يا ربي صبرني على أسئلة الزواج راهم هبلو 😭😭😭😭.

على حساب وش ڤالولي:

لازم تكون شافي على فيزيو كاردياك:
-Hémodénamie.
-Débit cardiaque.

وفيزيو نورو لازم تكون تقريبا قاريها كامل.

الباقي ميهمش حرفيا ما تحتاجوهش.

ها جاتكم بيزار يعني متقدروش تخليو الناس بلا ما تحكمو عليهم 🤨؟
كل واحد وميولاتو والاهتمامات تاوعو.

مدة شهر تكفي باه ديري فيها العجب راهي تبانلك بلي ما تكفيش بسك نص الوقت راحلك فالتخمام والسؤال تاع «وش لازم ندير».. أستغلي وقتك وأعرفي تنظمي نفسك وعيشي كل لحظة بلا ما تخمي ضك تلحڤي

أويلي عالخرطي البارح كامل ونا فالدار وش من ليزيرجونس لي شفتيني فيهم 🤣.

اهلين ان شاءلله تكونو بخير🫶🏻🫶🏻
جيت ليوم باه نجاوب على اكثر سؤال متكرر وش نحتاج من السنة الثانية للسنة ثالثة 👀
📍بالنسبة للناس لي قرات كوراتها مليح وما ايليميناتش بزاف نقولكم ارتاحو ما تراجعو والوووو رح تلقاو rappel physiologique في الكورات نتاع طروازيام مجرد تقراوه تتفكرو كلش
📍الناس لي كانت تيليميني فيزيو وما قراتهاااش طووول ننصحكم تقراو
Physio cardio et neuro
مستحيل تطلعو طروازيام ونتوم 0 معلومات على الفيزيو و نقولها مرة اخرى الناس لي ما قرات والووو في الفيزيو تقراها ❗❗
من اهم اهم ليكور لي لازم تكون عندكم معلومات عليهم
🔻hémodynamique cardiaque
🔻débit cardiaque
🔻régulation de la pression artérielle
🔻TD: EFR (respiratoire)
🔻conduction de la moelle épinière
🔻reflexes medullaire
🔻somesthésie
🔻les fonctions des nerfs crâniens
ونصيحة أهم من هذي كامل في طروازيام ما تيليمينيوش حاولو قد ما تقدرو تقراو كلش هكذا باه في الايكوس ما تحصلوش ونتوم طالعين كاطريام ما تحصلوش🫶🏻💕
بالتوفيق للجميع 🥰 اذا عندكم اسئلة اخرى ابعثولي وما تنساوش تبارطاجيو مع زملائكم🤍

https://ngl.link/arteria91048
#arteria

شكون لي راه حاس غدوة دخول مدرسي

.Doka nhdrlkm ala les profs de l'unité 01:
Part01 : La Semiologie

I/SEMIOLOGIE GENERALE:

1.Pr Nechadi : 9arana l'introduction , ychra7 7arf b 7arf wch kyn fl crs + yzid qlqs phrases w ykhali lcrs kaml w ys9sikm alihm🤣 +++++ ysa9si ala les photos , b ikhtisar lhaja li t9oulou aliha impossible ti7 ys9si aliha

2.Pr Mekideche : 9aratna l'examen clinique et les examens complémentaires, prof hyla hyla ts9si ghir ml crs w des qsts directes

3.Dr Tanto : n3ytoulha l ostora 🤣 vraiment ostora f char77 impossible tasistiw w mtkhrjouch 7afdin w fahmin bla ma t3wdo l crs f dar 9aratna les troubles hydro-électriques , tchra7 bla crs trsom f tableau w tchra7 w ts9si ghir ala wch tchra7+++++++

4.Pr khettabi : tchr7 wch fl crs brk w tmed des qsts ml crs 9aratna les troubles pondérales, elle est sévère w stricte mt7bch l fawda 👀

II/SEMIO CARDIO:

1.Dr Mayou : ychra7 ml crs w yzid qlqs notions w yna9ss ml crs mychra7ch klchh , ys9si ghir wch chra77 , 9arana les palpitations et syncope

2.Dr Benabid : 9arana l'hemodynamique cardiaque li kan un rappel mhoch dakhel maa les crs + les explorations cardiaques, ychra7 mlih w s9sana qst très simple ml crs drct

3.Pr keddour : 9aratna l'ecg et dlrs thoraciques,, tchra7 mlih tmed l'essentiel w mtzidchh les notes , ts9si des qsts directes m le cours

4.Pr Djelaoudji : 9arana l'auscultation, ychra77 mlihh w mdlna wch nsha9o brk , w s9sa ghir wch chra7 fl cours

