#سؤال_وجواب💬 |


▪️ سالم شلون اتخلص من مشكلة النوم الثكيل؟
- نام خفيف.

▪️ تنصح بتأجيل مراجعه الاحياء للعطله؟
- مراجعة مو مراجعه
عطلة مو عطله + طبعاً لا.

▪️ جـان عندي سؤال ونسيـته 🗿💔؟
- أحسن.

▪️ دا اسخت كلش هواي شنو اسوي😖؟
- لا تسخت.

▪️ الي يأجل دور ثاني يعني فاشل ؟
- الفاشل هو الكالك هالكلام.

▪️ الوزاريات ممكن نعتمد عليها ؟
- تضمن منها درجة كلش عالية بس مو كاملة.

▪️ اكدر اقره الوراثة من هسه ؟ دفعة 2025.
- طبعاً عادي.

▪️ سالم صدك الأسئلة صعبة هالسنة؟
- لا حتكون مثل كل سنة.

▪️ سالم مُراجعة واحدة للمادة تكفي مو شرط مُراجعتين ؟
- اي عادي.

▪️ يصير اقرا احياء بالعطله يعني شنو افضل وقت اقراها؟
- عطلة مو عطله + اقروها من هسه ترى طويلة.

#ســـالـــم_ال_مــنـــصـــور
https://t.me/Newton1998

#سؤال_وجواب 💬 |

▪️بين دور اول وثاني كم يوم تتوقع ؟
- 40 الى 50 يوم وممكن اكثر بعد.

▪️ تركت من الاحياء بس كلاميات الفصل الخامس عادي؟ حتى اذا جت بالوزاري اتركها ؟
- عليها ١٠-١٥ درجة تقريبا كلاميات الوراثة.

▪️ هوة طبيعي احس كلشي ممضبطة ؟
- طبيعي.

▪️ سلام نحتاج جرعة امل و تحفيز ؟
- امل ماتت وتحفيز ارتبطت.

▪️ اني توني بالماده الثانيه بالمراجعه الحك اكمل المواد بهاي الفتره😢؟
- ثانية مو ثانيه ، مراجعة مو مراجعه ، فترة مو فتره + اي تلحك.

▪️سالم معقولة ديخلص السادس؟
- يس يس.

▪️ معقولة اتذكر كل هاي المادة الضخمة بيوم الامتحان ؟
- اي طبعاً.

▪️ سالمنا تعبنا من سادس ؟
- هانت دادي.

▪️ ماراح تتكلم عن بصمة الأستاذ اللي تكلم عن الاسئلة الوزارية؟
- لا لأنه كلام مو صح اساساً وغير معقول.

▪️ هوو طبيعي من اخلص المادة احس نفسي كلشي ناسية ومااضابطته!
- طبيعي.

▪️الي يريد معدل بال80 شنو المفروض يكون قاري ؟
- دارس الوزاريات فقط يجيب ٩٠ وفوك ماعدا العربي لأن تغير .

▪️ شنو نصيحتك لي ؟ لو ال طلاب ؟
- استمر حتخلص.

#ســـالـــم_ال_مــنـــصـــور
https://t.me/Newton1998

#حقيقة✔️

🔈 طلاب صدقاً اعتمدوا على نفسكم بدراستكم
وحاولوا تستغلون العطلة الصيفية وشكد بيك حيل وشكد الله منطيك صبر وخلك وصحة استغلهم بدراسة المواد بالعطلة الصيفية خصوصاً المواد العلمية الضخمة.

لأن المدارس من تبلش ، حيركضون بالمواد لأن مناهج عملاقة ولازم المدرس يخلصها ف لو يكعد يركض بالمادة وع السريع ، لو على كيفو وما تخلص المادة ولو ولو ولو ..... بكل الحالات أنت راح تتاذى لذلك لا تعتمد على المدارس وانت شد حيلك وامشي بالمواد وادرسهم وجهز وضعك من هسه.

✉️ شكد راح تدرس وتتعب وتمشي بالمواد هسه شكد هالشي احسن الك ولمصلحتك انت ف اعتمد على نفسك والزم المواد المطولة وطويلة وانطي وقتك وجهدك عليهم اما المواد القصيرة مثل انكليزي إسلامية ادب هاي تكدر تعوفهم للدوام اما البقية حاول شكد تكدر من هسه تاكلهم.

🔼انت من تصعد للسادس على الاغلب تكون متحمس لهاي المرحلة ، لذلك استغل هذا حماسك وحاول بخطة مدروسة منك تدرس وتمشي بالمواد وتخلص أكبر قدر ممكن من كل مادة قبل بداية الدوام حتى تخفف على نفسك الضغط.

ولا تتحجج بشي انت كلشي بيدك
ف انت مخير بين خيارين :

1⃣ تدخل خصوصي اذا كنت مقتدر : واذا دخلت دير بالك اسأل على المدرس وهل هو حريص على الطالب ؟ يمشي الطالب بالمادة ؟ ملتزم معاهم لو لا ؟ .. يلا تدخل لأن ترى تتورط.

2⃣ على اليوتيوب اذا مو مقتدر : المدرسين ما شاء الله عليهم ممقصرين ، كل مادة هواية مدرسين شارحيها , تروح على كل مادة تختار المدرس اللي يناسبك وتشد حيلك من صدك.

وشنو تحتاج من اسئلة وزارية وامتحانات واجوبة ونصائح وتعليمات وهواية امور تلكيها داخل هذا البوت :
@Newton1998_bot

#ســــالـــــم_ال_منصـــــــور

#المشكلة |

- المشكلة ممكن تقرا الكلام لكن ما تقتنع بي او ما تطبقو ! ثم وراها تمشي الأيام وتعرف أنه كل حرف نكتب هو حقيقة وقتها مايفيدك اي ندم.


وطلاب ٢٠٢٤ يعرفون شداحجي✔️.

#ســــالـــــم_ال_منصـــــــور