#تجارب
تجربة صاحب المرتبة الثالثة على مستوى جامعة حلب ❤️

🔺الاسم : مصعب بلال
🔺الجامعة : حلب
🔺العلامة : 94
🔺مدة التحضير : 6 شهور

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة :
بلشت بالشهر التالت قبل ما كنت فاتح لا مرجع ولا ملخصات ولا شي مع العلم انو تلت رباع الدفعة كانو مخلصين اول وش 😅
حطيت خطة كل يوم 20 صفحة دراسة
ياخدو معي بين ال 3 و 4 ساعات
دراسة اول وش كان فهم كلشي عبقراه اكتر ما تكون بصم
و بعد كل قسم حل اسئلة دوراتو
طبعا ك اول وش اكيد مارح تعرف تحل كل الاسئلة .. اذا حليت 70 بالمية منها ف وضعك بالسليم
اي  هيك خلص معي اول وش ب 3 شهور
و بلشت بالوش التاني بالشهر السادس
بالمراجعة كمان حطيت خطة 30 صفحة باليوم و خلص معي الوش التاني بحدود الشهرين وشوي
هون كان باقي تلت اسابيع تقريبا للكتلة الاولى .. ف احط لكل داخلية يوم او يومين حسب حجما
اي باخر مراجعة عملت دفتر حط عليه كلشي معلومات صعبة او شي ما تركز معي بدراستي الاولية او الشغلات يلي بدها بصم
هاد الدفتر ضروري كتير كتير كل واحد يعملو لحالو
لانو ممكن مثلا معلومة تكون بديهية لرفيقك انت مثلا ما بتعرفا او مو مركز عليها
ف مراجعة اخر يومين رح تكون للشغلات يلي كاتبها بدفترك
طبعا الربط بين المعلومات رح يكون بالمراجعات .. من اول وش مستحيل تقدر تربط لانو رح يكون في وقت طويل بين دراسة الشغلات .. يعني مثلا عدت معك معلومة بالغدية متذكر انت انو معدية شغلة بتشبها بالكلية من اول وش مارح تتذكر وين مكانا .. اما بالمراجعة بصير تذكر المعلومة و الرجوع الها اسهل بكتير

🌀 كيف كان معدلك بأول 5 سنوات؟
معدلي باول ٤ سنين كان وسطيا 82
كانت دراستي كلا غلط بغلط 🤣
و اكبر غلطة بحياتي 🤣 كانت انو ما راجع المادة بعد ما ادرسا 🤦🏻‍♂️😂
بالخامسة كان معدلي احسن بكتير

🌀 هل قمت بأي نشاطات أخرى بجانب التحضير للوطني خلال العام ؟ (مثلا لغة ، ستيب ، ستاج ، عمل وغيرو ..)
✔️ببداية السادسة كنت بشتغل و وقفت وقت بلشت تحضير للفحص يعني بالتالت
اللغة كمان كنت عبدرس ببداية السادسة و انقطعت تقريبا بالشهر الخامس

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة :
فقط فيديوهات الدكتور الفخم ماهر العلي 🤩

3️⃣ ما هي مصادر الدراسة التي اعتمدت عليها ؟
🔹#الداخليات: مرجع ماعدا الانتانية MRI
🔹الأطفال: مرجع و الاطفال 1 MRI
🔹#العيادات
👈🏻جلدية: مرجع ولاقيت فيو نقص ف الشغلات الناقصة درستا من ال MRI
👈🏻عينية: MRI
👈🏻أذنية: success
🔹#النسائية والتوليد  مرجع .. هي المادة حرام تندرس من غير المرجع لانو مرجعا كتير بسيط و سلس و لا تخافو من عدد الصفحات الكتيرة لانو مليان صور و معلوماتو اغلبا بديهية
🔹#الجراحات عامة CMD
بولية و عظمية MRI
باقي الجراحات من النقاط
🔺#مصادر_المراجعة
شغلة مهمة كتير كتير انو مصدر المراجعة يكون نفس المصدر يلي درست منو .. لانو انت بدراستك الاولية رح تكون محدد عالشغلات المهمة و عندك ذاكرة بصرية بشكل الصفحة و المعلومة وين مكتوبة فيها ولا تخاف انو عدد صفحات كتيرة رح يتراجعو معك بوقت اسرع بكتير من انو تجيب ملخص و تقراه من الاول

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : اي انو ما لازم كنت انقطع عن الالماني و اضل متابع فيا ولو ساعة باليوم 💔

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : اهم شي الاستمرارية .. لا تخلي يوم يفوتك بدون ما تدرس الشي يلي مخططلو بس ضيعت يوم رح يتخربط برنامجك و يصير عليك كسر .. و اذا يوم صار معك ظرف مثلا حاول تدرس نص الكمية او الربع معلش و الباقي بتوزعو ع باقي الايام و كمل بالخطة

🌀 هل قمت بحل بنوك اسئلة أخرى بجانب اسئلة الدورات ؟ (جامعات ، اتمتات فرق وغيره ..)
لا ابدا ... هنن كتار كتير كتير .. الافضل تركز ع اسئلة الدورات و تتمكن منن

