8️⃣ ما الاختصاص الذي تطمح له وهل تنوي السفر؟
👈🏻 الاجابة : الاختصاص في عدة خيارات حاليا ف لسا مو مقرر شو سجل
السفر طبعا هو الخطة الرئيسية اذا الله يسرلي

🌀في شغلة كتير مهمة انو وقت الفحص ريحو حالكن و نامو منيح .. التركيز هو الاساس بحل الاسئلة
و التوتر و التعب كتير رح يضيعو منكن اسئلة انتو بتعرفوها .. ف خليكن ريلاكس .. هالكم ساعة يلي رح تدرسوها قبل الفحص مارح تاثر كتير قدام الاشهر يلي دارسينا قبل

🌀 بالنهاية الله يوفقكم جميعا و نشالله كل واحد بيوصل للشي يلي بتمناه ❤️
-----------------
كل الشكر للدكتور مصعب ونتمنى له التوفيق في المرحلة القادمة من حياته ❤️❤️
@NationalExamFiles

#تجارب
تجربة صاحبة المرتبة الثانية على مستوى جامعة تشرين ❤️

🔺الاسم : ميس الضرف
🔺الجامعة : تشرين
🔺العلامة : ٩٥%
🔺مدة التحضير : حوالي ٨ اشهر

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بلشت بالشهر ١٢ وكانت دراسة خفيفة تتخلها انشطة ترفيهية والدراسة الجدية بلشت فيها بالشهر ٢  والمراجعة بننهاية الشهر الخامس

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة :
الغوغل للاستعانة بالصور ومحاضرات جامعة دمشق وتشرين للتأكد من بعض المعلومات
3️⃣ ما هي مصادر الدراسة التي اعتمدت عليها ؟
🔹#الداخليات: ذا بيست والمراجعة DNA
🔹الأطفال: سكسيس والمراجعة DNA
🔹#العيادات
👈🏻جلدية:ذا بيست ومراجعة DNA
👈🏻عينية: Mri
👈🏻أذنية: Mri
🔹#النسائية والتوليد Mri
🔹#الجراحاتMri

🌀 هل قمت بأي نشاطات أخرى بجانب التحضير للوطني خلال العام ؟
🌸 انا ما حضرت ستاجات وسجلت كورسات لغة انكيزية

🌀 هل قمت بحل بنوك اسئلة أخرى بجانب اسئلة الدورات
🌸لا كود بيتا للكتلة الاولى والكتلة التانية بكفي وزيادة ما اضيعوا وقتكم بشي تاني.

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : ما بضيع وقتي بالمراجع😁💔

5️⃣ نصيحتك التي تقدميها لطلاب السادسة المستجدين ؟
👈🏻 الاجابة : سنة مرهقة نفسا بس انتو قدها وقدود  خلو عندكم ثقة بقدراتكم وبالله، انتو تجاوزتو الأصعب بتمنالكم كل التوفيق.

🌀 هل كنت تتوقعي الحصول على هذه العلامة؟
بالحقيقة توقعت العلامة ولكن لم اتوقع الترتيب

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : كانت اسئلة واضحة واسهل مما توقعت لا تخافوا ابدا❤
زيادة عدد الطلاب 💔💔

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : بفضل الله تمكنت من تحديد رغباتي وتنظيم وقتي وكان عندي هدف بدي حققو❤

8️⃣ ما الاختصاص الذي تطمحي له وهل تنوي السفر؟
👈🏻 الاجابة : نسائية وتوليد بإذن الله بالوقت الحاضر لا

9️⃣ كلمة اخير للطلاب
👈🏻 ما تخافوا الفحص الوطني رهبتو نفسية اكتر من كونها شي تاني والسنوات الجامعية اصعب ك دراسة
خلو عندكم ثقة بحالكم وتوكلوا عالله وانصحكم بالصبر ثم الصبر
---------------
كل الشكر للدكتورة ميس الضرف على مشاركتنا تجربتها ونتمنى لهل التوفيق في المرحلة القادمة من حياتها 💛💛
@NationalExamFiles

#تجارب
تجربة صاحبة المرتبة الأولى على مستوى جامعة تشرين ❤️

🔺الاسم : مرح سامي حناوي
🔺الجامعة : تشرين
🔺العلامة : 96
🔺مدة التحضير : تقريبا بين ٧ل ٩ شهور بحيث ما اضغط حالي على أقل من مهلي اول فترة .

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بدأت بالدراسة بالشهر ١١ كانت بداية ساعات قليلة مع الكثير من التسلية و تدريجيا كنت زيد ساعات الدراسة شوي شوي للشهرين قبل الامتحان .

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : الوسائل المساعدة قناة نيرد مفيدة للمراجعة جدااا
و قناة على اليوتيوب اسماmacropage أكثر من رائعة
و كنت افتح غوغل اذا شي ما فهمتو و ابحث عن الموضوع .

