قبل ما نختم
هل ممكن يكون عندي تابع زوجي وفردي بنفس الوقت؟🌚
عطونا اجوبتكن بالتعليقات😁

خلص اخر سؤال والله🌚
التوابع
F(x)=c
C€R
الها محاور او مراكز تناظر؟

بسم الله
اول تمرين شرحناه بالمناقشة الماضية

اما تمارين اليوم فكانت عن محور التناظر
كيف بوجد محور تناظر لتابع؟🤔
الحالات:🥸
١)تابع زوجي=متناظر بالنسبة لمحور y او x=0
2)تابع تربيعي
محور التناظر يحسب من القانون
X=-b/2a
مارح دخلك بالاثبات لما تضيع يكفي انك تطبق القانون
وطبعا انت بتعرف مين a,b,c من شكل المعادلة
ax²+bx+c
طيب وبالنسبة للقنبلة شو وضعها هي؟🌚
شوف
لما يكون عندك تابع من الشكل
(ax+b)^n
حيث القوة n زوجية
بهي الحالة التابع رح يكون متناظر حول
X=-b/a
بمعنى اخر مكان انعدام هاد القوس
وهاد الشي كمان بينطبق بحالة وجود قيمة مطلقة او جذر او اي شي
المهم تكون القوة زوجية
بالنسبة لسؤال التابع الزوجي والفردي
توضيح الإجابة

واخر سؤال
الحل
التوضيح

طبعا هي الحالة نادرة نوعا ما وماوردت من قبل بس حبينا نذكرها ك نوع من النكشات
وبس هاد كان توضيح الحل🌚🔥
موفقين جميعا ولا تنسونا من صالح دعائكم
وفقنا الله وإياكم لما يحب ويرضى
والسلام عليكم❤️

#الشتاء
كلنا منعرف أنو صار الجو بارد وصارت الدراسة أصعب للبعض
خصوصاً للأشخاص يلي بتبرد كتير
طيب

كيف فيني بغرفتي بهل فترة
مبدئياً عزيزي الطالب بدك تحط ببالك أنو الدراسة مو سهلة خصوصاً بهيك أجواء

لازم تعاني شوي مشانك حلمك وهدفك

كل يلي عليك انك تتسلح باللبس الشتوي فقط لا غير

الصوبة أو الصوبيا فخ النوم للطالب
خلص بثقل لبس وبحط حرام عليي وبدرس

ان كان البيت فاضي انت واهلك فقط
اقعد معهن
بس خليك بعيد شوي عن صوبة

بس دفيت كتيير نعست و نمت

في حال كنت دفيان وحسيت بنعس
اعملك فتلة بالبيت خلي جلدك ينسلخ🤣
بضمنلك تصحصح

طبعاً هاد مو يعني نضل بردانين
لأ خليك دفيان بس بحيث تضل بتركيزك ووعيك

ودفوا حالكن لما تطلعوا ع المعهد أو المدرسة

مشان مانفوت بقصة المرض


لأن بس مرضت كبيت ثلاث أيام أقل شي بدون دراسة

انتبهوا لحالكن
قناة النيردات بتخاف عليكن 😁😂🤍


موفقيين 🤍

#Nedal.@NerdatBac

من ناحيتي كان عندي جاكيت سميك
البسوا واقعد ادرس

بس رغم البرد
مقضيها نوم ع الكتب(تعتبر من اطيب النومات يلي بتنامها)💔😂
مابنفع معي شي
ان شاء الله ما تكونوا متلي

على طلبّكم وبما أنو أغلبكن خلّص هالبحثين

▪️خطة لمدّة عشرة أيام بتريّح رأسك من العلوم و ما بتنتسى معك

▪️إذا لسّا عم تاخد دروس بالمدرسة أفهمهم منيح وبس تدرس هالخطة ضيف نص ساعة للجديد

▪️بعرف عليكن ضغط و مافي وقت ومافي مجال ودوبكن عم تاكلو تدرسو تنامو بس لازم تعملوا هيك الشاطر اللي بيستغل وقته دبرو أموركن

