▪️▪️▪️▪️▪️
الهوه من دون كل ايّامنه مخنوگ
هذا اليوم هَب شايل حزن شهرك
بعد چم يوم يا سيّدي اتضل عطشان
او دمك يُستباح او ينگطع نحرك
او هدمك ينسلِب والسمه اتنوح اعليك
من الخيل تسعِي او تركض ابصدرك
عُمرنه اشما كُبر يكبر اوياه النوح
يضل بارواحنه او ما ينّسِي ذكرك
▪️▪️▪️▪️▪️
اللهُم عجّل لوليّك الفرج
الهوه من دون كل ايّامنه مخنوگ
هذا اليوم هَب شايل حزن شهرك
بعد چم يوم يا سيّدي اتضل عطشان
او دمك يُستباح او ينگطع نحرك
او هدمك ينسلِب والسمه اتنوح اعليك
من الخيل تسعِي او تركض ابصدرك
عُمرنه اشما كُبر يكبر اوياه النوح
يضل بارواحنه او ما ينّسِي ذكرك
▪️▪️▪️▪️▪️
اللهُم عجّل لوليّك الفرج
▪️▪️▪️▪️▪️
يا عم يا حبيبي
اوياك ابقه حتّه لو موتي وصل
يا عم ياحبيبي
الموت بين ايدينك أحله امن العسل
▪️▪️▪️▪️▪️
القاسم ابن الحسن آنه سيّدي يبن الطهر
الهذا يومك يا إمامي والدي ضمني ذخُر
صاح "لايوم كيومك" من حچاهه منقهر
يدري بيك اتضل وحيد ابكربله ما تنّصر
وصّاني النصرتك
ابيوم عاشر لمّن ابوحدك تضل
وصّاني النصرتك
الموت بين ايدينك أحله امن العسل
▪️▪️▪️▪️▪️
مجْد ابويه الغالي بالطف راح اعيده من اطُب
او كون اگُر عينك او عينه لمّن ادخلها الحرُب
حتماً ايضل يا أميري المثل بيّه ينضرُب
او فوگ روس اعدانه بالطف نار اخلّيها تصُب
ما أرحم جمعهُم
بالجثث سيفي يسوّي اشچم جبل
ما أرحم جمعهُم
الموت بين ايدينك أحله امن العسل
▪️▪️▪️▪️▪️
لو أشِد ابعزمي باچر كلها تحتار العقول
الصوت منهم آنه اسمعه يا بطل هذا تگول
اوداعتك بيدي اخلّي تركع السيفي النصول
راح اصول او كون اذكرك بالحسن لمن يصول
بالطف راح اكرّر
كل بطولاته او أخص حرب الجمل
بالطف راح اكرّر
الموت بين ايدينك أحله امن العسل
▪️▪️▪️▪️▪️
عمي لا تحتار واحنه يمّك اشتم الهوه
الراد يگرب عله حدّك رجله تنگص لو نوه
ولدك انصارك واخوتك فدوِتك كلنه سوه
همنه هوّه بس رضائك تدري يبن القل هو
يا عاقل يعوفك
وانته نور الله يبن خير العمل
يا عاقل يعوفك
الموت بين ايدينك أحله امن العسل
▪️▪️▪️▪️▪️
باچر التاريخ يشهد عله هاي الموزمه
رمز راح انصير بالطف نشبه انجوم السمه
ما تمُر الشدّه بينه واحنه أهْل الملحمه
الحاربك يحسين أقسم هذا گلبه بي عَمه
هذا آنه يقيني
ما يفوز الخاصمك مهما حصل
هذا آنه يقيني
الموت بين ايدينك أحله امن العسل
▪️▪️▪️▪️▪️
العاشر امن ايحِل صباحه بعد ميحِل السلام
ما نسولف احنه يبقه فقط للسيف الكلام
اوداعة الزهره عمرنه لو گضه دونك حرام
ما يخيب اللي ينصرك ولله يحسين الإمام
ابميدان البطوله
السيف بيده هوّه يختار الجُمل
ابميدان البطوله
الموت بين ايدينك أحله امن العسل
▪️▪️▪️▪️▪️
ابو الحسن الوائلي
١٤٤٥هـ
يا عم يا حبيبي
اوياك ابقه حتّه لو موتي وصل
يا عم ياحبيبي
الموت بين ايدينك أحله امن العسل
▪️▪️▪️▪️▪️
القاسم ابن الحسن آنه سيّدي يبن الطهر
الهذا يومك يا إمامي والدي ضمني ذخُر
صاح "لايوم كيومك" من حچاهه منقهر
يدري بيك اتضل وحيد ابكربله ما تنّصر
وصّاني النصرتك
ابيوم عاشر لمّن ابوحدك تضل
وصّاني النصرتك
الموت بين ايدينك أحله امن العسل
▪️▪️▪️▪️▪️
مجْد ابويه الغالي بالطف راح اعيده من اطُب
او كون اگُر عينك او عينه لمّن ادخلها الحرُب
حتماً ايضل يا أميري المثل بيّه ينضرُب
او فوگ روس اعدانه بالطف نار اخلّيها تصُب
ما أرحم جمعهُم
بالجثث سيفي يسوّي اشچم جبل
ما أرحم جمعهُم
الموت بين ايدينك أحله امن العسل
▪️▪️▪️▪️▪️
لو أشِد ابعزمي باچر كلها تحتار العقول
الصوت منهم آنه اسمعه يا بطل هذا تگول
اوداعتك بيدي اخلّي تركع السيفي النصول
راح اصول او كون اذكرك بالحسن لمن يصول
بالطف راح اكرّر
كل بطولاته او أخص حرب الجمل
بالطف راح اكرّر
الموت بين ايدينك أحله امن العسل
▪️▪️▪️▪️▪️
عمي لا تحتار واحنه يمّك اشتم الهوه
الراد يگرب عله حدّك رجله تنگص لو نوه
ولدك انصارك واخوتك فدوِتك كلنه سوه
همنه هوّه بس رضائك تدري يبن القل هو
يا عاقل يعوفك
وانته نور الله يبن خير العمل
يا عاقل يعوفك
الموت بين ايدينك أحله امن العسل
▪️▪️▪️▪️▪️
باچر التاريخ يشهد عله هاي الموزمه
رمز راح انصير بالطف نشبه انجوم السمه
ما تمُر الشدّه بينه واحنه أهْل الملحمه
الحاربك يحسين أقسم هذا گلبه بي عَمه
هذا آنه يقيني
ما يفوز الخاصمك مهما حصل
هذا آنه يقيني
الموت بين ايدينك أحله امن العسل
▪️▪️▪️▪️▪️
العاشر امن ايحِل صباحه بعد ميحِل السلام
ما نسولف احنه يبقه فقط للسيف الكلام
اوداعة الزهره عمرنه لو گضه دونك حرام
ما يخيب اللي ينصرك ولله يحسين الإمام
ابميدان البطوله
السيف بيده هوّه يختار الجُمل
ابميدان البطوله
الموت بين ايدينك أحله امن العسل
▪️▪️▪️▪️▪️
ابو الحسن الوائلي
١٤٤٥هـ
كأنّي بعلي الأكبر:
▪️▪️▪️▪️▪️
أرْد اوصّيك ابوصيّه او مدمعي هامل
عينك اعله احسين ابويه يا أبو فاضل
عمي يالكفيل لو طحت قتيل
عينك اعله احسين ابويه يا أبو فاضل
▪️▪️▪️▪️▪️
غيم الحزن يفتر او بعده الفگد ما مرّ
ناده علي الأكبر عمي يعباس
يالغالي يا عمّي دمعي ابحزن يهمي
لو شاهدِت جسمي منّه انگطع راس
بالحومه لو تدنه منيتي
بحسين ابو اليمّه وصيتي
موتي لو يوصل اليّه او گطعوا اوصالي
لا تخلّي شخص يگرب للأبو الغالي
توجع الدليل لو طحت قتيل
عينك اعله احسين ابويه يا أبو فاضل
▪️▪️▪️▪️▪️
اهنانه الگمر گلّه يبن الأخو سهله
منهو اللي يوصلّه الشيخ العشيره
انته يضي عيني ابروحي توصّيني
مو إنته تدريني ما عندي غَيره
گلّه او علي الأكبر يشوفه
وين الگه مثله حتّه اعوفه
اشلون اعوف اللي أعدّه أغله كل ناسي
او هوّه مولاي او أميري او تاج لبراسي
عمري للأصيل لو طحت قتيل
عينك اعله احسين ابويه يا أبو فاضل
▪️▪️▪️▪️▪️
الأكبر گرب أمره والحومه تنتظره
اهنا خنگته العبره والكافل ايشوف
وايگلّه چم لحضه أوگع عله الرمضه
او جسمي العده اترضّه واتگطعه الْسيوف
والفرس لو دم غطّه عينه
ياخذني لاعداي اللعينه
انته تدري ابحقْد اميّه يا گمر هاشم
جسمي حين اليوصل الهم ما يرد سالم
والدمه تسيل لو طحت قتيل
عينك اعله احسين ابويه يا أبو فاضل
▪️▪️▪️▪️▪️
ناده گمر هاشم او منّه الدمع ساجم
او روح النبي القاسم صعبه عليّه
عالغبره من توگع وانظرلك امگطّع
يا حسره يا مدمع تكفي اليّه
اشحال الحُسين انظرله يمّك
لمّن يباوع دامي جسمك
يختنگ صدره واشوفه احچايه ما يحچي
من ينظرك عالوطيّه ابكل قهر يبچي
يبتدي العويل لو طحت قتيل
عينك اعله احسين ابويه يا أبو فاضل
▪️▪️▪️▪️▪️
حين التحضورني امگطّع تشوفوني
ابكل حرگه تبچوني واتسيل الْدموع
اعرف يخو زينب هذا الأمر يصعب
من والدي ينحب بفراگي وايلوع
من يلگه جسمي امحاضن الگاع
دمعات ابويه تنزل ابساع
من تلمّوني يعمّي او جاريه الدمعه
تلگه فوگ الغبره منّي ابكل شبِر قطعه
ايگطّعوني حيل لو طحت قتيل
عينك اعله احسين ابويه يا أبو فاضل
▪️▪️▪️▪️▪️
افراگك يأذينه واهوايه يچوينه
ابكسره يخلّينه وايأذّي كل روح
الله يعين اُمّك حين التصد جسمك
متعفّر ابدمّك واتنادي واتنوح
يبني عمت عيني اعله حالك
فيض الدمه صابغ جمالك
أشبه الناس ابمحمد والوصي حيدر
عالرمل وسفه ابجروحك توگع امعفّر