3️⃣ ما هي مصادر الدراسة التي اعتمدت عليها ؟
🔹#الداخليات: المرجع
🔹#الأطفال: المرجع
🔹#العيادات درست MRI رائعين
🔹#النسائية والتوليد المرجع
طبعا المرجع بدو ترميم من الدورات و و في حكي كتيير ما الو معنى للمراجعة منشان هيك كلو هاد عملتو باول دور و خاصة بالأطفال و النسائبة و التوليد يعني انا كنت ضيف لحالي و اشطب .
🔹#الجراحات #عامة درست CMD
👈🏻 #بولية نيرد
👈🏻 #عظمية غدير
👈🏻 الجراحات الصغرى بين النقاط الذهبية و MRI
🔺#مصادر_المراجع نفسا مصادر الدراسة بس لازم تعرف شو لازم تراجع و هاد الشي عملتو خلال الدور الاول بتحديد و حذف شغلات و كيف عرفت حدد و احذف هاد الشي تعلمتو خلال السنوات الخمسة الجامعية انو اعرف ميز بين المعلومة الامتحانية و المعلومة البديهية
🔺 #بنوك_الاسئلة حليت بعض اسئلة الجامعات بس الأساس هو الدورات ثم الدورات

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : ممكن طريقة دراستي كنت حسنتا خلال سنواتي الاولى

🌀 هل قمت بأي نشاطات أخرى بجانب التحضير للوطني خلال العام ؟
اكيد ما فينو الواحد يقضي تقريبا سنة كاملة دراسة
كنت إلى جانب دراستي عم اتعلم لغة جديدة و اعمل كورسات و انضميت إلى فرق تطوعية .

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : لا تتوتروا لسا بكير حاولو تنظموا وقتكون منشان تقدر تعملو كلشي بدكون ياه خلال اليوم .ولا تغيرو مصادر الدراسة لانو الذاكرة البصرية مهمة جدا .

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : كانت متوسطة هناك أسئلة سهلة و تلقائية و هنالك اسئلة خلافية نوعا ما
ارتفاع المعدلات بسبب ارتفاع معدلات الطلاب المجتهدين اولا و ثانيا و خاصة بعد صدور المراجع المعتمدة و بعد عدة دورات تعودنا على نمط الاسئلة نوعا ما فصارت الأمور اسهل علينا

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : سر حصولي على هذه العلامة هو الدراسة و خاصة في الأشهر الأخيرة الحاسمة
سر النجاح هو تنظيم الوقت

8️⃣ ما الاختصاص الذي تطمح له وهل تنوي السفر؟
👈🏻 الاجابة : الاختصاص الذي أطمح له هو الجلدية و هو سبب من اسباب اجتهادي الزائد خلال السنة السادسة
موضوع السفر موضوع يشغل تفكيري داىما و تفكر اي طالب برأيي يطمح لمزيد من التفوق و النجاح .

9️⃣كلمة اخيرة للطلاب
👈🏻 الاجابة : لا شك خلال السنة كل انسان معرض لعقبات أو احداث حياتية تؤثر فيه لكن دائما نحاول ان نسعى و نتقدم نحو الأمام مهما كانت الظروف .
——————————
كل الشكر للدكتورة مرح سامي حناوي على مشاركتنا تجربتها ونتمنى لها التوفيق في المرحلة القادمة من حياتها 💛💛
@NationalExamFiles

ترقبوا اليوم أو بكرا نشر 3 تجارب مميزة وفريدة للتحضير لامتحانات الستيبات الاميركية بجانب الامتحان الوطني 🔥

من بينها تجربة الأول على القطر بعلامة 98 الدكتور محمد تيسير نضال عباس ❤️

ويلي بيعرف اي حدا قدم أو حضر للستيبات الاميركية خلال السنة السادسة يخبرنا عنه لحتى يشارك تجربتو كمان لطلاب وتنشر الفائدة للجميع ❤️❤️
@NationalExamAdmin

#تعديل
صارو 5 تجارب ومن بيناتهم وحدة رح تنزل على شكل فيديو 😎🔥

#تجارب
تجربة صاحبة المرتبة الرابعة على مستوى جامعة حلب ❤️

🔺الاسم : محمد نصار
🔺الجامعة : حلب
🔺العلامة : 93
🔺مدة التحضير : المدة الفعلية حوالي 8 شهور

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بلشت عالشهر ١٢ تقريباً بس كانت دراسة كتير خفيفة مجرد اطلاع عالمواد يعني وما كل يوم ادرس يعني على حسب الهمة
🔅 فالدراسة الفعلية بلشت تقريباً عالشهر الاول التزمت بعدد ساعات معين تقريباً اربع لخمس ساعات باليوم ومع الوقت صاروا اكتر طبعاً في ايام ما ادرس فعوض بالأيام الباقية.

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : أهم مصدر كان صفحة Macro Page للدكتور ماهر علي حسين الله يجزيه الخير يارب
🔅 وفي مصادر تانية استعنت فيا متل صفحة Ninja Nerd و Osmosis و Armando Hasudungan
🔅 بس المصدر يلي لازم تهتموا فيه هو Macro Page لأنو بالاخر الدكتور معتمد عالمراجع وعبشرح كلشي افكار عنو .

