Siren's Kiss အပိုင်း (10)

Han Seol-A ဟာ ထိပ်တန်းလေလံပွဲဦးစီးမှူးတစ်ဦးဖြစ်ပေမယ့် သူမကို ချစ်မိတဲ့ ယောက်ျားတိုင်း သေဆုံးတတ်တယ်ဆိုတဲ့ ကြောက်စရာကောင်းတဲ့ လျှိဝှက်ချက်ရှိသူပါ။ တစ်ဖက်မှာလည်း အာမခံလိမ်လည်မှုတွေကို ဖော်ထုတ်ရာမှာ အတော်ဆုံးဖြစ်တ့ စုံထောက် Cha Woo-Seok က ထူးဆန်းတဲ့ သတင်းပေးမှုတစ်ခုကြောင့် Han Seol-A  ကို လူသတ်မှုသံသယရှိသူအဖြစ် စုံစမ်းပါတော့တယ်။ သူတိုနှစ်ယောက်တွေ့ဆုံပြီး ဘယ်လိုစိတ်ဝင်စားစရာကောင်းတဲ့ အဖြစ်အပျက်တွေရှိလာမလဲ၊ ဆွဲဆောင်မှုရှိတဲ့ အလှတရားနောက်ကွယ်က အမှန်တရားက ဘာဖြစ်မလဲဆိုတာကို ရင်ခုန်စိတ်လှုပ်ရှားဖွယ် ကြည့်ရှုနိုင်မှာပဲ ဖြစ်ပါတယ်။

Humint (2026)

အက်ရှင်အလန်းစား ကားတွေကို စောင့်မျှော်နေကြသူများအတွက် Zo In-Sung, Park Jeong-Min,
Shin Sae-Kyeong, Park Hae-Jun တို့လို ထိတ်ထိတ်ကြဲ မင်းသား၊ မင်းသမီးတွေ အဓိက
ပါဝင်သရုပ်ဆောင်ထားတဲ့ ရုံတင် စပိုင်အက်ရှင်ကားသစ်ကြီးကတော့ ထွက်ရှိလာပြီပဲ ဖြစ်ပါတယ်။

HUMINT ဆိုတာကတော့ "Human Intelligence" ရဲ့ အတိုကောက် စကားလုံးဖြစ်ပြီး
သတင်းပေး၊ ထောက်လှမ်းရေးသမားစတဲ့ လူသားအရင်းအမြစ်တွေကို အသုံးချပြီး
သတင်းအချက်အလက် စုဆောင်းရယူတဲ့ ထောက်လှမ်းရေးလောက အသုံးအနှုန်းတစ်ခုပါ။

- ဇာတ်လမ်းအကျဉ်း -

တောင်ကိုးရီးယား အမျိုးသားထောက်လှမ်းရေးအဖွဲ့က ဌာနမှူးဂျို (Zo In-Sung) ကတော့
အရှေ့တောင်အာရှမှာ ဖြစ်ပွားတဲ့ နိုင်ငံတကာ ရာဇဝတ်မှုတွေကို ခြေရာခံလိုက်နေသူပါ။

သူဟာ HUMINT စစ်ဆင်ရေးတစ်ခုအတွင်းမှာ အသက်ပေးလိုက်ရတဲ့ သတင်းပေး ချန်ထားခဲ့တဲ့
သဲလွန်စနောက်ကို လိုက်ပြီး ရုရှားနိုင်ငံ ဗလာဒီဗော့စတော့မြို့ဆီ ရောက်ရှိလာခဲ့ပါတယ်။

အဲဒီမြို့မှာ ဌာနမှူးဂျိုဟာ မြောက်ကိုးရီးယားစားသောက်ဆိုင် ဝန်ထမ်းမလေး ချယ်ဆွန်းဟွာ (Shin Sae-Kyeong)နဲ့
ဆုံတွေ့မိပြီး ဆွန်းဟွာကို သူ့ရဲ့ HUMINT စစ်ဆင်ရေးအသစ်အတွက် သတင်းပေးအဖြစ် ရွေးချယ်လိုက်ပါတော့တယ်။

တစ်ဖက်မှာလည်း နယ်စပ်ဒေသမှာ ဖြစ်ပွားနေတဲ့ လူပျောက်မှုတွေကို စုံစမ်းဖို့အတွက် ဗလာဒီဗော့စတော့မြို့ဆီ
စေလွှတ်ခြင်းခံရတဲ့ မြောက်ကိုးရီးယား နိုင်ငံတော်လုံခြုံရေးဝန်ကြီးဌာနက ခေါင်းဆောင် ဘတ်ဂွန်း (Park Jeong-Min) ဆိုသူက
ဒီအမှုရဲ့ နောက်ကွယ်မှာ မြောက်ကိုးရီးယား ကောင်စစ်ဝန်ချုပ် ဟွမ်ချီဆောင်း (Park Hae-Jun) ရှိနေမှန်း သိလိုက်ရပါတော့တယ်။

မတူညီတဲ့ ပန်းတိုင်ကိုယ်စီနဲ့ ဗလာဒီဗော့စတော့မြို့မှာ ထိပ်တိုက်ဆုံတွေ့မိကြတဲ့ မြောက်နဲ့‌ တောင်ကိုးရီးယား အေးဂျင့်တွေရဲ့
အားပြိုင်ပုံကို ဒီဇာတ်လမ်းလေးထဲမှာ ရင်ခုန်စိတ်လှုပ်ရှားစွာနဲ့ ဆက်လက် ကြည့်ရှုလိုက်ကြပါဦး။

B*lo*odh*o*unds Season 2

ဇာတ်လမ်းထဲမှာလည်း ၃ နှစ်တာ အချိန်ကျော်လွန်သွားပြီးတော့ Kim Geon U က လက်ဝှေ့သမားချန်ပီယံဆုရဖို ကြိုးစားနေသလို ညီအစ်ကိုလိုခင်မင်ရတဲ့ Hong U Jin ကတော့ နည်းပြအဖြစ် ဘေးကနေအားဖြည့်ပေးနေတာပါ။ဒီတစ်ခေါက်မှာတော့ အတိုးပေးစားတဲ့ ချေးငွေလောကထက် ပိုမိုကြမ်းတမ်းတဲ့ မြေအောက် လက်ဝှေ့လောကကို ခြေဆန့်ပြီး ပိုမိုကြီးမားတဲ့အန္တရာယ်တွေနဲ့ ရင်ဆိုင်ရတော့မှာပါ။ဒီ Season 2 မှာ ပရိသတ်ကြီးအကြည့်ချင်ဆုံးဖြစ်တဲ့ ဗီလိန်အဖြစ်သရုပ်ဆောင်ထားတဲ့ မင်းသား Rain ရဲ့အမိုက်စားသရုပ်ဆောင်မှုတွေကြား ဘယ်လောက်ထိ ရင်တထိတ်ထိတ်ဖြစ်စေမလဲ။အက်ရှင်ကား ကြိုက်သူတွေအတွက်တော့ မလွတ်တမ်း ကြည့်သင့်တဲ့ဒရာမာလေးပါပဲ။