المهم هيا نهدرو على Les prélèvements تاع La gazomètrie 🩵✨.

• نديرو تذكير بسيط ✨:

الدم عند الإنسان رايح يكون ديما فالحالة الطبيعية عندو pH محصور بين:
[7.35 - 7.45]

-هذا يعني أنو الجسم تاعنا رايح يبقى ديما محافظ على هذا المجال الطبيعي للـpH سي نن إذا كانت عندنا قيمة خارج هذا المجال:
•أكبر من 7.45= معناها عندنا Alcalose.
•أصغر من 7.35= معناها عندنا Acidose.

الجسم عندو Des fonctions لي من خلالهم يقدر يحافظ على المجال الطبيعي للـpH تاع الدم ولي هوما:
-La respiration:
يتحكم في كمية الـCO² داخل الدم هذا الأخير يولي عبارة عن شاردية حمضية لي هي حمض الكربونيك.
في حالة الشهيق رايحة تنقص كمية الـCO² وبالتالي ينقص حمض الكربونيك H²CO3 يعني الـpH يولي قريب للـAlcalose.
إذا كانت La fréquence respiratoire قليلة رايح ينقص الـCO² الداخل وبالتالي تولي عندنا Acidose.

-La fonction rénale:
كامل علابالنا بلي الكلى الوظيفة تاعهم هي تصفية الدم من الفضلات والفائض تاع المواد..
كاينة شاردة اسمها البيكاربونات -HCO³ هذي رايحة تصفيها الكلية..
إذا كانت كاينة بكمية كبيرة في الدم رايحة تديرلنا Alcalose دونك الكلية رايحة تطرحها مع البول.
إذا كانت كاينة بكمية صغيرة رايحة ديرلنا Acidose هنا الكلية رايحة توقف الطرح تاعها.

وهكذا هذ les deux 02 fonctions رايحين يتعاونو مع بعض باه يحافظو على المجال الطبيعي للـpH..

تسما كي نجيو نديرو prélèvements باه نشوفو la gazomètrie تاع المريض هنا معناها رايحين نشوفو أسكو عندو مشكلة في La respiration ولا La fonction rénale.

نهدرو على البروتوكول:

-الوسائل لي تحتاجوهم:
Des gants stériles.
Des compress stériles.
Seringue.
Bétadine.
Anti-coagulant (L'héparine).

-أول حاجة لازم كامل نعرفوها هي أنو Le prélèvement يكون artérielle يعني نسحبو عينة الدم من artère ميش من veine.
↓
هذا معناه بلي لازم نحوسو على artère superficielle باه نقدرو نديرو التحاليل:
كاين زوج حالات:
-L'artère radiale.
-L'artère fémorale.

(في غالب الحالات شفتهم يديرو بـL'artère fémorale سيرتو مع كبار السن).

باه تعرفو وراهي l'artère لازم تكونو تعرفو l'anatomie تاع هذو الزوج بعدها ديرو Palpation ووين ما تسمعو النبض معناها راكم في Artère (عكس les veines كي ديرو palpation مكمش رايحين تسمعو نبض بصح تحسو بـStructure canalaire عند اللمس).

كي تحدو البلاصة إكزاكت لي ديرو فيها الـprélèvement يجي وقت الصح ✨:

-هزو Seringue لي عندكم عمروها بالـHéparine مباعد سيحوه فالهواء.. هكذا يولي الـHéparine متواجد في حواف la seringue وداخل الـAiguille تاعها وهذي كمية كافية باه يمنع تخثر العينة.

-بعدها أمسحو على المنطقة تاع l'artère بـCompress stérile فيه الـBétadine باه تتعقم.


-بعدها بيكيو المريض في المنطقة لي حددتو فيها l'artère رايحين تلاحظو Retoure artèrielle لي يكون على شكل دفعات (ميش كيما الـRetour veineux لي رايح يكون مستمر) ويكون لون الدم أحمر فاتح لأنو كيما علابالكم بلي الدم الشرياني ديما يكون غني بالأكسجين.