3️⃣ ما هي مصادر الدراسة التي اعتمدت عليها ؟
🔹#الداخليات:المرجع
🔹#الأطفال: المرجع
🔹#العيادات MRI
🔹#النسائية والتوليد: المرجع
🔹#الجراحات : الجراحة العامة من cmd والعظمية من غدير وباقي الجراحات من MRI

🔅 طبعاً المراجعة راجعت أهم الافكار يلي ملخصا انا لأنو مافي وقت تراجع كلشي وخصوصاً انو في افكار مو مهمة كتير .
🔅 شغلة مهمة انو وقت المراجعة أهم الشي يكون نفس مصدر دراستك يلي درست منو أول شي لأنو الذاكرة البصرية كتير بتفيدك بتذكر المعلومة وقت الفحص فما تضيعوا حالكون بمصادر تانية .

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : الصراحة ما ندمت على شي بس الواحد يعرف كيف يستغل وقتو ولا يقلق انو اذا عدت عليه ايام ما درس فيا او قصر لأنو مدة سنة كاملة هي فترة كتير طويلة لحتى الواحد يدرس ويعيد ويعمل يلي بدو ياه بس اكيد الواحد لازم يعرف كيف ينظم وقتو.

🌀 هل قمت بأي نشاطات أخرى بجانب التحضير للوطني خلال العام ؟
🔅 دراسة اللغة والتمرين تقريباً كانوا اخدين الوقت الباقي من الدراسة عدا عن الايام يلي الواحد بيلتهي فيا مع رفقاتو

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : استغلو وقتكون بشغلات تفيدكون لبعدين سواءً كان تمرين او لغة او شغل او اي شي بتحبوا لا تروحوا وقتكون كلو عالدراسة لأنو ممكن تملّوا لبعدين .

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : الصراحة كان وسط مو صعب ولا سهل ويلي دارس منيح بجيب معدل كتير حلو.

🌀ما رأيك بالامتحان الوطني ؟
🔅 كامتحان فهو كتير مفيد لاسترجاع المعلومات والترميم وكتير فادني بهل قصة الصراحة

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : حل الأسئلة سواءً من بيتا او اي مصدر تاني حاولوا تعودوا حالكون عالحل وتشوفوا كيف الأسئلة وعلى شو عم يركزوا لأنو حرام الواحد يضيع وقتو على فقرات بحياتا مو جاية بتاريخ الوطني

🌀 هل كنت تتوقع الحصول على هذه العلامة أو الترتيب في بداية العام ؟
🔅 الصراحة لا ما كنت متوقع

8️⃣ ما الاختصاص الذي تطمح له وهل تنوي السفر؟
👈🏻 الاجابة : الصراحة مافي اختصاص معين لأنو النية السفر ان شاء الله

9️⃣ كلمة اخيرة للطلاب
👈🏻 السنة السادسة هي أسهل سنة رح تعدي عليكون بدراسة الطب ورح تتأكدوا من هالشي بعد ما تخلصوا الفحص ..حاولوا تستغلوا وقتكون منيح بأي شي بتحبوه سواءً هواية او تمرين او لغة المهم ما تحاولوا توقفوا حياتكون بسبب الفحص لأنو بعد ما تخلصوا رح تندموا عالوقت يلي ضيعتوا بس عالدراسة .
——————————
كل الشكر للدكتور محمد نصار على مشاركتنا تجربته ونتمنى له التوفيق في المرحلة القادمة من حياته ❤️❤️
@NationalExamFiles

#تجارب
تجربة بعلامة التسعين في الامتحان الوطني ❤️

🔺الاسم : قتيبة مسلم محمد المسلم
🔺الجامعة : حلب
🔺العلامة : 90
🔺مدة التحضير : 6 اشهر

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بدات تقريبا بشهر1 بعدين اخدت استراحة قبل رمضان بشهر ثم تابعت بعد نهاية رمضان (طبعا ما كان عندي ظروف بس انا شخص مزاجي شوي بدراستي)
طريقة الدراسة تقليدية تعتمد على القراءة الفهم ثم الحفظ مع تدوين بعض الملاحظات

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : كتاب التوليد لجامعة حلب وتقريبا هو كان مصدر دراستي بهالمادة
فيديوهات macropage للدكتور ماهر علي حلوين ،بالنسبة الي كانت فائدتن الاكبر لكسر الروتين والملل..

3️⃣ ما هي مصادر الدراسة التي اعتمدت عليها ؟
🔹#الداخليات:mri
🔹الأطفال: mri
🔹#العيادات mri
🔹#النسائية والتوليد success وكتاب التوليد لجامعة حلب
🔹#الجراحات mri
🔺#مصادر_المراجعة
نفس المصادر ما غيرتن بالمراجعة

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : بالوطني لأ بذلت كل جهدي يمكن بسنوات الدراسة كان لازم اعطي اهتمام اكبر لمحاضرات النظري

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : الوطني همو اكبر منو وهو اسهل امتحان حتقدموه ونصيحة مهمة انو ما تشتروا مصادر جديدة للدراسة المصادر اللي كانت متوفرة عسنتنا غنية ووافية واذا حينزلوا الفرق تعديلات فما حتكون جوهرية كتير ..

