الكل عمل معي ، بس خلصت العده تفاجأنا بعدي عم يتقدم لخطبتي
و وعد امي يربي ولادي متل ولادو وانو هو حابب يعوضني عن الظلم الي شفتو ويكفر عن غلطو
بس رفضنا لأن بهل شغله بثبت حكي العالم على حالي وبكمل كل حياتي بسمعة بشعه ! ..

هيك لتقدملي فريد ، رجال بيقرب لأمي من بعيد .. عمرو 42 سنة عندو ولدين ومنفصل عن مرتو
رفضت بدون ما فكر بس امي وقفت بوشي وجبرتني على هالزواج .

. حاولت قاوم بس بالأخير حطتني قدام خيارين

اما ببعت ولادي لبيت جدهن
او بتزوج فريد وهي بتربيهن عندا وهيك ما بنحرم منهن ..

انجبرت اتزوج ، وفريد كان وضعو المادي منيح تكفل بمصاري ولادي عند امي وما حرمني روح شوفن بأي وقت بدي ياه
وانا ربيت ولادو بعيوني سعرهن بسعر ولادي وشوي شوي بلش فريد يحبني ويتعلق فيني ويقلي انو بيتمنى لو كنت انا مرتو الأولى لا قبلي ولا بعدي
@novels_stories


#بعد_ست_سنين
@novels_stories
هناء : فريد الغدا على الطاولة انا اخدت سكبة ورايحه لعند امي وطعمي الاولاد بيحبو الكبة بلبنية كتير ... عبود معي .. ما بتأخر برجع قبل المغرب
فريد : ازا بدك اتصلي خلي امك تجيب الاولاد ويجو بيتغدو عندنا
هناء : والله هيك كنت بدي اعمل بس اتصلت على امي شي عشر مرات وما كانت ترد .. والها يومين مابعرف شبها بتحكيني بدون نفس وبتتهرب مني
خليني روح واطمن بلا ما يضل بالي مشغول ، بدك مني شي قبل ما اطلع ؟
فريد : لا بس ديري بالك عالطريق وطمنيني لان انا كمان انشغل بالي.. وانتبهي على عبود ما تتركيه تنام عند ستو رجعيه معك
هناء : ايه شو فيها الصبي متعلق بأخواتو ... يلا رح امشي بخاطرك

مشيت انا وعبود -ابني من فريد- وهو عم ينط ويلعب وانا ما الي خلق و حاسه جسمي كلو مخربط ومتوترة .. استعجلت بمشيي و عيطت على ابني ليهدا وما يعذبني
وصلت على البيت ودقيت الباب اكتر من مره ... اجت مها وفتحتلي الباب

هناء : امي وينها ستك من الصبح عم اتصل وما بترد

قلبت شفايفها وتنهدت .. كانت نظراتها غريبه فيهن زعل و قهر

هناء : مها شبك ؟

مها : فوتي وشوفي مين في جوا

هناء : مين في ؟ امسكي من ايدي ..

نزلت عبود عالأرض واعطيتها صحن الأكل وفتت مستعجلة .. فتحت باب البيت : امي شو عم يصـيــ ـ ـ

شهقت كأنو شفت جن او شيطان ... انربط لساني وفكرت حالي عم اتوهم ...

مروان : هناء !

تطلع بأمي وهي تطلعت فيه .. بعدين اجت لعندي وحطت ايدها على كتفي بشفقه : انتي شو جابك هلأ بنتي ؟

ضليت عم اتأملو ... ما تغير كتير ... صار بيشبه أبي اكتر ... وفي خصل شعر بيضا بشعرو وبدقنو .. لابس قميص مخطط اسود وازرق ولونو باهت و بنطلون قماش اسود
و السيجارة قدامو على الطاولة وجنبها فنجان القهوة ..
ويوسف وخلود قاعدين بعيد عنو وعم يتطلعو بالأرض ..

هناء : مروان ؟

مروان : انا بس جيت اطمن على الأولاد .. اشتقتلهن كتير

هناء : بس الأولاد بفكروك ميت !

مروان : انتي قلتيلهن انو ميت ؟

هناء : لا ابداً ... هن دايماً بيحكو لستهن انو اكيد بابا مات لهيك ما بيجي لعندنا ...

