أول مولد عڤب عليا فحياتي ما شفتش فيه هذاك النقاش تاع هل يجوز الاحتفال به أم أنه بدعة

الجيريا ايز هيلينج

أفهمو رواحكم 🤌🏻

سلام جماعة خصني واحد يعرف وش هوما التعيارات لي مالفين يديروهم كامل فاللابو سونطرال تاع CHU لي علابالو يكونطاكتيني

@daamiisophiaisgonnabetheshityeah

شححح بردلي ڤلبي وكبدي وليسطومة والمصور تاعي

أيا مالا نحكيلكم هذي ونروح:

مكانش عندي سطاج مي رحت consultations في سارفيس وحدوخر وكانت ثما الطبيبة تعرفني بلي externe ونسطاجي ثما فالـCHU.

المهم كانو مدايرين لاشان ونا كنت معاهم بلا لابلوز تسما منبانش بلي Médecine طول.

الطبيبة لي كانت حاكمة الـConsultation هذاك نهار كانت résidente كي شافت المريض لي عندها ڤالتلو نعڤبك على maître assistant يزيد يتأكدلك مليح وهذي حاجة اعتيادية كاينة فجميع الدول وحتى الدول المتقدمة أنو الأطباء يشاورو بعضاهم ويتبادلو المعلومات.

مالا مالين هذ المريض ڤاعدين يهدرو ويڤولو الطبة يخدمو بلا ضمير ويتمسخرو بالمريض لدرجة لازم يشوفو لي كثر منهم باه يتأكدو تالمو ميعرفوش يخدمو.

أنا كنت نهدر معاهم المهم حطيتلهم برسمية ڤلتلهم تسما نتوما تحوسو الـRésidente تغامر برك على حساب صحة المريض؟
يعني كي راحت شاورت طبيب كثر منها معجبكمش الحال مالا كون ما شاوراتوش رايحين تكونو قابلين؟
الطبيبة خرجت من البيرو تاعها وطلعت لسارفيس وحدوخر باه تسقسي طبيب وشايطة علاجال المريض ونتوما تڤولولها راكي تخدمي بلا ضمير.

المهم هوما سكتو وڤالتلي الأم تاعو عندك الحق يا بنتي (فوڤ ڤلبها).

بعدها كي جات دالتي باه نعڤب عند الطبيبة عيطتلي من البيرو تاعها ڤالتلي: ”طبيبة أدخلي“..

المهم وجوههم تڤلبو سيرتو يماه نلڤا فمها طايح فاللرض يعني هوما شبعو تڤطاع فالطبة ومعلابالهومش بلي طبيبة لي كانت توالهم وهي لي قماتهم غير ثماتك 😂✨

ليقدر يعاون #مستشفى طاهير جيجل

السلام عليكم جماعة الخير 😍🤍
درتلكم folder يجمع أهم قنوات الطب ولي تلقاو فيهم حوايج مفيدة و ينشرو دائما 🫶🤍
ومعروفين خاصة فسطيف
يجمعو السنوات كاملين ✅️🪄
https://t.me/addlist/y5VcP3KvhgA5MTk0
اضغط هنا

كاينة حاجة تشبه شكليا للـ Perfuseur اسمها Transfuseur نستخدموها لنقل الدم للمريض


نفس طريقة الاستعمال ونفس المبدأ تاع العمل حتى فالشكل يتشابهو لكن الفرق بينها وبين الـPerfuseur هو أنو La chambre فيها يكون حجمها كبير وفيه شبكة رفيعة من الداخل اسمها Le filtre


الدم كي يكون محفوظ في بنوك الدم بعد التبرع رايحين يزيدولو مضادات التخثر باه ميتشكلوش فيه الجلطات ويكون صالح للنقل فيما بعد


لكن كاينة مشكلة صغيرة وهي أنو بعض كريات الدم الحمراء مع مرور الوقت رايحة تموت وتحرر البروتينات تاوعها فالدم.. هذو البروتينات رايحين يتراكمو مع بعض ويشكلولنا ما يُعرف بـ Les microagrégats..


هوما عبارة عن جلطات مجهرية السبب تاعها هو تراكم بروتينات كريات الدم الحمراء الميتة ميش كيما الجلطات العادية لي يكون السبب تاعها هو تخثر الدم

دخولها عبر الدم يقدر يسببلنا انسداد الشعيرات الدموية les capillaires وبالتالي تصرالنا Nécrose...


ولهذا نلڤاو هذ الفلتر فيها باه يصفي الدم من هذ الجلطات المجهرية باه ميدخلوش عبر مجرى الدم عند المريض وتسبب الأضرار تاوعها

في بعض الحالات الاستثنائية سيرتو كي تكون حالة المريض حرجة والماتريال ناقص، رايحين نلڤاو les perfuseurs مكانش وكميتهم فالسارفيس شبه منعدمة..

