مريض كان عندنا فالسارفيس كنا رايحين نركبولو l'intranule وفجأة لاحظنا أنو عندو Hématome كبير في يدو.. بصح الشكل تاعو كان غريب.

كي سقسينا اتضح فالنهاية أنها مهيش Hématome وإنما هو عندو سنوات ملي تعرض لطلق ناري وڤاساتو رصاصة في يدو.
والمفاجأة الكبرى أنو هذي الرصاصة منذ سنوات وهي عالقة في يدو إلى يومنا هذا حتان ولات تبان من الخارج على شكل انتفاخ لي يشبه للـHématome 🙂✨.

ضكا السؤال لي يطرح نفسو هو لاه الأطباء منحاولوش هذيك الرصاصة وخلاوها في جسمو طيلة هذ السنوات؟
الإجابة ببساطة أنها ڤاساتو في منطقة ڤريبة بزاف من Les nerfs وLes vaisseaux في يدو بحيث أنو أي تدخل جراحي باه نحيوها قادر يؤدي إلى قطع هذ les structures تسما أحسن حل أنها يبقى عايش معاها ورايحة تبقى في يدو حتان يموت 🙂.

هو حرفيا راهو عايش معاها بشكل عادي جدا يقدر يحرك يدو فيها بسهولة حتى أنو الجسد تاعو تعايش معها والجهاز المناعي ما دارش ضدها استجابة مناعية كبيرة خطركش الجسم كي يتعرض لاختراق برصاصة مثلا رايحة يطبق وحد الآلية تشبه للـcicatrization وهي أنو يحوط هذيك الرصاصة بنسيج يشبه للنسيج تاع les cicatrices وبالتالي الخلايا المناعية متقدرش توصل ليها.

ولحسن حظ المريض ثاني أنو الرصاصة لي اخترقت يدو كانت مغلفة بمادة لي تمنع مادة الرصاص من أنها تتسرب للجسم تاعو تسما حتى التسمم بالرصاص ومكانش ✨.

نهدرو اليوم على طريقة قراءة الـScope (مع ما هزيت نصور هنا بداو يفصلو ليكابل تسما أغلبية الأرقام هنا مهيش باينة).

هذا اسمو Scope نستخدموه في كي يكون المريض في حالة حرجة والدور تاعو أنو يراقب مختلف les fonctions لي كاينين فالجسم تاعو.


نهدرو على طريقة القراءة وكيفاه نقدرو نفسرو الأرقام لي كاينة فيه ↓↓:

•أول رقم مكتوب توالو ECG يمثل FC يعني La frequence cardiaque (معدل نبضات القلب):
-القيمة الطبيعية للـFC تكون محصورة بين بين 60 إلى 100 نبضة فالدقيقة الواحدة.. إذا كانت أقل من 60 معناها عندنا Bradycardie وإذا كانت أكبر من 100 معناها عندنا Tachycardie.

•ثاني رقم مكتوب توالو NIBP ولي يرمز للـTension artérielle رايحين تلڤاو فيها زوج أرقام واحد يرمز للـPAS يعني La pression artérielle systolique ولوخر للـPAD يعني Pression artérielle diastolique.
-القيم الطبيعية:
PAS= 90-120.
PAD= 60-80.
وبناءً على هذي القيم نقدرو نحدو إذا عندو Hyper ولا Hypotension.

•ثالث رقم هو TEMP نقصدو بيه La température فيه زوج قيم: وحدة للـLa température central يعني الحرارة الداخلية ووحدة للـLa température périphérique يعني حرارة الجلد من الخارج.. الجهاز فهذ الحالة رايح يقيس الفرق بيناتهم باه نقدرو ندرسو La thermorégulation تاع المريض بحيث أنو الفرق فالقيمة الطبيعية لازم يكون 37°.


•الرقم الرابع فيه رمز SPO² ولي معناه Saturation en oxygen يقيس نسبة الأكسجين في الدم ويخلينا نعرفو أسكو المريض عندو مشاكل في التنفس ولا مشاكل في نقل الغازات عبر الدم.. القيمة الطبيعية تكون من 90% إلى 100% وإذا كانت قل من 90% معناها كاين مشكل.

•الرقم الخامس والأخير RESP يقصد بيه La frequence respiratoire يعني معدل التنفس بحيث أنو القيمة الطبيعية تاعو تكون من 12 إلى 20 نَفَس فالدقيقة.

من قوة الواقعية في هذا الميساج جيت نشعل ليدوني باه نعاود نقراه بصح اكتشفت بلي معنديش سامحني راني نكونيكتي بالويفي 💔.