🌀ما رأيك بالامتحان الوطني ؟
فقاعة و منفوخ اعلاميا 🤣
لا جد .. هو كفحص كتيير كتيير سهل انو تجتازو
بس فرصة ذهبية لانو ترمم معلوماتك القديمة و تبلش تحس حالك انو صرت دكتور
طبعا الاغلب ببداية السادسة بحس حالو انو معلوماتو ضعيفة و بيسألوه قرايبينو عن شي شغلة ما بيعرف يجاوب مثلا .. هاد الشي عادي كتير و صار معي كمان

اغلب الشغلات يلي دارسينا صرلا وقت طويل و طبيعي تكون انتست
هلا قدامك فرصة ترجع تجمع كل معلوماتك و تتمكن منا مشان تدخل عالاختصاص و الحياة العملية

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : اسهل سنة بين كل السنوات صراحة .. ما عدا الاطفال كان في 10 اسئلة صعبات تقريبا
نسبة الدورات كانت بين 80 و 85 بالمية

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة :
كلشي بالاخير توفيق من الله
و اهم شي رضى الاهل عليك

8️⃣ ما الاختصاص الذي تطمح له وهل تنوي السفر؟
👈🏻 الاجابة : الاختصاص في عدة خيارات حاليا ف لسا مو مقرر شو سجل
السفر طبعا هو الخطة الرئيسية اذا الله يسرلي

🌀في شغلة كتير مهمة انو وقت الفحص ريحو حالكن و نامو منيح .. التركيز هو الاساس بحل الاسئلة
و التوتر و التعب كتير رح يضيعو منكن اسئلة انتو بتعرفوها .. ف خليكن ريلاكس .. هالكم ساعة يلي رح تدرسوها قبل الفحص مارح تاثر كتير قدام الاشهر يلي دارسينا قبل

🌀 بالنهاية الله يوفقكم جميعا و نشالله كل واحد بيوصل للشي يلي بتمناه ❤️
-----------------
كل الشكر للدكتور مصعب ونتمنى له التوفيق في المرحلة القادمة من حياته ❤️❤️
@NationalExamFiles

#تجارب
تجربة صاحبة المرتبة الثانية على مستوى جامعة تشرين ❤️

🔺الاسم : ميس الضرف
🔺الجامعة : تشرين
🔺العلامة : ٩٥%
🔺مدة التحضير : حوالي ٨ اشهر

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بلشت بالشهر ١٢ وكانت دراسة خفيفة تتخلها انشطة ترفيهية والدراسة الجدية بلشت فيها بالشهر ٢  والمراجعة بننهاية الشهر الخامس

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة :
الغوغل للاستعانة بالصور ومحاضرات جامعة دمشق وتشرين للتأكد من بعض المعلومات
3️⃣ ما هي مصادر الدراسة التي اعتمدت عليها ؟
🔹#الداخليات: ذا بيست والمراجعة DNA
🔹الأطفال: سكسيس والمراجعة DNA
🔹#العيادات
👈🏻جلدية:ذا بيست ومراجعة DNA
👈🏻عينية: Mri
👈🏻أذنية: Mri
🔹#النسائية والتوليد Mri
🔹#الجراحاتMri

🌀 هل قمت بأي نشاطات أخرى بجانب التحضير للوطني خلال العام ؟
🌸 انا ما حضرت ستاجات وسجلت كورسات لغة انكيزية

🌀 هل قمت بحل بنوك اسئلة أخرى بجانب اسئلة الدورات
🌸لا كود بيتا للكتلة الاولى والكتلة التانية بكفي وزيادة ما اضيعوا وقتكم بشي تاني.

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : ما بضيع وقتي بالمراجع😁💔

5️⃣ نصيحتك التي تقدميها لطلاب السادسة المستجدين ؟
👈🏻 الاجابة : سنة مرهقة نفسا بس انتو قدها وقدود  خلو عندكم ثقة بقدراتكم وبالله، انتو تجاوزتو الأصعب بتمنالكم كل التوفيق.

🌀 هل كنت تتوقعي الحصول على هذه العلامة؟
بالحقيقة توقعت العلامة ولكن لم اتوقع الترتيب

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : كانت اسئلة واضحة واسهل مما توقعت لا تخافوا ابدا❤
زيادة عدد الطلاب 💔💔

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : بفضل الله تمكنت من تحديد رغباتي وتنظيم وقتي وكان عندي هدف بدي حققو❤

8️⃣ ما الاختصاص الذي تطمحي له وهل تنوي السفر؟
👈🏻 الاجابة : نسائية وتوليد بإذن الله بالوقت الحاضر لا

9️⃣ كلمة اخير للطلاب
👈🏻 ما تخافوا الفحص الوطني رهبتو نفسية اكتر من كونها شي تاني والسنوات الجامعية اصعب ك دراسة
خلو عندكم ثقة بحالكم وتوكلوا عالله وانصحكم بالصبر ثم الصبر
---------------
كل الشكر للدكتورة ميس الضرف على مشاركتنا تجربتها ونتمنى لهل التوفيق في المرحلة القادمة من حياتها 💛💛
@NationalExamFiles

#تجارب
تجربة صاحبة المرتبة الأولى على مستوى جامعة تشرين ❤️

🔺الاسم : مرح سامي حناوي
🔺الجامعة : تشرين
🔺العلامة : 96
🔺مدة التحضير : تقريبا بين ٧ل ٩ شهور بحيث ما اضغط حالي على أقل من مهلي اول فترة .