ام مراد : ما بصير هالحكي قدام الاولاد .. رح اخدهن لجوا

راحو يوسف و مها وخلود وعبود مع امي لجوا .. وبقيت انا وياه عم نتطلع ببعض وما حسيت الا دموعي عم ينزلو على خدي
@novels_stories
مروان : انا اسفه ، بس اهلي لعبو براسي وقتها ... جابو لارا على بيتنا و كانت بنت بتجنن ... جمالها سيطر علي
ضعفت !

هناء : ما بدي اسمع شي ... ما في داعي للمبررات !

مروان : هداك الصبي ابنك ؟

هناء : اي .. ابني

مروان : كتير بيشبهك

هناء : ايمت وصلت ؟

مروان : امبارح بالليل ... جيت شق ع الاولاد وشوف ازا بعازتهن شي ومسافر

هناء : ما رح وصيك فيهن لانو بيضلو ولادك ... شوي شوي عليهن ولا تفرض حالك وتئذيهن
@novels_stories
رجعنا نتأمل بعض وكل الذكريات مرقت براسي متل شريط السينما .. كل شي من اللحظة الأولى للنهاية .. وشو بتمنى لو باللحظة الأولى رميت حالي وما مريت بكل هالتجربة
ندهت لعبود ... مسكت ايدو وطلعت راجعه على بيتي .. رجلي عم يمشو لحالهن بس عقلي مو معي ابداً

فتت على البيت ورميت حالي على الكنبايه ...

فريد : اهلين بالبطل شو رجعتو بسرعه .. شو هناء شبك في شي ؟
هناء : _ _ _
فريد : هناء شو صاير معك شو في !!

هناء : اه ! .. شبك ؟

فريد : شو صاير معك ؟

هناء : شو صاير معي ولا شي ؟

فريد : ليش رجعتي بسرعه !

هناء : ما رجعت بسرعه لأ ... بس تناقرت انا وامي هيك متل العاده يعني ..

فريد : انتي منيحه ؟
@novels_stories
تطلعت فيه والدمعه بعيوني : ما بعرف .. انا منيحه ؟

فريد : تعبانه شي ؟

هناء : اي فريد .. تعبانه .. تعبانه كتير .. ضمني !

ضمني لصدرو وصار يطبطب على ضهري ... وانا قلبي رح يوقف ... وفيروز ما عم تهدا وهي تغني براسي بصوت عالي .. عالي كتييييييييييييير
@novels_stories
(( كيفك قال عم بيقولوا صار عندك ولاد

أنا و الله كنت مفكّرتك برّات البلاد

شو بدّي بالبلاد

الله يخلّي الولاد

إي كيفك إنت ملّا إنت

بيطلع عبالي

إرجع أنا وياك
إنت حلالي
إرجع أنا وياك

أنا وانت ملّا إنت

بترجع؟ ع راسي

رغم العِيَل والناس

إنتا الأساسي

وبحبك بالأساس

بحبك إنت ملّا إنت ))..

أنا هناء.... وهي الحكاية كانت حكايتي....

انتهت 📖

@novels_stories

خلصت القصة القصيرة

#كيفك_انت ❓

عجبتكم 😍

ولا لا 👎

ولا ما قريتوا 😄

شاركونا رأيكم بالقصة في بوت القناة

@NovelsStoriesBot

...

اعلان القصة

#كيفك_انت ❓

..