يعني يا عزيزي الطالب إذا درتها ولڤيت الروتور على شكل دفعات معناها راك في l'artère وراك جبدت العينة بطريقة الصحيحة.

ضكا السؤال لي يطرح نفسو علاه الطبيب فالعادة كي يدير الـPrélevement ويخلص يزيد يجيب Seringue وحدوخرة ويعاود نفس البروتوكول في نفس المنطقة لي دار فيها الـPrélevement اللول؟
باه يكون في علمكم أنو يعاودها في veine المرة الثانية ميش artère.

الإجابة ببساطة أنو الطبيب يحب يتأكد إذا عندو Hypoxie ولا نو (الـHypoxie هي نقص الـO² في الدم يعني SpO² رايحة تكون قل من 90%) في حالة ما إذا عاود دار الـprelevement في veine ولڤا اللون تاع الدم أغمق من اللون الأول معناها المريض معندوش Hypoxie سي نن إذا لڤاه بنفس اللون معناها عندو.

ضك نڤعد ونحكيلكم كيفاه تقراو نتائج التحاليل تاع la gazomètrie وتقدرو ديرو تشخيص.

هذي هي وخلصنا ✨.

نمدلكم نصيحة مهمة ڤالهالي واحد résident كي تكون دير suture:

متخليش المريض لي راك تخيطلو يجبد تيليفونو ويخدم بيه بأي طريقة لشتا علاجال مكالمة بسيطة.
بسك يقدر يصورك بالدرڤة وينشرك على مواقع التواصل الاجتماعي (سيرتو البنات).

ومن جهة يقدر يعرضك لإجراءات قانونية كون يصورك مهومش خاصينك!

مثلا تكون تخيطلو وهو ڤاعد يصور فيك نفترضو أنك غلطت غلطة روتينية لي أي واحد يقدر يغلطها مهما كان professional (مثلا متعڤدش الخيط مليح أيا تحل الـpoint وتعاود point جديد ولا جيت تكب شوية تاع الـBétadine على Compress بصح ساحلك منو بزاف غلطة..) هنا كي يصورك رايح يقتص الفيديو ويخلي غير اللقطة لي صرات فيها الغلطة ويروح سواءً يشكي بيك ولا ينشرك في مواقع التواصل ويدير بيك محتوى تحت شعار (الطبة مهومش يخدمو في خدمتهم وراهم يدزو برك على حساب المريض) لشتا وتخرج براءة حرفيا بصح سيريو شكون لي يحب يوصل لروحو لهذ الإجراءات؟

علابيها كي تشوفو المريض هز تيليفونو أحبسو كيما راكم وما تكملوش الخياطة ومتخليوهش يدير بيه وأطلبو منو يرجعو لجيبو فورا ويطفيه.

ڤالي الطبيب بلي ديما يصراو مشاكل كيما هكذا ويعرف بزاف من زملاء معاه وصلو لمواصل كبار بسبب الشعب تاعنا لي الله يبارك عليك يحب الطبة ويحترمهم 😍✨🤌🏻.

ملاحظة:
مسموح للمريض أنو يصور الجرح تاعو قبل وبعد الخياطة باه يشوف الحالة لي كان فيها (إذا كان حاب هذي حاجة من حقو طبعا) يعني يلتقط صور برك.

بصح باه يديرلك فيديو ونتا تخيط هنا متخليهش.

يا إلهي كم لبثنا..

في هذي الحالة وخصوصا كي عادت Diabétique الطبيبة وصفتلها des antibiotiques فقط تبقى تتناولهم لمدة 10 أيام مباعد باه تولي عندنا.

السبب هو أنو هذ Les antibiotiques رايحين يحفزو une réaction inflammatoire فالمنطقة لي دخلت فيها الإبرة وبالتالي يتوسعو الأوعية الدموية هذ الشي رايح يديرلنا انتفاخ ويخلي الابرة تندفع نحو السطح ونقدرو نحدو الموقع تاعها بدقة ونجبدوها.

