🚩 دليل الدراسة مع نصائح لأهم المصادر 👇

دليل اجتياز الامتحان الوطني الموحد🌟

هاد الملف مفيد كدليل لاجتياز الامتحان الوطني
فيو أسئلة ونصائح
وبآخرو مو دورات بس نموذج مهم

سيبدأ الشرح والمتابعة على هذه القنوات
مع نهاية دفعة 2023 🔥🤍

❕نماذج الوزارة للامتحان الوطني 👈🏻 هنا

القناة الرسمية 👇🏻
🚩 @National_Exam888

غروب تيسير الحفظ والدورات 👇🏻
🚩 @TAGMEAT_WATANI

♾ https://t.me/National_Exam888

♾ https://t.me/National_Exam888

♾ https://t.me/National_Exam888

♾ https://t.me/National_Exam888

♾ https://t.me/National_Exam888

🌟أفضل المصادر لدراسة مواد الوطني:

✳️أفضل مصدر لدراسة الداخلية: [821 شخص]
▪️المرجع 58%
▪️ملخص بيست 34%
▪️ملخص سكسيس 1%
▪️ملخص كوفيد 1%
▪️نقاط ذهبية 1%
▪️ملخص برينز 0%
▪️فقرات بيتا 0%


✳️أفضل مصدر لدراسة النسائية والتوليد: [493 شخص]
▫️المرجع 47%
▫️ملخص سكسيس 29%
▫️ملخص بيست 18%
▫️ملخص برينز 4%

✳️أفضل مصدر لدراسة الأطفال: [463 شخص]
▪️المرجع 56%
▪️ملخص سكسيس 36%
▪️نقاط ذهبية 3%
▪️ملخص بيست 2%

✳️أفضل مصدر لدراسة العينية: [434 شخص]
▫️ملخص سكسيس 32%
▫️ملخص عموري 22%
▫️ملخص برينز 18%
▫️المرجع 11%
▫️نيرد 8%
▫️نقاط ذهبية 6%

✳️أفضل مصدر لدراسة الأذنية: [455 شخص]
▪️ملخص سكسيس 36%
▪️ملخصات قديمة مثل س م د 35%
▪️ملخص عموري 19%
▪️المرجع 6%
▪️نقاط ذهبية 2%

✳️أفضل مصدر لدراسة الجلدية: [486 شخص]
▫️المرجع 72%
▫️ملخص بيست 21%
▫️ملخصات قديمة مثل س م د 3%
▫️نقاط ذهبية 2%

✳️أفضل مصدر لدراسة الجراحة العامة: [427 شخص]
▪️س م د 2017 70%
▪️س م د 2015 19%
▪️نقاط ذهبية 6%
▪️نيرد 3%

✳️أفضل مصدر لدراسة الجراحة البولية: [383 شخص]
▫️نيرد 34%
▫️نقاط ذهبية 32%
▫️س م د 2017 14%
▫️س م د 2015 14%
▫️خلف 4%

✳️أفضل مصدر لدراسة الجراحة العظمية: [422 شخص]
▪️غدير 81%
▪️نقاط ذهبية 11%
▪️س م د 3%
▪️نيرد 2%
▪️خلف 0%

✳️أفضل مصدر لدراسة باقي الجراحات: [407 شخص]
▫️نقاط ذهبية 68%
▫️س م د 12%
▫️خلف 9%
▫️نيرد 5%

✳️ملاحظات:
🔺تم ذكر عدد الأشخاص المصوتين الفعليين بجانب كل مادة
🔺نتائج الاستطلاع حُسبت بتاريخ ١٢/١٢/٢٠٢٠ (مع عدم جبر الفواصل)
🔺تعبر النتائج عن رأي المشاركين (وليس للقناة أي هدف لإفادة أو إضرار أي جهة أو فريق)
🔺نأمل أن تساعدكم النتائج في اختيار أفضل المصادر (وفي استبعاد الأسوأ على الأقل!)