#قـــــصــــص_وروايــــات ✏

قصة ما قبل النوم 💤

ﺧﺮﺝ ﺃﺣﻤﺪ ﻭﻫﻮ ﺷﺎﺏ ﻳﺒﻠﻎ ﻣﻦ ﺍﻟﻌﻤﺮ 25 ﻋﺎﻣﺎ ﻣﻦ ﺑﻴﺘﻪ
ﺑﻘﻤﻴﺺ ﺟﺪﻳﺪ ﺍﺷﺘﺮﺍﻩ ... ﻭﻫﻮ ﻓﻲ ﺍﻟﻄﺮﻳﻖ ﻗﺎﺑﻞ ﺻﺪﻳﻘﻪ
ﻓﺄﺑﻠﻐﻪ ﺑﺄﻥ ﻟﻮﻥ ﺍﻟﻘﻤﻴﺺ ﻏﻴﺮ ﻣﻨﺎﺳﺐ ﻟﻠﺒﻨﻄﺎﻝ ﻭﺭﻏﻢ ﺍﻗﺘﻨﺎﻉ
ﺃﺣﻤﺪ ﺑﺘﻼﺋﻢ ﺍﻷﻟﻮﺍﻥ ﻟﻜﻨﻪ ﻋﺎﺩ ﻟﻴﻐﻴﺮ ﺍﻟﺒﻨﻄﺎﻝ ﻭﻳﺨﺘﺎﺭ ﻟﻮﻧﺎ
ﺣﺴﺐ ﺇﺭﺷﺎﺩﺍﺕ ﺻﺪﻳﻘﻪ ﻓﺎﻟﻴﻮﻡ ﻣﻬﻢ ﺟﺪﺍ ﻷﻥ ﻫﻨﺎﻙ ﻣﺆﺗﻤﺮ
ﺳﻨﻮﻱ ﻓﻲ ﺍﻟﺸﺮﻛﺔ .
ﺃﻧﻬﻰ ﺃﺣﻤﺪ ﻟﺒﺴﻪ ﺍﻟﺠﺪﻳﺪ ﻭﻫﻢ ﺑﺎﻟﺨﺮﻭﺝ ﻟﻴﺰﻭﺭﻫﻢ ﺍﺑﻦ ﻋﻤﻪ
ﻭﻳﻠﺘﻘﻲ ﺑﻪ ﻋﻠﻰ ﺍﻟﺒﺎﺏ .. ﻓﺄﺧﺒﺮﻩ ﺑﺄﻥ ﺗﺴﺮﻳﺤﺔ ﺷﻌﺮﻩ ﻏﻴﺮ
ﻣﻨﺎﺳﺒﺔ ...
ﻋﺎﺩ ﺃﺣﻤﺪ ﻭﻧﻈﺮ ﻓﻲ ﺍﻟﻤﺮﺁﺓ ﻭﺭﻏﻢ ﺇﻋﺠﺎﺑﻪ ﺑﺸﻌﺮﻩ ﻟﻜﻨﻪ
ﻗﺮﺭ ﺗﻐﻴﻴﺮﻫﺎ ﻟﻴﺮﺿﻲ ﺍﺑﻦ ﻋﻤﻪ ﻭﻳﻀﻤﻦ ﻋﺪﻡ ﻭﺟﻮﺩ ﺷﻲﺀ
ﺧﺎﻃﻰﺀ ﻳﻔﺴﺪ ﻋﻠﻴﻪ ﺍﻟﻴﻮﻡ ﺍﻟﻤﻬﻢ ...
ﻭﺻﻞ ﺃﺣﻤﺪ ﺍﻟﻌﻤﻞ ... ﻭﻫﻨﺎﻙ ﺗﺤﺪﺙ ﻣﻊ ﺍﻟﺰﻣﻼﺀ ﻭﺟﺮﺏ
ﺃﻣﺎﻣﻬﻢ ﺍﻟﻌﺮﺽ ﺍﻟﺘﻘﺪﻳﻤﻲ ﺍﻟﺬﻱ ﺳﻴﻠﻘﻴﻪ ...
ﻓﻲ ﺍﻟﺘﺠﺮﺑﺔ ﺍﻷﻭﻟﻰ ﻛﺎﻥ ﺭﺍﺋﻌﺎ ﺟﺪﺍ ﺑﺘﻠﻘﺎﺋﻴﺘﻪ ﻭﺣﺮﻛﺘﻪ ﺍﻟﺘﻲ
ﻟﻢ ﺗﻜﻦ ﻓﻴﻬﺎ ﺷﻲﺀ ﻣﻦ ﺍﻟﺘﺨﻄﻴﻂ ﻭﺇﻧﻤﺎ ﺻﺎﺩﺭﺓ ﻣﻦ ﺍﻟﺬﺍﺕ
ﺍﻟﻮﺍﺛﻘﺔ ...
ﺍﻧﺘﻘﺪﻩ ﺑﻌﺾ ﺍﻟﺰﻣﻼﺀ ...
