Muhammadqodir Hamraliyev "Navbahor" bilan mehnat shartnomasini imzoladi. ⚡️

Tez orada futbolchining PFL tomonidan ro'yxatdan o'tkazilgani haqida UzPFL ma'lumot beradi.

Klubimiz matbuot xizmatidan esa bugun bu borada xabar chiqishini kutmay qo'ya qolamiz. 😅

Axir intriga qilish borasida bizda kreativlik 0 darajada. Shartnoma imzolandi — tez orada PFL tasdiqlaydi, tamom. 🤷‍♂️😂

⚡️ @NavFalcons

✔️ Muhammadqodir Hamraliyev– “Navbahor” futbolchisi!

O'zbekiston milliy terma jamoasi a'zosi Muhammadqodir Hamraliyev jamoamiz bilan shartnoma imzoladi.
Ushbu futbolchi – 2001-yil, 6- iyul  kuni Farg'ona shahrida tug‘ilgan. Ampluasi - himoyachi.
Faoliyati davomida "Dinamo" (Samarqand, 2020-2021 yillar), "Olimpik" (Toshkent, 2022 yil),  jamoalarida o'ynagan, 2023 yildan buyon "Paxtakor" (Toshkent) safida o'ynayotgandi.  
Bundan tashqari, Muhammadqodir Hamraliyev O'zbekiston U-23 (2021-2024) terma jamoasi tarkibida maydonga tushgan va  2023 yildan buyon O'zbekiston milliy terma jamoamiz a'zosi sanaladi.
Muhammadqodir Hamraliyevga “Navbahor” tarkibida yorqin o‘yinlar namoyish etib, “lochinlar”ning zafarlariga o‘zining munosib hissasini qo‘shishiga tilakdoshmiz.

Jamoamizda xush ko'rdik, Muhammadqodir!

🔵 "Navbahor" PFK matbuot xizmati.

Biz avvalroq posterlar nega sifatsiz chiqayotgani haqida savol berganimizda, “Posterlar chiqishidan oldin tekshirib chiqiladi, eng oddiysi — prinsiplarimizga mos qo‘yiladi”, degan javobni olgan edik.

Xo‘sh, ushbu poster ham o‘sha prinsiplar asosida tekshirilib, ma’qullanib chiqarildimi?

Agar tekshirilgan bo‘lsa, unda savol tug‘iladi: bu holat qaysi prinsipga mos?

⚡️ @NavFalcons

Xojiahmad Husanov — «Navbahor»ni tark etdi

Odil Ahmedov futbol akademiyasi tomonidan «Navbahor» ga tavsiya qilingan Xojiahmad Husanov ikki mavsum davomida asosan U-21 va U-19 jamoalarida harakat qildi. Biroq yosh futbolchi asosiy jamoaga yaqinlasha olmadi.

Xojiahmad o‘z vaqtida Asilbek Aliyev, Behruz Karimov kabi Odil Ahmedov futbol akademiyasining iqtidorli tarbiyalanuvchilari qatorida sanalgan.

Endilikda u iqtidorlarni kashf etishga tayyor Dinamo jamoasiga, Abramov qo‘l ostiga borib qo‘shiladi. Xojiahmad yangi klubida asosiy jamoa uchun kurash olib boradi.

Omad, Xojiahmad! 💙

⚡️ @NavFalcons

Subyektiv fikr.

PFL rahbari Diyor Imomxo‘jayevning klublarni moliyalashtirish borasida Lolazor podkastidagi suhbatini tinglab qoldim. Unda Navbahor misolida aytilgan ayrim fikrlarga shaxsan men to‘liq qo‘shila olmadim.

Xushnud Xudoyberdiyev Navbahor muxlislari jamoa OCHLda ishtirok etsa va chipta narxlari OCHL talablariga mos ravishda oshirilsa, stadionni to‘ldirish qiyin bo‘lishi mumkinligini aytdi va bunga ma’lum bir o‘yinni misol qilib keltirdi.