🌟إعداد وتنسيق:
قناة تجارب الوطني
♾ https://t.me/National_Exam888

نقلاً عن الدكتور أحمد نويلاني
السلام عليكم ‌❤️⁩‌❤️⁩‌❤️⁩
إخوتي وزملائي من طلاب السادسة.. كيف الهمة إن شاءالله تمام 😎💪
كزا حدا سألني عن المصادر الي درستها بالتفصيل وهيك..
فحبيت انشر خلاصة تجربتي مع السادسة ومصادر الوطني وكم نصيحة هون للجميع عسى تستفيدوا منها..

🔵 بالنسبة لاختيار المصادر للفحص الوطني..
أولاً ادرس من مصدر أساسي ولكن لا تحصر نفسك بمصدر وحيد.. الأمر المهم فعلا للفحص ولحياتك هو الامر الذي تجتمع عليه معظم المصادر وبالتالي بقدر ما بتنوع دراستك بقدر ما بتترسخ المواضيع المهمة.
وهالنقطة اكثر ما تكون بمراحل الدراسة الباكرة متل هلأ يعني.. المصادر الأخرى المقترحة (المحاضرات/ UpToDate / ميدسكيب / كتب الستيبات /ايا مرجع / ملخصات جيدة...الخ)واكيد ما القصد انو تقروا كلشي من المصادر الاضافية جنب الاساسي .. اكيد لا هالشي بس للمواضيع المهمة او غير المفهومة بالمصدر الرئيسي الي اخترتوه.

🔵 ثانياً بالنسبة للمصدر الأساسي للدراسة فمن جهتي بفضل ادرس من المرجع المطلوب نفسه لعدة أسباب:

1- فرصة لتقدر تقارن مع المرجع الانكلش وتصحح أغلاط الترجمة أو تفهم السياق إذا الترجمة مو موصلته أو حتى تتأكد (تتطمن) انو هيك صح الفكرة (بسبب أخطاء الصياغة بالترجمة العربية) أو حتى تربط المصطلح العربي بالمصطلح الأجنبي... وباختصار المقارنة مع مرجع الوطني الأجنبي رغم انو شي مزعج الا انه مهم برأيي.

2- الذاكرة البصرية كتير مهمة للبعض.. وهالشغلة مابتوفرها الملخصات زيادة الي غالبا عم بكون تنسيق صفحاتها متشابه وخالي من الصور..
ومهم جداا انك تراجع من محل ما درست، المرور عنفس الصفحات بيساعد بنبش الذاكرة الي كونتها سابقاً بتفاصيلها.. وما تلجأ لملخصات تانية ما قاريها قبل.. والافضل انو يكون في شي كاتبه انت او ملخصه بايدك سواء عالمرجع كملاحظات او عدفتر مستقل.

3- مع احترامي لكل الي شاغلين بالملخصات الله يعطيهم العافية جميع ❤ بس بالملخصات عموما مابكون توصيل المعلومة الكاملة هو الهدف... وانما تلخيص الأفكار وتجميعها.

4- مهم تكتب ملاحظاتك أو افكارك الي ممكن تغنيك عن قراءة فقرة طويلة أو تساعدك لتربط بين عدة فقرات، أو حتى فكرة لقيتها جديدة بالدورات، وهالشي بتوفره مساحة هوامش المرجع اكتر من الملخصات المضغوطة.

☝ومنجي لكم نقطة هامين بأسلوب الدراسة عموماً:

1- مهم كتير انك تلخص بنفسك وتعلم المعلومات الجديدة بالنسبة الك أو الي انت بتلاقيها مهمة، مو الي غيرك بيلاقيها جديدة أو مهمة بنظره... لهيك مو شي غريب انو الواحد ما يستفيد من ملخصات غيره رغم انها مفيدة أحياناً.

2- الوش الأول للدراسة هو الأهم، فبقدر ما بتدرس وبتفهم اول مرة حتسترجع هالمعلومات هي الي درستها وقت المراجعة وان كانت المراجعة قصيرة.. انت بس بتكون عم تنبش المعلومات الموجودة اصلا، وبكون صار عندك كم كبير من المعلومات التراكمية.. وهاد الأهم بالفحص الوطني (رغم البصم المطلوب!!!) ولحياتك المهنية كطبيب.