ﻃﻠﺒﻮﺍ ﻣﻨﻪ ﺗﻐﻴﻴﺮ ﻧﺒﺮﺓ ﺻﻮﺗﻪ ﻗﻠﻴﻼ ...;
ﻃﻠﺒﻮﺍ ﻣﻨﻪ ﺗﻐﻴﻴﺮ ﺣﺮﻛﺎﺕ ﻳﺪﻩ ...
ﺃﻃﺎﻋﻬﻢ ﺟﻤﻴﻌﻬﻢ ....
ﻭﺻﻞ ﻭﻗﺖ ﺍﻟﻤﺆﺗﻤﺮ ... ﺧﺮﺝ ﻭﺃﻟﻘﻰ ﺍﻟﻌﺮﺽ
ﺍﻟﺘﻘﺪﻳﻤﻲ ...
ﻋﺎﺩ ﻟﻠﺒﻴﺖ ﻭﻣﻌﻪ ﺗﺴﺠﻴﻼ ﻟﻌﺮﺿﻪ ﻟﻴﺸﺎﻫﺪﻩ ﻭﻳﻔﺘﺨﺮ ﺑﻪ ...
ﻓﺘﺢ ﻛﻮﻣﺒﻴﻮﺗﺮﻩ .. ﺑﺪﺃ ﺑﻤﺸﺎﻫﺪﺓ ﺍﻟﻌﺮﺽ ﺍﻟﺨﺎﺹ ﺑﻪ ...
ﺟﻠﺲ ﺑﺠﺎﻧﺒﻪ ﺃﺧﻮﻩ ﺍﻟﺼﻐﻴﺮ ﻟﻴﺸﺎﻫﺪ ﺃﻳﻀﺎ ...;
ﻓﺴﺄﻟﻪ ﺃﺧﻮﻩ ﺑﺘﻠﻘﺎﺋﻴﺔ : " ﻣﻦ ﻫﺬﺍ ﺍﻟﺮﺟﻞ ﺍﻟﺬﻱ ﻳﺘﻜﻠﻢ ...";
ﺻﻤﺖ ﺃﺣﻤﺪ ﻛﺜﻴﺮﺍ ... ﻫﻮ ﺧﺮﺝ ﺑﺠﺴﺪﻩ ﻟﻜﻨﻪ ﻟﻢ ﻳﻜﻦ ﻫﻮ
ﻣﻦ ﻳﺘﻜﻠﻢ ... ﺑﻞ ﻣﺰﻳﺞ ﻣﻦ ﺃﺭﺍﺀ ﺍﻟﻨﺎﺱ!!
ﻋﺮﻑ ﺃﺣﻤﺪ ﺃﻧﻪ ﻟﻢ ﻳﻌﺪ ﺃﺣﻤﺪ ﻭﻣﻦ ﺣﻖ ﺃﺧﻴﻪ ﺍﻟﺼﻐﻴﺮ ﺃﻥ
ﻻ ﻳﻌﺮﻓﻪ ...!ﺃﻧﺖ ﻣﺠﻤﻮﻋﺔ ﻣﻦ ﺍﻷﺷﻴﺎﺀ ﺍﻟﺼﻐﻴﺮﺓ ﻓﻼ ﺗﺤﺎﻭﻝ
ﺇﺭﺿﺎﺀ ﺍﻟﻨﺎﺱ ﺑﻜﻞ ﻫﺬﻩ ﺍﻷﺷﻴﺎﺀ ﻷﻧﻚ ﺳﺘﺼﺒﺢ ﺷﺨﺼﺎ ﺃﺧﺮ
ﻓﻤﻦ ﻟﻢ ﻳﻌﺠﺒﻪ ﺷﻌﺮﻙ ﺳﻴﻌﺠﺒﻪ ﻋﻴﻨﺎﻙ ... ﻭﻣﻦ ﻟﻢ ﺗﻌﺠﺒﻪ
ﻧﺒﺮﺓ ﺻﻮﺗﻚ ﺳﺘﻌﺠﺒﻪ ﻓﻜﺮﺗﻚ ...ﻻ ﺗﻐﻴﺮ ﻣﺎ ﺩﻣﺖ ﻣﻘﺘﻨﻌﺎ
ﺑﻤﺎ ﺃﻧﺖ ﻋﻠﻴﻪ
!ﻣﻦ ﺃﺟﻤﻞ ﺍﻟﺤﻜﻢ ﺣﻮﻝ ﻫﺬﺍ ﺍﻷﻣﺮ : " ﺇﺫﺍ ﺃﺭﺩﺕ ﺃﻥ ﺗﻜﻮﻥ
ﺃﺻﻴﻼ ﻓﺤﺎﻭﻝ ﺃﻥ ﺗﻜﻮﻥ ﻧﻔﺴﻚ ﻷﻥ ﺍﻟﻠﻪ ﻟﻢ ﻳﺨﻠﻖ ﺷﺨﺼﻴﻦ
ﻣﺘﻤﺎﺛﻠﻴﻦ ﺗﻤﺎﻣﺎ....

