" أهم شي تمشي بالخطة اللي رسمتلك هي "

- تراجع القواعد ثم الأدب يلا تطب للامتحان ، يعني خلي آخر شي تقراه هو الأدب.

مع ملاحظات :-

- تركزلي على وزاريات 2005 + مناقشة ادب.
- تركزلي على وزاريات آخر 10 سنوات قواعد.
- تضبط تمارين القواعد 100%.
- اهم وزاريات بالقواعد هو آخر 5 سنوات.

♻️ واي شي ممكن تحتاجو فتدخل للبوت :-
https://t.me/Newton1998_bot

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#بالوثيقة | التربية :-

◽️تقرر جعل الدوام حضوري طيلة ايام الاسبوع لمناطق القرى والارياف نظرا للظروف والمعيشة الصعبة.

- كما موضح وبعد استثناء القرى والارياف من التعليم عن بعد هذا يعني استمرار التعليم المدمج في العام الدراسي المقبل.

#شبكة_نيوتن_التعليمية
https://t.me/Newton1998

‏اليقين هو ان تدعو الله بشئ وكل الاسباب حولك توحي بعدم تحقيقه و لكن بداخلك إيمان و يقين تام بأن الله "سيستجيب"
.

#خـبـر |

🔻وزارة التربية: هيأنا أن يكون الدوام في العام الدراسي الجديد حضورياً.

▪️التعليم الإلكتروني سيكون مرافقاً للتعليم الحضوري.

- وزارة التربية: امتحانات السادس الإعدادي تنطلق السبت المقبل.

#شبكة_نيوتن_التعليمية
https://t.me/Newton1998

#خــبر |

- وزارة الصحة: انتظام الدوام الحضوري في المدارس والجامعات يحدده الموقف الوبائي وانخفاض الإصابات والوفيات بفيروس كورونا.

#شبكة_جامعيون
https://t.me/collegeton

- التربية تكول حضوري والصحة تكول مو شرط حسب الاصابات😂❤️ ... متعاندين الإخوة !؟

يلا الله يسهل ..

رابط المحاضرة -4- شرح منهج الأحياء 2022
https://youtu.be/KhxwGWSMXhc

الثقة بالله والتوكل عليه سلاح فتاك لا يصد ولا يرد.❤️

#خـبـر |

يبدأ دوام المدارس باقليم كوردستان في ١٤ أيلول حضورياً.

وزارة التربية

#شبكة_نيوتن_التعليمية
https://t.me/Newton1998

#تنويه_هام

- ان شاء الله بعد ما تنتهي الإمتحانات الوزارية للدور الأول ، راح نباشر بالدورة الالكترونية لمادة الأحياء دفعة 2022 لكل المنهج اللي حتقررو وزارة التربية ، واتوقع شفتوا الشرح وطريقة الشرح والأسلوب من خلال المحاضرات التجريبية الاربعة اللي نشرتهم الكم .. فحاليًا نفتح التسجيل بالدورة اللي ان شاء الله مباشرةً راح تنطلق بعد نهاية امتحانات الدور الأول تحديدًا يوم 10-9.

- ف اللي يريد يحجز مكانو ومقعدو فخلي يسجل ويثبت مكانو حتى ننظمكم ونباشر وياكم وان شاء الله تضبطون المادة مثل اسمكم ❤️.

تفاصيل الدورة بالكامل على الرابط :-
https://t.me/Answers_6/6591

بالتوفيق❤️

#هانت

- ردد معي :-

- اللهم أخرجني من حولي إلى حولك ، ومن عزمي إلى عزمك ، و من ضعفي إلى قوتك ، و من إنكساري إلى عزتك ، و من ضيق إختياري إلى بِراح إرادتك يا أرحم الراحمين .

#شبكة_نيوتن_التعليمية
https://t.me/Newton1998

#عاشوراء

" في ذكرى استشهاد امامنا الحسين عليه السلام "

خذوا من الحسين الانسانية ، التضحية ، المبدأ ، الفكرة ، الأخلاق. القيم ، لماذا خرج ؟ خذوا قول الحق ونصرته .