3- حاول دوما تكامل بين المواد وتشوف الصورة الكبيرة وحاول يكون همك الأول هو المعلومة الصحيحة والكاملة، والمراجع اقرب لتحقيق هالهدف من الملخصات.. مثلا كل ما مرق معك مرض أو بند أو عنوان وكان مارر بمادة أخرى سابقة ارجع للفقرة الي قريتها قبل هيك منه بتتثبت الفكرة وبتفهمها اكتر، ومنه بتكون عم تراجع دراستك قبل ماتبدا مراجعة حتى.

4- المراجعة من المصدر الي درسته حصراً او الملخص الي اشتغلته بايدك ... اما المراجعة من ملخص مختلف امر مربك للغاية للكثيرين.

🤡 الوطني بصم ولا فهم؟
التنين سوا... صح في أسئلة بصمية ... بس كل ما كنت قاري وفهمان اكتر بيكون سهل عليك اكتر انو تبصم تفاصيل (اذا فهمان اليتها) اكيد بيبقا كم شغلة بصميات مالهن حلّة .. بس نسبتهن لا تتجاوز 10-15%...
لهيك أكدت اكتر من مرة عتعدد المصادر ورؤية الصورة كاملة والتأكيد عالمعلومة الصحيحة... ولا توجعوا راسكم كتير بالشغلات البصمية الدقيقة...#مستحيييل تبصموا كل المراجع لا تتعبوا حالكم لهالدرجة.

🌱بالنسبة لتجربتي الخاصة: درست الباطنة والنسائية والأطفال من مراجعها (الأطفال 1 للأمانة ما لحقتها كلها😂😂💔)
🌱بالنسبة للعيادات.. الجلدية اكيد من المرجع مع البواطن.
🌱الاذنية كمان درست المرجع، لقيتو سلس وجيد وبيشبه منهاجنا، بس بفضل اللجوء لملخص اصغر (ساكسيس مثلا أو CMD) لأن الاسئلة عم تجي شوي من المنهاج.
🌱العينية المرجع ما خرج يندرس كامل بصراحة لأن تفصيلي كتييير.. فدرست ساكسيس وحطيت المرجع جنبي مشان الصور وتكملة الأفكار المهمة الناقصة... والي ما كتير بتفرق معه علامتين تلاتة فيه يدرس نيرد
🌱الجراحات بسبب عدم وجود مرجع مضطرين ندرس من الملخصات.. شخصيا اتبعت نصائح الي اكبر مني ما قارنت بين ملخصات الجراحة..
درست الجراحة العامة من الCMD الكبير
البولية CMD المصغر
العظمية غدير
والباقي نقاط
وما كتير تضيعوا بالمصادر تبع الجراحة كلو محصّل بعضه .. الأسئلة يا سهلة بتنحل عالمنطق او من الداخلية (المعظم

) أو مستحيلة و مو معروف حلها الأكيد وخلافية.. وكتير طلاب قالوا انو نسبة الاسئلة الي عم يحلوها صح قبل وبعد الدراسة متساوية 😂😂 فهية هيك اتس اوكيه لا تنصدموا
🌱وبالنسبة للدورات درست من تطبيق بيتا بكل المواد وكانوا شاغلين منيح الله يعطيهم العافية.. وما ضروري ترجعوا كتير بدورات الداخلية والنسائية والأطفال بيكفي 3-4 سنين اذا ما معكم وقت

أخيرا❤️
🗝التوفيق من رب العالمين هو الأساس ورضاه هو الغاية، والتوكل عليه بعد الأخذ بالأسباب هو وسيلتنا، والدعاء هو سلاحنا وحيلتنا وفتيلتنا.. ما تملوا من الدعاء ادعوا رب العالمين كل يوم من هلأ للوطني😂 الكم ولرفقاتكم‌ ولكم بالمثل إن شاء الله

🗝 احرص على ما ينفعك واستعن بالله ولا تعجز. حلو الواحد يفتح مشاريع إضافية بالسادسة متل الشغل او اللغة او الستيبات لأن فيها وقت منيح خصوصي للي دارس بالرابعة والخامسة.. بس مو يضيع الوقت الزايد بلا طعمة.

