باش ناس ماتغلطكمش و تكونو فاهمين واش راه يصرا 😄✅

كثرت الهدرة على الـ5G و بالفعل أوريدو هي اول شركة تطلق الشبكة للتجربة فالولايات التالية :

• العاصمة.
• وهران.
• سطيف (+ العلمة).
• قسنطينة.

اما باقي الولايات فمزال وقتهم 👀.
يعني مكان علاه تتحمسو بزاف مزال حتى نهاية 2027 باش كل البلايص لي فيها 4G يولي متوفر الـ5G ✔️

ملاحظة ✏️ :
الولاية = سونطر تاع الولاية البلديات المجاورة مزال.

📣 | سجلنا مؤخرا و تزامناً مع اطلاق الـ5G العديد من المشاكل بخصوص المتعامل جيزي :

💬 • استقبال رسائل SMS.
📈 • تراجع اداء APIs التطبيق.
⌛ • الانقطاعات من 9 مساءاً الى 1 صباحاً.

بعض المناطق الكبرى مثل العاصمة و الولايات ذات كثافة كبيرة لا يصل فيها الـSMS نهائياً سواء رسائل تطبيق جيزي او الرسائل الاخرى.

لا نعلم تحديدا سبب المشكل الاصلي ربما إصلاحات على مستوى الابراج.
- كالعادة لا نرى اي توضيح او تنبيه من جيزي و هذا امر اعتدنا عليه 📌.

صرا واش كنا خايفين البارحة 👀

نعلمكم انو خدمات تطبيق جيزي كلها متوقفة ⛔️.

• سجلنا التوقف منذ 3 مساءاً. الى حد الساعة لم يتم حل المشكل بدون اي توضيح.

• اي حاجة متعلقة بتطبيق جيزي توقفت بالكامل ❗️.

- تفاداو تفعيل العروض من فضلكم. الى حين عودة البوت ✔️

رحبو بتطبيقنا الجديد 🎉😁

منحتي خدمناه للناس لي دايرين منحة البطالة ولا حابين يديروها.

فيه ميزات مفيدة بزاف :

✔️• وضعية المستفيد.
🗓• حجز المواعيد.
🖥• تجديد طلب العمل.
🎮• تحديث رقم الهاتف.

و بزاف عفايس اكتشفوها بنفسكم 🤩.

📱 | تقدرو تهبطوه من هنا :

https://play.google.com/store/apps/details?id=com.minhati.app
.
ماتنساولناش شوية نجمات عند عمو جوجل ⭐ اذا عجبكم 🧸.

بسبب الصيانة في بعض المناطق أنترنت اوريدو يمشي باطل في هذه الاثناء 🎉😁

- ابروفيتو لي عندو تحديثات يديرهم 😂✅.

اوريدو دوما دير هاد العفسة كي تكون عندها صيانة او تحديث فالشبكة. كثر خيرهم اسيدي 🙂💜

🔔 | تذكير.

مزالت الانترنت مجانا في اوريدو تمشي لحد الساعة 🙂.

• لاحظنا بلي العطل موجود فالولايات الكبرى كما العاصمة.
• الاماكن الي مافيهاش كثافة سكان عالية الانترنت تمشي مجانا.
• ممكن السبب يعود لتعديلات في ابراج 5G و تجارب تقنية.
• بعض من الخدمات فالبنية التحتية متوقف أيضا.

🔖 | حبينا نبهو لحاجة فالفيسبوك.

فالفيسبوك لايت 📱 البوت راه مايبانش فيه الازرار هاذوك. الامر خارج عن قدرتنا للأسف :( .
الفيسبوك راه يدير فتحديثات للشكل. ممكن اسبوع ولا اسبوعين و يرجعو (صرات شحال من مرة).

جماعة جيزي. الماسنجر 💬 يمشي عندكم باطل تسما المشكل ماتفيقوش بيه اصلا اما لي عندهم اوريدو ربي يعينكم 😭.

اذا كنت من السكان الاصليين تاع تلغرام ✉️ راك تهنيت ☕️ مرحبا بيك معانا فالقناة و البوت (@NotiByteBot) 🙂.
-

📣 | منصة جديدة تنصب على الجزائريين !