هالأمر ثجيل لو طحت قتيل
عينك اعله احسين ابويه يا أبو فاضل
▪️▪️▪️▪️▪️
ابو الحسن الوائلي
١٤٤٥هـ
▪️▪️▪️▪️▪️
أرْد اوصّيك ابوصيّه او مدمعي هامل
عينك اعله احسين ابويه يا أبو فاضل
عمي يالكفيل لو طحت قتيل
عينك اعله احسين ابويه يا أبو فاضل
▪️▪️▪️▪️▪️
غيم الحزن يفتر او بعده الفگد ما مرّ
ناده علي الأكبر عمي يعباس
يالغالي يا عمّي دمعي ابحزن يهمي
لو شاهدِت جسمي منّه انگطع راس
بالحومه لو تدنه منيتي
بحسين ابو اليمّه وصيتي
موتي لو يوصل اليّه او گطعوا اوصالي
لا تخلّي شخص يگرب للأبو الغالي
توجع الدليل لو طحت قتيل
عينك اعله احسين ابويه يا أبو فاضل
▪️▪️▪️▪️▪️
اهنانه الگمر گلّه يبن الأخو سهله
منهو اللي يوصلّه الشيخ العشيره
انته يضي عيني ابروحي توصّيني
مو إنته تدريني ما عندي غَيره
گلّه او علي الأكبر يشوفه
وين الگه مثله حتّه اعوفه
اشلون اعوف اللي أعدّه أغله كل ناسي
او هوّه مولاي او أميري او تاج لبراسي
عمري للأصيل لو طحت قتيل
عينك اعله احسين ابويه يا أبو فاضل
▪️▪️▪️▪️▪️
الأكبر گرب أمره والحومه تنتظره
اهنا خنگته العبره والكافل ايشوف
وايگلّه چم لحضه أوگع عله الرمضه
او جسمي العده اترضّه واتگطعه الْسيوف
والفرس لو دم غطّه عينه
ياخذني لاعداي اللعينه
انته تدري ابحقْد اميّه يا گمر هاشم
جسمي حين اليوصل الهم ما يرد سالم
والدمه تسيل لو طحت قتيل
عينك اعله احسين ابويه يا أبو فاضل
▪️▪️▪️▪️▪️
ناده گمر هاشم او منّه الدمع ساجم
او روح النبي القاسم صعبه عليّه
عالغبره من توگع وانظرلك امگطّع
يا حسره يا مدمع تكفي اليّه
اشحال الحُسين انظرله يمّك
لمّن يباوع دامي جسمك
يختنگ صدره واشوفه احچايه ما يحچي
من ينظرك عالوطيّه ابكل قهر يبچي
يبتدي العويل لو طحت قتيل
عينك اعله احسين ابويه يا أبو فاضل
▪️▪️▪️▪️▪️
حين التحضورني امگطّع تشوفوني
ابكل حرگه تبچوني واتسيل الْدموع
اعرف يخو زينب هذا الأمر يصعب
من والدي ينحب بفراگي وايلوع
من يلگه جسمي امحاضن الگاع
دمعات ابويه تنزل ابساع
من تلمّوني يعمّي او جاريه الدمعه
تلگه فوگ الغبره منّي ابكل شبِر قطعه
ايگطّعوني حيل لو طحت قتيل
عينك اعله احسين ابويه يا أبو فاضل
▪️▪️▪️▪️▪️
افراگك يأذينه واهوايه يچوينه
ابكسره يخلّينه وايأذّي كل روح
الله يعين اُمّك حين التصد جسمك
متعفّر ابدمّك واتنادي واتنوح
يبني عمت عيني اعله حالك
فيض الدمه صابغ جمالك
أشبه الناس ابمحمد والوصي حيدر
عالرمل وسفه ابجروحك توگع امعفّر
هالأمر ثجيل لو طحت قتيل
عينك اعله احسين ابويه يا أبو فاضل
▪️▪️▪️▪️▪️
ابو الحسن الوائلي
١٤٤٥هـ
▪️▪️▪️▪️▪️
اودعك مادري اشلون
حرت يانور الْعيون
باچر راح أبچي اهوايه واحتار
وابقه ابوحدي بين الغربه والنار
▪️▪️▪️▪️▪️
باچر اذا يبدي الصبح ويّاه يبدأ حزني
والخير ماشوفه يمر بس العذاب ايمرني
بعيوني اباوع كربله چم غالي بي تفجعني
كلشي يضل ساكت نعم والينسمع بس ونّي
باچر يبدي الْمصاب
وانظر للگمر غاب
يا راحه التمر بت حامي الجار
وابقه ابوحدي بين الغربه والنار
▪️▪️▪️▪️▪️
تدريني لو عنّي رحت للضيم اشد احزامي
يحسين ماشوفك بعد والگه الشمر گدّامي
من تنذبح يا راحتي عگبك تفز آلامي
والماله غيره او لا أصل للضعن يصبح حامي
ابقه او حالي يا حال
وحدي ابلايه كفّال
محّد يحمي ضعني والعده اشرار
وابقه ابوحدي بين الغربه والنار
▪️▪️▪️▪️▪️
يحسين تعرف لو طحت يغفه السهر بعيوني
من تنذبح راح انسبي و المو زلم يسبوني
لو رحتوا باچر هالعده صدّگني ميرحموني
وين الْمضيعين الشرف يا حسرتِي ايشوفوني
هضمه الما إله دين
ينظر طولي يحسين
يصعب هالأمر اي ولله لو صار
وابقه ابوحدي بين الغربه والنار
▪️▪️▪️▪️▪️
يا خويه مو سهله المره لو ضلّت ابلا والي
تلتفت ما تلگه ظهر بس الدموع اتلالي
باچر انه ابهذا الوضع محتاره اضل من تالي
وابعيني اناظر عالترب مذبوح وين الغالي
وين الغيره متروس
ابصدره الحافر ايدوس
او بعد اضلوعكم تسحگ بالزغار
وابقه ابوحدي بين الغربه والنار
▪️▪️▪️▪️▪️
لو حان صبح الفاجعه ما تنحبس آهاتي
ما تنفرز ياهي الأخف والأشد من لوعاتي
بدموعي باچر راح الِم بالنسوه وابنيّاتي
وابديت اشم ريحة حرگ لو گلبي لو خيماتي
باچر هدّت الخيل
من عدنه تهد حيل
عگبكم عالخيام الناس تندار
وابقه ابوحدي بين الغربه والنار
▪️▪️▪️▪️▪️
أشكي سگُم حالي وانه يهضُم اشگد موضوعي
مو مال اضل يم الغرب وآنه الأصيله ابنوعي
باچر الراح انظُر إله ايرجّفلي كل اضلوعي
عالرمح راسك أنظُره عالي او تسيل ادموعي
عنّي لمّن اتروح
واجب يصبح النوح
دمعاتي اعله وجهي تجري مدرار
وابقه ابوحدي بين الغربه والنار
▪️▪️▪️▪️▪️
باچر عگب گطع النحر گلبي ايتحيّر بامره
أحتار المّك لو ألِم نسوانّه امن الصحره
أنظر عليّ حقده يصب وين اللي باع الگطره
والماله كل غيره يجي ابكل حقد يسبي الحرّه
تلزم چفّي الحبال
وامشي ويّه الانذال
تتجرّه العبيد او تسبي الاحرار
وابقه ابوحدي بين الغربه والنار
▪️▪️▪️▪️▪️
ابو الحسن الوائلي
١٤٤٥هـ
اودعك مادري اشلون
حرت يانور الْعيون
باچر راح أبچي اهوايه واحتار
وابقه ابوحدي بين الغربه والنار
▪️▪️▪️▪️▪️
باچر اذا يبدي الصبح ويّاه يبدأ حزني
والخير ماشوفه يمر بس العذاب ايمرني
بعيوني اباوع كربله چم غالي بي تفجعني
كلشي يضل ساكت نعم والينسمع بس ونّي
باچر يبدي الْمصاب
وانظر للگمر غاب
يا راحه التمر بت حامي الجار
وابقه ابوحدي بين الغربه والنار
▪️▪️▪️▪️▪️
تدريني لو عنّي رحت للضيم اشد احزامي
يحسين ماشوفك بعد والگه الشمر گدّامي
من تنذبح يا راحتي عگبك تفز آلامي
والماله غيره او لا أصل للضعن يصبح حامي
ابقه او حالي يا حال
وحدي ابلايه كفّال
محّد يحمي ضعني والعده اشرار
وابقه ابوحدي بين الغربه والنار
▪️▪️▪️▪️▪️
يحسين تعرف لو طحت يغفه السهر بعيوني
من تنذبح راح انسبي و المو زلم يسبوني
لو رحتوا باچر هالعده صدّگني ميرحموني
وين الْمضيعين الشرف يا حسرتِي ايشوفوني
هضمه الما إله دين
ينظر طولي يحسين
يصعب هالأمر اي ولله لو صار
وابقه ابوحدي بين الغربه والنار
▪️▪️▪️▪️▪️
يا خويه مو سهله المره لو ضلّت ابلا والي
تلتفت ما تلگه ظهر بس الدموع اتلالي
باچر انه ابهذا الوضع محتاره اضل من تالي
وابعيني اناظر عالترب مذبوح وين الغالي
وين الغيره متروس
ابصدره الحافر ايدوس
او بعد اضلوعكم تسحگ بالزغار
وابقه ابوحدي بين الغربه والنار
▪️▪️▪️▪️▪️
لو حان صبح الفاجعه ما تنحبس آهاتي
ما تنفرز ياهي الأخف والأشد من لوعاتي
بدموعي باچر راح الِم بالنسوه وابنيّاتي
وابديت اشم ريحة حرگ لو گلبي لو خيماتي
باچر هدّت الخيل
من عدنه تهد حيل
عگبكم عالخيام الناس تندار
وابقه ابوحدي بين الغربه والنار
▪️▪️▪️▪️▪️
أشكي سگُم حالي وانه يهضُم اشگد موضوعي
مو مال اضل يم الغرب وآنه الأصيله ابنوعي
باچر الراح انظُر إله ايرجّفلي كل اضلوعي
عالرمح راسك أنظُره عالي او تسيل ادموعي
عنّي لمّن اتروح
واجب يصبح النوح
دمعاتي اعله وجهي تجري مدرار
وابقه ابوحدي بين الغربه والنار
▪️▪️▪️▪️▪️
باچر عگب گطع النحر گلبي ايتحيّر بامره
أحتار المّك لو ألِم نسوانّه امن الصحره
أنظر عليّ حقده يصب وين اللي باع الگطره
والماله كل غيره يجي ابكل حقد يسبي الحرّه