🗝 بعد ما تعتمد مصادر وطريقة للدراسة وتلاقيها مناسبة الك فإياااك انو ترجع تقارن دراستك واسلوب دراستك مع غيرك هالشي كتير بيضرك وبيجهدك بلا طعمة.. لأن نحنا خُلقنا مختلفين وكل واحد اله استطاعته واله اسلوبه.. ورغم انو تجنب المقارنة امر بديهي إلا أنه صعب التطبيق ويحتاج للتذكير به دوما، ويجب تفريقه عن المنافسة والتشجيع مع كم رفيق قراب وأكيد هالشي اله دور عظيم وإيجابي جداً.

🗝 من الطبيعييي جدااا بالنسبة للناس الي بتعمل برنامج انها كل كم يوم تخبصه لهالبرنامج وما تمشي عليه، وما لازم هالشي يأثر على نفسيتكم.

🗝حاولوا تحيطوا أنفسكم وتدعوا ربكم يجمعكم بالأشخاص المحفزين والإيجابيين والمحبين، هالشي كتير بيدعم النفسية، الأمر المهم جدا بفترة الانقطاع للوطني وضغطه النفسي الكبير.

🗝 حاولوا تساعدوا مين ما بصحلكم تساعدوه من أهلكم/ جيرانكم/ رفقاتكم/ زملاءكم وتكونوا بعون بعضكم، حتى لو حسيتوا انو ظاهريا حيروح نتفة من وقت الدراسة، بس عمليا هاد الوقت بالعكس ما بضيع أبدا فالله في عون العبد ما كان العبد في عون أخيه‌❤️⁩‌❤️⁩‌❤️⁩

بالتوفيق الكم جميعاً ❤❤❤❤ الله ييسرلكم ويفتح عليكم يارب 👏
♾ https://t.me/National_Exam888

المحاور والنقاط التي ناقشها الدكتور صبحي التيناوي في حديثه عن السنة السادسة في البث المباشر.. تجدونها في هذا الملف
♾ https://t.me/National_Exam888

دليل عملي بشكل أكتر
♾ @National_Exam888

#ستاجات_الوطني
نقلا عن د.ماهر حمود

🔺أهم شي تحققو نسبة حضور بكل ستاج بحيث تدخلو المقابلة وبعدها مجموع 360 كافي لحتى تتأهلو للمقابلة حتى لو عندكن مقابلة راسبة ولكن المهم تكونو حضرانين جميع المقابلات والنسبة أكتر من 360
الداخلية: 30 بتنضرب ب6 يعني 180
الجراحة 30 بتنضرب ب4  يعني 120
النسائية والتوليد  30 بتنضرب ب4 يعني 120
الأطفال 30 بتنضرب ب3 يعني 90
العينية 30 على حالها
الأذنية 30 على حالها
الجلدية 30 على حالها

🔺معظم الستاجات شكلية والدراسة الها ما لازم تنعطى كتير وقت أو أهمية كبيرة والفائدة منها قليلة كتير إلا ما ندر
🔷ستاج النسائية والتوليد: بتداومو بمشفى التوليد وبيقمسو الفئة قسمين نص أول بيحضر نظري ونص تاني بينفرز أقسام للعيادات وطبعاً بتبدلو بين بعض كل أسبوع ومدة الستاج 8 أسابيع ... بالنسبة للحضور العيادات ما في تدقيق والنظري حسب أحيانا بدققو لما عدد كبير من الفئة بصير يغيب وطبعاً ما انحرم حدا ابداً لأنه آخر الستاج تنزل قائمة قبل المقابلة منشان يلي مو محقق نسبة دوام يعوض الأيام يلي ناقصة بالعيادات (بالمجمل التدقيق عالحضور ما كتير والسكرتيرة كتير حبابة ومتعاونة)
بالنسبة للمقابلة الكل ناجح واسئلة بسيطة عالسربع(اذا بدكن تدرسو للمقابلة اكتر من يوم ما تضيعو عليها أسئلة سابقة بالعادة كافية)  والكل ناجح عادة