Diyor Imomxo‘jayev esa klublar nega o‘z do‘konlarini ochmayotgani haqidagi savolga yana Navbahorni misol qilib, bir muxlis bir yil davomida klub uchun 100 dollar sarflay olmasligini aytdi. Shuningdek, klub chiptalardan yaxshi daromad olishi uchun narx 50 ming so‘m atrofida bo‘lishi kerakligi, ammo bunday narxni muxlislarimizning cho‘ntagi ko‘tarmasligini ta’kidladi.

Ammo bu yerda bir savol tug‘iladi: nega klub do‘konidan har bir muxlis yiliga 100 dollarlik xarid qilishi shart?

Agar Navbahorning haqiqiy klub do‘koni bo‘lsa, menimcha, muxlislarning xaridi faqat o‘zimiz uchun emas. Kimdir oilasiga, kimdir farzandiga, jiyaniga yoki yaqinlariga sovg‘a oladi. Klub atributikalari, futbolkalar, sharflar, bayroqlar, esdalik buyumlari, hatto klub tarixini yorituvchi kitoblar — bularning barchasi muxlis uchun qiziq bo‘lishi mumkin.

Ya’ni klub do‘konining muvaffaqiyatini faqat “har bir muxlis yiliga 100 dollar sarflashi kerak” degan mezon bilan o‘lchash shart emas.

Stadion masalasida ham xuddi shunday.

Albatta, chipta narxi muxlis uchun muhim. Ammo Navbahor misolida jamoaning o‘yini, natijalari va stadiondagi muhit yaxshi bo‘lsa, muxlislarning chipta narxiga munosabati ham boshqacha bo‘ladi. Buni faqat ma’lum bir narxni qo‘yib, “muxlislar kelmaydi” degan sun’iy ssenariy orqali baholash to‘g‘ri emas, deb hisoblayman.

Navbahor muxlisi uchun klub shunchaki 90 daqiqalik futbol emas. Bu — tarixiy estalik, emotsiya, deyarli hayotlarining bir qismi.

Shuning uchun klublarni tijoriy jihatdan rivojlantirish haqida gap ketganda, muxlislarning imkoniyatini pasaytirib baholashdan ko‘ra, ularga klub uchun pul sarflashga arziydigan mahsulot va xizmatlarni yaratish haqida ko‘proq o‘ylash kerak.

Bu, albatta, mening shaxsiy va subyektiv fikrim.

⚡️ @NavFalcons

✔️ Namangan auditoriyasiga reklama taqdim etuvchilar uchun maxsus taklif!

Do‘koningiz, mahsulotingiz yoki brendingizni Namangan auditoriyasiga eng samarali va hamyonbop usulda tanitishni istaysizmi?

🦅 NavFalcons kanali siz uchun aynan mos:
🔹 6.2 ming obunachi
🔹 Kunlik 4.5K–5 ming ko‘rish
🔥 Faollik — juda yuqori!

Unutmang: reklama bu sizning mahsulotingiz va kompaniyangiz uchun eng zarur strategiyalardan biri! 📊

Hamyonbop narxlarda reklama joylashtirish uchun:
👉 @YusufjonPro

Ushbu muxlislar uchun ishlab chiqarilgan liboslar sotuvga chiqarildi. Sotib olish maqsadida quyidagi telefon raqamlari orqali aloqaga chiqishingiz mumkin:

Murojat uchun telefonlar:
+998932533622
+998704936758

Klub libosining narxi 45 000 so'm deb belgilandi. Bu narx har tomonlama qulay hisoblanadi va bundan arzonroq klub kiyimiga ega bo'la olmaysiz - Original bilan koʻrinish jihatidan deyarli bir hil.

Қувондиқ Рўзиев: Ўйин амалиётига эга бўлиш учун Навбаҳордан кетдим.

Muhammadqodir Hamraliyev jamoamiz ixtiyoriga yetib keldi. Bugun u jamoamizning mashg'ulotida umumiy guruhda shug'ullandi.

"Navbahor" PFK matbuot xizmati.

🔵 Jamoamiz a'zolarining mashg'ulotidan videolavha

"Navbahor" PFK matbuot xizmati.