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بدأت بالدراسة بالشهر ١١ كانت بداية ساعات قليلة مع الكثير من التسلية و تدريجيا كنت زيد ساعات الدراسة شوي شوي للشهرين قبل الامتحان .

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : الوسائل المساعدة قناة نيرد مفيدة للمراجعة جدااا
و قناة على اليوتيوب اسماmacropage أكثر من رائعة
و كنت افتح غوغل اذا شي ما فهمتو و ابحث عن الموضوع .

3️⃣ ما هي مصادر الدراسة التي اعتمدت عليها ؟
🔹#الداخليات: المرجع
🔹#الأطفال: المرجع
🔹#العيادات درست MRI رائعين
🔹#النسائية والتوليد المرجع
طبعا المرجع بدو ترميم من الدورات و و في حكي كتيير ما الو معنى للمراجعة منشان هيك كلو هاد عملتو باول دور و خاصة بالأطفال و النسائبة و التوليد يعني انا كنت ضيف لحالي و اشطب .
🔹#الجراحات #عامة درست CMD
👈🏻 #بولية نيرد
👈🏻 #عظمية غدير
👈🏻 الجراحات الصغرى بين النقاط الذهبية و MRI
🔺#مصادر_المراجع نفسا مصادر الدراسة بس لازم تعرف شو لازم تراجع و هاد الشي عملتو خلال الدور الاول بتحديد و حذف شغلات و كيف عرفت حدد و احذف هاد الشي تعلمتو خلال السنوات الخمسة الجامعية انو اعرف ميز بين المعلومة الامتحانية و المعلومة البديهية
🔺 #بنوك_الاسئلة حليت بعض اسئلة الجامعات بس الأساس هو الدورات ثم الدورات

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : ممكن طريقة دراستي كنت حسنتا خلال سنواتي الاولى

🌀 هل قمت بأي نشاطات أخرى بجانب التحضير للوطني خلال العام ؟
اكيد ما فينو الواحد يقضي تقريبا سنة كاملة دراسة
كنت إلى جانب دراستي عم اتعلم لغة جديدة و اعمل كورسات و انضميت إلى فرق تطوعية .

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : لا تتوتروا لسا بكير حاولو تنظموا وقتكون منشان تقدر تعملو كلشي بدكون ياه خلال اليوم .ولا تغيرو مصادر الدراسة لانو الذاكرة البصرية مهمة جدا .

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : كانت متوسطة هناك أسئلة سهلة و تلقائية و هنالك اسئلة خلافية نوعا ما
ارتفاع المعدلات بسبب ارتفاع معدلات الطلاب المجتهدين اولا و ثانيا و خاصة بعد صدور المراجع المعتمدة و بعد عدة دورات تعودنا على نمط الاسئلة نوعا ما فصارت الأمور اسهل علينا

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : سر حصولي على هذه العلامة هو الدراسة و خاصة في الأشهر الأخيرة الحاسمة
سر النجاح هو تنظيم الوقت

8️⃣ ما الاختصاص الذي تطمح له وهل تنوي السفر؟
👈🏻 الاجابة : الاختصاص الذي أطمح له هو الجلدية و هو سبب من اسباب اجتهادي الزائد خلال السنة السادسة
موضوع السفر موضوع يشغل تفكيري داىما و تفكر اي طالب برأيي يطمح لمزيد من التفوق و النجاح .

9️⃣كلمة اخيرة للطلاب
👈🏻 الاجابة : لا شك خلال السنة كل انسان معرض لعقبات أو احداث حياتية تؤثر فيه لكن دائما نحاول ان نسعى و نتقدم نحو الأمام مهما كانت الظروف .
——————————
كل الشكر للدكتورة مرح سامي حناوي على مشاركتنا تجربتها ونتمنى لها التوفيق في المرحلة القادمة من حياتها 💛💛
@NationalExamFiles

ترقبوا اليوم أو بكرا نشر 3 تجارب مميزة وفريدة للتحضير لامتحانات الستيبات الاميركية بجانب الامتحان الوطني 🔥

من بينها تجربة الأول على القطر بعلامة 98 الدكتور محمد تيسير نضال عباس ❤️

ويلي بيعرف اي حدا قدم أو حضر للستيبات الاميركية خلال السنة السادسة يخبرنا عنه لحتى يشارك تجربتو كمان لطلاب وتنشر الفائدة للجميع ❤️❤️
@NationalExamAdmin

#تعديل
صارو 5 تجارب ومن بيناتهم وحدة رح تنزل على شكل فيديو 😎🔥

#تجارب
تجربة صاحبة المرتبة الرابعة على مستوى جامعة حلب ❤️

🔺الاسم : محمد نصار
🔺الجامعة : حلب
🔺العلامة : 93
🔺مدة التحضير : المدة الفعلية حوالي 8 شهور

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بلشت عالشهر ١٢ تقريباً بس كانت دراسة كتير خفيفة مجرد اطلاع عالمواد يعني وما كل يوم ادرس يعني على حسب الهمة
🔅 فالدراسة الفعلية بلشت تقريباً عالشهر الاول التزمت بعدد ساعات معين تقريباً اربع لخمس ساعات باليوم ومع الوقت صاروا اكتر طبعاً في ايام ما ادرس فعوض بالأيام الباقية.