🌀 هل قمت بأي نشاطات أخرى بجانب التحضير للوطني خلال العام ؟
لا ابدا كانت سنة وطني ولهو فقط

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : اسئلة سهلة بمعظمها
سبب الارتفاع مستوى الأسئلة السهل ونسبة الدورات الكبيرة فيها ودفعتنا شاطرين بشكل عام

🌀ما رأيك بالامتحان الوطني ؟
الامتحان الوطني لا يقيم مستوى احد و العلامات معتمدة على التوفيق اكثر من الدراسة لكن السنة السادسة فرصة ذهبية لترميم المعلومات.

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : مافي سر اي شخص بيقرأ شوي بأي مصدر وبحل الدورات بجيب نفس علامتي واعلى

🌀 هل كنت تتوقع الحصول على هذه العلامة في بداية العام ؟
اي كنت متوقع

8️⃣ ما الاختصاص الذي تطمح له وهل تنوي السفر؟
👈🏻 الاجابة : داخلية عصبية او جراحة بولية وانشالله يطلعلي واحد منن
لا انوي السفر حاليا بجوز بعد الاختصاص افكر بالموضوع

9️⃣ كلمة اخيرة للسوادس
👈🏻 الاجابة : يمكن بالاسابيع الاخيرة سيطر علي التوتر اللي خلا بعض الاسئلة تفلت مني لهيك بنصح السوادس ياخدوا الامور بتروي وبساطة
نصيحة اخيرة هامة جدا: لا حدا يحط دورات او كورسات مدفوعة مشان الوطني الموضوع ابدا مو مستاهل

——————————
كل الشكر للدكتور قتيبة المسلم على مشاركتنا تجربته ونتمنى له التوفيق في المرحلة القادمة من حياته ❤️❤️
@NationalExamFiles

#تجارب
تجربة الخريجة الأولى على جامعة حماة ❤️
(التالتة بالفحص الوطني ، الأولى عالدفعة بمعدل التخرج)

🔺الاسم : ميسم حمشو
🔺الجامعة : حماة
🔺العلامة : ٩٣

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة: بطبّق مقولة: "قليل دائم خير من كثير منقطع"، لأني من النوع اللي بحبّ الدراسة ع الخفيف، وما بحب أضغط نفسي.. فلذلك بدأت بدراسة الوطني من الشهر ١١ بمعدل ساعة فقط يومياً، أما باقي يومي فكنت أستغلّه بأمور تانية.
كان الهدف من ساعة الدراسة هو انّي اتعرف على المراجع وأعمل دور للفهم ولهيّئ مراجعي للدراسة بحيث اني حدّد الشي المهم ع المرجع، أو صيغ فقرة معينة بصياغتي الخاصة، أو رقّم التعدادات وهكذا..
وكلما قرّب الامتحان كنت زيد عدد الساعات اليومية لحتى وصّل ل ٤ ساعات يومية بالشهر ٦.
وما انقطعت للدراسة فقط إلا قبل بأسبوعين من الامتحان.

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : برأيي: أفضل وسيلة لفهم المواد هو أنه يكون الطالب استوعب وفهم المادة بالسنتين الرابعة والخامسة..
كنت تابع قناة نيرد وmedical sciences وأستفيد من الاختبارات اللي بينشروها.

3️⃣ ما هي مصادر الدراسة التي اعتمدت عليها ؟
🔹#الداخليات: المرجع بشكل أساسي. (العصبية والخمجية: فقرات الدورات من المرجع)
🔹الأطفال: المرجع (وخاصة انه كان مقرر علينا بالسنة الخامسة)، وبعض الفصول الأقل اهمية بالأطفال اعتمدت فيها على فيرست ايد الاطفال.
🔹#العيادات
👈🏻جلدية:مرجع مع ترميم من النقاط ذهبية
👈🏻عينية: نقاط ذهبية (ممتاز)
👈🏻أذنية: نقاط ذهبية
🔹#النسائية والتوليد: المرجع، وبعض الفصول الاقل اهمية درستها من فيرست ايد النسائية كان ممتاز.
🔹#الجراحات:
جراحة عامة: CMD وهو ضخم ويفضل الاقتصار فيه ع فقرات الدورات فقط.
جراحة عظمية: فقرات الدورات من غدير.
جراحة بولية: نيرد.
جراحة عصبية: نقاط.
جراحة صدرية: نقاط.
باقي الجراحات: الدورات والتعليق على اسئلة الدورات.
🔺#مصادر_المراجعة:
الاهم طبعا: اسئلة الدورات (ولازم يندرسوا وينعادوا كتير)
الداخلية: أثناء دراستي كنت حدّد على المرجع الاشياء اللي بتنتسى حتى تكون هي مصدر مراجعتي + الجداول بالمرجع
الجراحات: فيرست ايد الجراحة فقط
النسائية: اشياء حددتها مسبقا ع المرجع + الاطارات والجداول والتعدادات
الاطفال: متل النسائية
العيادات: نقاط
وطبعا برجع بكّرر: الدورات هي الأهم

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة: دورة هي السنة مختلفة عن الدورات السابقة وبتتطلب جهد أقل لتحصيل الدرجة.. بس هالشي ما كان حدا بيقدر يتنبأ فيه قبل بوقت.. انا حاليا بحمد الله انه ما عطيت الوطني جهد ووقت اكبر من اللي عطيته اياه.