زميلة معانا قريبتها غرقت في مسبح وحالتها حاليا حرجة تطلب منكم الدعاء لها بالشفاء (صغيرة بالعمر واحتمالية عدم نجاتها 80%).

البارح جانا واحد مجروح كيما راكم تشوفو بحيث أنو يقدر يحرك الإبهام تاعو في جميع الاتجاهات ما عدا فالأعلى.

الريزيدو بعد ما نظف الجرح راح جاب aiguille تاع seringue عادية وثبتها في الجرح بهذي الطريقة وانتظر لمدة من الزمن قبل ما يبدا الخياطة.


السبب باختصار أنو تڤطع عندو le tendon musculaire تاع l'extenseur du pouce وكان لازم عليه يثبتو بأي حاجة باه ما يهربش داخل الذراع ومن جهة باه تنقص المقوية العضلية le tonus musculaire باه خلال الخياطة ثاني ميتحركش الوتر من بلاصتو ويهرب كثر.

نهدرو اليوم على كيفاه تقراو l'emballage تاع الخيط باه تعرفو المقاس والنوع تاعو لي يكون مناسب للجرح لي رايحين تخيطوه بناءً على وش نعتلي Résident اليوم ✨.

أول حاجة بصح ميش مهمة بزاف بصح كمعلومة تحتاجوها:

عندكم Les fils تاع الخياطة فيهم بزاف الأنواع (Les types) وكل نوع راهو مصمم خصيصا على حساب الجرح المناسب..

•كاين Triangulaire يعني l'aiguille تاعو رايحة تكون على شكل مثلث مصممة خصيصا باش تخترق الجلد (باينة كي عاد شكل مثلث يعني رايحة تكون حادة ومناسبة للجلد باه تقدر تخيط بيها).

•كاين نوع آخر Circulaire نخيطو بيها les tissus moux كيما les muscles وLes intestins والكبد والطحال (كاين تفاصيل هنا بزاف على حساب الجرح).

•النوع الأخير هو spatulé يعني مسطحة وهذي تكون في جراحة العيون.

فـLes urgences وبالضبط فـLa salle des soins رايحين تلڤاو غير النوع الأول triangulaire لي يكون مخصص للجلد بحكم أنو الجراح ثماتك يتندارو غير فالجلد أما الباقي تلڤاوهم فغرفة العمليات.

والـType تاع الخيط ديما يتقرا فهذ البلاصة تلڤاو على شكل رمز كيما الـTriangulaire يكون الرمز تاعو (🔻).

الرمز USP تلڤاو توالو ديما سمك الخيط.. يكون على شكل كسر بصح حنا يهمنا البسط تاعو فقط:

كلما زاد الرقم لي فالبسط معناها الخيط عندو سمك صغير وهذا مناسب للجروح السطحية لي مهيش عميقة بزاف.
والعكس كلما قل الرقم هذا معناها الخيط راهو سميك بزاف نخليوه للجروح العميقة باه ميتڤطعش.

عندكم الأرقام من 0 حتان 4 كلما زاد الرقم كان الخيط رڤيڤ والعكس.

أما الرقم لي فالمقام ديما رايح يكون 0 يقصد بيه فقط أنو الخيط مهوش رايح يخلي cicatrice من بعد.

أما EP لي توالو فهو نفس القياس لكن بالطريقة الأوروبية لي ما شفتهومش يهتمو بيها بزاف.. يعني ديما يهتمو بالـUSP تاع الولايات المتحدة عندنا.

يعني حرفيا le type ميهمناش بزاف بسك ديما رايحين نلڤاو غير triangulaire فالسطاج تاعنا حاليا.

يهم غير المقاس USP هذا هو الصح.

#من_رسائلكم :

أنا طالبة جديدة نقدر نجيب معايا ماصو للإقامة يديرلي دوش وبوطاجي صغير فالشمبرة تاعي
ونجيب القطة تاعي منقدرش بلا بيها


جاوبوهاا 👇🏻

دعواتكم لي بالشِّفاء العاجل وأنو ميڤيسني حتى مرض بإذن الله 🩵.

نهدرو اليوم على les brûlures ✨.

صاي بطلت منيش حنهدر جاني الشغف دقيقة وراح.

عيشكم ربي يحفظكم لي راه ضكا فليزيرجونس تاع CHU ولا يقدر يروح ليها يعني يبعثلي بريفي محتاجة مساعدة طارئة ربي يحفظكم رايحين ديرو فيا خير كبير بزاف.

@daamiisophiaisgonnabetheshityeah