تلزم چفّي الحبال
وامشي ويّه الانذال
تتجرّه العبيد او تسبي الاحرار
وابقه ابوحدي بين الغربه والنار
▪️▪️▪️▪️▪️
ابو الحسن الوائلي
١٤٤٥هـ
▪️▪️▪️▪️▪️
صحت يا ليلة العاشر
عسنّه لا يجي باچر
بعد هاي المسيّه جراحات او منيّه
▪️▪️▪️▪️▪️
يا ليلة العاشر مصابچ صعب
من هسّه نارچ لاهِبه بالگلُب
من هسّه دمع العين أحمر يصب
من هسّه عيّشتيلي گلبي ابرعب
المنام امزاعل اعيوني
واشوفه منخطف لوني
اعرفت معنى القضيّه جراحات او منيّه
▪️▪️▪️▪️▪️
بيچ انظُر اعله الخوف فارش جنح
والقلق بيّه مثله ماضن يصح
من راسي ارفعه عالسمه أنجرح
بيها أصِد مشيول راس ابرمح
اباوع للسمه ابحسره
واشوف الفاجعه الكُبره
ابطفوف الغاضريّه جراحات او منيّه
▪️▪️▪️▪️▪️
باچر الراح ايصير ما ينحچي
والضيم اصد فوگ الگلُب ينتچي
ما ينگطع سيل الدمع والبچي
اچبيره المصيبه مو بگد الحچي
لونّك تمضي يا ليلي
ابصباحك ينهدم حيلي
أشاهد بس أذيّه جراحات او منيّه
▪️▪️▪️▪️▪️
باچر الماي ايبوگ منّي الگمر
يلچملي گلبي من يضل عالنهر
گلبي ابوداعه يستعِد للقهر
ايضربوني وانسب وآنه بنت الفخر
عگب عين الكفل بالطف
تگود احبال اُميّه الچف
رزيّه يا رزيّه جراحات او منيّه
▪️▪️▪️▪️▪️
من يوگع احسين الأخو عالأرض
يگطع ابراسه اگبالي چف البغُض
واخيول اُميّه ابعظُم جسمه ترض
هيّه او زلمها فوگه تركض ركض
الحوافر تطحن اعظامه
او تجيب اوصاله لاخيامه
ايتوزّع عالوطيّه جراحات او منيّه
▪️▪️▪️▪️▪️
من يحل ليل العاشر افجع أمُر
فوگ الرماد ايصير نوم الخدر
وابصبح يوم اهدعش يبدي اليسُر
بي أمري راح ايصير بيد الشمُر
انه الما طالع اخيالي
أروح اميسّره تالي
يگودوني سبيّه جراحات او منيّه
▪️▪️▪️▪️▪️
ابو الحسن الوائلي
١٤٤٥هـ
صحت يا ليلة العاشر
عسنّه لا يجي باچر
بعد هاي المسيّه جراحات او منيّه
▪️▪️▪️▪️▪️
يا ليلة العاشر مصابچ صعب
من هسّه نارچ لاهِبه بالگلُب
من هسّه دمع العين أحمر يصب
من هسّه عيّشتيلي گلبي ابرعب
المنام امزاعل اعيوني
واشوفه منخطف لوني
اعرفت معنى القضيّه جراحات او منيّه
▪️▪️▪️▪️▪️
بيچ انظُر اعله الخوف فارش جنح
والقلق بيّه مثله ماضن يصح
من راسي ارفعه عالسمه أنجرح
بيها أصِد مشيول راس ابرمح
اباوع للسمه ابحسره
واشوف الفاجعه الكُبره
ابطفوف الغاضريّه جراحات او منيّه
▪️▪️▪️▪️▪️
باچر الراح ايصير ما ينحچي
والضيم اصد فوگ الگلُب ينتچي
ما ينگطع سيل الدمع والبچي
اچبيره المصيبه مو بگد الحچي
لونّك تمضي يا ليلي
ابصباحك ينهدم حيلي
أشاهد بس أذيّه جراحات او منيّه
▪️▪️▪️▪️▪️
باچر الماي ايبوگ منّي الگمر
يلچملي گلبي من يضل عالنهر
گلبي ابوداعه يستعِد للقهر
ايضربوني وانسب وآنه بنت الفخر
عگب عين الكفل بالطف
تگود احبال اُميّه الچف
رزيّه يا رزيّه جراحات او منيّه
▪️▪️▪️▪️▪️
من يوگع احسين الأخو عالأرض
يگطع ابراسه اگبالي چف البغُض
واخيول اُميّه ابعظُم جسمه ترض
هيّه او زلمها فوگه تركض ركض
الحوافر تطحن اعظامه
او تجيب اوصاله لاخيامه
ايتوزّع عالوطيّه جراحات او منيّه
▪️▪️▪️▪️▪️
من يحل ليل العاشر افجع أمُر
فوگ الرماد ايصير نوم الخدر
وابصبح يوم اهدعش يبدي اليسُر
بي أمري راح ايصير بيد الشمُر
انه الما طالع اخيالي
أروح اميسّره تالي
يگودوني سبيّه جراحات او منيّه
▪️▪️▪️▪️▪️
ابو الحسن الوائلي
١٤٤٥هـ
▪️▪️▪️▪️▪️
ليلة فاجعه او لوعه او مصيبه
بيها چم گلُب يسعر لهيبه
▪️▪️▪️▪️▪️
ليله حمره او غايبه بيها الغيوم
والهوه ميّت او مختفيه النجوم
عله راس الگاع متسيده الهموم
والخيم بيها دُخان الهم يحوم
نور الله غداً يلگه مغيبه
بيها چم گلُب يسعر لهيبه
▪️▪️▪️▪️▪️
كلشي حاله اتغيّر ابليل الوداع
والكواكب دخلت ابحال افتجاع
باچر الدم يسطع اشلون الشعاع
وابحرم آل النبي يبدي الضياع
چم حرّه غداً تصبح غریبه
بيها چم گلُب يسعر لهيبه
▪️▪️▪️▪️▪️
باچر اشچم حاقد انصدله وگف
ابحرب بين الذِلّه هوّه والشرف
الظهُر ابن الحق لون دمّه نزف
الف كلّا للظلم نسمع هتف
كل لحظه تمر تُحسب رهيبه
بيها چم گلُب يسعر لهيبه
▪️▪️▪️▪️▪️
عالشريعه الگمر راح انشوفه غاب
او گلب زینب شاد حيله للعذاب
الگاع من هسه استعدت للمصاب
احسين راح ايطيح باچر عالتراب
تبقه اعله الرمل جثته سليبه
بيها چم گلُب يسعر لهيبه
▪️▪️▪️▪️▪️
ابكربله ابهاي الحرب راح السيوف
اشچم نحر طاهر تگِطعه بالطفوف
من يضل ضعن الأمان ايلاگي خوف
او يبقه دمع العين عالوجنه ذروف
دمعات الحزن تصبح سكيبه
بيها چم گلُب يسعر لهيبه
▪️▪️▪️▪️▪️
العين بالطف تصد چم منظر مهول
كلشي يسكت والحجي بس للنصول
وحده راح ايضل ابن بنت الرسول
اعظام ابو السجّاد تطحنها الخيول
الرحمه تنسحگ ولله عجيبه
بيها چم گلُب يسعر لهيبه
▪️▪️▪️▪️▪️
كلشي يندب کربلا یا کربلاء
ابحیرہ باچر ينملي وجه الفضاء
تجري باچر عالترب أقدس دماء
او تنسبي من هالأرض اشرف نساء
باچر چم مُحب يترك حبيبه
بيها چم گلُب يسعر لهيبه
▪️▪️▪️▪️▪️
ابو الحسن الوائلي
العتبة الكاظمية المقدسة
١٤٤٥هـ
ليلة فاجعه او لوعه او مصيبه
بيها چم گلُب يسعر لهيبه
▪️▪️▪️▪️▪️
ليله حمره او غايبه بيها الغيوم
والهوه ميّت او مختفيه النجوم
عله راس الگاع متسيده الهموم
والخيم بيها دُخان الهم يحوم
نور الله غداً يلگه مغيبه
بيها چم گلُب يسعر لهيبه
▪️▪️▪️▪️▪️
كلشي حاله اتغيّر ابليل الوداع
والكواكب دخلت ابحال افتجاع
باچر الدم يسطع اشلون الشعاع
وابحرم آل النبي يبدي الضياع
چم حرّه غداً تصبح غریبه
بيها چم گلُب يسعر لهيبه
▪️▪️▪️▪️▪️
باچر اشچم حاقد انصدله وگف
ابحرب بين الذِلّه هوّه والشرف
الظهُر ابن الحق لون دمّه نزف
الف كلّا للظلم نسمع هتف
كل لحظه تمر تُحسب رهيبه
بيها چم گلُب يسعر لهيبه
▪️▪️▪️▪️▪️
عالشريعه الگمر راح انشوفه غاب
او گلب زینب شاد حيله للعذاب
الگاع من هسه استعدت للمصاب
احسين راح ايطيح باچر عالتراب
تبقه اعله الرمل جثته سليبه
بيها چم گلُب يسعر لهيبه
▪️▪️▪️▪️▪️
ابكربله ابهاي الحرب راح السيوف
اشچم نحر طاهر تگِطعه بالطفوف
من يضل ضعن الأمان ايلاگي خوف
او يبقه دمع العين عالوجنه ذروف
دمعات الحزن تصبح سكيبه
بيها چم گلُب يسعر لهيبه
▪️▪️▪️▪️▪️
العين بالطف تصد چم منظر مهول
كلشي يسكت والحجي بس للنصول
وحده راح ايضل ابن بنت الرسول
اعظام ابو السجّاد تطحنها الخيول
الرحمه تنسحگ ولله عجيبه
بيها چم گلُب يسعر لهيبه
▪️▪️▪️▪️▪️
كلشي يندب کربلا یا کربلاء
ابحیرہ باچر ينملي وجه الفضاء
تجري باچر عالترب أقدس دماء
او تنسبي من هالأرض اشرف نساء
باچر چم مُحب يترك حبيبه
بيها چم گلُب يسعر لهيبه
▪️▪️▪️▪️▪️
ابو الحسن الوائلي
العتبة الكاظمية المقدسة
١٤٤٥هـ
▪️▪️▪️▪️▪️
گوم حيدر للطفوف الليله
احسين مذبوح او سبيّه العيله
▪️▪️▪️▪️▪️
گوم يابو احسين يا عقد الوله
يا علي اوليدك صريع ابكربله
وانسبت يا حمه الجار العايله
هالحدث كل بشر يهدم حيله
▪️▪️▪️▪️▪️
گوم يا حامي الحميّه وانتفض
ابنك الغالي طريح اعله الارض
والخيول الحاقده ابجسمه ترض
شافته الحرّه او دمعها اتسيله
▪️▪️▪️▪️▪️
شافت ابجسمه العقيله اشچم جرح
غافي بيهن يا علي اتراب او ملح
او شاهدت راسه على راس الرمح
كلشي لو شافه يضل يبچيله