🔷 ستاج الجراحة: بقسمو الفئة تقريبا 8 اقسام وكل أسبوع فرز شكل.. لكل الجراحات بتنفرزو وحتى العناية الها أسبوع.. لكل طالب ورقة فرز وعلى اساسها بداوم وطبعاً يعتبر أكتر ستاج ما في تدقيق على الحضور
جراحة الأطفال بدققو كتير عالحضور
جراحة قلبية على سنتنا صار يدقق
جراحة عصبية كمان ممكن يدققو
بالنسبة للدراسة بكفي أسئلة السنوات السابقة أو أسئلة المقابلات تدرسوها بيومين تلاتة
اللجان متفاوتة الصعوبة.. عادة بلجنة الدكتور أحمد الحاج والدكتور يوسف سبسبي العلامات قليلة

🔷ستاج داخلية: كمان بتاخدو ورقة فرز وكل أسبوع الدوام بداخلية معينة... الستاج على ما أذكر 8_10 أسابيع
الدوام بالداخلية القلبية والداخلية العصبية أكتر شي بتم التدقيق عليه عادة تسجيلين حضور وفي التزام كامل عادة وهدول بساووا مقابلة بسيطة قبل توقيع رئيس القسم.. باقي الدخليات ما كتير بدققو... هي المقابلة الأفضل تكونوا دارسين الداخلية خلالها... وممكن تدرسوا قبل المقابلة أسئلة المقابلات بتلت أيام... اللجان بالمجمل سهلات عدا لجنة فيها دكتور طاهر فرفوطي ودكتور محمود ملحيس هي اللجنة الوحيدة تقريبا يلي ممكن ترسب بكل المقابلات فيفضل يلي ما بعرف يجاوب ما يشلف جواب شلون ما كان وإنما كلمة ما بعرف ممكن تنجيه... وطبعاً أسئلتن إذا دارس ما كتير صعبة فلا تحطوها كتير ببالكم

🔷ستاج أطفال: كمان في فرز هن بقسموكن والحضور عليه تدقيق وكل يوم في توقيع ويفضل الالتزام منيح بالدورام لأنه ما كتير في تساهل.. المقابلة بالمجمل نفس ترتيبة أطفال ١ و٢ ممكن بيوم يومين تدرسو لالها والكل ناجح عادة

🔷ستاج العينية: أسبوعين فقط وما كتير دققو عالحضور والمقابلة نفس الترتيبة بالخامسة والكل ناجح عادة

🔷ستاج الأذنية: أسبوعين فقط ونفس ترتيبة الرابعة الحضور بدققوا كتير كتير وما في تساهل يعني ما حققت نسبة عالترميمي مباشر يمكن مسموح غياب واحد أو ولا غياب هن بخبروكن.. المقابلة بسيطة والكل ناجح عادة المهم تلتزموا بالحضور

🔷الجلدية: أسبوعين فقط والحضور كمان بدققو عليه وبحال الغياب لازم تعوضو والمقابلة بسيطة نفس الرابعة سلايدات (٢٠ سؤال عبارة عن ١٠ مسائل سريرية سؤال بده التشخيص وسؤال تاني العلاج طبعاً السلايدات متوفرة ومحلولة)

#تنويه: هاد الكلام بالنسبة لطلاب #حلب وقد تختلف بعض الأمور من سنة لسنة

#الخلاصة: الستاجات ما تاكلو همها أمورها بسيطة وحاولوا تستفيدوا منها قدر الإمكان حتى لو الفائدة غالباً قليلة وكمان بالنسبة للدراسة فيكم تمشوا عبرنامج خاص فيكم وما شرط يكون مطابق للستاج يلي أنت فيه (إذا حسنت توفق بينن مو غلط).
♾ https://t.me/National_Exam888

🚩 نوطة الفحص السريري 👇

♾ https://t.me/National_Exam888

🚩 دليل الأعراض الشائعة والتشخيص التفريقي👇

🚩 تفسير النتائج المخبرية واللقاحات 👇