لا حول ولا ولا قوة الا بالله

قصة عن كثرة الوسوسه 💞
انا بذكر #قصتي باختصار شديد لعل #الله يجعل شخص يقتدي بها وتفرج علي من حيث لا احتسب ،
انا من سنتين او ثلاث سنوات كنت ما ارتاح اني افكر من هم الا يجيني هم اكبر منه ووسوسه ما الله بها عليم كنت انسى همي الاول لاني منشغله بالثاني وتفكير وخوف وقلق واشياء تشيب الراس وفوق هذا كله كان عندي ثلاث مشكلات رئيسيات وشفت بالحسابات يتكلمون عن فضل الذكر وشفت قصص كثير وصرت اتخبط معرف اش استمر عليه واش ابدا واش اترك من كبر الهم اللي فيني بديت#بالاستغفار بعدين #الحوقله بعدين #الصلاة_علي_النبي يا الله يا اثرها في الحياة تقلبك من حال لحال سبحان الله العظيم، بدأت تختفي بعض الاشياء نهائياً وبعض الاشياء بقي لها تكه والحمدلله على كل حال الله يفرج هم كل مهموم ويوسع رزقنا ويرضى علينا اهم شي تجربتي #الله ينفع بك ويدخلك جنات الفردوس الاعلى .

قصة عن الحوقلة ✨🌧

الحمدلله حتى يبلغ الحمد منتهاااه بنات انا كنت محتاجة فلوس ومستحيل اطلب من احد وصررت اكرر الحوقلة وانا اقول من وين تجى هالفلوس بس استمريت عليها مادريت الا خالتى ترسل لي وتقول انا تسلفت منك قبل 5 شهور 500 مع انى ناسيتهاا مرررررهه قالت متى مانزل راتبي بجيبها لك يااارب لك الحمد 😭😭❤️❤️


استمروا على الحوقله لانها تزيد المال وتضاعفه😍✨
بملازمتك للحوقله ربي بيغير حالك من فقر الى غنى ✨❤️

احدهم يقول :
وجدتُ لـِ تكرار (لا حول ولا قوة إلا بالله) في حياتي وبالذات في اول يومي وجدت له أثراً عجيباً فاستعينوا بالله واكثروا من الحوقلة ✨💛.

‏اعرف ناس انفتحت لهم ابواب وتيسرت لهم امور ما كانوا يحلمون فيها بس بسبب انهم رددوا "لا حول ولا قوة الا بالله". الحوقلة معجزه والله👌🏻😩

بقولك قصتي مع الحوقلة ،، اللي صاير أني حسيت بملل من روتيني اليومي في البيت وكل يوم أفكر مع نفسي ونفسي اغير شي بحياتنا وأتمنى زوجي يجيب لي هديه يفرحني فيها 😣 وانا من قبل كنت خاقه ع نفائس الألماس وانتي تعلنين لهم 😍😍 وانا اطالع وأتمنى بهديه منهم 😔 المهم قررت احوقل ذاك اليوم قبل ماانام حتى نمت وانا احوقل اللي صار أني صحيت من النوم ع العصر واخلص من صلاتي الا زوجي يدق علي ويقول لي لاتسوين الغدا بجيب الغدا كان يوم الراتب وانا اللي انبسط واتكي بالصاله حتى جا ويدخل بيده كيسين كيس الغدا وكيس هديه وداخله خاتم الماس يحبه قلبي من نفائس الألماس وانا عيوني طارت من مكانها 😳 لانه اول مره يجيب لي هديه قيمه من تزوجت والحمدلله ياربي وقررت احوقل نفس اليوم بنيه ان ربي يعوضه وهو فرح قلبي ❤❤ والله ياهيون ان اليوم جاته رساله تم ايداع مبلغ نفس اللي شرا لي الهديه وزود عليه ٣٥٠ ريال ربي لك الحمد كما ينبغي لجلال وجهك وعظيم سلطانك 🌹