▪️▪️▪️▪️▪️
گوم شوف ابناتك اربات الحِجال
ضلّن ابلا حارس ابّين الرجال
صعّدوهن يا علي فوگ الجمال
انته كشّاف الكرب واشكيله
▪️▪️▪️▪️▪️
تدري بولادك ولا واحد رحم
عالشريعه انذبح شيّال العلم
ابطيحته عالنسوه حرگوها الخيم
امصيبه ولله يالأمير اثگيله
▪️▪️▪️▪️▪️
گلبك ادري ابكثر آلامه وجيع
ولدك اعله الگاع واحدهم صريع
ما سلم يابو الحسن حتّه الرضيع
يا گلُب هذا المصاب ايشيله
▪️▪️▪️▪️▪️
ابو الحسن الوائلي
١٤٤٥هـ
گوم حيدر للطفوف الليله
احسين مذبوح او سبيّه العيله
▪️▪️▪️▪️▪️
گوم يابو احسين يا عقد الوله
يا علي اوليدك صريع ابكربله
وانسبت يا حمه الجار العايله
هالحدث كل بشر يهدم حيله
▪️▪️▪️▪️▪️
گوم يا حامي الحميّه وانتفض
ابنك الغالي طريح اعله الارض
والخيول الحاقده ابجسمه ترض
شافته الحرّه او دمعها اتسيله
▪️▪️▪️▪️▪️
شافت ابجسمه العقيله اشچم جرح
غافي بيهن يا علي اتراب او ملح
او شاهدت راسه على راس الرمح
كلشي لو شافه يضل يبچيله
▪️▪️▪️▪️▪️
گوم شوف ابناتك اربات الحِجال
ضلّن ابلا حارس ابّين الرجال
صعّدوهن يا علي فوگ الجمال
انته كشّاف الكرب واشكيله
▪️▪️▪️▪️▪️
تدري بولادك ولا واحد رحم
عالشريعه انذبح شيّال العلم
ابطيحته عالنسوه حرگوها الخيم
امصيبه ولله يالأمير اثگيله
▪️▪️▪️▪️▪️
گلبك ادري ابكثر آلامه وجيع
ولدك اعله الگاع واحدهم صريع
ما سلم يابو الحسن حتّه الرضيع
يا گلُب هذا المصاب ايشيله
▪️▪️▪️▪️▪️
ابو الحسن الوائلي
١٤٤٥هـ
▪️▪️▪️▪️▪️
ويلي يمگطوع النحر يخويه
گلبي بهالمصاب انكسر يخويه
▪️▪️▪️▪️▪️
انه زينب يبو الأكبر
حالي عگبك اتغيّر
نخيتك والگلب مِجمر
جره منّي الدمع أحمر
ولا چن والِدي حيدر
العده تضربني واتحسّر
تدري صفه وضعي صعب يخويه
ترضاهه بالسوط انضرب يخويه
▪️▪️▪️▪️▪️
شفت يبن اُمّي امصايب
خلّت مدمعي ساچب
الدهر بس التعب جايب
الي او خلّه الجمر لاهب
الطف كل راحِتي سالب
او ضواي اعله النهر غايب
فوگ النهر راعي العلم يخويه
خلّاني وحدي ابلا خيم يخويه
▪️▪️▪️▪️▪️
طلعت ابليلتي الظلمه
ادورك وآنه متألمه
أسير ابمهجتي لچمه
او دليلي يعثر ابهمّه
صحت وينك يبو اليمّه
الجروح اگبالي ملتمّه
وينك أصيح ابيا كتُر يخويه
اندليتك آنه اعله العطر يخويه
▪️▪️▪️▪️▪️
وصلتك باچيه ابكسره
واكو ابگلبي لهب جمره
صحت يا كافلي ابحسره
أخيّك منگطع نحره
او بعد هالفاجعه الكُبره
انطبگ ظهره على صدره
دايستك اخيول البغض يخويه
وآنه اسمعت عظمك ترض يخويه
▪️▪️▪️▪️▪️
صحت يبن اُمّي بآلامي
او دمع عيني دمه هامي
دريت احترگت اخيامي
او بگت تتراجف اعظامي
أشوفك عالرمل دامي
واشوف الغربه جدّامي
اهوايه ثجيله او ما تصح يخويه
وحدي أضل يالمنذبح يخويه
▪️▪️▪️▪️▪️
عگبكم تالي يخواني
أروحن لليسر آني
سبيّه ويّه عدواني
أسير ابموكب احزاني
حزن گلبي يولياني
مثيله يا حزن ثاني
دمعاتي بالخد سايله يخويه
شيبتلي گلبي كربله يخويه
▪️▪️▪️▪️▪️
ابو الحسن الوائلي
١٤٤٥هـ
ويلي يمگطوع النحر يخويه
گلبي بهالمصاب انكسر يخويه
▪️▪️▪️▪️▪️
انه زينب يبو الأكبر
حالي عگبك اتغيّر
نخيتك والگلب مِجمر
جره منّي الدمع أحمر
ولا چن والِدي حيدر
العده تضربني واتحسّر
تدري صفه وضعي صعب يخويه
ترضاهه بالسوط انضرب يخويه
▪️▪️▪️▪️▪️
شفت يبن اُمّي امصايب
خلّت مدمعي ساچب
الدهر بس التعب جايب
الي او خلّه الجمر لاهب
الطف كل راحِتي سالب
او ضواي اعله النهر غايب
فوگ النهر راعي العلم يخويه
خلّاني وحدي ابلا خيم يخويه
▪️▪️▪️▪️▪️
طلعت ابليلتي الظلمه
ادورك وآنه متألمه
أسير ابمهجتي لچمه
او دليلي يعثر ابهمّه
صحت وينك يبو اليمّه
الجروح اگبالي ملتمّه
وينك أصيح ابيا كتُر يخويه
اندليتك آنه اعله العطر يخويه
▪️▪️▪️▪️▪️
وصلتك باچيه ابكسره
واكو ابگلبي لهب جمره
صحت يا كافلي ابحسره
أخيّك منگطع نحره
او بعد هالفاجعه الكُبره
انطبگ ظهره على صدره
دايستك اخيول البغض يخويه
وآنه اسمعت عظمك ترض يخويه
▪️▪️▪️▪️▪️
صحت يبن اُمّي بآلامي
او دمع عيني دمه هامي
دريت احترگت اخيامي
او بگت تتراجف اعظامي
أشوفك عالرمل دامي
واشوف الغربه جدّامي
اهوايه ثجيله او ما تصح يخويه
وحدي أضل يالمنذبح يخويه
▪️▪️▪️▪️▪️
عگبكم تالي يخواني
أروحن لليسر آني
سبيّه ويّه عدواني
أسير ابموكب احزاني
حزن گلبي يولياني
مثيله يا حزن ثاني
دمعاتي بالخد سايله يخويه
شيبتلي گلبي كربله يخويه
▪️▪️▪️▪️▪️
ابو الحسن الوائلي
١٤٤٥هـ
▪️▪️▪️▪️▪️
خوف او هم شافت هاي العين
اتأذّيت ابليلة ذبح احسين
شفْت اهموم اهواي منّي ضاع الراي
▪️▪️▪️▪️▪️
زينب آنه او هاي الليله
اذّتني اهواي او جرحتني
من المصباح الحد هسّه
ارتاح ابداً ما خلّتني
اخذت من ايدي اشچم غالي
هيّه او چم مصرع راوتني
كل الخوّان او ويلادي
بيهم اذّتني او فجعتني
كل حيلي اتهدّم هذا اليوم
اشگد راواني امصايب واهموم
ماخِذ منّي اضواي منّي ضاع الراي
▪️▪️▪️▪️▪️
آ يالعاشر ما يتوصّف
اذّاني اشگد يوم العاشر
ماخِذ وين العنده امروّه
منّي او تارك جرحي الحاير
يا راحه البيّه اتمر وآنه
شفت احسين ابحاله اشصاير
مذبوح امسلّب عالغبره
واعظامه انطحنت بالحافر
من حگه الگلبي ايضل متعوب
شاف اموسّد وين المهيوب
يا ضيمي او بلواي منّي ضاع الراي
▪️▪️▪️▪️▪️
احسين احزامي او رفعة راسي
بالطف أنظر يصعب أمره
شفت اللي ما عنده امروّه
متربّع يا حيف ابصدره
واتعمّد جدّام اعيوني
من مگفاه بيده ايحز نحره
والخيل امن الخيمه اسمعها
تركض فوگه او عظمه اتكسره
احسين اتوزّع فوگ التربان
داست فوگه اخيول او فرسان
داسنّه المولاي منّي ضاع الراي
▪️▪️▪️▪️▪️
چان الخير ايحيط الخيمه
صارت نار اتحيط اخيامِي
او فرّن وسط البر النسوه
وايدورن ما عدهن حامي
للمصرع رحت ابدمعاتي
شفْت ابن اُمّي طايح دامي
والهد حيلي او شوّط روحي
گطعوه المنحر گدّامي
منظر بي حتماً وصفي ايحير
من انظر گطعوا راس الخير
چم لوعه ابعيناي منّي ضاع الراي
▪️▪️▪️▪️▪️
عد ما چنت ازغيره اليومي
ضلّيت اتألم واتعذّب
هدّت وادم غربه اعليّه
صاحوا لترحموها الزينب
بس السجاد الضل يمي
وايتام او نسوان التنحب
خمدت صح نيران اخيامي
او جمرة گلبي ضلّت تلهب
ضلّيت آنه او مامش فزّاع
اجروح اللي بيّه اتغطّي الگاع
ما يخلص مبچاي منّي ضاع الراي
▪️▪️▪️▪️▪️
آنه اللي ما طالع صوتي
او خدري المهيوب ايعرفوني
من عگْب الكافل تاليها
يا وسفه الغربه ايحرسوني
كلما اگطع دمعة عيني
ايجيبون الراس ايبچّوني
او باچر عالناگه المكشوفه
عگب العباس ايركبوني
وا ويلاه ابموت العبّاس
راح اتگيّدني احبال ارجاس
وابقه ابلا حمّاي منّي ضاع الراي
▪️▪️▪️▪️▪️
ابو الحسن الوائلي
١٤٤٥هـ
خوف او هم شافت هاي العين
اتأذّيت ابليلة ذبح احسين
شفْت اهموم اهواي منّي ضاع الراي
▪️▪️▪️▪️▪️
زينب آنه او هاي الليله
اذّتني اهواي او جرحتني
من المصباح الحد هسّه
ارتاح ابداً ما خلّتني
اخذت من ايدي اشچم غالي
هيّه او چم مصرع راوتني
كل الخوّان او ويلادي
بيهم اذّتني او فجعتني
كل حيلي اتهدّم هذا اليوم
اشگد راواني امصايب واهموم
ماخِذ منّي اضواي منّي ضاع الراي
▪️▪️▪️▪️▪️
آ يالعاشر ما يتوصّف
اذّاني اشگد يوم العاشر
ماخِذ وين العنده امروّه
منّي او تارك جرحي الحاير