كاين منصة كانت تقول للناس استثمرو و جيبو ناس و تربحو مبالغ شهرية.
الان المنصة غلقت و داو اكثر من 400 مليار و راحو !.

• خاوتي رسالة من القلب الله يعزكم.
مكانش حاجة اسمها منصة و استثمار.

مذابيا مانشوف حتى واحد من لي يتبعونا يتنصب عليه و لا يتعرض لسرقة جبانة كما هاذي.

يجيك عزيز ولا قريب يقولك كاين منصة و ارواح تدخل وريلو ميساجي هذا !
و اذا ماتقدرش توريلو اعتذر و أكذب عليه قولو ماعنديش.

ناس راهي مال عمرها راح قدام عينيها.
اجتنبو الشبهات و المنصات الفاشلة هاذي. الدراهم تجي بالخدمة و تلم ناس باش دخلهم لمنصة مهيش خدمة.

ماتش تاع منتخب ضامن التأهل 🇩🇿💀

- كي يلعبو بلا ستراس يولو فنانين 🎉

جماعة اوريدو لوكان جات المولودية يزهوكم بـ3 جيغا 😂🎁

أوريدو راهي فاتحة الانترنت باطل 😁🎁


لي عندو كاش حاجة حاب يتيليشارجيها يتفضل 😂💜

⚠️ | جيزي راهي في حالة كارثية.

اوقفنا البوت مؤقتا ☕️ لحين يتحل المشكل من عندهم...


ننصحوكم بتفادي تفعيل العروض باش مايروحلكمش رصيد.

كود مولودية الجزائر الجديد 🎉⚽️

لي عندهم اوريدو 📶🎁 ابعثو ميساج فيه 1951 ✉️ الى الرقم 921 📱

و كل هدف تماركيه مولودية راح يعطوك 1 جيغا 🥳

ملاحظة 🆓 :
- الماتش غدا على ساعة 17:00.
- اذا مسجل من قبل مش لازم تعاود.
- اذا عندك ايفون عيط للرقم 921 و بعدها ادخل للسجلات تاع الاتصال و ارسل ميساج.

تتويج مولودية الجزائر بكأس السوبر [ 1 - 0 ] ⚽️🎉.

مبروك 1 جيغا 📶🎁 لكل لي دارو الكود ولا دايرينو من قبل 💜.

ملاحظة 🆓📝 :

الجائزة تصل تدريجياً. ممكن تأخذ ساعات بعد المباراة.

+ لي وصلاتو رسالة يحطلنا كابتير 📱✅.

☎️ | كاين مشكل لي حرفيا قليل لي ملاحظينو.

مشتركي الـFiber راهم يعانو من اسابيع. الانترنت شابة ☕️ بصح تريح تتفرج فيديو تقطع عليك الانترنت فجأة و ترجع ! كيف كيف مع بثوث المباريات و تلغرام.

- يعني المشكل تاع استقرار راه صاير حاليا. كيفاش تقدر تفهم مهندس فإتصالات الجزائر بمشكل كما هذا ضوكا ؟.

تتويج السنغال 🇸🇳 في نسخة كأس أمم إفريقيا 2025 المغرب بفوزه على المغرب 0-1 🎉.

- بالتوفيق للمنتخب المغربي 🇲🇦 في النسخة القادمة.

متابعينا الاعزاء 🆓🎁

واش هي احسن العروض لي تستعملوها 😄 ؟.

📶 • جيزي.

📶 • اوريدو.

📶 • موبيليس.

📲 • الفيبر / الـADSL.

- منشور للفائدة ممكن نلقاو عروض مخفية و شابة ☕️

☎️ | اتصالات الجزائر تعلن إستحواذها لنادي اتحاد خنشلة !.


قلنالهم ناقصنا كابل بحري جديد و توسيع للـFiber و 4G راحو شراو نادي 🙂.

- يجدر بالذكر أنو شبيبة القبائل (J.S.K) ملك أيضا للمتعامل موبيليس 📶 وهو فالاصل تابع لإتصالات الجزائر.

جماعة "ألو معاك بريد الجزائر" 💳😂.

دارولهم تم القبض ☕️. الحمد لله رانا نشوفو الدولة تتحرك ضدهم و حاجة ماراهي تفوت بلا حساب