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : أهم مصدر كان صفحة Macro Page للدكتور ماهر علي حسين الله يجزيه الخير يارب
🔅 وفي مصادر تانية استعنت فيا متل صفحة Ninja Nerd و Osmosis و Armando Hasudungan
🔅 بس المصدر يلي لازم تهتموا فيه هو Macro Page لأنو بالاخر الدكتور معتمد عالمراجع وعبشرح كلشي افكار عنو .

3️⃣ ما هي مصادر الدراسة التي اعتمدت عليها ؟
🔹#الداخليات:المرجع
🔹#الأطفال: المرجع
🔹#العيادات MRI
🔹#النسائية والتوليد: المرجع
🔹#الجراحات : الجراحة العامة من cmd والعظمية من غدير وباقي الجراحات من MRI

🔅 طبعاً المراجعة راجعت أهم الافكار يلي ملخصا انا لأنو مافي وقت تراجع كلشي وخصوصاً انو في افكار مو مهمة كتير .
🔅 شغلة مهمة انو وقت المراجعة أهم الشي يكون نفس مصدر دراستك يلي درست منو أول شي لأنو الذاكرة البصرية كتير بتفيدك بتذكر المعلومة وقت الفحص فما تضيعوا حالكون بمصادر تانية .

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : الصراحة ما ندمت على شي بس الواحد يعرف كيف يستغل وقتو ولا يقلق انو اذا عدت عليه ايام ما درس فيا او قصر لأنو مدة سنة كاملة هي فترة كتير طويلة لحتى الواحد يدرس ويعيد ويعمل يلي بدو ياه بس اكيد الواحد لازم يعرف كيف ينظم وقتو.

🌀 هل قمت بأي نشاطات أخرى بجانب التحضير للوطني خلال العام ؟
🔅 دراسة اللغة والتمرين تقريباً كانوا اخدين الوقت الباقي من الدراسة عدا عن الايام يلي الواحد بيلتهي فيا مع رفقاتو

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : استغلو وقتكون بشغلات تفيدكون لبعدين سواءً كان تمرين او لغة او شغل او اي شي بتحبوا لا تروحوا وقتكون كلو عالدراسة لأنو ممكن تملّوا لبعدين .

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : الصراحة كان وسط مو صعب ولا سهل ويلي دارس منيح بجيب معدل كتير حلو.

🌀ما رأيك بالامتحان الوطني ؟
🔅 كامتحان فهو كتير مفيد لاسترجاع المعلومات والترميم وكتير فادني بهل قصة الصراحة

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : حل الأسئلة سواءً من بيتا او اي مصدر تاني حاولوا تعودوا حالكون عالحل وتشوفوا كيف الأسئلة وعلى شو عم يركزوا لأنو حرام الواحد يضيع وقتو على فقرات بحياتا مو جاية بتاريخ الوطني

🌀 هل كنت تتوقع الحصول على هذه العلامة أو الترتيب في بداية العام ؟
🔅 الصراحة لا ما كنت متوقع

8️⃣ ما الاختصاص الذي تطمح له وهل تنوي السفر؟
👈🏻 الاجابة : الصراحة مافي اختصاص معين لأنو النية السفر ان شاء الله

9️⃣ كلمة اخيرة للطلاب
👈🏻 السنة السادسة هي أسهل سنة رح تعدي عليكون بدراسة الطب ورح تتأكدوا من هالشي بعد ما تخلصوا الفحص ..حاولوا تستغلوا وقتكون منيح بأي شي بتحبوه سواءً هواية او تمرين او لغة المهم ما تحاولوا توقفوا حياتكون بسبب الفحص لأنو بعد ما تخلصوا رح تندموا عالوقت يلي ضيعتوا بس عالدراسة .
——————————
كل الشكر للدكتور محمد نصار على مشاركتنا تجربته ونتمنى له التوفيق في المرحلة القادمة من حياته ❤️❤️
@NationalExamFiles

#تجارب
تجربة بعلامة التسعين في الامتحان الوطني ❤️

🔺الاسم : قتيبة مسلم محمد المسلم
🔺الجامعة : حلب
🔺العلامة : 90
🔺مدة التحضير : 6 اشهر

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بدات تقريبا بشهر1 بعدين اخدت استراحة قبل رمضان بشهر ثم تابعت بعد نهاية رمضان (طبعا ما كان عندي ظروف بس انا شخص مزاجي شوي بدراستي)
طريقة الدراسة تقليدية تعتمد على القراءة الفهم ثم الحفظ مع تدوين بعض الملاحظات

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : كتاب التوليد لجامعة حلب وتقريبا هو كان مصدر دراستي بهالمادة
فيديوهات macropage للدكتور ماهر علي حلوين ،بالنسبة الي كانت فائدتن الاكبر لكسر الروتين والملل..