يا راحه البيّه اتمر وآنه
شفت احسين ابحاله اشصاير
مذبوح امسلّب عالغبره
واعظامه انطحنت بالحافر
من حگه الگلبي ايضل متعوب
شاف اموسّد وين المهيوب
يا ضيمي او بلواي منّي ضاع الراي
▪️▪️▪️▪️▪️
احسين احزامي او رفعة راسي
بالطف أنظر يصعب أمره
شفت اللي ما عنده امروّه
متربّع يا حيف ابصدره
واتعمّد جدّام اعيوني
من مگفاه بيده ايحز نحره
والخيل امن الخيمه اسمعها
تركض فوگه او عظمه اتكسره
احسين اتوزّع فوگ التربان
داست فوگه اخيول او فرسان
داسنّه المولاي منّي ضاع الراي
▪️▪️▪️▪️▪️
چان الخير ايحيط الخيمه
صارت نار اتحيط اخيامِي
او فرّن وسط البر النسوه
وايدورن ما عدهن حامي
للمصرع رحت ابدمعاتي
شفْت ابن اُمّي طايح دامي
والهد حيلي او شوّط روحي
گطعوه المنحر گدّامي
منظر بي حتماً وصفي ايحير
من انظر گطعوا راس الخير
چم لوعه ابعيناي منّي ضاع الراي
▪️▪️▪️▪️▪️
عد ما چنت ازغيره اليومي
ضلّيت اتألم واتعذّب
هدّت وادم غربه اعليّه
صاحوا لترحموها الزينب
بس السجاد الضل يمي
وايتام او نسوان التنحب
خمدت صح نيران اخيامي
او جمرة گلبي ضلّت تلهب
ضلّيت آنه او مامش فزّاع
اجروح اللي بيّه اتغطّي الگاع
ما يخلص مبچاي منّي ضاع الراي
▪️▪️▪️▪️▪️
آنه اللي ما طالع صوتي
او خدري المهيوب ايعرفوني
من عگْب الكافل تاليها
يا وسفه الغربه ايحرسوني
كلما اگطع دمعة عيني
ايجيبون الراس ايبچّوني
او باچر عالناگه المكشوفه
عگب العباس ايركبوني
وا ويلاه ابموت العبّاس
راح اتگيّدني احبال ارجاس
وابقه ابلا حمّاي منّي ضاع الراي
▪️▪️▪️▪️▪️
ابو الحسن الوائلي
١٤٤٥هـ
▪️▪️▪️▪️▪️
يهالگاصد الدفني اتريد بيدينك
عله احزانك صحت رب السمه ايعينك
يا علي السجاد يا علي السجاد
▪️▪️▪️▪️▪️
يوليدي الله ايعينك ابهاي المصيبه
أوّل حبيب انته يلم جثّة حبيبه
مثلك منو ايصِد والِده جثته سليبه
گلبك جريح او ما سكت لحظه نحيبه
فوگ الغبره دامي اتشاهِد احسينك
عله احزانك صحت رب السمه ايعينك
يا علي السجاد يا علي السجاد
▪️▪️▪️▪️▪️
اشگد يا علي طف كربله اذّاها روحك
ابچم فاجعه فوگ المرض زيّد جروحك
واگف جبل بس مايِله منّك صروحك
ميّت أنه بس استمع يتعاله نوحك
العده فوگ المرض يوليدي ماذينك
عله احزانك صحت رب السمه ايعينك
يا علي السجاد يا علي السجاد
▪️▪️▪️▪️▪️
حين اللي جيت ابحسرتك انته الدفنتي
اوياك احمِد الله ما جبتها زينب اختي
فوگ الرمال اموسّده اتشوفوها جثتي
بس راسي يمكم عالرمح ماهو ابحفُرتي
الرمح فاصل يخلّوه بيني ما بينك
عله احزانك صحت رب السمه ايعينك
يا علي السجاد يا علي السجاد
▪️▪️▪️▪️▪️
انته ادره يبني ابحالِتي ماشرحه هضمي
من الگفه راسي انگطع واتجاره دمّي
واخيول اميّه ابلا رحم سحگتلي عظمي
ضل ابحوافرها ثُلث من عنده جسمي
ابدمعها اتسولف انظر يا علي عينك
عله احزانك صحت رب السمه ايعينك
يا علي السجاد يا علي السجاد
▪️▪️▪️▪️▪️
ابكل بقعه دوّر عالجسد بس انته حاذر
جسمي تطشّر عالثره ابفضْل الحوافر
حالي وحگ عينك تره ايبچّي المشاعر
شاهدني بعيونك وذر يوليدي صاير
ونين الكون ابد ما يوصل اونينك
عله احزانك صحت رب السمه ايعينك
يا علي السجاد يا علي السجاد
▪️▪️▪️▪️▪️
من تنهي كل دفنة هلك بالغاضريّه
حارس أريدنّك على كل هاشميّه
شِد حيلك الضيم السبي ويّه آل اُميّه
بالشام اجيكم آنه لو ماتت رقيّه
القهر يا نور عيني ايشيّب اسنينك
عله احزانك صحت رب السمه ايعينك
يا علي السجاد يا علي السجاد
▪️▪️▪️▪️▪️
ابو الحسن الوائلي
١٤٤٥هـ
يهالگاصد الدفني اتريد بيدينك
عله احزانك صحت رب السمه ايعينك
يا علي السجاد يا علي السجاد
▪️▪️▪️▪️▪️
يوليدي الله ايعينك ابهاي المصيبه
أوّل حبيب انته يلم جثّة حبيبه
مثلك منو ايصِد والِده جثته سليبه
گلبك جريح او ما سكت لحظه نحيبه
فوگ الغبره دامي اتشاهِد احسينك
عله احزانك صحت رب السمه ايعينك
يا علي السجاد يا علي السجاد
▪️▪️▪️▪️▪️
اشگد يا علي طف كربله اذّاها روحك
ابچم فاجعه فوگ المرض زيّد جروحك
واگف جبل بس مايِله منّك صروحك
ميّت أنه بس استمع يتعاله نوحك
العده فوگ المرض يوليدي ماذينك
عله احزانك صحت رب السمه ايعينك
يا علي السجاد يا علي السجاد
▪️▪️▪️▪️▪️
حين اللي جيت ابحسرتك انته الدفنتي
اوياك احمِد الله ما جبتها زينب اختي
فوگ الرمال اموسّده اتشوفوها جثتي
بس راسي يمكم عالرمح ماهو ابحفُرتي
الرمح فاصل يخلّوه بيني ما بينك
عله احزانك صحت رب السمه ايعينك
يا علي السجاد يا علي السجاد
▪️▪️▪️▪️▪️
انته ادره يبني ابحالِتي ماشرحه هضمي
من الگفه راسي انگطع واتجاره دمّي
واخيول اميّه ابلا رحم سحگتلي عظمي
ضل ابحوافرها ثُلث من عنده جسمي
ابدمعها اتسولف انظر يا علي عينك
عله احزانك صحت رب السمه ايعينك
يا علي السجاد يا علي السجاد
▪️▪️▪️▪️▪️
ابكل بقعه دوّر عالجسد بس انته حاذر
جسمي تطشّر عالثره ابفضْل الحوافر
حالي وحگ عينك تره ايبچّي المشاعر
شاهدني بعيونك وذر يوليدي صاير
ونين الكون ابد ما يوصل اونينك
عله احزانك صحت رب السمه ايعينك
يا علي السجاد يا علي السجاد
▪️▪️▪️▪️▪️
من تنهي كل دفنة هلك بالغاضريّه
حارس أريدنّك على كل هاشميّه
شِد حيلك الضيم السبي ويّه آل اُميّه
بالشام اجيكم آنه لو ماتت رقيّه
القهر يا نور عيني ايشيّب اسنينك
عله احزانك صحت رب السمه ايعينك
يا علي السجاد يا علي السجاد
▪️▪️▪️▪️▪️
ابو الحسن الوائلي
١٤٤٥هـ
▪️▪️▪️▪️▪️
رد من الدفن واوياه الحزن
محني او گلبه مكسور
محني او گلبه مكسور
▪️▪️▪️▪️▪️
علي السجاد اجه باحزانه واصوابه
ابكسر گلبه رجع من دفنة احبابه
يصد العمته گام ابلوعة امصابه
الدمع بعيونه من صدها فتح بابه
رد باصعب وضع اتلاگوا بالدمع
كلمن دمعته اتفور
كلمن دمعته اتفور
▪️▪️▪️▪️▪️
ابگلب مچوي العقيله صاحت ابحسره
يعمه اشلون ابوك اتوسّد ابگبره
بلا راس اندفن واعضاءه متوذره
او عمت عيني عليه اعظامه متكسره
عيني شافته تهضم حالته
گطعوا منحر النور
گطعوا منحر النور
▪️▪️▪️▪️▪️
ابعلانيّه بچه او ضل يجري عبراته
يون او تنسمع من گلبه حسراته
ابد ما تنحصي اشمكبر جراحاته
دمع عينه بده ايوصّف حزن ذاته
الله يساعده اليدفن والده
يخلص عمره مقهور
يخلص عمره مقهور
▪️▪️▪️▪️▪️
وسط هالحادثه ضل ساكت او حاير
او حگه اهوايه لو ما يگدر ايكابر
تغيّر حاله واصبح يكسر الخاطر
ابذكر حال الأبو وامصابه بالعاشر
شافه اعله الثره اعضاءه امطشّره
لمّه او گلبه مجمور
لمّه او گلبه مجمور
▪️▪️▪️▪️▪️
تذكّر والده او ناح ابدمع هامي
واهو جِفنه صفه من البچي دامي
يناديه بويه حالك سوّد ايّامي
أساس الماي انته او تنذبح ضامي
يا وجه الصبح شفتك منذبح
وا ويلي يمنحور
وا ويلي يمنحور
▪️▪️▪️▪️▪️
تألّم من وصل طف كربله او جاله
ابهضم شاف الأبو متوذّر اگباله
طريح ابن الرسول او مختلف حاله
ابحصيره ابلوعِته ضل يجمع اوصاله
من شافه انصدم او كل حيله انهدم
هوّه او يحفر اگبور
هوّه او يحفر اگبور
▪️▪️▪️▪️▪️
منو عايش مثل كسرة علي السجاد
يناظر جسْم ابوه جثّه عله الأوهاد
فلا ينسه مصابه اشما يحاول راد
او يشوفه منرفع راسه عله الميّاد
ضل حته الحجر ينعاه ابقهر
وا ويلا يعاشور
وا ويلاه يعاشور
▪️▪️▪️▪️▪️
ابو الحسن الوائلي
١٤٤٥هـ