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : هلأ بداية هي النصيحة للطلاب بالسنوات السريرية: إذا كنت فاهم مواد السنة الرابعة والخامسة بشكل منيح، ف رح تشوف دراسة الوطني سهلة، واشتغلوا لترفعوا معدلاتكم..
لطلاب السنة السادسة:
- ما تهملوا دوام الستاجات كلياً - حتى لو ما في تدقيق ع الحضور - واعتبروا الدوام ع الستاجات لحتى تتعرفوا أكتر لأي اختصاص بتميلوا، ولحتى تشوفوا الحالات الشائعة وتتعلموا تدبيرها.
- ممكن العلامات اللي شفتوها بدورتنا رح تخفف عنكم كتير قلق وتوتر ورح تلغي رهبة الفحص الوطني بنفوسكم، لأن هو فعلاً امتحان تحصيل علامته سهلة إن شاء الله، واعتبروه الفرصة الأخيرة لرفع المعدل ودخول الاختصاص اللي بتطمحوله.
- هي آخر سنة رح تكونوا متفرغين فيها، فلا تضيعوها واملؤوها بكل شي بتتمنوا تساووه.. (حفظ قرآن كريم- علم- ثقافة- مهارات- لغة- تقعدوا مع أهلكم تنفعوا غيركم.... ).. المهم ما تضيعوا هالسنة...

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : اسئلة الامتحان سهلة إلى متوسطة:
- النسائية والجراحات والعيادات اسئلتها منطقية..
- الداخلية اسئلتها سهلة جدا بس برأيي انه مستواها ما بيرقى لتكون أسئلة فحص تخرج، وخاصة أنه تعوّدنا من قبل أنه أسئلة الداخلية بتحتاج تفكير شوي..
- الاطفال: الاسئلة اللي كانت من المرجع كانت منطقية، بس كان في عدد لا بأس فيه من خارج المرجع، وللأسف معظم اخطائي كانت من مادة الاطفال.

👈🏻وسبب ارتفاع علامات السنة: سهولة الأسئلة وخاصة الداخلية + تعوّدنا كطلاب ع نمط الاسئلة

🌀ما رأيك بالامتحان الوطني؟
الشي الايجابي بالامتحان الوطني أنه براجع كل معلوماتك الطبية السابقة من مراجع عالمية، بس متل ما قلت مسبقاً: في قسم لا بأس من أسئلته ما بترقى لتكون أسئلة امتحان التخرج..

🌀 هل قمت بأي نشاطات أخرى بجانب التحضير للوطني خلال العام ؟
الحمد لله راجعت حفظ كامل القرآن الكريم، وكنت متابعة مع أكاديميات اونلاين علمية وثقافية، تابعت بعملي ككاتب محتوى طبي بصفحة (الباحثون المسلمون)، وعملت مع دار القدس وكان نتاج هالعمل هو كتاب (فيرست ايد الداخلية)، وانضميت لفريق stemosis للبحث العلم...
كنت مهتمة بشكل كبير بالمقالات والكتب اللي بتحكي عن الحالات الشائعة اللي ما بصير أي طالب أو اي مقيم من اي اختصاص يجهل تدبيرها، ولقيت كتاب (امتيازولوجي) كويس لهالشي.. واكيد في كتب تانية عن هالموضوع
ومن الشغلات الحلوة بالسنة السادسة أنه الواحد بيقدر يحضر المناسبات والجلسات الاجتماعية دون ما يكون في ضغط...

8️⃣ ما الاختصاص الذي تطمحي له وهل تفكري بالسفر؟
👈🏻 الاجابة: لسا ما حسمت خياري، يمكن هضمية أو غدية او احد العيادات.
أعتقد كلنا بهالوقت بيعتبر السفر خيار مطروح سواءً هلأ او بعدين.

كلمة اخيرة:
تذكر أنه الطب بيشغل جانب واحد من شخصيتك، وهالشي بحتّم عليك تشتغل ع الجوانب التانية وتطوّرها... بس أكيد دون ما تقصّر بالطب لأن التعامل مع أرواح البشر بيتطلب منا إجادة وإتقان للطب..
فهون الشخص بهمّته وترتيبه للأولويات وتنظيمه للوقت بحاول يسدّد ويقارب لحتى يحقق التوازن قدر الإمكان.