علينا تحليل شخصية الحسين عليه السلام سبط رسول الله وسيد شباب اهل الجنة لنستفيد منها ويستفاد مجتمعنا.

« وأما من قتل الحسين أو أعان على قتله أو رضي بذلك فعليه لعنة الله والملائكة والناس أجمعين لا يقبل الله منه صرفاً ولا عدلاً »

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

{وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا} 💙🌿
-

ملاحظات تفيدكم عن الانشاء.

#شبكة_نيوتن_التعليمية
https://t.me/Newton1998

- اليوم بالليل ان شاء الله راح انزللكم مجموعة من التوجيهات تتبعونها حرف حرف ب امتحان العربي ، خوش !!؟!!!؟؟

تتبعها حرف حرف ....

#ســـالـــم_ال_مــنـــصـــور

#الامتحان_الوزاري

#التصرف_الصح

اولاً :- #قبل_الامتحان ( خارج القاعة ) :-

1- تثبت على مصادرك :- دير بالك تغير مصادرك اللي اعتمدت عليهم بالمراجعة الوزارية قبل الامتحان ، دير بالك ، ترا تلوص عليك كلشي ! وتضيع تعبك ! افتهمت ؟ فلا تنغر بمرشحات او سوالف تعبانة ، ماتفيدك غير مصادرك اللي انت معتمد عليهم بالمراجعة الوزارية.

2- لا تسمع للاشاعات اللي تكولك تسريب اسئلة او مرشحات تجيب 100 ، دير بالك ، سد اذانك وعيونك عن كلشي وفقط ركز على مادتك ومصادرك ، ترا هاي الاشاعات اذا تتبعها حيطيح حظك والله وتخسر.

3- شعورك انك ناسي المادة قبل الامتحان شعور طبيعي لا تخاف منو ، كل الطلاب مثلك يحسون ناسيها ، لكن بالامتحان راح تتذكر ، اللي عليك راجع ولا تلتهي بشي وكلشي تمام.

4- مهم كلش انك تنام على الأقل ساعتين في سبيل دماغك يجمع المعلومات بشكل اسلس ويبقى مركز ، لان الدماغ يتعب يحتاج ساعتين على الاقل حتى يسترجع نشاطو واضح ؟!

5- احرص على أنك تتريگ قبل لا تطلع من البيت لأنه وجبة الافطار هي اللي تنطيك 70% من طاقتك على طول اليوم.

6- تطلع للامتحان من وقت حتى تضمن وصولك للقاعة الامتحانية بالوقت المناسب.

7- من تصل القاعة الامتحانية لا تروح يم أحد ، ابقى مع نفسك ، لأنه اذا رحت يم جماعة وهم ديراجعون ممكن يخربطون عليك درسك ، ف الافضل ابقى وحدك قبل الامتحان تمام ؟
هم حتى تحافظ على درسك + وقاية من كورونا.

✍ :- سالم ال منصور

#شبكة_نيوتن_التعليمية
https://t.me/Newton1998

اقروا هذا وافهموه حتى انزل التكملة ..

قبل الامتحان الوزاري.

ثانيًا :- #داخل_القاعة ( الامتحان )

#الجزء_الاول ( قبل استلام الاسئلة )

1- أول ماتدخل للقاعة ، راح تنتظر شوية علمود ينطونك الدفتر الامتحاني حتى تسجل معلوماتك ، لا تنسى ملاحظات الدفتر الامتحاني على الرابط :-
https://t.me/Newton1998/19797
2- ثم بعدها 10 دقائق تنتظر تقريبا قبل لا تستلم الاسئلة ، فإنت هنا لا تتوتر ولا شي ، ابدي ركز بنفسك وادعي واستغفر ربك واشكرو.

#الجزء_الثاني ( بعد استلام الاسئلة )

1- بعد ما تستلم الاسئلة ، خلاص تسد عيونك واذانك عن كلشي وتفتح مخك وتركز فقط بالاسئلة.