رد من الدفن واوياه الحزن
محني او گلبه مكسور
محني او گلبه مكسور
▪️▪️▪️▪️▪️
علي السجاد اجه باحزانه واصوابه
ابكسر گلبه رجع من دفنة احبابه
يصد العمته گام ابلوعة امصابه
الدمع بعيونه من صدها فتح بابه
رد باصعب وضع اتلاگوا بالدمع
كلمن دمعته اتفور
كلمن دمعته اتفور
▪️▪️▪️▪️▪️
ابگلب مچوي العقيله صاحت ابحسره
يعمه اشلون ابوك اتوسّد ابگبره
بلا راس اندفن واعضاءه متوذره
او عمت عيني عليه اعظامه متكسره
عيني شافته تهضم حالته
گطعوا منحر النور
گطعوا منحر النور
▪️▪️▪️▪️▪️
ابعلانيّه بچه او ضل يجري عبراته
يون او تنسمع من گلبه حسراته
ابد ما تنحصي اشمكبر جراحاته
دمع عينه بده ايوصّف حزن ذاته
الله يساعده اليدفن والده
يخلص عمره مقهور
يخلص عمره مقهور
▪️▪️▪️▪️▪️
وسط هالحادثه ضل ساكت او حاير
او حگه اهوايه لو ما يگدر ايكابر
تغيّر حاله واصبح يكسر الخاطر
ابذكر حال الأبو وامصابه بالعاشر
شافه اعله الثره اعضاءه امطشّره
لمّه او گلبه مجمور
لمّه او گلبه مجمور
▪️▪️▪️▪️▪️
تذكّر والده او ناح ابدمع هامي
واهو جِفنه صفه من البچي دامي
يناديه بويه حالك سوّد ايّامي
أساس الماي انته او تنذبح ضامي
يا وجه الصبح شفتك منذبح
وا ويلي يمنحور
وا ويلي يمنحور
▪️▪️▪️▪️▪️
تألّم من وصل طف كربله او جاله
ابهضم شاف الأبو متوذّر اگباله
طريح ابن الرسول او مختلف حاله
ابحصيره ابلوعِته ضل يجمع اوصاله
من شافه انصدم او كل حيله انهدم
هوّه او يحفر اگبور
هوّه او يحفر اگبور
▪️▪️▪️▪️▪️
منو عايش مثل كسرة علي السجاد
يناظر جسْم ابوه جثّه عله الأوهاد
فلا ينسه مصابه اشما يحاول راد
او يشوفه منرفع راسه عله الميّاد
ضل حته الحجر ينعاه ابقهر
وا ويلا يعاشور
وا ويلاه يعاشور
▪️▪️▪️▪️▪️
ابو الحسن الوائلي
١٤٤٥هـ
▪️▪️▪️▪️▪️
مچتوفات يا لوعات
يا عباس مسبيّات
▪️▪️▪️▪️▪️
خواتك يا گمر هاشم بقينه ابلا حمه او كافل
عگب عينك صدگ نمشي سبايه والدمع هامل
انشدگ يا ضوه اعيوني عله هذا الوضع قابل
الغرب تحديها لضعونك عگب عينك يبو فاضل
هذا الحال يالكفّال
شيشافيه جرح الذات
▪️▪️▪️▪️▪️
عليك ابداعِتي تقبل عگب ذاك الخدر وسفه
علينه صاروا اينظرون وين العينهم صلفه
او يسَمعونه حچي ايزعّل يخويه ينسمع كلفه
يعالم خلّي حتّه الما سألنه اعليهن انعَرفه
عالمكشوف ضل ايشوف
الجاي او راح او كلمن فات
▪️▪️▪️▪️▪️
يخيمتنه او يسور الچان نگعد دوماً ابفيّه
عله نوگ الهزل هسّه النسه كل وحده محنيّه
تعال الحگ عله ضعنك وابد لا تبطي بالجيّه
عگب ذاك الفخر والعز أخيتك تمشي مسبيّه
جمرة نار بينه اشصار
عگبك حيل محتارات
▪️▪️▪️▪️▪️
الدهر ضدّي وگف شفته عله گلبي مواجع صب
ولا حن او رحم حالي اشكثر خلّاني اتعذّب
ابغيابك غابت الراحه سبوني او خدري اتسلّب
من ضيم السبي والصار تراها شيّبت زينب
اليبقه ابدون والي او عون
فرجه ايصير للشمّات
▪️▪️▪️▪️▪️
انه اللا صوتي طالع لا خيالي الشمس لايحته
شمِر يا حسرِتي يآمر عليّه ابغيبِتك شفته
الأعادي صارت اتباوع اعله خدري من طحت انته
يضربوني ابكلام او سوط ابدربي والدمع سلته
طبع اسياط ابمتني حاط
او دمعي ايسيل بالويلات
▪️▪️▪️▪️▪️
ابد ما يوصل الحزني او مصابي بالبشّر أحّد
جمر گلبي يضل لاهب لحد موتي فلا يبرد
اذا عيني تصد الروس تسيل ادموعي فوگ الخد
او شيّال الرمح عمداً يهزّه اگبالي يتعمّد
فرحانين ابذبح احسين
وايصيحون الكافل مات
▪️▪️▪️▪️▪️
ابو الحسن الوائلي
١٤٤٥هـ
مچتوفات يا لوعات
يا عباس مسبيّات
▪️▪️▪️▪️▪️
خواتك يا گمر هاشم بقينه ابلا حمه او كافل
عگب عينك صدگ نمشي سبايه والدمع هامل
انشدگ يا ضوه اعيوني عله هذا الوضع قابل
الغرب تحديها لضعونك عگب عينك يبو فاضل
هذا الحال يالكفّال
شيشافيه جرح الذات
▪️▪️▪️▪️▪️
عليك ابداعِتي تقبل عگب ذاك الخدر وسفه
علينه صاروا اينظرون وين العينهم صلفه
او يسَمعونه حچي ايزعّل يخويه ينسمع كلفه
يعالم خلّي حتّه الما سألنه اعليهن انعَرفه
عالمكشوف ضل ايشوف
الجاي او راح او كلمن فات
▪️▪️▪️▪️▪️
يخيمتنه او يسور الچان نگعد دوماً ابفيّه
عله نوگ الهزل هسّه النسه كل وحده محنيّه
تعال الحگ عله ضعنك وابد لا تبطي بالجيّه
عگب ذاك الفخر والعز أخيتك تمشي مسبيّه
جمرة نار بينه اشصار
عگبك حيل محتارات
▪️▪️▪️▪️▪️
الدهر ضدّي وگف شفته عله گلبي مواجع صب
ولا حن او رحم حالي اشكثر خلّاني اتعذّب
ابغيابك غابت الراحه سبوني او خدري اتسلّب
من ضيم السبي والصار تراها شيّبت زينب
اليبقه ابدون والي او عون
فرجه ايصير للشمّات
▪️▪️▪️▪️▪️
انه اللا صوتي طالع لا خيالي الشمس لايحته
شمِر يا حسرِتي يآمر عليّه ابغيبِتك شفته
الأعادي صارت اتباوع اعله خدري من طحت انته
يضربوني ابكلام او سوط ابدربي والدمع سلته
طبع اسياط ابمتني حاط
او دمعي ايسيل بالويلات
▪️▪️▪️▪️▪️
ابد ما يوصل الحزني او مصابي بالبشّر أحّد
جمر گلبي يضل لاهب لحد موتي فلا يبرد
اذا عيني تصد الروس تسيل ادموعي فوگ الخد
او شيّال الرمح عمداً يهزّه اگبالي يتعمّد
فرحانين ابذبح احسين
وايصيحون الكافل مات
▪️▪️▪️▪️▪️
ابو الحسن الوائلي
١٤٤٥هـ
يا صاحب الزمان :
سيّدي للآن صابِر عجبه يبن الأتقياء
شنو مولاي اليهيجك لو صبرت الكربلاء
گوم شيل الرايه واصرخ "يالثارات الحُسين"
أعظم اللهُ اُجورنا بِمصابِنا بِالحُسين عليهِ السَلام و جَعلنا و إيّاكم مِن الطّالبين بثأره مَع وليِه الإمام المهديِّ المُنتظر عج
سيّدي للآن صابِر عجبه يبن الأتقياء
شنو مولاي اليهيجك لو صبرت الكربلاء
گوم شيل الرايه واصرخ "يالثارات الحُسين"
أعظم اللهُ اُجورنا بِمصابِنا بِالحُسين عليهِ السَلام و جَعلنا و إيّاكم مِن الطّالبين بثأره مَع وليِه الإمام المهديِّ المُنتظر عج
▪️▪️▪️▪️▪️
زينب تون باحزانها
متذبّحين اخوانها
▪️▪️▪️▪️▪️
ليل الذبح حانيها والطف غده ماذيها
چم غالي من ايديها متوسّد ابتربانها
▪️▪️▪️▪️▪️
چانت تصد بِخيمها انجوم او كواكب يمها
تالي البگه بس همها من ودّعت وليانها
▪️▪️▪️▪️▪️
عباس چان اوياها راح او بعد ما جاها
بين الغرب خلّاها من غاب اخوها الصانها
▪️▪️▪️▪️▪️
وابن امها شافت حاله فوگه سعت خيّاله
طشّرت كل اوصاله خيل العده واعوانها
▪️▪️▪️▪️▪️
لمّن وگع عالغبره طلعت وراه اتنظره
شافِته حزّوا نحره چف الردي او شيطانها
▪️▪️▪️▪️▪️
زادوا الناس آلامها حرگوا عليها اخيامها
ذبحوها كل احلامها صاحت او محّد عانها
▪️▪️▪️▪️▪️
من عگب راعي الشيمه ضلّت ابذيچ الهيمه
لا من أخو لا خيمه فوك الترب فرسانها
▪️▪️▪️▪️▪️
ابو الحسن الوائلي
١٤٤٥هـ
زينب تون باحزانها
متذبّحين اخوانها
▪️▪️▪️▪️▪️
ليل الذبح حانيها والطف غده ماذيها
چم غالي من ايديها متوسّد ابتربانها
▪️▪️▪️▪️▪️
چانت تصد بِخيمها انجوم او كواكب يمها
تالي البگه بس همها من ودّعت وليانها
▪️▪️▪️▪️▪️
عباس چان اوياها راح او بعد ما جاها
بين الغرب خلّاها من غاب اخوها الصانها
▪️▪️▪️▪️▪️
وابن امها شافت حاله فوگه سعت خيّاله
طشّرت كل اوصاله خيل العده واعوانها
▪️▪️▪️▪️▪️
لمّن وگع عالغبره طلعت وراه اتنظره
شافِته حزّوا نحره چف الردي او شيطانها
▪️▪️▪️▪️▪️
زادوا الناس آلامها حرگوا عليها اخيامها
ذبحوها كل احلامها صاحت او محّد عانها