——————————
كل الشكر للدكتورة ميسم حمشو الخريجة الأولى بحماة على مشاركتنا تجربتها ونتمنى لها التوفيق في المرحلة القادمة من حياتها ❤️❤️
@NationalExamFiles

📕 نموذج توب ميد
🔺️ فيك تفتح تقارنه بالمرجع وبأي ملخص آخر متأكدين رح تلاقيه التوب

#تجارب (التجربة 18)
تجربة صاحبة قناة Medical Sciences الغنية عن التعريف ❤️

🔺الاسم : نيرمين محمد عماد الكردي
🔺الجامعة : دمشق
🔺العلامة : ٩٣
🔺مدة التحضير : ٣ أشهر ونصف

📍أريد أن أنوه إلى أن تجربتي مليئة بالأخطاء الفادحة.. ولكنني وافقت على كتابتها لأمنح الأمل لمن قد يتعثّر بالظروف أو يبدأ متأخراً ولكي لا يقع أحد بما وقعت به من أخطاء

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الإجابة : بدأت جدياً من الشهر السابع.. وخلال السنة درست بما يعادل الشهر قبل كل مقابلة بشكل متفرق جداً .. لم يكن هناك أي طريقة منظمة للأسف وكنت مشتتة جداً بالمصادر وهذا خطأ فادح

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : لا شيء مهم.. أحياناً ألجأ لToronto notes أفضله كثيراً بسبب ترتيبه وملاحظاته القيمة
فيديوهات د.ماهر حسين في القلبية
كما أنني أحب الدراسة مع صديقتي المقربة فترة الامتحان..

3️⃣ ما هي مصادر الدراسة التي اعتمدت عليها ؟
🔹#الداخليات: The best بالإضافة إلى أنني في الدموية والرثوية درست تفريغاتي الخاصة لمحاضرات السنة الخامسة وآخر دورة لدمشق وكان ذلك فوق ما يتطلبه الأمر بكثييير (كان دافعي لذلك محبة هذه المواد)
العصبية دورات بشكل أساسي مع فقرات الأمراض الهامة مع تفريغي لCVA
الخمجية دورات وبعض فقرات الأمراض الهامة المكررة

🔹#الأطفال: ملخص DNA (ولكن تطبيق بيتا يغني عنه فهو عبارة عن دورات مطبوعة ورقياً ولا أنصح به إطلاقاً) + دورات + First aid دار القدس بالإضافة لدراسة تفريغاتي الخاصة في السنة الخامسة لقسم د.أسد ونادر وهالة وغيرها

🔹#العيادات
👈🏻جلدية: MRI بالإضافة لملخصي الخاص لبعض محاضرات السنة ٤
👈🏻عينية: دورات وبعض الفقرات
👈🏻أذنية: دورات بشكل أساسي وملحق دريم

🔹#النسائية والتوليد فقرات من المرجع بالإضافة لمحاضرات دمشق في المواضيع المهمة الكبيرة + اضطررت لدراسة بعض فقرات الدورات الخارجية من مقرر البعث ولكن كان ذلك متأخراً جداً في الفترة بين الكتلتين

🔹#الجراحات
العامة CMD لكن تجاوزت الكثير من الفقرات والمعلومات غير الهامة فيه.
عظمية: الوجه الأول PTR وللأسف لم تتسنى لي فرصة المراجعة منه.
بولية: نيرد الجديد المصغر ٣٦ ص.
بقية الجراحات
دورات بشكل أساسي مع بعض الفقرات من نيرد + First aid دار القدس وكان الأفضل برأيي للمراجعة

🔺#مصادر_المراجعة
الدورات وبعض الفقرات.. لم تتح لي فرصة كافية للمراجعة بسبب البدء المتأخر

🌀 هل قمت بحل بنوك اسئلة أخرى بجانب اسئلة الدورات ؟
نعم حللت ٥ نماذج Be Ready للكتلة الأولى وكانت جيدة.. بالإضافة لدورات د.عمار الزين دمشق + دورات الأطفال د.نادر ود.أسد ودورات متفرقة للجراحات بالإضافة ل٤ دورات نسائية وتوليد من تشرين وحلب والبعث

4️⃣ لو عاد بك الزمن، هل هناك أي اخطاء تتمنى لو تلافيتها ؟
👈🏻 الاجابة:
الكثير الكثير من الأخطاء :''') سأذكر أهمها في هذه الفقرة والبقية سأوردها ضمن الفقرات
١. تمنيت لو بدأت أبكر وبتنظيم أكبر فقط لأتجنب الضغط النفسي وليس لأن الفحص يتطلب أكثر من ذلك.
٢. تمنيت أيضاً لو كانت ملخصات MRI كاملة من أول العام ولو أنني اعتمدت عليها..
٣. تمنيت لو لم أضع وقتاً بين الكتلتين، فبسبب عدم مراجعتي للأذنية والعظمية خسرت ٤ درجات 💔 وأيضاً تمنيت لو ركزت أكثر في الكتلة الثانية خلال الحل فبسبب الاستعجال أضعت ٣ أسئلة دورات مكررة أكثر من دورة 💔
٤. تمنيت لو حالفني الحظ بقراءة دورة البعث للأطفال؛ فسبحان الله قرأت كثيراً من دورات الأطفال للجامعات لكنني لم أنتبه لذلك الملف الذي جاءت منه ٣ أسئلة أخطأت بها..
٥. تمنيت لو أعطيت اهتماماً أكبر للجانب السريري خلال ستاجات الباطنة فقط.. ولكن للأسف سرعان ما كان يسيطر علي الكسل والملل لأعود إلى المنزل بسرعة :''')