2- لا تگعد تقرا كل الاسئلة ثم توتك تبدي تحل !!؟ لا هذا الشي كلش غلط ويشتتك ، لانه ممكن تشوف سؤال او نقطة او فرع انت شاك بي او مو مار عليك ف تكعد تفكر بي ويظل بالك يمو وتبدي حتى الأمور اللي تعرفها تنساها ! ف الافضل انت اول ماتستلم الاسئلة تبدي تقرا اول سؤال وتحل مباشرةً ، تكملو ثم يلا تشوف سؤال2 وتحلو وتكمل يلا سؤال3 وهكذا واضح ؟ ( ان شاء الله بكل امتحان اعلمك شلون تبدي تجاوب بشكل نموذجي).

3- لا تستعجل بالحل ابد ، حل على راحتك وكل ماتحل فرع راجع جوابك واضح ؟ وايضًا تأكد من موضوع الترك ، اذا اكو ترك ف تترك وهم تأكد انك حليت كل الافرع والاسئلة ، لانه مرات الطالب ينسى يحل فرع وخسارة تضيع عليك الدرجة ! لهذا لا تستعجل.

#الجزء_الثالث ( امور تصير داخل القاعة )

1- إذا انت دتجاوب وفجأة سمعت بنت دتبچي وتكول الاسئلة صعبة وخارجية ! او تسمع ولد يصيح الاسئلة صعبة وانتقام ! او تشوف الطلاب دتمسح الدفتر فأنت هنا دير بالك تتأثر بيهم !؟ لأنه الخلل بيهم وبدرسهم ، يجوز هم ممغطين المادة ولا دارسينها زين ! لكن انت دارس وتاعب ومجهز للوزاري ، ف حرام عليك تتأثر بيهم لأنه هم مو دارسين زين وانت دارس فتروح بسبب كلامهم تبدي تخاف وتتأثر وتروح تمسح دفترك بسببهم ، وتتساوى معاهم ؟! هم ذولاك الناس وانت الدارس !!! لهذا اياك ثم اياك هيج مواقف بالقاعة تخليك تتأثر او تتوتر او تخاف فتروح تمسح !

2- واشدد على هاي الفقرة لأنه هواية طلاب هم قارين ومجهزين ويجاوبون , لكن بسبب هاي المواقف يتاثرون ويمسحون دفترهم ويتساوون معاهم ؟! ف ما اريدك تتأثر بأحد ، هيج اريدك شامخ ومسيطر وثابت بالحل ، افتهمت ؟!

3- مرات تسمع طالب يگول هذا سؤال خطأ وما ينحل ف انت هم لا تهتم ، لأنه اي سؤال خطأ ف يجي تنبيه من الوزارة أنه خطأ ويصححوه ، خوش ؟ ف ابد لا تهتم.

#الجزء_الرابع ( الترك )

تعرفون أنه اكو ترك سؤال بكل المواد ماعدا العربي والانكليزي ف خلي انطيك نصائح تفيدك ب قرار ترك السؤال :-

1- اني افضل تجاوب على كل الاسئلة بالكامل أول شي بدون ماتترك أي سؤال ، ثم تقرر الترك.

2- تجي تقدر درجتك بكل سؤال ، والسؤال اللي تحس نفسك تاخذ بي اقل درجة ف تمسحو وتكتب علي ترك ، تمام ؟

#الجزء_الخامس ( مسح الدفتر )

طبعًا قرار مسح الدفتر يعتمد على قناعتك أنت :-

1- لازم تخلي ببالك سقف معين للدرجة اللي أنت تريدها بالمادة.
2- تحل الاسئلة كلها ثم تجي تقدر درجتك بالمادة ، فاذا اقتنعت بجوابك ف لا تمسح واذا لا ف انت حر ، تمام ؟

✍:- سالم ال منصور

#شبكة_نيوتن_التعليمية
https://t.me/Newton1998

اريد تسوولها توجيه لأي طالب سادس
جديات هاي الامور جزئية بس مهمة كلششششششششششش

ف لا تبخلون بيها لغيركم

والدال على الخير كفاعله