▪️▪️▪️▪️▪️
من عگب راعي الشيمه ضلّت ابذيچ الهيمه
لا من أخو لا خيمه فوك الترب فرسانها
▪️▪️▪️▪️▪️
ابو الحسن الوائلي
١٤٤٥هـ
▪️▪️▪️▪️▪️
يهالحامي ضعني وحيده عفتني
يعني صدگ يابو الفضِل
اختك أسيره اعله الهزِل
▪️▪️▪️▪️▪️
انه زينب يخويه مدمعي ساجم
مذبوحه ضحكتي والحزن دايم
حرت بيها حقيقه هايه لو واهم
يمشي اشرف خدر ويّه ارذل الوادم
انه الهاشميّه أروحن سبيّه
جاوبني عندك تنقبِل
اختك أسيره اعله الهزِل
▪️▪️▪️▪️▪️
چنت ويّاي حين التمشي يالكفّال
أبد ميهمني كلشي او ما أديرن بال
يريتك يمّي هسه تنظر اعله الحال
عفتني يا چفيلي او يمّي ناس ارذال
ضروري أريدك أنه ابحاجه لايدك
يا وسفه صارت بالفعِل
اختك أسيره اعله الهزِل
▪️▪️▪️▪️▪️
چنت تزعل اذا شفت الهوه ايمسني
وابد ما ترضه فد شي خويه يزعجني
اشتسوّي هسّه لو تدري انضرب متني
وسف واگبال راسك وادم اتسبني
العده ما رعوني اشكثر تعّبوني
چم دوب اكابر واحتمِل
اختك أسيره اعله الهزِل
▪️▪️▪️▪️▪️
عمود الخيمه حين الطيّحه الوالي
اويه الخيمه وگع عالگاع دلّالي
انرسم ضيم السبي وامصابه اگبالي
ابرحيلك يا گمر حيل اختلف حالي
اشثگلها الفجيعه طحت عالشريعه
يصعب وداعك مو سهِل
اختك أسيره اعله الهزِل
▪️▪️▪️▪️▪️
عگب ما سلّبوني او حرگوا اخيامي
الشمر يضحك عله دمعي الذي هامي
يجي ابرمح الذي بي راسك الدامي
يهزّه حتّه اشوفه ايطيح جدّامي
يگلي كفيلچ بعد ما يجيلچ
واسمعله وادموعي تهِل
اختك أسيره اعله الهزِل
▪️▪️▪️▪️▪️
أنا الما چان واحد يگرب الحدها
بگيت ابّين وادم رحمه ما عِدها
جروح البيّه يابو الغيره شيعِدها
يخي نار الگلُب بالله اشيخمّدها
يضل دمعي جاري او ولا تطفه ناري
أصبُر على كل اليحِل
اختك أسيره اعله الهزل
▪️▪️▪️▪️▪️
ابو الحسن الوائلي
١٤٤٥هـ
يهالحامي ضعني وحيده عفتني
يعني صدگ يابو الفضِل
اختك أسيره اعله الهزِل
▪️▪️▪️▪️▪️
انه زينب يخويه مدمعي ساجم
مذبوحه ضحكتي والحزن دايم
حرت بيها حقيقه هايه لو واهم
يمشي اشرف خدر ويّه ارذل الوادم
انه الهاشميّه أروحن سبيّه
جاوبني عندك تنقبِل
اختك أسيره اعله الهزِل
▪️▪️▪️▪️▪️
چنت ويّاي حين التمشي يالكفّال
أبد ميهمني كلشي او ما أديرن بال
يريتك يمّي هسه تنظر اعله الحال
عفتني يا چفيلي او يمّي ناس ارذال
ضروري أريدك أنه ابحاجه لايدك
يا وسفه صارت بالفعِل
اختك أسيره اعله الهزِل
▪️▪️▪️▪️▪️
چنت تزعل اذا شفت الهوه ايمسني
وابد ما ترضه فد شي خويه يزعجني
اشتسوّي هسّه لو تدري انضرب متني
وسف واگبال راسك وادم اتسبني
العده ما رعوني اشكثر تعّبوني
چم دوب اكابر واحتمِل
اختك أسيره اعله الهزِل
▪️▪️▪️▪️▪️
عمود الخيمه حين الطيّحه الوالي
اويه الخيمه وگع عالگاع دلّالي
انرسم ضيم السبي وامصابه اگبالي
ابرحيلك يا گمر حيل اختلف حالي
اشثگلها الفجيعه طحت عالشريعه
يصعب وداعك مو سهِل
اختك أسيره اعله الهزِل
▪️▪️▪️▪️▪️
عگب ما سلّبوني او حرگوا اخيامي
الشمر يضحك عله دمعي الذي هامي
يجي ابرمح الذي بي راسك الدامي
يهزّه حتّه اشوفه ايطيح جدّامي
يگلي كفيلچ بعد ما يجيلچ
واسمعله وادموعي تهِل
اختك أسيره اعله الهزِل
▪️▪️▪️▪️▪️
أنا الما چان واحد يگرب الحدها
بگيت ابّين وادم رحمه ما عِدها
جروح البيّه يابو الغيره شيعِدها
يخي نار الگلُب بالله اشيخمّدها
يضل دمعي جاري او ولا تطفه ناري
أصبُر على كل اليحِل
اختك أسيره اعله الهزل
▪️▪️▪️▪️▪️
ابو الحسن الوائلي
١٤٤٥هـ
▪️▪️▪️▪️▪️
خويه عباس تقبلها اليّه
خويه عباس امشي سبيّه
▪️▪️▪️▪️▪️
فوك النوگ صعدوني
ابخشنه احبال چتفوني
وابلا خجل سبّوني
اشگد يا خويه قهروني
خويه عباس مچتوفه اديّه
خويه عباس امشي سبيّه
▪️▪️▪️▪️▪️
عگبك يا أبو فاضل
يسبوني العده قابل؟
اعليّه يضحك القاتل
من صد الدمع هامل
خويه عباس هاي الرزيّه
خويه عباس امشي سبيّه
▪️▪️▪️▪️▪️
ماني اختك يبو الغيره
گادوني العده ايسيره
لوعة فگدك اچبيره
عايفني وسط حيره
خويه عباس چم حسره بيّه
خويه عباس امشي سبيّه
▪️▪️▪️▪️▪️
الچنت ابسيفك اتخلسه
يمك ما طلع حسّه
يتمرجل اجه هسّه
واعليّه فرض نفسه
خويه عباس اتجرّوا عليّه
خويه عباس امشي سبيّه
▪️▪️▪️▪️▪️
مهيوبه چنت ويّاك
بس اتغرّبت بجفاك
يحزامي عگب عيناك
اهوايه تعّبوني اعداك
خويه عباس شفت الاذيّه
خويه عباس امشي سبيّه
▪️▪️▪️▪️▪️
ابرحيلك وابرحيل احسين
لو دم حگها تجري العين
حالي اوداعِتك مو زين
گلبي ينلچم كل حين
خويه عباس ويّ آل اُميّه
خويه عباس امشي سبيّه
▪️▪️▪️▪️▪️
ابو الحسن الوائلي
١٤٤٦هـ
خويه عباس تقبلها اليّه
خويه عباس امشي سبيّه
▪️▪️▪️▪️▪️
فوك النوگ صعدوني
ابخشنه احبال چتفوني
وابلا خجل سبّوني
اشگد يا خويه قهروني
خويه عباس مچتوفه اديّه
خويه عباس امشي سبيّه
▪️▪️▪️▪️▪️
عگبك يا أبو فاضل
يسبوني العده قابل؟
اعليّه يضحك القاتل
من صد الدمع هامل
خويه عباس هاي الرزيّه
خويه عباس امشي سبيّه
▪️▪️▪️▪️▪️
ماني اختك يبو الغيره
گادوني العده ايسيره
لوعة فگدك اچبيره
عايفني وسط حيره
خويه عباس چم حسره بيّه
خويه عباس امشي سبيّه
▪️▪️▪️▪️▪️
الچنت ابسيفك اتخلسه
يمك ما طلع حسّه
يتمرجل اجه هسّه
واعليّه فرض نفسه
خويه عباس اتجرّوا عليّه
خويه عباس امشي سبيّه
▪️▪️▪️▪️▪️
مهيوبه چنت ويّاك
بس اتغرّبت بجفاك
يحزامي عگب عيناك
اهوايه تعّبوني اعداك
خويه عباس شفت الاذيّه
خويه عباس امشي سبيّه
▪️▪️▪️▪️▪️
ابرحيلك وابرحيل احسين
لو دم حگها تجري العين
حالي اوداعِتك مو زين
گلبي ينلچم كل حين
خويه عباس ويّ آل اُميّه
خويه عباس امشي سبيّه
▪️▪️▪️▪️▪️
ابو الحسن الوائلي
١٤٤٦هـ
▪️▪️▪️▪️▪️
زينب اهوايه چبير امصابها
اتأذّت اشگد ابفگد أحبابها
▪️▪️▪️▪️▪️
ايساعد الله اللي گلبها ضل جريح
والدمعها اعله الوجه أحمر يطيح
چم عزيز الشافته بالطف ذبيح
او عالترب جثته بقت بخضابها
▪️▪️▪️▪️▪️
يا گلُب يگدر عله همها الثگيل
الجبل ما يحتمل من عنده قليل
حگها ولله الفارگت مثل الچفيل
من يضل او ما يزول اصوابها
▪️▪️▪️▪️▪️
احسين اخوها الگضت ويّاه السنين
شافِته فوگ الرمل دامي او طعين
اگبال عيناها انگطع راس الحُسين
آ وا ويلاه چان اجوابها
▪️▪️▪️▪️▪️
اشلون ترتاح الأهلها اعله التراب
تنخه بيهم لچن ما تسمع جواب
مثل ما حرگوا عله امها الزهره باب
حرگت النيران كل اطنابها
▪️▪️▪️▪️▪️
يا حزنها الما عله واحد سده
امن الهضم دلّالها امورّم غده
عافها چافلها ما بين العده
رغم ما هوّه الحماها او جابها
▪️▪️▪️▪️▪️
من عگب كل المعزّه والدلال
صعدت ابلايه حمه فوگ الجِمال
اعليها تتفرّج غدت كل الرجال
الطاهره الما طلع ضل لحجابها
▪️▪️▪️▪️▪️
ابو الحسن الوائلي
١٤٤٥هـ
زينب اهوايه چبير امصابها
اتأذّت اشگد ابفگد أحبابها
▪️▪️▪️▪️▪️
ايساعد الله اللي گلبها ضل جريح
والدمعها اعله الوجه أحمر يطيح
چم عزيز الشافته بالطف ذبيح
او عالترب جثته بقت بخضابها
▪️▪️▪️▪️▪️
يا گلُب يگدر عله همها الثگيل
الجبل ما يحتمل من عنده قليل
حگها ولله الفارگت مثل الچفيل
من يضل او ما يزول اصوابها
▪️▪️▪️▪️▪️
احسين اخوها الگضت ويّاه السنين
شافِته فوگ الرمل دامي او طعين
اگبال عيناها انگطع راس الحُسين
آ وا ويلاه چان اجوابها
▪️▪️▪️▪️▪️