5.Dr Kharchi: 9arana dyspnée et l'examen cardio-vasc , prof grvvv hyl asistiwlo ++++ , perso 7kmt l'examen cardio-vasc mnsitouch kaml , y9oullkm alwch ys9si fl cntrl ✨

Les profs taa cardio kaml hayliiin asistiwlhm mtratiiiwch

III/Semio respiratoire :

1.Dr Ahmed azzi : 9aratna les signes physiques et fonctionnels , mtchr7ch kaml wch fl cours w tzid mn 3ndha w ts9si ala wach hdrett , hna mdtlna 2 qsts kant hdrthm fl crs ,, tchra7 rw3a +++

2.Dr Benbaouche : 9aratna radio thorax , TVO et TVR , tchra7 mlih tani w ts9si ml crs drct

3.Dr Bougharnout: hylll +++ , asistiwlo yji ychra7 bl bavette mtsm3ouch mlih fl vcl 😭 , bsh char7 ta3o rw3a w ys9si ghir wch chra7

4.Dr Manaa : 9aratna les pathologies infectieuses, tchr7 wch kyn fl crs brk w ts9si ghir wch kyn fl crs

5.Dr Marouani : mtmedch l crs , lzm tasistiwlha char7 taaha ostora taniiii tkhrjo fahmin w 7afdiiiiin , les qst tw3ha simples w claires

Part 02

I/BIOCHIMIE:

1.DR Badreddine : 9aratna 3 crs : exploration des lipides , stress oxydant, marqueurs cardiaques,, ka prof tchra7 rw3a w tfahm très bieeen , 3amna kan exceptionnel maaha dart des qsts jsp min jabthm crs jms ta7 li hwa stress oxydant dart alih 6 qst wl crs li yti7 bzzf w twil li hwa exploration des lipides dart alih 1 qst brk donc lzm tkounou 9aryin les crs tw3km kaml w mt9l9ouhach😔👀

2.Dr Adimi : akom taarfouha tchra7 wch fl crs w tmed ala wch char7et brkkk , 9aratna les prélèvements fl cardio , andha qlqs crs f l'endo

3.Dr Bougahgouh : taarfouha tani tchra77 mlih w tzid mn3ndha w les qst mn char7 taaha +++ , 9aratna f neuro w gastro

4.Dr Teniou : tchra7777 +++++ w tfahmmm +++ , w les qsts tw3ha simples w ghir ml cours , 9aratna la thyroïde f l'endo w les protéines f gastro

5.Pr kendri : tchra7 w tfahm , tmed crs pdf na9es ala li tchra7 bih donc lzm tasistiwlha , les qsts tw3ha jawna s3abb la ml crs la m char77

II/Physiopath :

1.Pr Mosbeh 🥺 : lprof li mknch li myhebouch , yfahm ychra7 y7asskm sah b la médecine ymed kaml wch ando , li myasistilouch yratiiii , sinn esm3o les vcx dyawlooo , ychra7 b les dyapots w ymed pdf na9es chwiaa donc lzm tsm3o char7 ta3o li mara7ch tmelou meno , tweliw ttmnaw y9arikm klch hwa 😭 hadrtoo tb9a f wdniikmm , 9arana les états de choc fl cardio , w ando 2 crs f l'endo

2.Pr Hemamid : tani prof hayla w tchra7 w tfahm w les qsts tw3ha ghir ml crs mtzidch les notes , 9aratna fl cardio insuff cardiaque w HTA , w 9aratna fl gastro insuffisance rénale..

3.Pr Chibane: yji ychra7 bla crs ghir mn3ndoo , apr ymdlkm crs m3mr , tb3o ghir wch ychra7 w les qsts tw3o fhama +++ mknch flcrs , bsh li fahem l crs mlih yjawb très bien , 9arana fl cardio Insuf resp w acidose-alcalose resp , w f neuro w gastro
.Darelna les qsts tw3o kaml qcs f kaml les cntrls 😍

4.Dr Alili : ychra7 ghr ml crs w les qsts tw3o ghr ml crs drct

5.Dr Bouchareb : tchra7 ghr ml crs w tfahm w les qsts tw3ha ghir ml crs mla77

III/RADIO:

1.Pr Bouharati: 9aratna 3 crs fl cardio w mata7ouch alihm les qsts 🙂 , 9aratna crs f neuro w ta7o alih les qsts , w crs f l'endo w mata7ch 😭🤣

2.Dr Benkhattab: crs taaha twil ala 7yatiii , bsh ybanlkm twil brk m3mrato b rappel anatomique w histologie w radiologie, ki tjiw t9raw crs taa sah tl9aw 20 dyapots wla brk , tmed des qsts copier coller ml crs , crs taaha knt n9rah awl mara f smn bloq nrfdo n9rah wn3awd w nrouh njawb nl9a rouhi chafya

