بسم الله نبلش مناقشة اليوم🌚🔥
شفلي هالاربع جداول
وفكر......كم قيمة حدية بالجدول الاول
وكم قيمة حدية بالثاني....وهكذا...
بعدا بدي الفرق بيناتن

نبلش الحل:
الجواب:
اول تلاتة كلهن فيهن قيمة حدية وحدة صغرى يلي هي
F(a)=b
الرابع مافيه قيمة حدية
ليش؟؟؟؟
الجدول الاول مافي مشتق ليش في قيمة حدية؟؟
مو لازم ينعدم المشتق ليكون في قيمة حدية؟؟
وهون منرجع لشرحنا السابق
انعدام المشتق مو بالضرورة يعطي قيمة حدية
الشرط الكامل:انعدام المشتق وتغيير اشارتو
وهي متل ما حكينا حالة وحدة بس
في حالات تانية والجداول هون فيها وحدة من هي الحالات
يلي هي حالة المجال المغلق
فلما بكون عندي مجال مغلق رح يكون عندي قيمة حدية متل هون
فالتابع بالجداول الاولى التلاتة معرف ع المجال
[a,+∞[
عطول تذكر انو عالمجال المغلق في قيمة حدية
طيب صغرى ولا كبرى؟؟
حسب التابع
اذا تزايد متل هون فالقيمة صغرى
اما اذا تناقص فالقيمة كبرى
وارجع لصور القيمة الحدية بالمناقشة الماضية وخبرني هي من اي شكل🌚🔥

طيب هلق شو فرق الجداول عن بعضها؟
الاول المشتق مو موجود...بس متل ماحكينا مالو علاقة بالقيمة الحدية فعادي يكون عندي قيمة حدية
التاني المشتق انعدم والتالت المشتق فيه متزايد بس
وبكلا الحالتين الامر ما اثر عالقيمة الحدية
اما اخر واحد....فالتابع غير معرف اساسا عند الa
هي هون نقطة مقاربة
Limfx=b
X---->a
(a,b) نقطة مقاربة
وليست بقيمة حدية
العبرة والخلاصة:شوف شرح القيمة الحدية😂🔥بمزح...العبرة انك لا تربط المشتق ع طول بوجود القيمة الحدية
وبس...انتهت مناقشتنا لليوم لا تنسونا من صالح دعائكم
وخبرونا عن شو بدكن المناقشة القادمة😁💪🔥
بالتوفيق❤️

ليش هيك عم تطلع الحلول؟؟
وشو فرق اذا حطيت للرقم قوس او ماحطيت؟؟؟
خلينا نبلش🔥
هلق اذا عنا
-3^n=-(3)^n
القوة فوق التلاتة...مالها علاقة بالناقص
لهيك اعتبرنا هي المتتالية متناقصة
وهاد كان سؤال د٢٠٢٥🌚
بينما اذا حطيت كل المقدار بقوس متل
(-3)^n
وهون اللعبة
اذا كل المقدار بقوس وقتا بتوزع الاس ع الاعداد يلي بالقوس
يعني
(-1)^n *(3)^n
لهيك هي المتتالية غير مطردة
ويلي عمل المشكلة هو الناقص واحد😁
طيب هلق ليش
-1^n ثابتة😑
تمام
ارجع للكلام فوق
-1^n=-(1)^n
فمهما كانت قيمة n رح تضل قيمة القوس واحد..ورح تنضرب بالناقص يلي برا
وكل الحدود رح تطلع ناقص واحد لهيك هي ثابتة
على عكس
(-1)^n
فهي غير مطردة وشرحا نفس الشرح فوق
فمرة عم تطلع واحد ومرة ناقص واحد حسب قيم n اذا كانت فردية او زوجية

الملخص:
(سالب)^n
غير مطردة
وهيك بتكون فرمت القصة وصارت سلطة🔥💪

وبس🌚🔥...انطرونا ب افخاخ جديدة😁
موفقين جميعا ولا تنسونا من صالح دعائكم
والسلام عليكم❤️

شفلي جدول التغيرات وجاوب ع السؤال

نسبة كبيرة من الطلاب جاوبوا صح🌚🔥
وفي نسبة فكروا بطريقة منطقية يلي هي....المشتق انعدم..ع اي اساس عم نقول انو متناقص تماما؟؟
وهون بيجي التوضيح من الكتاب
الكتاب عم يقلك انو منعتبر التابع متناقص تماما اذا كان f' سالب تماما على المجال (باستثناء عدد منته من النقاط التي ينعدم عندها)وهي هي الجملة الجوهرية للحل🔥
شو يعني عدد منته من النقاط
يعني المشتق ما انعدم ع مجال
انما انعدم عند نقاط معدودة
بينما لو انعدم ع مجال هداك الوقت ماعاد فينا نقول متناقص تماما
لان صار عندي عدد غير منته من النقاط يلي بتعدم المشتق
عرفتو ليش بقلكن اقرأوا كلام الكتاب؟🌚
وبس😁🔥....موفقين جميعا ولا تنسونا من صالح دعائكم
وفقنا الله وإياكم لما يحب ويرضى
والسلام عليكم❤️

خلونا نتنقرش بسؤال رياضيات🌚
السؤال ٨

ونسينا نوضح حل السؤال🌚
السؤال عم يقلك
n>n+1
يعني كأني عم قلك
2>3
طيب كيف هيك؟؟؟؟؟؟
صحيح هي غير منطقية
بس طالما قلك انو القضية En محققة
بالتالي رح تطلع معك الEn+1 صحيحة حسب الاثبات بالتدريج

وهاد الكلام بيشرحو التمرين رقم ١٤ بتمارين بحث المتتاليات
لاحظ معي اول طلب عطاك انو القضية محققة وطلب منك اثبات En+1 وفعلا رح تأثبت ورح يطلع صح
بس بالطلب يلي بعدو طلب منك تطالع E0 وهون بيجي دور اهم خطوة بالاثبات بالتدريج
يلي هو التجريب🌚
ف انت بدك تجرب E0 لتشوف اذا القضية تحققت وبعدا تكمل
بينما بالمثال السابق خلاك تشتغل من تاني خطوة
لهيك طلع معك حل مو منطقي
وبس....موفقين جميعا ولا تنسونا من صالح دعائكم
وفقنا الله وإياكم لما يحب ويرضى والسلام عليكم❤️

نهاية متتالية

نبدأ ب اول سؤال 😁
لتكن المتتالية
Un+1=Un²-1
U0=1
اطراد المتتالية:

خلونا نصعب😁🔥
لتكن المتتالية
Un+1=Un²-1
U0=1
ان نهاية المتتالية