اشلون ترتاح الأهلها اعله التراب
تنخه بيهم لچن ما تسمع جواب
مثل ما حرگوا عله امها الزهره باب
حرگت النيران كل اطنابها
▪️▪️▪️▪️▪️
يا حزنها الما عله واحد سده
امن الهضم دلّالها امورّم غده
عافها چافلها ما بين العده
رغم ما هوّه الحماها او جابها
▪️▪️▪️▪️▪️
من عگب كل المعزّه والدلال
صعدت ابلايه حمه فوگ الجِمال
اعليها تتفرّج غدت كل الرجال
الطاهره الما طلع ضل لحجابها
▪️▪️▪️▪️▪️
ابو الحسن الوائلي
١٤٤٥هـ
▪️▪️▪️▪️▪️
هاي يخواني صفت تاليها
زينب الناس الغرب سابيها
▪️▪️▪️▪️▪️
زينب او عِشره اليّه اويه الجروح
من عگب ذاك الستر مسبيّه اروح
ولله حگي اشما أضل ابچي وانوح
ياللي اختكم حايره امخلّيها
▪️▪️▪️▪️▪️
آنه بت فاطم او حمّاي الدخيل
ياخذوني اميسّره فوگ الهزيل
ماكو هودج عله ضعني لا چفيل
وحدي ضلّيت او دموعي اجريها
▪️▪️▪️▪️▪️
انه الما لمحت الي ضِل الشمس
او چان صوتي يم هلي ما ينهجس
الفرق واضح أصبح اليوم او أمس
تون روحي والحزن ماليها
▪️▪️▪️▪️▪️
چنت مهيوبه وابو فاضل معاي
منّي اباوعله تجرّه او خذه الماي
ابگيت ما بين الغرب تايه الراي
اچفوف اديّه صاروا امچتفيها
▪️▪️▪️▪️▪️
قبل يمكم چنت مرفوعه الجبين
او شكو چلمه احچيها أسمع تآمرين
او عگب عينك يابو فاضل يا حُسين
تآمر اعليّه العده انظر ليها
▪️▪️▪️▪️▪️
آه يخواني اشكثر هضمي چبير
احملت هم اثگيل ما مثله يصير
روسكم أنظرها من اعيوني ادير
عالرماح العاليه امعلگيها
▪️▪️▪️▪️▪️
امن البواچي صايره حمره الجفون
والجروح ابگلبي ماضنها تهون
رايده انشدكم ابزينب تقبلون
من ديار الثانيه امودّيها
▪️▪️▪️▪️▪️
ابو الحسن الوائلي
١٤٤٥هـ
هاي يخواني صفت تاليها
زينب الناس الغرب سابيها
▪️▪️▪️▪️▪️
زينب او عِشره اليّه اويه الجروح
من عگب ذاك الستر مسبيّه اروح
ولله حگي اشما أضل ابچي وانوح
ياللي اختكم حايره امخلّيها
▪️▪️▪️▪️▪️
آنه بت فاطم او حمّاي الدخيل
ياخذوني اميسّره فوگ الهزيل
ماكو هودج عله ضعني لا چفيل
وحدي ضلّيت او دموعي اجريها
▪️▪️▪️▪️▪️
انه الما لمحت الي ضِل الشمس
او چان صوتي يم هلي ما ينهجس
الفرق واضح أصبح اليوم او أمس
تون روحي والحزن ماليها
▪️▪️▪️▪️▪️
چنت مهيوبه وابو فاضل معاي
منّي اباوعله تجرّه او خذه الماي
ابگيت ما بين الغرب تايه الراي
اچفوف اديّه صاروا امچتفيها
▪️▪️▪️▪️▪️
قبل يمكم چنت مرفوعه الجبين
او شكو چلمه احچيها أسمع تآمرين
او عگب عينك يابو فاضل يا حُسين
تآمر اعليّه العده انظر ليها
▪️▪️▪️▪️▪️
آه يخواني اشكثر هضمي چبير
احملت هم اثگيل ما مثله يصير
روسكم أنظرها من اعيوني ادير
عالرماح العاليه امعلگيها
▪️▪️▪️▪️▪️
امن البواچي صايره حمره الجفون
والجروح ابگلبي ماضنها تهون
رايده انشدكم ابزينب تقبلون
من ديار الثانيه امودّيها
▪️▪️▪️▪️▪️
ابو الحسن الوائلي
١٤٤٥هـ
▪️▪️▪️▪️▪️
احسين شفته انگطع نحره
او هم شفت عمّاتك اسره
خلّصت اسنينك ابكسره
تذكر امصاب الحُسين
تذكر امصاب الحُسين
▪️▪️▪️▪️▪️
سيّدي الله اليعينك
بالدمع تمّت سنينك
كربله زيدت ونينك
خلّتك دومك حزين
▪️▪️▪️▪️▪️
ما شفت راحه ابحياتك
سيّدي اللحظة مماتك
بس مصارع ذكرياتك
والأهل متوسّدين
▪️▪️▪️▪️▪️
عاشت اللوعه ابمهجتك
تهِد كل الحيل ونتك
صلّت امن اجلوس عمتك
باوعتها يالحنين
▪️▪️▪️▪️▪️
صرت من العلّه ناحل
وانسبيت ابگلُب ذابل
انته والنسوه الثواكل
عالهزل متگيّدين
▪️▪️▪️▪️▪️
ابناظرك شفت ابو اليمّه
باقي فوگ الگاع جسمه
اتعبِت من جِيته تلمّه
ابخيل عظمه طاحنين
▪️▪️▪️▪️▪️
يهد كل الحيل وضعك
ذكريات الطف تفجعك
اتخلطه ويّ الماي دمعك
او تبدي زادك بالونين
▪️▪️▪️▪️▪️
ابو الحسن الوائلي
١٤٤٦هـ
احسين شفته انگطع نحره
او هم شفت عمّاتك اسره
خلّصت اسنينك ابكسره
تذكر امصاب الحُسين
تذكر امصاب الحُسين
▪️▪️▪️▪️▪️
سيّدي الله اليعينك
بالدمع تمّت سنينك
كربله زيدت ونينك
خلّتك دومك حزين
▪️▪️▪️▪️▪️
ما شفت راحه ابحياتك
سيّدي اللحظة مماتك
بس مصارع ذكرياتك
والأهل متوسّدين
▪️▪️▪️▪️▪️
عاشت اللوعه ابمهجتك
تهِد كل الحيل ونتك
صلّت امن اجلوس عمتك
باوعتها يالحنين
▪️▪️▪️▪️▪️
صرت من العلّه ناحل
وانسبيت ابگلُب ذابل
انته والنسوه الثواكل
عالهزل متگيّدين
▪️▪️▪️▪️▪️
ابناظرك شفت ابو اليمّه
باقي فوگ الگاع جسمه
اتعبِت من جِيته تلمّه
ابخيل عظمه طاحنين
▪️▪️▪️▪️▪️
يهد كل الحيل وضعك
ذكريات الطف تفجعك
اتخلطه ويّ الماي دمعك
او تبدي زادك بالونين
▪️▪️▪️▪️▪️
ابو الحسن الوائلي
١٤٤٦هـ
▪️▪️▪️▪️▪️
ابرجلي تنداس دولة اميّه
ما تذلون بنت الحميّه
▪️▪️▪️▪️▪️
آنه زينب يا خلگ بت حيدره
يعني بنت الشرف كلّه بالثره
صح سبيتوني او مشيت اميسّره
لچن ما أنذل أضل امخدّره
أخْت الحسين للذل أبيّه
ما تذلون بنت الحميّه
▪️▪️▪️▪️▪️
آنه إخت الطاح بس ما منهزم
طاح بس ضل رايه واترفّ ابعزم
ولله ما أدريه واقع لو حلم
من وگع صگّاركم صرتم زلم
رايه عباس بالغاضريّه
ما تذلون بنت الحميّه
▪️▪️▪️▪️▪️
من وگع عباس اخوي اعله النهر
ابزودي صرت القائده بعد الگمر
راح اذلكم وامشي مهيوبه ابفخر
محّد ايذلني وانه ابچفّي القدر
لجلي هالكون ياخذ تحيّه
ما تذلون بنت الحميّه
▪️▪️▪️▪️▪️
وكت أغبر خلّه هذا الشي يحل
يحرس اضعون الشرف صار النذل
ما تهمني احبالكم وآنه الأصل
الوتد لازم ينلزم بيهْ الحبل
ابقه ليفوگ ابعلْو الثريّه
ما تذلون بنت الحميّه
▪️▪️▪️▪️▪️
الجِهل قدري خلّه يسمع ما يلي
الله سوّه الهيبه والعزّ الهلي
اليحط راسه ابراسي ولله يبتلي
ذو الفقار الساني والهيبه علي
آنه ابو احسين وآنه الزچيّه
ما تذلون بنت الحميّه
▪️▪️▪️▪️▪️
وحگ دم احسين ابو اليمّه الشهيد
هلي كل صولاتهم بيكم أعيد
لا عبيد الله يهمني او لا يزيد
اتراب رجلي أغلى منهم شي اكيد
ما يگدرون للهاشميّه
ما تذلون بنت الحميّه
▪️▪️▪️▪️▪️
ابو الحسن الوائلي
١٤٤٥هـ
ابرجلي تنداس دولة اميّه
ما تذلون بنت الحميّه
▪️▪️▪️▪️▪️
آنه زينب يا خلگ بت حيدره
يعني بنت الشرف كلّه بالثره
صح سبيتوني او مشيت اميسّره
لچن ما أنذل أضل امخدّره
أخْت الحسين للذل أبيّه
ما تذلون بنت الحميّه
▪️▪️▪️▪️▪️
آنه إخت الطاح بس ما منهزم
طاح بس ضل رايه واترفّ ابعزم
ولله ما أدريه واقع لو حلم
من وگع صگّاركم صرتم زلم
رايه عباس بالغاضريّه
ما تذلون بنت الحميّه
▪️▪️▪️▪️▪️
من وگع عباس اخوي اعله النهر
ابزودي صرت القائده بعد الگمر
راح اذلكم وامشي مهيوبه ابفخر
محّد ايذلني وانه ابچفّي القدر
لجلي هالكون ياخذ تحيّه
ما تذلون بنت الحميّه
▪️▪️▪️▪️▪️
وكت أغبر خلّه هذا الشي يحل
يحرس اضعون الشرف صار النذل
ما تهمني احبالكم وآنه الأصل
الوتد لازم ينلزم بيهْ الحبل
ابقه ليفوگ ابعلْو الثريّه
ما تذلون بنت الحميّه
▪️▪️▪️▪️▪️
الجِهل قدري خلّه يسمع ما يلي
الله سوّه الهيبه والعزّ الهلي
اليحط راسه ابراسي ولله يبتلي
ذو الفقار الساني والهيبه علي
آنه ابو احسين وآنه الزچيّه
ما تذلون بنت الحميّه
▪️▪️▪️▪️▪️
وحگ دم احسين ابو اليمّه الشهيد
هلي كل صولاتهم بيكم أعيد
لا عبيد الله يهمني او لا يزيد
اتراب رجلي أغلى منهم شي اكيد
ما يگدرون للهاشميّه
ما تذلون بنت الحميّه
▪️▪️▪️▪️▪️
ابو الحسن الوائلي
١٤٤٥هـ