شكون شافي عليها

وفي النهاية..

توحشت لابورس تاع جويلية وأوت 😔

اللَّهمَّ صيِّبًا نافعًا.

هذا دوا حوسنا عليه في قسنطينة وباتنة وميلة مالڤيناهش.. والمريض بحاجة ماسة إليه، ڤالولنا بلي كاين فالكاك هنا في سطيف

عيشكم أي واحد يقدر يوفرولنا ولا عندو طريقة نتواصلو معاهم يبعثلي هنا وأجركم على الله:

@daamiisophiaisgonnabetheshityeah

هذوين عرفت لاه كان يهبطلكم المورال كي نحطلكم ريزيمي فالكافي وتلڤاو فيه 7 صفاحي معمرين 🥲🥲

وش رايح يترجمهملي ضكا 😭

كَتَبَ سَلمَان الفَارِسِيّ -رَضِي اللهُ عَنه- إِلىٰ أَبِي الدَردَاءِ -رَضِي اللهُ عَنه- كِتَاباً يَقُولُ فِيهِ :

«أَمَّا بَعدُ، فَإِنَّكَ لَن تَنَالَ مَا تُرِيدُ إِلّا بِتَركِ مَا تَشتَهِي، وَلَن تَبلُغ مَا تَأمُل؛ إِلّا بِالصَبرِ عَلىٰ مَا تَكرَه، فَليَكُن قَولُكَ ذِكرًا، وَصَمتُكَ فِكرًا، وَنَظَرُك عِبرَة، وَاعلَم أَنّ أَعجَزَ النَاسِ مَن أتْبَع نَفسَهُ هَوَاهَا وَتَمَنّى عَلىٰ الله، وَأنّ أكْيَسَهُم مَن أَتعَب نَفسَهُ وَعَمِلَ لِمَا بعدَ المَوت.»

أصدقاء الدوزيام راكم هنا 😔✨؟

نهدرو اليوم على الدوزيام وكيفاه تكون طريقة الدراسة فيها:

🌠 نظام التَّدريس:

رايح يكون Système unitaire يعني كل شهر رايحين تقراو وِحدة وتعڤبو الكونطرول تاعها
الوِحدة يكون فيها أربع 04 موديلات تقراوهم مع بعض بالتوازي وفي ربعة:
-Anatomie
-Histologie
-Physiologie
-Biochimie/ Biophysique

وبعد شهر تعڤبو الكونطرول تاعهم كامل مع بعض في يوم واحد
رايح يكون عندكم خمس 05 وَحدات:
-L'appareil cardio-respiratoire
-L'appareil digestif
-L'appareil uro-génital masculin
-L'appareil endo-genital féminin
-L'appareil nerveux

مدة كل وِحدة فالمتوسط رايحة تكون شهر وكاين لي تكون أكثر ولا أقل على حساب عدد الدروس فيها
بعدها كي تخلصو هذ الوَحدات رايحين تقراو زوج موديلات متفرقين على بعضاهم في نهاية العام مهومش تابعين لحتى وحدة ولي هوما:
-Genitique
-Immunologie

🌠Anatomie:

--

رايحين تقراوها عند أربع 04 أساتذة كل بروف عندو مجموعة تاع دروس رايح يقريهم:

•البروف حمدان:
كامل تعرفوها وقريتو عندها فالبروميار ig دروسها واضحين ومنظمين وشرحها هايل وأسئلتها تكون نسخ لصق من الكور تاعها ديراكت بلا زيادة ولا نقصان

•البروف تشير:
دروسو ساهلين والأسئلة تاوعو من الكور ديراكت، بصح الكور كي يبعثولكم رايح يكون عبارة عن مقالة مكتوبة بلا رسومات.. ويبعثلكم الرسومات وحدهم في كور وحدوخر.. أي واحد ميحبش يقرا أناطو عالأقل ميفرطش فليكور تاوعو خطركش أسئلتو مضمونين وساهلين ديما

•البروف بوصوار:
تشرح مليح بصح الكور تاعها فالعادة يكون فارغ فيه غير رسومات برك تڤعد فاللومفي تتعمق فيهم وتشرحهم (تزرب بزاف 🥲) تسما لازم تاسيستيو عندها ولا تسمعو ليفوكو تاوعها.. الأسئلة تاوعها فالعادة صعاب ويحتاجو تكونو قاريين ليكور تاوعها مليح باه تقدرو تجاوبو

•وأخيرا البروف سعدي ✨💫:
هو الريسبونسابل تاع الأناطومي فالفاكيلتي تاعنا، الشرح تاعو أسطوري بأتم معنى الكلمة يشرح بعقلو ويعاود المعلومة كثر من مرة باه تحفظوها.. ويمد أمثلة من الواقع ويهدر بزاف على les cas cliniques لي تتلاڤاو بيهم غالبا فالمستشفى..
أهم حاجة فيه أنو ينقص بزااااف من الكور تاعو وما يقريكمش كلش.. ويزيد معلومات وشرح من عندو ويحاسبكم عليهم فالكونطرول تسما لازم تاسيستيو عندو ولا تسمعو ليفوكو تاوعو.. ليفوكو تاوعو فالعادة يكون قصار ميفوتوش ساعة خطركش يختاصر بزاف ويمد غير الصح بلا تفاصيل زايدة والأسئلة تاوعو يكونو مبنيين على هدرتو ديراكت، يعني أي واحد ياسيستي ويتبع معاه ويفهم الشرح تاعو رايح يقدر يجاوب عليهم