3.Dr Baabouche : prof hyllll , ychra777 w y9oulkm alwch ra7 ys9siiii 😍

4.Dr Boussouf : hda lzm tb3o char7 ta3o , psq mychra7ch ml crs yji ydir dyapots brk w yt3m9 fih , de préférence asistiwlo w ektbo maah , ys9si ghir wch chra7 mt7tajouch tchoufou l crs gaa , hna rana msawrinlo des vidéos tl9awhm f medstuff taana

IV/PSYCHO:
=SSH 😭🤣 , 9ritha lilt l cntrl mn résumé w jaw alih les qsts w safi 🤣

نهدرو اليوم على كيفاه نقراو la radiologie تاع قدم السكري ✨

عندنا 5 معايير لازم نركزو عليهم:

1- L'ostite:
نشوفو العظام إذا كان فيهم علامة تاع التهاب أو لا (يكون الشكل متآكل في الراديو).

2- La gangrène Gazeuse:
نشوفو les tissus moux فالقدم (سواء الجلد ولا العضلات ولا..) إذا لڤيناها فراغات دائرية فيهم معناها كاين عدوى بكتيرية لي وصلت حتان هذ الأنسجة وتفرز غازات داخلها.
معنى La gangrène هو Nécrose لي يكون سببها هذ العدوى.

3- La sclérose:
العظام كي تتعرض لعدوى والتهاب رايحة تمتص كميات كبيرة ومبالغ فيها من الكاليسيوم باه تتكاثف وتحمي نفسها من التآكل.. تلاحظوها فالراديو على شكل عظام كثيفة يكون لونها أبيض بزاااف أكثر من الحالة الطبيعية.

4- La mèdiacalcose:
هذي حالة مرضية في قدم السكري وين les vaisseaux يكون فيهم تراكم لمادة الكاليسيوم في la media.
يوليو يبانو فالأشعة على شكل خطوك بيضاء متصلبة.

5-Le pied de Charcot:
المفاصل فالقدم يكون المظهر تاعهم غير طبيعي.

هذا مثال:

راكم تشوفو بلي كاين فراغات في عظام الأصابع معناها عندها ostite.

كاين فراغات في الأنسجة المحيطة بهذ العظام معناها عندنا Gangrène Gazeuse.

المفاصل الشكل تاعهم مهوش طبيعي مقارنة بقدم عادية معناها عندنا Le pied de Charcot.

مكانش خطوط بيضاء يعني La mèdiacalcose ما صراتش.. مام تكاثف العظام Sclérose ثاني مكانش.

هنا المريض رايح يروح لغرفة العمليات بشكل مستعجل باه يديرولو عملية استئصال الأنسجة المصابة بـLa gangrène Gazeuse قبل ما تمشي العدوى أكثر وأكثر.

نهدرو اليوم على HGPO ولي هي اختصار لـ
Hyperglycémie provoquée par voie orale ✨:

هي عبارة عن اختبار للكشف عن مرض السكري عند شخص يشتبه أنو عندو هذ المرض.

أول حاجة لازم يكون المريض صايم عن الأكل لمدة 8 ساعات على الأقل ومسموح ليه يشرب الماء خلال فترة الصيام.

بعدها نقيسولو la glycémie veineuse وهو في حالة الصيام وناخذوها كقيمة مرجعية.

من بعد نمدولو Sérum glucosé بتركيز 30% وحجم 250mL يشربو عن طريق الفم لمدة 5 دقائق.

بعد ساعتين نزيدو نقيسو La glycémie veineuse ونقارنو النتائج:

-إذا كانت أقل من 1.4 g/L:
معناها الشخص سليم ومعندوش السكري.
-إذا كانت محصورة بين [1.4 - 1.99 g/L]:
معناها الشخص راهو في مرحلة ما قبل السكري.
-إذا كانت أكبر من أو تساوي 2g/L معناها الشخص عندو سكري.

https://t.me/gifhubstoree


لي يحب يشري تيلڤرام بيريميوم ومام تطبيقات مدفوعة بأسعار شابة أرواحو هنا 😔🩵

أول مولد عڤب عليا فحياتي ما شفتش فيه هذاك النقاش تاع هل يجوز الاحتفال به أم أنه بدعة

الجيريا ايز هيلينج

أفهمو رواحكم 🤌🏻

سلام جماعة خصني واحد يعرف وش هوما التعيارات لي مالفين يديروهم كامل فاللابو سونطرال تاع CHU لي علابالو يكونطاكتيني

@daamiisophiaisgonnabetheshityeah

شححح بردلي ڤلبي وكبدي وليسطومة والمصور تاعي