🌀 هل قمت بأي نشاطات أخرى بجانب التحضير للوطني خلال العام ؟ (مثلا لغة ، ستيب ، ستاج ، عمل وغيرو ..)
بصراحة شكل هذا السؤال دافعاً كبيراً لي لكتابة التجربة لأنصح الطلاب بأداء ما يحلو لهم.. فكما ذكرت تجربتي لا تستحق التعميم على الإطلاق وهي للاعتبار أكثر منها للاتباع :''')
بالنسبة للأنشطة كان أهم ما قمت به
-اجتياز السبر النهائي والحصول على إجازة في القرآن الكريم (واستغرق ذلك قرابة الشهر)
-الحصول على شهادة دبلوم تأهيل أسري (استغرق ذلك حوالي ٣ ساعات أسبوعياً لمدة ٧ أشهر.. واختصرت بعض الوقت بتسجيلي أونلاين)
- حضور/ دراسة ٤ مواد في معهد شرعي (استغرقت مني حوالي ١٥ ساعة أسبوعياً متضمنة مسافة الطريق)
- إجراء جلسات مناقشة الحالات السريرية للطلاب.
-إدارة قناة Medical Sciences عموماً والجديد كان المسابقات والجوائز وكانت تتطلب وقتاً للمتابعة وإعداد الأسئلة وتحديد الفائزين..
- إعطاء درس لغة طبية أسبوعي أونلاين.
- قمت بإعطاء بعض الدروس الخاصة..
- قمت بحل ودراسة حوالي 140 مسألة Hematology ومسائل أخرى متفرقة ودرست عدة مواضيع هامة من بنك Amboss وأشكر من قدم لي الحساب جزاه الله عني كل خير.
- دورة Medical Advisor لأخلاقيات المهنة ودورة الحالات الإسعافية في الباطنة وكلاهما بإشراف د.بشر دعبول وكانتا رائعتين.

5️⃣ نصيحتك التي تقدمها لطلاب السادسة المستجدين؟
👈🏻 الاجابة:
١. قوموا بما يحلوا لكم من نشاطات والأهم هو الراحة النفسية وعدم التوتر
٢. عدم تحميل الأمر فوق ما يستحق.. لا تتوتروا فتصابوا بمتلازمة كوشينغ الكاذبة :''')
٣. اختاروا مصادركم من بداااية العام ولو لم تدرسوا منها وفق ما تحبون وترتاحون وليس وفق الاستبيانات ((نصيييحة)).. أعطوا لذلك وقتاً كافياً.. اقرأوا مثلاً مرض معين من عدة مصادر واعتمدوا الأفضل بالنسبة لكم.. بالنهاية كل المصادر متشابهة..
هذا ما حصل معي ومع عدد من صديقاتي.. اعتمدنا مرجع الباطنة وعينية MRI وأذنية CMD والنقاط للجراحة والمرجع للأطفال وفق التصويتات ومن ثم اكتشفت أنني غير مرتاحة للعرض والتنسيق وكثرة الحشو ولكن كان ذلك متأخراً جداً.. لدرجة أنني قبل شهر ولا زلت غير متعمدة من أين أدرس الأطفال وهذا خطأ فاااادح..
٤. تمنيت لو أعطيت أهمية أكبر لأهم أسئلة الجامعات وبدأت بها مبكراً كما نصحتني صديقتي من دفعة ٢٠٢١..

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات؟
👈🏻 الاجابة:
برأيي مستوى الأسئلة عموماً سهل بشكل غريب واستثنائي (عدا بعض الأسئلة بالأطفال) وخاصة بالباطنة وارتفاع المعدلات هو نتيجة طبيعية لذلك.. ولكنني من منبري هذا أوجه رسالة شكر لمركز الجودة وأقول لهم الله يجبر بخاطركم كما جبرتم بخاطر دفعتنا ^_^ وأتمنى أن يحالف الحظ جميع الدفعات التالية بهكذا أسئلة فالارتياح خلال الحل أمر جميل جداً :)

🌀ما رأيك بالامتحان الوطني ؟
ليس له أي قيمة.. وليس معياراً للتفاضل.. وكونه يحمل ٥٠٪ من جهد الطالب ليس بالأمر العادل..

7️⃣ ما هو سر حصولك على هذه العلامة وسر النجاح برأيك ؟
توفيق رب العالمين الذي تجلى بسهولة الأسئلة وقوة أساسي السابق بالباطنة وبعض المواد الأخرى

🌀 هل كنت تتوقع الحصول على هذه العلامة (أو الترتيب) في بداية العام ؟
بصراحة حلمت كأي طالب بمرتبة على القطر في بداية العام ثم نتيجة لظروف غير متوقعة متتالية لغيت الفكرة والحمد لله الله لطف فينا بهالمجموع :''")

8️⃣ ما الاختصاص الذي تطمح له وهل تنوي السفر؟
🩸 باطنة دم ..