#قـــــصــــص_وروايــــات ✏

قصة ما قبل النوم 💤

بينما كان أحد رجال الأعمال، سائرا بسيارته الفارهة في إحدى الشوارع، ضرِبت سيارته بحجر كبير من على الجانب الأيمن، نزل بسرعة من السيارة ليرى الضرر الذي لحق بها، ومن الذي فعل ذلك .. وإذ به يرى ولدا يقف في زاوية الشارع، وتبدو عليه علامات الخوف والقلق .. إقترب الرجل من الولد، وهو يشتعل غضبا .. فقبض عليه دافعا إياه إلى الحائط وهو يقول : يا لك من ولد جاهل، لماذا ضربت هذه السيارة الجديدة بالحجر؟ إن عملك هذا سيكلفك أنت وأبوك مبلغا كبيرا من المال ..
إبتدأت الدموع تنهمر من عيني الولد وهو يقول: " أنا متأسف جدا يا سيدي .. لكنني لم أدر ما العمل، لقد أصبح لي فترة طويلة من
الزمن، وأنا أحاول لفت انتباه أي شخص كان، لكن لم يقف أحد لمساعدتي .. "
ثم أشار بيده إلى الناحية الأخرى من الطريق، وإذ بولد مرمي على الأرض، ثم تابع كلامه قائلا : إن الولد الذي تراه على الأرض هو أخي، إنه مقعد ولا يستطيع المشي بتاتا، وبينما كنت أسير معه، وهو جالس على كرسيه، إختل توازن الكرسي، وإذ به يهوي في تلك الحفرة .. وأنا صغير، ليس بمقدوري أن أرفعه، مع أنني حاولت وحاولت كثيرا .. أتوسل إليك سيدي، هل لك أن تساعدني على رفعه ؟ لقد أصبح له فترة من الزمن هكذا، وهو خائف جدا .. ثم بعد ذلك افعل ما تراه مناسبا ..
لم يستطع الرجل أن يمتلك عواطفه، وغص حلقه، فرفع الولد من الحفرة وأجلسه في كرسيه، ثم أخذ محرمة من جيبه، وبدأ يضمد بها الجروح التي أصيب بها الولد من جراء سقطته في الحفرة ..
بعد انتهاءه، سأله الولد، والآن، ماذا ستفعل بي من أجل السيارة ؟
أجابه الرجل ... لا شيء بني .. لا تأسف على السيارة ..
لم يشأ الرجل أن يصلح سيارته الجديدة، مبقيا تلك الضربة تذكارا عسى ألا يضطر شخص آخر أن يرميه بحجر لكي يلفت انتباهه !!

إننا نعيش في أيام، كثرت فيها الإنشغالات والهموم، فالجميع يسعى لجمع المقتنيات، ظنا منهم بأنه كلما ازدادت مقتنياتهم، إزدادت سعادتهم أيضا.. بينما ينسون الله كليا ..
إن الله يمهلنا بالرغم من غفلتنا لعلنا ننتبه .. فينعم علينا بالمال والصحة والعلم ... ولا نلتفت لنشكره .. يكلمنا ... لكن ليس من مجيب .. ينبهنا بالمرض أحيانا، وبالأمور القاسية لعلنا ننتبه ونعود لجادة الصواب.
ماذا ينفع الإنسان إن ربح العالم كله وخسر علاقته مع الله ؟
إن الإنسان يتحسب لأمور كثيرة !! فسياراتنا مؤمن عليها.. وبيوتنا مؤمنة .. وممتلكاتنا الثمينة نشتري لها تأمينا ..
لكن هل حياتك الأبدية مؤمنة ؟
فهل أنت منتبه ؟
أم تحتاج إلى حجر ....؟

#تصبحون_على_خير

جديدنا....

روايـــة #اول_لقاء_مايشبة_حالنا_الحين

#اللهجة: يمنية

#الكاتبة: سارة

#عدد_الأجزاء: ١٦ جزء

​ #نوعها :
#حب😍 . #فراق. #حزن😭

اتمنى لكم قراءة ممتعة....

قناتنا....

@novels_stories

...


مين الي حط 👎🏽 قريت الرواية وما عجبتك عشان تحط 👎🏽 .... ولا لأنها يمنية ؟!!!.... التنوع بالهجات حلو مو كل القصص بتكون سورية ....

اللي حط 👎🏽 يكتب السبب هنا

@NovelsStoriesBot