🌠 Histologie:

في بداية كل إينيتي رايحين تقراو معاها كور تاع Embryologie قبل ما تقراو ليسطو تاعها،
رايحين تقراوها عند ثلاث 03 أساتذة:

•البروف عواطي:
هي الريسبونسابل تاع الموديل، ليكور تاوعها فالعادة مهومش منظمين يعني تحتاجو تاسيستيو عندها ولا تسمعو ليفوكو تاوعها، ساعات تزيد معلومات من عندها خارج الكور وتحاسب عليهم فالكونطرول.. أسئلتها صعاب شوي وتركز بزاف عالديطاي دونك خصكم تكونو قاريين عندها مليح باه تقدرو تجاوبو

•البروف عجيسي:
الإيسطو تاع الصح كامل تقراوها عندها هي برك 😭 تقريهالكم على الأصول وتشرحلكم أدق التفاصيل تحسو رواحكم بيولوجي
كوراتها طوال ومعمرين بالديطاي بصح كي تاسيستيو عندها راهي تڤوللكم على واش تركزو ووش رايح يطيح فالكونطرول
أسئلتها فالعادة يكونو مبنيين على واش ڤالتلكم رايح يطيح تسما ركزو معاها كي تكون تشرح

•البروف دقسي 🩵✨:
كوراتها قصار وساهلين، إذا كور فيه مثلا 30 ديابو كي تنحيو الرسومات يوليو 10 ديابوات
وشرحها مليح وواضح وتسقسي غير من الكور تاعها بلا زيادة وأسئلتها مضمونين ما تراطيوهومش
مليحة كي تسمعو الفوكال تاعها لأنها تختصر عليكم بزاف في عوض ما تقراو على الكور تاعها ديراكت

🌠 Physiologie:

كل إينيتي عندها البروف تاعها..
كارديو وديجاستيف قرانا فيها نفس البروف لي هو بن سواڤ بصح هو خرج يعني تسما ضك يقريكم في بلاصتو وحدوخر..
إيرو وأوندو قراتنا البروف بوشيحة وفالنورو قراتنا البروف بلوز وجا في بلاصتها البروف رمضاني بعدما دات كونجي وكاينة البروف عجيري

•البروف بوشيحة:
تشرح من الكور برك وأسئلتها ساهلين نسخ لصق من الكور تاعها، ما تحتاجوش تعبو رواحكم بليفوكو تاوعها لأنو ليكور لي تبعثهم فدرايف برك كافيين.. تحتاجو ساعات أنكم ديرولهم ملخصات برك خطركش شوية مهومش منظمين هذا مكان

•البروف بلوز:
كوراتها معمرين بالديطاي وطوال بزاف تحسو رواحكم تقراو للريزيدانا بصح الشرح تاعها مليح وواضح وتفهمو عندها لأنها تشرح بعقلها وتعاود الشرح تاعها باه تفهمو.. وتڤوللكم وش رايح يطيح فالكونطرول وعلى واش تركزو وأسئلتها مباشرة وساهلة ومضمونة

•البروف عجيري:
عندها زوج كورات برك فالنورو مع تيدي ديرولكم فاللومفي
تشرح مليح وتفهم والأسئلة تاوعها شوي صعاب خصكم تكونو قاريين عندها مليح باه تقدرو تجاوبو
الكور لي تبعثو كافي ووافي يعني ما تحتاجوش تسمعو ليفوكو تاوعها خطركش جيب الأسئلة تاوعها من الكور بلا زيادة

🌠Biochimie/ Biophysique:

على حساب الإينيتي يكون الموديل الرابع سواءً بيوفيزيك ولا بيوشيمي..
البيوفيزيك تقراوها فالكارديو والنورو والباقي تقراو فيهم بيوشيمي

1- Biophysique:
تقراوها فالكارديو عند البروف بلڤط أسئلتو ساهلين ويعاود ليكسيام وشرح تاعو مليح وهايل
ساعات ميحبش يخدم بالمايك تسما ما تسمعو والو دونك لازم تسمعو الفوكال تاعو باه تفهمو

أما فالنورو حنا في عامنا قريناها ثاني عند بلڤط بصح العوام لي فاتو قراوها عند البروف ڤشي

2-Biochimie:
ليبروف تاوعها ميخلاصوش وكل كور وكل إينيتي كاين بروف جديد لدرجة منيش شافية شكون قرانا فيها 😔✨

🌠Génétique/ Immunologie:

تقراوهم مع اللخر تاع العام كي تخلصو النورو وكل وحدة تعڤبو الكونطرول تاعها وحدها كي تلحڤو ليهم ونهدرو عليهم بسك مزال الحال 😃✨

أما بخصوص TD/TP حنا في حالة برومونا عطاونا تيبي واحد كل شهر تاع أناطومي نديروه فاللابو كيما كنا فالبروميار

وكاين TD تاع Physio ديما نديروهم فاللومفي كلي كور ومكانش الغياب بسبب العدد الهائل تاعنا

في حالتكم نتوم احتمال متكونش نفس الطريقة لي قرينا بيها حنا بسك عددكم راهو قليل مقارنةً بينا حنا