3️⃣ ما هي مصادر الدراسة التي اعتمدت عليها ؟
🔹#الداخليات:mri
🔹الأطفال: mri
🔹#العيادات mri
🔹#النسائية والتوليد success وكتاب التوليد لجامعة حلب
🔹#الجراحات mri
🔺#مصادر_المراجعة
نفس المصادر ما غيرتن بالمراجعة

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : بالوطني لأ بذلت كل جهدي يمكن بسنوات الدراسة كان لازم اعطي اهتمام اكبر لمحاضرات النظري

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : الوطني همو اكبر منو وهو اسهل امتحان حتقدموه ونصيحة مهمة انو ما تشتروا مصادر جديدة للدراسة المصادر اللي كانت متوفرة عسنتنا غنية ووافية واذا حينزلوا الفرق تعديلات فما حتكون جوهرية كتير ..

🌀 هل قمت بأي نشاطات أخرى بجانب التحضير للوطني خلال العام ؟
لا ابدا كانت سنة وطني ولهو فقط

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : اسئلة سهلة بمعظمها
سبب الارتفاع مستوى الأسئلة السهل ونسبة الدورات الكبيرة فيها ودفعتنا شاطرين بشكل عام

🌀ما رأيك بالامتحان الوطني ؟
الامتحان الوطني لا يقيم مستوى احد و العلامات معتمدة على التوفيق اكثر من الدراسة لكن السنة السادسة فرصة ذهبية لترميم المعلومات.

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : مافي سر اي شخص بيقرأ شوي بأي مصدر وبحل الدورات بجيب نفس علامتي واعلى

🌀 هل كنت تتوقع الحصول على هذه العلامة في بداية العام ؟
اي كنت متوقع

8️⃣ ما الاختصاص الذي تطمح له وهل تنوي السفر؟
👈🏻 الاجابة : داخلية عصبية او جراحة بولية وانشالله يطلعلي واحد منن
لا انوي السفر حاليا بجوز بعد الاختصاص افكر بالموضوع

9️⃣ كلمة اخيرة للسوادس
👈🏻 الاجابة : يمكن بالاسابيع الاخيرة سيطر علي التوتر اللي خلا بعض الاسئلة تفلت مني لهيك بنصح السوادس ياخدوا الامور بتروي وبساطة
نصيحة اخيرة هامة جدا: لا حدا يحط دورات او كورسات مدفوعة مشان الوطني الموضوع ابدا مو مستاهل

——————————
كل الشكر للدكتور قتيبة المسلم على مشاركتنا تجربته ونتمنى له التوفيق في المرحلة القادمة من حياته ❤️❤️
@NationalExamFiles

#تجارب
تجربة الخريجة الأولى على جامعة حماة ❤️
(التالتة بالفحص الوطني ، الأولى عالدفعة بمعدل التخرج)

🔺الاسم : ميسم حمشو
🔺الجامعة : حماة
🔺العلامة : ٩٣

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة: بطبّق مقولة: "قليل دائم خير من كثير منقطع"، لأني من النوع اللي بحبّ الدراسة ع الخفيف، وما بحب أضغط نفسي.. فلذلك بدأت بدراسة الوطني من الشهر ١١ بمعدل ساعة فقط يومياً، أما باقي يومي فكنت أستغلّه بأمور تانية.
كان الهدف من ساعة الدراسة هو انّي اتعرف على المراجع وأعمل دور للفهم ولهيّئ مراجعي للدراسة بحيث اني حدّد الشي المهم ع المرجع، أو صيغ فقرة معينة بصياغتي الخاصة، أو رقّم التعدادات وهكذا..
وكلما قرّب الامتحان كنت زيد عدد الساعات اليومية لحتى وصّل ل ٤ ساعات يومية بالشهر ٦.
وما انقطعت للدراسة فقط إلا قبل بأسبوعين من الامتحان.

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : برأيي: أفضل وسيلة لفهم المواد هو أنه يكون الطالب استوعب وفهم المادة بالسنتين الرابعة والخامسة..
كنت تابع قناة نيرد وmedical sciences وأستفيد من الاختبارات اللي بينشروها.

3️⃣ ما هي مصادر الدراسة التي اعتمدت عليها ؟
🔹#الداخليات: المرجع بشكل أساسي. (العصبية والخمجية: فقرات الدورات من المرجع)
🔹الأطفال: المرجع (وخاصة انه كان مقرر علينا بالسنة الخامسة)، وبعض الفصول الأقل اهمية بالأطفال اعتمدت فيها على فيرست ايد الاطفال.
🔹#العيادات
👈🏻جلدية:مرجع مع ترميم من النقاط ذهبية
👈🏻عينية: نقاط ذهبية (ممتاز)
👈🏻أذنية: نقاط ذهبية
🔹#النسائية والتوليد: المرجع، وبعض الفصول الاقل اهمية درستها من فيرست ايد النسائية كان ممتاز.
🔹#الجراحات:
جراحة عامة: CMD وهو ضخم ويفضل الاقتصار فيه ع فقرات الدورات فقط.
جراحة عظمية: فقرات الدورات من غدير.
جراحة بولية: نيرد.
جراحة عصبية: نقاط.
جراحة صدرية: نقاط.
باقي الجراحات: الدورات والتعليق على اسئلة الدورات.
🔺#مصادر_المراجعة:
الاهم طبعا: اسئلة الدورات (ولازم يندرسوا وينعادوا كتير)
الداخلية: أثناء دراستي كنت حدّد على المرجع الاشياء اللي بتنتسى حتى تكون هي مصدر مراجعتي + الجداول بالمرجع
الجراحات: فيرست ايد الجراحة فقط
النسائية: اشياء حددتها مسبقا ع المرجع + الاطارات والجداول والتعدادات
الاطفال: متل النسائية
العيادات: نقاط
وطبعا برجع بكّرر: الدورات هي الأهم