اليوم جايبه لكم تجربتي مع لا حول ولا قوة الا بالله💘✨ ..
بنات والله ثم والله ثم والله انيي شفت عجب منها عججججججب 👌🏻
قبل شهر ونص صار لي مشكلتين بنفس الوقت !!
والله العظيييييم شي ماتتصورينه يابنات شي ماتوقعته ينحححل ابدداً كنت فاقده الامل لكن شي واحد خلاني استرجع الامل اللي بداخخخلي قلت ليش ما ابدا أكرر لا حول ولا قوة الا بالله ؟ يعني تفكرت بمعانيها قلت مافيه تغير من حال الى حال الا بيد الله سبحانه ومافيه قوه بهالارض أقوى من قوة الله عزوجل!!!
صرت أرددها قاعده ماشيه وانا بالجامعه امشي رايحه جايه كل وقت كل وقت وترددها وانا استشعر معناها ! شلون استشعر معناها ؟ كنت وانا اقولها اتفكرر ان مافيه حول ولا قوة الا بيد الله سبحانه وكنت وانا اقولها اقول بيني وبين نفسي ان ياربي ماحد يقدر يغير هالحال اللي انا فيه الا انت ياررررررب ف لا حول ولا قوة لي الا بك !! يارب يارب وتردد والله لدرجة صار فيني يقيييين واطمئنيت وكنت اقول ان السبوع الجاي بإذن الله مشكلتي بتنححححل بتنحححححل ومستمرة اردددد لا حول ولا قوة الا بالله!!
سبحان الله شوفوا العجب والله ان مشكلتي انحححلت بنفس الاسبوع اللي كنت اقول ان مشكلتي بتنححححل فيه والله العظييييم انه انحححلت بنفس الاسبوع اللي توقعت لاني احسنت ظني ب ربي واتكلت عليه بتبديل حالي !! الحمدلله وأبشركم مشكلتي الثانيه أيضاً انحححلت ب اخر الشهر يارب لك الحمد❤️❤️
رُدُّوهَا دائماً يابنات اي امر يتعسر عليك رددي لا حول ولا قوة الا بالله بيقين مع الاستشعار🌿💞

السر فى كلمة لاحول ولاقوة الابالله عجيييب💛👌🏻
نعم يا من اشتدت به الكربات وضاقت به الطرقات وزادت ديونه فوق الطاقات واشتدت به المصائب والامراض والعلات وهموم تعصف واهات💔
الجأ الى مجيب الدعوات في الليل البهيم وفي كل الاوقات بقول كـلـمـة تكررها ما استطعت بكل الاوقات وبيقين لرب رؤوف رحيم يستحي ان يرد دعوتك والجأ اليه بعدها بالدعوات وتغير الحال سبحان مغير الاحوال من حال الى حال
سبحان من يغير ولا يتغير سبحان الذي يرزق وهو على كل شيء قدير بكـلـمـة واحدة💘 غير حياتك فتنقلب من شقاء الى هناء ومن مرض الى شفاء
ومن فقر الى ثراء 💸 قل بيقين وتوكل بخشوع بعيون دامعة قل وايقين ان الفرج قريب بأذن الواحد الاحد (إنها لاحول ولاقوة إلا بالله العلي العظيم )🌧💛.
ررررررررررردها وشف بعدها بركات تنزل عليك من رب الارض والسموات وتغير احوالك وتيسر امورك بأذن الله فهي انك فوضت ويسرت امرك الى الله واستسلمت لقدر الله ورضيت بما قدر الله💛.

لا حول ولا قوة الا بالله🌿
هي القوة التدميرية لكل الاعداء والمصائب وكل شيء ينكد عليك حياتك ويكدِّر خاطرك ويرهق عقلك وقلبك بالهم والغم والحزن والتفكير السلبي
ردد الحـوقلـة بكل وقتك وهالاشياء بفترة قليله راح تختفي من حياتك ويبدل الله حالك الى افضل حال 🌼.

