🔴 تم فتح موقع التحويلات الخاص بالطلبة القدامى .
https://progres.mesrs.dz/webetu/login.xhtml

نهدرو اليوم على مرض جلدي شائع بزاف ويقدر يڤيس أي شخص فينا مهما كانت الحالة تاعو لكن في حالة مرضى السكري les diabétiques وسيرتو في منطقة القدم رايحة تكون الإصابة بيه خطيرة وتستدعي تدخل طبي عاجل..


هذا المرض هو La cellulite ✨:

الجلد عند الإنسان تعيش فيه بكتيريا طبيعية بشكل مسالم وما تسبب فيه حتى مشاكل، لكن إذا دخلت للجسم تاعو وتكاثرت فيه من الداخل هنا رايحة تولي عندنا مشكلة ولي هي La cellulite ✨.

هذ البكتيريا فالحالة العادية متقدرش تتخطى حاجز الجلد وتعڤب من خلالو داخل الجسم إلا في حالة وحدة ولي هي وجود جراح، كيما راكم تشوفو فالصورة كاين جرح في منطقة الكاحل هو لي كان البوابة لي خلالها هذ البكتيريا قدرت تدخل

وطبعا بعد دخولها رايحة تستقر في طبقة l'hypoderme فالجلد وتبقى تتكاثر داخلها والجسم رايح يدير ضدها استجابة مناعية لي تسبب فيما بعد احمرار وانتفاخ وألم شديد في منطقة الإصابة


فهذ الحالة العلاج رايح يكون بالمضادات الحيوية les antibiotiques بشكل مستعجل سي نن رايحة تنتشر العدوى أكثر وتوصل حتان باقي الأعضاء، وفي بعض الحالات نقدرو نوصلو لاستئصال المنطقة المصابة

يعجبوني هذو لي يدخلو وثمثم جيهم الندمة ويخرجو

اللَّهمَّ صيِّبًا نافعًا 🤲🏻🥹..

1. أول حاجة: قواعد البقاء في الحريق 3-30-3::

•3 دقايق:  بدون هواء نظيف = اختناق 
•30 ثانية: باش تدخلي تحت الدخان 
•3 خطوات برك: اخرج - ازحف - غطي

2. إذا كنت محصور في مؤسسة/منزل والنار قربت:؛

أ. كيفاش تتنفس وتحد من الدخان؟
الدخان هو لي يقتل قبل النار.

1. قصي قارورة مياه من الوسط، عمريها ماء، وغطي بيها الأنف والفم. القماش المبلل أحسن.
2. ازحف: الهواء النظيف يكون على ارتفاع 30سم من الأرض. "ازحف تحت الدخان"
3.  بلل أي قماش:  وغطي الأنف والفم. لو كاين خل ولا ليمون نقطة صغيرة تساعد على التنفس.
4.  سد الفتحات دير مناشف مبللة تحت الباب والنوافذ باه ما يدخلش الدخان وين كاين تجمع الناس
5.  روح للغرفة لي فيها نافذة وافتحها شوية:  لوح من النافذة قماش أبيض ولا ضو تاع الهاتف باه يعرفو بلاصتك.

ب. كيفاش تحد من انتشار النار؟
1.  سكر الغاز والكهرباء من القاطع الرئيسي
2.  بعد أي حاجة تشعل: قارورات غاز، ورق، بلاستيك من الباب والنوافذ
3.  بلل الأبواب والجدران: بالمياه إذا قدرت
4.  ما تفتحش الباب :  إذا كان سخون. النار وراه.

3. إسعاف الناس بالترتيب "مبدأ الفرز السريع"

الأولوية 1: لي يتنفس وما يمشيش :
1.  الاختناق بالدخان: خرجه للهواء النقي فورا(إذا وجد )   أو حطه على جنبه. فك الأزرار وتأكد من أنه يتنفس.
2. الحروق : بردها بمياه جارية 15 دقيقة. ما تنحيش اللباس اللاصق. غطيها بقماش نظيف مبلل.
3.  الإغماء: حطه على ظهره ورفد رجليه لفوق 30سم باه الدم يطلع للرأس والقلب.

الأولوية 2: لي يمشي ويعيط :
هذو لباس. عطيهم خدمة: "نتي لمي المناشف المبللة" "نتي عسي على الصغار"
الشغل ينحي الهلع.ويخفف البكاء

الأولوية 3: لي ما يتنفسش:
1.  تأكد الطريق الهوائي مفتوح: ميل الرأس للخلف ورفد الذقن
2.  تنفس اصطناعي إذا تعرف. إذا لا، دير ضغطات على الصدر فقط 100 ضغطة/دقيقة

4. أفكار بديلة للهلع ونقص الأكسجين

1.  "دائرة التنفس": لموا الناس في دائرة، واحد يقود: شهيق 4ث - حبس 4ث - زفير 4ث. هذا ينظم النفس وينحي الهلع الجماعي.
2.  الصوت:  بصوت منخفض اذكرو الله. الصوت الموحد يهدي وينحي الهلع
3.  قسمو المهام: كل واحد عنده دور ما يبقاش يخمم في الخوف. واحد يعس الباب، واحد يبلل القماش...
4.  الهاتف: طفيوه ولا ديره في وضع الطيران باه البطارية تكفي للاستغاثة.

5. أهم 3 أرقام لازم تتصل بيهم ضرك:
1.  الحماية المدنية: 14
2.  الدرك: 1055
3.  الشرطة: 17

عطيهم: "المكان بالضبط + عدد المحصورين + كاين مصابين ولا لا"

ملاحظات ذهبية
•ما ترجعش: داخل المبنى على جال حاجة
•الأطفال وكبار السن أولا: في الخروج
•ما تشربش بزاف ماء دفعة وحدة لو كنت مختنق

"انزل للأرض، بلل وجهك، واستنى الحماية"

ربي يسلمهم ويحفظهم

#منقول

وجدو صاك خبيو فيه كواغط وحوايج ضرورية كيما اللابتوب والصوارد والذهب واللبسة


وشارجيو تيليفوناتكم متخليوهومش يهبطو بزاف فلاشارج ولي عندو power ben يشارجيها ويخليها احتياط وفليكسيو هدرة وأنترنت باه لا قدر الله تقدرو ديرو مكالمات عاجلة

وثاني الما كي يڤرب الحريق ليكم خرجوه برة توال الباب باه ميروحش هكذاك والناس تقدر تستفاد منو

الحالة راهي متعجبش ربي يستر 😭💔

1 September

جماعة الدوزيام متحسبونيش نسيتكم 🥹🩵

راني نترجم فلينوت لي درتهم طيلة هذ العام مع الشرح بالدارجة وأكيد هذ المرة بالصور وهوية بصرية جديدة 🤌🏻✨.. علابيها راني غايبة على القناة هذ الفترة بسبب الانشغالات

وراني هدرت مع البروف سعدي ڤالي بلي مهوش رايح يبدل المعلومات لي مدهم العام لي فات يعني تقراو على هذ لينوت ونتوم متهنيين ورايحين تلڤاو فيهم هدرتو بالحرف الواحد مع وش ركز ووش رايح يطيح فالكونطرول بإذن الله 💫

نبسّط الطب، نفهمه، ونستعد للامتحان معًا 🩺📚
We're here to make medicine easy ✨
MedClaire🩺
Simplifying 2nd Year Medicin
https://t.me/medclaire2enyear

⏳..

وشبيه هذاك لي خايف مالك مخلوع أخويا

WIP 💫:

Stay tuned 🩵🤌🏻

شكون شافي عليها