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة: دورة هي السنة مختلفة عن الدورات السابقة وبتتطلب جهد أقل لتحصيل الدرجة.. بس هالشي ما كان حدا بيقدر يتنبأ فيه قبل بوقت.. انا حاليا بحمد الله انه ما عطيت الوطني جهد ووقت اكبر من اللي عطيته اياه.

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : هلأ بداية هي النصيحة للطلاب بالسنوات السريرية: إذا كنت فاهم مواد السنة الرابعة والخامسة بشكل منيح، ف رح تشوف دراسة الوطني سهلة، واشتغلوا لترفعوا معدلاتكم..
لطلاب السنة السادسة:
- ما تهملوا دوام الستاجات كلياً - حتى لو ما في تدقيق ع الحضور - واعتبروا الدوام ع الستاجات لحتى تتعرفوا أكتر لأي اختصاص بتميلوا، ولحتى تشوفوا الحالات الشائعة وتتعلموا تدبيرها.
- ممكن العلامات اللي شفتوها بدورتنا رح تخفف عنكم كتير قلق وتوتر ورح تلغي رهبة الفحص الوطني بنفوسكم، لأن هو فعلاً امتحان تحصيل علامته سهلة إن شاء الله، واعتبروه الفرصة الأخيرة لرفع المعدل ودخول الاختصاص اللي بتطمحوله.
- هي آخر سنة رح تكونوا متفرغين فيها، فلا تضيعوها واملؤوها بكل شي بتتمنوا تساووه.. (حفظ قرآن كريم- علم- ثقافة- مهارات- لغة- تقعدوا مع أهلكم تنفعوا غيركم.... ).. المهم ما تضيعوا هالسنة...

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : اسئلة الامتحان سهلة إلى متوسطة:
- النسائية والجراحات والعيادات اسئلتها منطقية..
- الداخلية اسئلتها سهلة جدا بس برأيي انه مستواها ما بيرقى لتكون أسئلة فحص تخرج، وخاصة أنه تعوّدنا من قبل أنه أسئلة الداخلية بتحتاج تفكير شوي..
- الاطفال: الاسئلة اللي كانت من المرجع كانت منطقية، بس كان في عدد لا بأس فيه من خارج المرجع، وللأسف معظم اخطائي كانت من مادة الاطفال.

👈🏻وسبب ارتفاع علامات السنة: سهولة الأسئلة وخاصة الداخلية + تعوّدنا كطلاب ع نمط الاسئلة

🌀ما رأيك بالامتحان الوطني؟
الشي الايجابي بالامتحان الوطني أنه براجع كل معلوماتك الطبية السابقة من مراجع عالمية، بس متل ما قلت مسبقاً: في قسم لا بأس من أسئلته ما بترقى لتكون أسئلة امتحان التخرج..

🌀 هل قمت بأي نشاطات أخرى بجانب التحضير للوطني خلال العام ؟
الحمد لله راجعت حفظ كامل القرآن الكريم، وكنت متابعة مع أكاديميات اونلاين علمية وثقافية، تابعت بعملي ككاتب محتوى طبي بصفحة (الباحثون المسلمون)، وعملت مع دار القدس وكان نتاج هالعمل هو كتاب (فيرست ايد الداخلية)، وانضميت لفريق stemosis للبحث العلم...
كنت مهتمة بشكل كبير بالمقالات والكتب اللي بتحكي عن الحالات الشائعة اللي ما بصير أي طالب أو اي مقيم من اي اختصاص يجهل تدبيرها، ولقيت كتاب (امتيازولوجي) كويس لهالشي.. واكيد في كتب تانية عن هالموضوع
ومن الشغلات الحلوة بالسنة السادسة أنه الواحد بيقدر يحضر المناسبات والجلسات الاجتماعية دون ما يكون في ضغط...

8️⃣ ما الاختصاص الذي تطمحي له وهل تفكري بالسفر؟
👈🏻 الاجابة: لسا ما حسمت خياري، يمكن هضمية أو غدية او احد العيادات.
أعتقد كلنا بهالوقت بيعتبر السفر خيار مطروح سواءً هلأ او بعدين.

كلمة اخيرة:
تذكر أنه الطب بيشغل جانب واحد من شخصيتك، وهالشي بحتّم عليك تشتغل ع الجوانب التانية وتطوّرها... بس أكيد دون ما تقصّر بالطب لأن التعامل مع أرواح البشر بيتطلب منا إجادة وإتقان للطب..
فهون الشخص بهمّته وترتيبه للأولويات وتنظيمه للوقت بحاول يسدّد ويقارب لحتى يحقق التوازن قدر الإمكان.