قصتي صارت قبل شهر تقريباً كنت مسافره من الرياض انا والوالد وخواتي ثنتين نبي نعتمر، المهم الوالد كان مسرع مره تقريبا يمشي ١٩٠ عشان نوصل قبل الفجر نعتمر ونرجع في نفس اليوم ( مشينا من الرياض بعد المغرب)، المهم قطعنا ثلاث ارباع المسافه ،ابوي كان ناوي يوقف بأول محطه نواجهها لأن البانزين قرب ينتهي و قدر الله و سج ابوي مع السوالف ولا انتبه ابوي اننا عديناها 😶 ماانتبه الا بعد ما قطعنا مسافه طويله والمحطه اللي بعدها تقريباً ١٢٠ كيلو ، وفجأه اشتغلت لمبة البانزين 🙊💔 متخيلين الرعب كيف طريق الحجاز وباالليل وثلاث حريم مع رجال واحد بس 😩 طبعاً خواتي مفهيااات ولا احد متوتر الا انا و ابوي وكان ابوي يتكلم معي يقول اذا وقفت السياره بوقف احد من هاالسيارات يجيب لنا بانزين ، فجأه طرى علي قول ( لا حول ولا قوة الا باالله ) عند الشدائد والكربات ❤️ بديت احوقل بخاتم التسبيح يمكن وصلت ٥٠٠٠ في ذيك الليله بنية ان ربي الكريم العظيم يعيننا ❤️ وسبحان الله شوي شوي الا انوار المحطه من بعييييد والله اني بغيت ابكي من الفرحه ، مع انه كان مستحيل السياره تمشي اكثر من ١٠٠ كيلو بعد ما تشتغل اللمبه حتى ابوي مو مصدق ❤️

قصة قبول في الجامعة💛🍃..

السلام عليكم
انا جيتك يوم الثلاثاء وقلت لك اني م قبلت ف الجامعه وكل ما اقبل ولا في اي مكان طبعا الجامعات خلاص معد صارت تستقبل حتى يدوي وخلاص طلع القبول من زمان والكل اتطمن انه انقبل في الجامعه الا انا ما قبلت ولا في جامعه وتقفلت ف وجهي كل الابواب وصار الهم ياكلني وانا سجلت في تقنيه لكن فقدت الامل
لما طلع الفرز تاريخ١١/١٤ ولا طلع اسمي لما جيتك وقلت لك قلتي اكثري من لا حول ولا قوه الا بالله واستخيري عشان وقتها كنت بطلع اقدم يدوي يوم الثلاثاء واخر دفعه تطلع يوم الاربعاء صليت الاستخاره وجلست فوق سجادتي ودعيت الله واكثرت من لا حول ولا قوه الا بالله والصلاه على النبي لما طلع ابوي وجاء سألته ايش صار قال ناقصه درجتين وماراح تقبلين حزت بخاطري ولا قلت كلمه وصرت اقول الحوقله والصلاه على النبي بثقه ان الله بيفرجها جاء الاربعاء وعدا على خير
وجاء الخميس صحيت اصلي الظهر وانا في اخر ركعه سمعت رساله صوت جوالي وقلبي فز والله وحسيت انها رساله قبول بعد ما خلصت رحت اشوف الرساله الا طلعت فعلا رساله قبول من التقنيه الي من بعد ما فقدت الامل سبحانه القدير على كل شي ما اوصف لك شعوري وحتى احس كلامي ملخبط من الفرحه والله الله يسعدك يارب ويحقق لك كل الي تتمنيه زي ماتسعدين خلقه شكرا من قلبي يادره على ذا الحساب ولك اجر بإذن الله كل من قرب لربي بسبب حسابك وبسببك

ملازمة لا حول ولا قوة الا بالله
يحول حياتك الى نعيم 💛🌧
من ديون وفقر الى غناء
من مرض الى شفاء
من عزوبيه الى زواج
من شقاء الى سعاده

تو الرساله وصلتني على الواتس من وحده اعرفها معرفه شخصيه شايفين كيف الحوقله ؟؟ ماشاءالله😭♥️♥️