نهدرلكم اليوم على حالة طبية شائعة ولي مكانش واحد فينا ما جاتوش (سيرتو كي بدينا نسطاجيو أول مرة وشفنا المنظر تاع الجروح والأجواء داخل المستشفى):

•اسمها Le choque vagale ✨:

الجهاز العصبي اللاإرادي Autonome كيما قرينا من قبل نقدرو نقسمو إلى قسمين:
-Le système nerveux sympathique.
-Le système nerveux parasympathique.

نفترضو أنو هذا هو أول يوم ليك فالسطاج، أول يوم رايح تدخل فيه فالجو تاع المستشفى وتشوف المرضى ومعاناتهم وتكون على تواصل بصري مع الدم والجراح والمعدات تاع الخياطة على سبيل المثال:

-أول حاجة رايح تحس بيها هي التوتر والقلق (حتى لو ما كنتش واعي بهذ الإحساس تاع الخوف يبقى جهازك العصبي اللاإرادي مستجيب لهذ المنبهات البصرية ويتفاعل معاها).
-هذا الإحساس يكون مسؤول عليه Le sympathique كيما علابالكم هو لي يكون عندو علاقة بالخوف والقلق والتأهب عند الخطر.
معناها les nerfs تاع Le sympathique رايحين يبقاو يوصلو سيالات عصبية بشكل مستمر تترجم إلى أعراض مثل ارتفاع الضغط وتسارع نبضات القلب وارتفاع السكر في الدم إلخ..
-بعدها نفترضو أنك خرجت برة وبعدت على الجو تاع المستشفى ولا خلصت الخياطة تاع جرح (معناها وليت على انقطاع مع المحفزات البصرية اي تحفز le système nerveux sympathique) هذ الشي كامل رايح يكون بشكل مفاجئ يعني فجأة رايحة تزول هذ المحفزات وبالتالي يتوقف العمل تاع Le système sympathique فجأة ويولي يخدم في بلاصتو Le parasympathique وبشكل مفاجئ ثاني (ركزو على "فجأة" و"مفاجئ" وهذ الكلمات لي عندهم علاقة بعنصر المفاجأة راهم أهم حاجة 🥲) وبالتالي يتوقفو الأعراض تاع الخوف والتوتر (يتباطؤوا دقات القلب، يقل التنفس، تولي عندنا Vasodilatation وينخفض السكر في الدم).. هذو الأعراض رايحين يظهرو فجأة تحت تأثير Le système parasympathique لي مسؤول عليه Le nerf vague بالدرجة الأولى.
-هذ التحول المفاجئ رايح يسبب صدمة لهذ العصب ويخليه يخدم بطريقة مفاجئة لي تخليك تحس بالدوخة والفشلة والرؤية الضبابية وممكن حتى فقدان الوعي لي كامل صراولنا في بداية السطاج تاعنا.

كي جيكم هذ الصدمة أول حاجة ديروها أعلمو زملاءكم وتوجهو طول للاستجالات الطبية les urgences médicales ثما رايحين يقيسولكم:
-نسبة السكر في الدم.
-الضغط الدموي.
-وإذا تحتمت يزيدولكم ECG باه يتأكدو بلي مكانش مشاكل قلبية.

رايحين يطلبو منك ترڤد فالسرير مع رفع الرجلين باه يوصل الدم للدماغ ومن جهة يعطيوك Serum glucosé باه تتعدل نسبة السكر في الدم لحالتها الطبيعية.

وباينة بعدها تروح لدارك ترڤد وتبعد على البيئة تاع المستشفى حتان تتحسن حالتك ✨.

والمرة الجاية باه تتفاداو هذ الصدمة ما تضغطوش على رواحكم إذا حسيتو بالخوف من أول منظر أخرجو ديراكت ما تڤعدوش تقاومو.. بشوي بشوي حتان يولي جهازكم العصبي متأقلم مع الأجواء ويولي ميرسلش إشارات الخطر والخوف للدماغ تاعكم.

أياي ونا وجهي صحيح نڤولها بكل ثقة Pisturi ونكتبها هكذااا 🤡🤡🤡.

21 August..