——————————
كل الشكر للدكتورة ميسم حمشو الخريجة الأولى بحماة على مشاركتنا تجربتها ونتمنى لها التوفيق في المرحلة القادمة من حياتها ❤️❤️
@NationalExamFiles

#تجارب
تجربة صاحب المرتبة الرابعة على مستوى جامعة تشرين ❤️

🔺الاسم : كميت أنور عروس
🔺الجامعة : تشرين
🔺العلامة : 93
🔺مدة التحضير : المدة حوالي 7_9 شهور مع الكثير من الاستراحات والنشاطات

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بدأت في 23/11 تدريجيا بالداخليات ثم الأطفال ثم النسائية ثم العيادات وأخيرا الجراحات وانهيت أول دور في 23/5.
🔅 دراستي تعتمد على الذاكرة البصرية لا أستطيع بصم أي شيء دون فهم وصور وفيديوهات وهذه المشكلة عانيت منها في سنواتي الدراسية ولكن الحمدلله انتهينا بسلام.

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة :  العديد من المصادر مثل: قناة Macropage  ببعض الأفكار المطروحة بشكل سيئ بمرجع الداخلية ونيرد نادرا
بالإضافة لGoogle من أجل الصور وأكيد محاضرات دمشق عند استصعاب أي فكرة ليس لغناها بل لوضوح الأفكار فيها وأحيانا محاضرات جامعتي

3️⃣ ما هي مصادر الدراسة التي اعتمدت عليها ؟
🔹#الداخليات:المرجع
🔹#الأطفال: المرجع
🔹#العيادات: الأذنية 2015 CMD والعينية Mri مع مرجع للصور والجلدية مرجع مع كتاب الجلدية لجامعة تشرين
🔹#النسائية والتوليد: المرجع
🔹#الجراحات : الجراحة العامة من cmd الكبير
/ والعظمية من غدير/ وصدرية وأوعية وبولية نيرد/ وعصبية وأطفال خلف/ وتجميل وقلبية وأورام نقاط دار القدس

🔅المراجعة:
- من المصدر يلي إدرس منو دائما، كنت دائما أعمل دفاتر صغيرة مع مخططات بحيث بمجرد انظر ع الصفحة استذكر كل المعلومات يلي فيها، وما اعتمدت ع أي ملخص بالمواد التي لها مرجع عدا العينية درستها مرجع مع mri مع ملخصي فالمراجعة من ملخصات أنت تكتبها بتفيدك كتير لاحقا.

4️⃣ لو عاد بك الزمن ، هل هناك أي اخطاء تتمنى لو تلافيتها ؟

👈🏻 الاجابة :
- ما إنو ندم بس كنت بتمنى لو اهتميت بالمقابلات أكتر، وحسيت بعد قدمت إنو درست شغلات كتيرة وتعمقت بشغلات ما كان إلا داعي على الرغم ما أثر عليي هالشي أبدا

🌀 هل قمت بأي نشاطات أخرى بجانب التحضير للوطني خلال العام ؟
🔅 أكيد، درست ألماني، وتعلمت لغات برمجة كون البرمجة تعتبر من هواياتي وكنت إنزل أحيانا ببدايات السنة ع الإسعاف.

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : بلشوا بكير بترتاحوا لبعدين ولا تيئسوا أبدا لأن السنة طويلة والمطلوب ضخم وما تاخدوا أي دورة مقياس ادرسوا ما هو متعارف عليه واتكلوا على الله.

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : كانت متوسطة مائلة للسهولة في كل المحاور عدا الأطفال و كم سؤال توليد وجراحة. بس بالمجمل منطقية والعلامات صراحة السبب مجهول بس بعتقد لأنو الدورات كانت بتحتل القسم الأكبر منا.

🌀ما رأيك بالامتحان الوطني ؟
🔅 امتحان مفيد في حال كان عادل.. وهو ضرورة في حال التطبيق الصحيح

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : المثابرة والاجتهاد مع التوفيق من الله طبعا

🌀 هل كنت تتوقع الحصول على هذه العلامة أو الترتيب في بداية العام ؟
🔅 صراحة كنت متوقع علامة أعلى بحدود 95 ولكن الحمدلله على كل حال

8️⃣ ما الاختصاص الذي تطمح له وهل تنوي السفر؟
👈🏻 الاجابة : أرغب بالأذنية أو العينية أو الجراحة التجميلية.. وما يرزقني الله منها خيرا، وبالتأكيد هناك نية للسفر إن شاء الله

كلمة أخيرة للطلاب:
لكل مجتهد نصيب.. اجتهدوا في هذه السنة المصيرية ولا تتشتوا و ثبتوا مصادركم من البداية.. وبالتوفيق للجميع
——————————
كل الشكر للدكتور كميت عروس لى مشاركتنا تجربته ونتمنى له التوفيق في المرحلة القادمة من حياته ❤️❤️
@NationalExamFiles