9️⃣ قصة شخصية صارت معك بالسنة السادسة
👈🏻 الإجابة :
- شكُل موضوع الارتباط على سفر تشويشاً لي لفترة طويلة قبل أن أحسم قراري حيث لم أكن أنوي السفر إطلاقاً.
-أجريت بث مباشر ناقشت فيه موضوع التحديات.. أرى أنه من المهم ترك "فترة أمان" لأنه قد تأتي ظروف بشكل مباغت وتشوش الذهن بشكل كبير وتضيع الفرصة على الطالب وهذا ما حصل معي قبل الامتحان ب ٥ أشهر وهي الفترة الذهبية عملياً للتحضير لذا أرى أنه من المهم وضع الخطط البديلة دوماً واستغلال الأوقات الهادئة حتى لو لم تكن ترغب بالدراسة :''')

🌀كلمة اخيرة للطلاب
-أتمنى لو يتم إلغاء السنة السادسة 🙂
-بالنسبة لبعض الأسئلة المكررة حول الستاجات أنصح بشدة بحضور جولة د غسان حمزة عصبية في مشفى الأسد وجولة د.سلوى الشيخ وجلسة د.زينب العرفي في الأسد وحضور جلسات المناقشة يوم الثلاثاء والأربعاء في المواساة والأسد.. لم أكن أحضرها إلا نادراً لكن لو عاد بي الزمن لما فوت واحدة منها.. كما أنصح بالمبادرة بتحضير المرضى في ستاج الجلدية ففي ذلك فائدة عظيمة والدكاترة متعاونون جداً..

وأخيراً في حال كنت طالب رابعة أو خامسة وقرأت تجربتي فأنصحك بالعمل الدؤوب خلال هاتين السنتين وترميم معلوماتك وحضور النظري فمعادلة الامتحان الوطني برأيي هي دورات + أساس متين وقدرة على المحاكمة والاستبعاد
+++ نصيحة خاصة لزميلاتي الفتيات لما أراه منهن من خوف وتشتت وجلد للذات..
الحالة النفسية الهااادئة.. لا تحملي نفسك فوق طاقتك ولا تقارني نفسك بالآخرين فلكل إنسان قدرته وتحدياته الخاصة.. اشكري نفسك على أي إنجاز فأنتِ وصلت إلى مرحلة متقدمة وواجهتِ ضغوطات كبيرة تفوق فطرتك.. اعملي ما بوسعك ولا تفكري بموضوع الاختصاص كثيراً..
و

بالنسبة لموضوع اختصاص منيح واختصاص مو منيح كتبت هالمنشور من فترة ل يلي بحب يقرأ حتى ما تطول التجربة أكتر
https://t.me/GeneralMedicalSceince/17782

وأخيراً.. في النهاية مهما قرأت من تجارب فلا يمكن أن تكون تجربتك نسخة طبق الأصل عن أي تجربة أخرى مهما بدت ظروفك وظروف صاحب التجربة متشابهة ولن تنجز في النهاية إلا تجربتك الفريدة.. أنا -ولغاية قبل الامتحان بأسبوعين- وأنا أقرأ التجارب وفي النهاية لم أخرج سوى بتجربتي الخاصة.. فاجعل موضوع قراءة التجارب للاستئناس والاتعاظ لا للتطبيق الحرفي أو التقليد الأعمى فكل ميسر لما خُلق له والمعطيات مختلفة كثيراً بين الأشخاص..

——————————
كل الشكر للدكتورة نيرمين الكردي على مشاركتنا تجربتها الغنية بشفافية وبكامل تفاصيلها ونتمنى لها التوفيق في المرحلة القادمة من حياتها ❤️❤️
@NationalExamFiles

⭕️⭕️⭕️⭕️
تجربة د.نيرمين الكردي
اعتمدت على فيرست إيد للجراحة والأطفال
وكان مصدرها #الأفضل للمراجعة 🔥🔥🔥
يذكر أنهما المتوفرين وقتها من السلسله وباقي السلسلة تم طباعته حديثاً منذ أسبوع واحد فقط 🤩🤩 ✅. .

يعطيكم العافية
بفترة بين الكتلتين انشأت قناة لنفسي ، القناة حطيت فيها خيار الدورة يلي كنت خربط فيه ، وحط اي معلومة وردت بخيار الدورة وتكون جديدة.

+ سجلت فقرات الدورات بالعينية بس سطور الدورات مدة كل تسجيل دقيقة او اقل
بحيث سمعتهن وانا بطريقي للفحص .

للي بيحب ينضم للقناة ليستفاد من محتوى القناة هي الرابط :
https://t.me/nerd2022khaled

وموفقين❤️

https://youtu.be/kGkjB8UtfMg
سهل وبسيط ومختصر لتوضيح سبل التخثر الداخلي والخارجي والمشترك


#دموية