بسم الله نبدأ مناقشة اليوم😁🔥
وكالعادة سؤال بسيط لننطلق بصلب الموضوع🌚
ليكن التابع المعرف على R وفق
F(x)=sin(x)
ان دور التابع هو:

توضيح اولي:
قد لا تكون بتعرف انو الدور الو قانون...بس هو فعليا مذكور بالكتاب بالانشطة بالاشتقاق فيك تتطلع عليه🌚
قانون الدور للساين والكوساين هو
T=2π/|a|
يعني لو كان عندي
Cos(2x+3)
وبدي الدور بس باخد
T=2π/|2|=2π/2=π
وخلصت🔥
طيب وال٣ يلي جوا الكوساين شو هي؟؟🧐
هي منسميها ازاحة افقية
هي ما بتأثر ع الدورية بس بتزيح منحنى التابع والدور بضل ع حاله..

طيب لو اجاني متل التمرينين يلي فوق
واحد فيو زاوية والتاني غير زاوية كيف بحلو؟؟
رح يتوضح هالشي المسا🌚

هالمرة بدون خيارات 😂
دور التابع
F(x)=tan(√2 x)+sinx

توضيح الحلول،حل اخر تمرينين،رأيي بالنموذج،طريقة الدراسة الجديدة:
حاليا مارح نزل شي عنهن بس لكثرة الاسئلة😁
اخر تمرينين من عندي
مافيهن اي شي امتحاني اطلاقا وكانو فقط للتسلية وحكينا هاد الكلام
اما التوابع يلي فوقهن ف ممكن يجي هيك شي وقانون الدور متل ماحكينا مذكور بالكتاب
ولضيق الوقت رح نكتفي بهذا القدر اليوم🌚❤️
كانت مناقشة جميلة😁موفقين جميعا ولا تنسونا من صالح دعائكم

بسم الله نبلش التوضيح:
بداية عنا هي الرسالة
وبالنسبة للtan قانونها
T=π/|a|
طيب لما يطلعلي تمرين فيه زاويتين مختلفين
كيف بشتغل؟؟؟؟
طريقة من ٢🌚
إما انك توحد النسب عن طريق شي دستور مثلثات(وهي صعبة شوي)
او انك تدور ع اصغر دور مشترك
كيف يعني؟؟؟🧐
شوف وركز
بالمثال السابق
عنا 4x و 6x
بتطبيق القانون ع كل وحدة لحال بيطلع معك دور الاولى
T1=2π/4=π/2
والتانية
T2=2π/6=π/3
هلق بدنا نشوف اصغر دور مشترك بين التنين
بس كيف؟
T=T1k1=T2K2
π/2 *K1=π/3 *K2
بالاختصار بيطلع معنا
3k1=2K2
معناها إما
K1=2

K2=3
خلينا نعوض بالمعادلة فوق
T=T1K1=π/2*2=π
وسواء اخدت K2 كمان صحيحة وبيطلع معك نفس الناتج
T=K2T2=π/3 *3=π
وهو المطلوب
طيب بالفحص بدي اعمل كل هاد😒
لا اكيد جايبلك طريقة سريعة من النظر ببين معك الدور💪🔥
فورا طلع ع الزاوية
4x ,6x
كب الاكس
4,6
شو هو اكبر عدد مشترك بتقدر تقسم عليه هالعددين بدون ما يزيد باقي؟؟
ال2🌚
ممتاز
روح ع قانون الدور وعوض
T=2π/2=π
سحر سحر✨
بسسسسسسس انتبه💀
هي بس بحالة عندك ساين وكوساين اما بحالة تانج و كوتانج تذكر انو القانون هو
T=π/|a|

وفي طريقة تالتة بس اطول🌚
انك تجرب الحلول
الدور لازم يحقق الشرط
F(x+T)=f(x)
عوض الحلول وبس حل حقق هي المعادلة فهو الصح
بس هي طويلة وبرأيي خليك ع الطرق السهلة فوق