فهذ الحالة نقدرو نستعملو les transfuseurs باه نزودو المريض بالسيروم لأنو عندو نفس الخدمة كيما درنا لهذ المريضة فالصورة


يعني Transfuseur يقدر يخدم خدمة الـPerfuseur وليس العكس 🤌🏻✨

بخصوص وش نحتاجو فولاية جيجل
Les intranules (srt jaune et blue)📍
Les seringues (5cc+ 10cc)
Les vêtements +sous vêtements (srt pour📍
les femmes )
Les vêtements pour hommes(débardeurs📍 + shorts)
Les couches pour les bébés (nmr 3 4 )📍
Matlat w mkhad 📍
مواد التنظيف تان يحتاجو خصوصا للمستشفيات 📍
Les médicaments 📍
Mopral injectable
Omeprazole gélule
Flagyl injectable et cp
Lexin 1g
Artelac
Vibac
Maxilodre
Chibroxine
Fucidine cp

📍هذو المهمين بزاف ولي لقينا نقص فيهم مقارنة بالاشياء الأخرى
وبارك الله فيكم في ميزان حسناتكم إن شاء الله

منصة لتنظيم الهبة التضامنية ومساعدة المتضررين من الحرائق في جيجل
By Oussama Benkortbi
المنصة تساعد على:

📦 معرفة ما هي المساعدات المطلوبة حاليًا بدل إرسال أشياء قد تكون متوفرة بكميات كبيرة.

📍 معرفة نقاط التجميع والاستقبال ومواقعها.

🚚 ربط المساعدات بوسائل النقل والمتطوعين القادرين على إيصالها.

🆘 تسجيل احتياجات الأسر والمناطق المتضررة ومتابعة ما إذا تم التكفل بها.

📊 متابعة المساعدات التي تم جمعها واستلامها وتوزيعها، لتكون الصورة أوضح للجميع.

الهدف ليس تنظيم التضامن بدل الناس، وإنما تنظيم جهود الناس حتى لا تضيع وسط الفوضى.

إذا كنت تجمع مساعدات، لديك وسيلة نقل، تمثل جمعية أو مجموعة متطوعين، أو كنت من المتضررين، فالمنصة صُممت لتكون نقطة وصل بين الجميع.

🇩🇿 كل مساعدة لها قيمة، لكن عندما تتنظم المساعدات تصبح أقوى وأكثر وصولًا لمن يحتاجها.

نجدة جيجل — ننسّق التضامن، ونوصل المساعدة لمن يحتاجها.

رابط المنصة

https://habadz.life

يرجى النشر على أوسع نطاق

Join us ☛ ZED MED DZ

زميلة معانا غلطت ودارت suture لطفلة عمرها 10 سنين بلا ما تعڤب عند الطبيبة وبلا ما جيب من عندها ورقة لي تخيطلها بيها

للأسف هذ الطفلة الجرح تاعها كان بسبب محاولة طعن بالسكين يعني «جريمة» دونك كي تعڤب عطبيبة مهيش رايحة تمدلنا ورقة باه نخيطولها عندها وإنما نبعثوها للـCCI فالباز باه تخيط ثما ويوثقو أحداث الجريمة ويديرولها سيرتيفيكا فيها

لكن كيما ڤلتلكم صرات غلطة وين خيطولها طول عندنا بلا ما تعڤب عطبيبة وبلا ما يبعثوها للباز كيما لازم

بعدما خرجت مع الأهل تاعها باه يرفعو دعوى قضائية على الشخص لي حاول يطعنها الشرطة ڤالتلهم وليو للسبيطار لي خيطتولها فيه وجيبو الورقة تاع الطبيبة لي ڤالتلكم فيها خيطولها باه تقدرو ديرو سرتيفيكا

كي ولاو عندنا وراحو عند الطبيبة ڤالتلهم بلي ما عڤبتش عندي وما درتلها حتى ورقة

المهم الأهل تاعها دارولنا مشكل كبير بسبب هذا الخطأ وتخلطت عندنا فليزيرجونس حتى ليزانتارن عندهم ما عرشولنا 🙂 لأنو معرفوش كيفاه يديرو للطفلة بعدما تخيطت بلا ورقة وكان كاين خيار واحد ولي هو أنو يحلو الخياطة تاعها ويعاودو يبعثوها للباز باه تخيط من دارا وجديد لكن أهلها رفضو هذ الحاجة ودارولنا مشكل كبير ثاني

باه منا وجاي كي يجيكم واحد مجروح للـSalle des soins ما ديرولو والو حتان يعڤب عطبيبة ويجيب ورقة باسمو والكاشي تاع الطبيبة بلي لازم تخيطولو سي نن غلطة كيما هذي رايحة تديكم فالريح وتحطكم في إجراءات قانونية مهمش خاصينكم

وثاني نوصيكم على حاجة ولي هي الـBistouri يا جماعة متخليوهش في متناول المرضى كل واحد يحكم الـBistouri تاعو ويخبيه في جيبو وكي يخلص بيه يطيشو فالـContenaire هذاك

خطركش كاين ثلث فئات من المرضى:
-لي عندهم مشاكل نفسية سواءً يأذيو بيه أنفسهم ولا يكون من النوع الموسوس لي يڤوللكم جبتوه باه تقتلوني بيه
-كي تصرا هوشة فالسبيطار كاين ناس رايحة تحوس على أي آداة حادة باه يأذيو بيها غيرهم وباينة أول حاجة يلڤاوها توالهم هي Les bistouri
-وأكيد الولاد الصغار كي يشوفوه يخافو وميخليوكمش تخدمو مليح وكاين لي يتلاحو ليه بلا ما يتولهو ويجرحو بيه رواحهم

🔴 تم فتح موقع التحويلات الخاص بالطلبة القدامى .
https://progres.mesrs.dz/webetu/login.xhtml