قصة شفاء😭🌨💞
بحكيلك قصتي ، قررت إني أقولك لعل في شخص مر بحالتي وياخذها بشهر ٨هذا العام قرروا ياخذو من رقبتي عينة والعينة يعني إبرة يسحبو من رقبتي دم وشي لونه تقريبا أصفر فاتح ف انتظرنا اسبوعين لحد ما درسوها في المختبر *للمعلومية"انا عندي الغدة الدرقية ومتضخمة* ف لما طلعت النتيجة قالو فيها علامات ودواير سوداء ومتجرثمة واحتمال كبير تكون متسرطنة 💔 وقرروا يسوو لي عملية بشهر تسعة عشان يستأصلوها ويشوفو إذا كانت ورم سرطاني أو مجرد غدة وتضخمت بسبب نقص اليود 😢 ، من هذاك اليوم وأنا أحوقل وأستغفر كنت واثقة والله واثقة بقدرة الله إنه مافيني سرطان بالغدة😭😭💔 ،
وقبل يومين من العملية طبعا المستشفى ف مكة طلعنا أعتمرنا بكيت وانا مقابلة الكعبة وأحوقل وادعي وأستغفر واقرأ قرآن تقريبا قريت ثمان او تسع أجزاء وأبكي على كل كلمة وآية في المصحف ودعيت الله ووكلته أمري لأنه صعبت علي انا راضيه باللي بيصير بس كل شوي أتخيل كيف راح تنقلب حياتي كيف اني بعد العملية بصير اعيش ع كيماوي وبنعزل عن الناس ، ياشافي اشفني ، ودخلت غرفة العمليات وكلي ثقة بربي وما خابت من اودعت ثقتها بربها😍😍 الحمدلله الحمدلله اجو بشروني وقالو انه مجرد تجرثم ومن هالكلام والحمدلله يارب جد شي عظيم وكبير حصل لي شي كبير وربي بهذاك الايام حسيت بمعنى هالاية(فاني قريب) كنت تعبانة وادعي والاشياء تتحقق علطول سبحانك ربي ما اعظمك يامن تجيب دعوة الداعي اذا دعاك اشفي جميع مرضى السرطان واجعل الكيماوي يمشي بأوردتهم نعيما واجعله تكفيرا لذنوبهم مبشرا بدخولهم الجنة ياشافي اشفهم اشفهم اشفهم يارب 😭😭💛💛
#الحوقله_والشفاء

الشي الثاني ، انه بعد العملية لما كنت منومة كان أنبوب في حلقي عشان يسحب الصديد والدم اللي برقبتي ل حتى ما انكتم ويضطرون يسوو لي عملية مرة ثانية بس هالشي الانبوب يطلعونه وإنت صاحية مو مبنجة متخيلة !!!! يسحبو برقبتك وانت صاحية؟؟وانت بكامل احاسيسك ☹️💔 المهم جات الدكتورة وقالت انه بنطلع لك هذا اللي برقبتك وانا م كنت مستعدة لهالشي محد قال لي الا لما الدكتورة قالت لي انزين😢 وقربت من عندي ودمعت عيوني وقلبي كله يتمتم يارب قالت لي لا تخافين ومسكت ايدي ووصلت عند رقبتي وقلت بصوت مسموع لاحول ولاقوة الا بالله كررتها ثلاث مرات والله وبالله وتالله إنهه مم حسيت ولا بأي ألم وقسم مافيه ألم 😭 وضحكت بعدها قالو م أتعبك قلت ابدا اصلا م حسيت 😂😂😭 يارب جل جلاله وعظمت قدرته😍 ثلاث مرات وما حسيت بشي ثلاث مرات وتبدل حالي من وحدة تبكي لوحدة تضحك😂😂 ،
الحمدلله يآرب الحمدلله يارب والله يتمم شفائي ❤❤🌿.
اشياء ومواقف كبيرة انفرجت بسبب الحوقلة الحمدلله😍😭
#الحوقله_والشفاء

لا حول ولا قوة لك على رمش عينك من دون الله، فكيف بقلبك الرقيق وجوارحك؟
ادع الله العونَ والتوفيق، فلن تنال الخير من دون عونه وإرادته وتوفيقه، مهما أردت وخططت وفعلت✨.

‏حوقل فما فُكَّت العُقد بمِثلها 👌🏼..

لا حول ولا قوة الا بالله 🌧️🍃

الله يسعدكم جميعاً 🌿

الكلام الاول تحفيز لكم 😭♥️ ، افرح لمن احد يلاقي نتيجه انبسط 😍💪🏻 والثانيه ادعولها 💞

هالرساله : للي تقول انها تعبانه هالكلام لك👌🏻 اقريه واستشعري كل كلمه مكتوبه خليها توصل لاعماق قلبك الله يشفيك ويشفي جميع مرضى المسلمين 😢💞 يتبع ....

تابع للي فوق تكملت الكلام 👆🏻