هاد كيف بينحل
نفس الطريقة الاولى فوق
بدون طرق سريعة متل ماحكينا مافيك تستخدمها
T1=π/|2|=π/2
T2=2π/|3|=2π/3
هلق نشوف اصغر دور مشترك
T=K1T1=K2T2
طالع قيم K وعوض وطالع الدور وامورك بالسليم🔥
اما اخر تمرينين بعيد وبكرر للمرة المليون مو امتحانيات اطلاقا كان الهدف منن التسلية😂(وتفاجئت من كمية التسلية absolute cinema 🌚🔥)
وبس ما بدنا نطول اكتر يا دوب تقرأوها اساسا😁
موفقين جميعا ولا تنسونا من صالح دعائكم
وفقنا الله وإياكم لما يحب ويرضى
والسلام عليكم❤️

ضل علينا شغلة
شو رأيك بالنموذج الجديد؟🧐
الاتمتة نعمة ام نقمة؟
طريقة الدراسة الجديدة؟
ارجع حل اسئلة اتمتة قديمة؟
هل ال٦٠٠ مستحيلة؟؟

رأيي بالنموذج:البعض يقول الاتمتة اسهل
والبعض الاخر له الرأي المعاكس
فالوزارة عملت mix😂 وحطت التنين،هالشي سيئ؟
لا،صحيح نكشات الاتمتة قد تبدو اكثر من التحريري لكن مع بعض الطرق السريعة😁⚡️،والنكشات يلي عم نشرحن💪🔥ان شاء الله مافي خوف من هالكم سؤال

وباقي الاسئلة؟🤓
ما اختلف شي عن التحريري
اطلع ع الدورات وشوف مستوى الاسئلة ببين معك كلشي
لا تنسى الوزارة بدها تراعي كل مستويات الطلاب
مارح اجي احطلك كلشي نكشات والا برسب كل الطلاب
نسبة الاسئلة الصعبة قليلة وهاد الشي لحتى الاسئلة تصير تناسب الجميع
وفيك كمان تشوف هالشي من خلال دورة ٢٥ المؤتمتة
اي نعم الناس طلعت عم تبكي
وانا قريت الاسئلة واعتبرت حالي طالب عم حل وشفت الآتي:
معظم الاسئلة مستواها طبيعي
في سؤال او اثنين بدهن انتباه ما بدك تتسرع بحلن
وسؤال واحد فيه مستوى
اما الباقي شفتها اسئلة عادية ك طالب

فلا تاكل هم،ادرس حل دورات،راجع دراستك وامورك باللوز

شو طريقة الدراسة الجديدة 😎:
عمليا مافي اختلاف كبير
بالكتاب التمرين تحريري وبتحلو ع هاد الاساس
بعدا بنعملك ياه بشكل مؤتمت وبتحلو🌚
واكيد مارح ننساك من الطرق السريعة😁⚡️ونكشات الفقرات💥(خليك متابع كل اثنين واربعاء عال٨المسا☃️)

وبس مافي اي اختلاف اخر بطريقة الدراسة

طيب انا حالل من قبل اتمتة
اعيد نفس الاسئلة؟؟
اذا حالل وكاتب ملاحظات ارجع عيد الاسئلة الصعبة يلي عليها ملاحظات
اما الاسئلة العادية(متل حساب r لمتتالية حسابية او حساب احد الحدود مثلا او نهاية تابع بسيطة) ف فيك تتخطاهن او تقرأهن قراءة
بالنهاية هنن قانون وطبق وعندك كل المعطيات
بس ركز بالاسئلة القديمة ع النكشات وملاحظاتك

شو النماذج يلي بحلها؟؟
صار عندك بحر
دورات من ال٢٠١٧ لل٢٠٢٤
نماذج مؤتمتة وزارية ودورة ٢٥ المؤتمتة
تسلى فيهن مبين لتنزل الوزارة نماذج استرشادية

ليس لحل الدورات القديمة؟؟
لان ببساطة الاسئلة تحاكي مستوى الوزارة
يعني انت هلق عم تدخل لعقل يلي حط الاسئلة وتفهم كيف عبفكر وبحطلك السؤال وبعدا بجي دورك لتحل

وبس ما بدنا نطول اكتر
اذا عندك اي سؤال لا تتردد واسألنا بالتعليقات
بالتوفيق جميعا❤️

انتظرونا في السادسة مساءً ملف حارق خارق متفجر 🤓🔥
من إعداد الادمن شهد