#تجارب
تجربة مميزة تقديم Step 1 + اجتياز الوطني بعلامة 90 ❤️

الاسم: حيدرة خيربك
الجامعة: تشرين
العلامة: ٩٠
مدة التحضير: شهرين

1️⃣ متى بدأت بالدراسة للفحص الوطني وكيف كانت طريقة دراستك ؟
-بدأت الدراسة منذ ٦ تموز (7/6) يوم صدور نتيجة امتحان الستيب ١

2️⃣ ما هي الوسائل المساعدة التي استعنت بها لفهم المواد ؟
-اما الفهم فكنت قد اعتمدت فيه على USMLE STEP1

3️⃣ ما هي مصادر الدراسة التي اعتمدت عليها للوطني؟
-المصادر: تطبيق بيتا جدا مهم لكل المواد
- #الداخليات الكبرى(قلبية وهضمية وصدرية) والكلية MRI ما تبقى دورات بيتا فقط
#الداخلية_الخمجية_والعصبية درستن من ملخص SUCCESS للاطفال ٢
-#الجراحات العامة والبولية والعظمية MRI أما الصغرى دورات بيتا فقط
-#العيادات: دورات بيتا فقط
-#النسائية والتوليد: دورات بيتا + ملخص Success
-#الاطفال: اطفال١ ملخص دنا، اما الاطفال ٢ درست منا العصبية والخمجية والهضمية والغدد والدم من ملخص Success

4️⃣ لو عاد بك الزمن ، هل هناك أي اخطاء تتمنى لو تلافيتها ؟
-أبرز خطأ يمكن تفاديه كان هو التدقيق بشكل اكبر على الدورات، بالكتلة الاولى ضاع مني ٦ اسئلة دورات.

🌀 هل قمت بأي نشاطات أخرى بجانب التحضير للوطني خلال العام؟
قررت انو استفيد من الوقت الطويل للسنة ٦ بتطوير مهاراتي البحثية، وقدرت انو انشر ٥ مقالات بمجلات علمية محكمة ومصنفة ضمن PubMed،اضافة للتحضير واجتياز امتحان المعادلة الامريكية USMLE STEP 1.
بدأت التحضير له يوم ١٦/٩/٢٠٢١ و قدمت الامتحان يوم ١٦/٦/٢٠٢٢ بمدة ٩ اشهر.

5️⃣ نصيحتك التي تقدمها لطلاب السادسة المستجدين ؟
ابرز نصيحة لطلاب السادسة، السنة السادسة طويلة وبإمكانكن تستفيدو منها بالتحضير لشيء اضافي للوطني، متل اللغة الألمانية او الستيبات الامريكية.

6️⃣ ما الاختصاص الذي تطمح له وهل تنوي السفر؟
- عن الاختصاص اللي بفضلو، هو الداخليات خاصة القلبية.
-عن السفر: نعم أنوي السفر واكمال الاختصاص بالولايات المتحدة الأمريكية.

🌀ما سبب اختيارك لطريق أميركا رغم صعوبته وتحدياته ؟
- من لحظة دخولي كلية الطب كانت عيني على أمريكا كهدف لاكمال تخصصي الطبي هونيك، نظرا للسستم الطبي المتطور اللي عندن، واللي بيتطلب اجتياز امتحانات التعديل اضافة لعوامل رديفة متل الResearch & clinical experience.

🌀لما أميركا بدلاً من تعلم اللغة الألمانية كباقي الطلاب ؟
كتير من زملائي اتبع طريق تعلم اللغة الألمانية، انا شخصيا حسيت انو طالما لغتي الانجلش جيدة وكذلك وجود ريسيرتش عندي وشغفي بالستيب، قلت ليش ما استغل هالشي وقدم فحص التعديل الامريكي! خاصة انو بيقدر الطالب يقدمو قبل التخرج، وهاد كتير بيختصر وقت.

7️⃣ هل تعرضت لأي تحديات أو صعوبات خلال السنة السادسة ؟
احدى الصعوبات اللي واجهتني هي لما قررت ادارة الكلية تقرب موعد مقابلات التخرج لشهر حزيران نظرا لتقريب موعد الوطني ل شهر ٩ بهالسنة، وهيك اضطريت انضغط بشكل كبير، لحتى قدم فحص الستيب بشكل جيد، وبنفس الوقت ارجع من السفر بسرعة بفارق يوم بين الفحص والمقابلات حتى قدم مقابلات التخرج.
لما خلصت المقابلات، اضطريت اخد استراحة حوالي ١٠ ايام لحتى استجمع طاقتي وانطلق للتحضير للوطني.

🌀حضرتك حكيت عن دراستك للستيب ، فيك تخبرنا شو الاختلاف بينه وبين الدراسة للوطني ؟
-الستيب ١ كان رديف قوي للوطني وفعليا كمعلومات هو اشمل واوسع واصعب من الوطني فمثلا اضافة لكتاب الفيرست ايد اللي هو ال Gold standard لامتحان الستيب١، في بنك اسئلة عملاق UWORLD بيضم حوالي٣٦٠٠ مسألة شاملين لكل مجالات الطب ، لكن الوطني الو اسلوب دراسة مختلف، مثلا بالستيب ممكن تجي صور نسيجية وباثولوجية وشعاعية واطباق زرع وتخاطيط قلب والخ، خلافا للوطني اللي هو فحص نظري بحت. لهيك بالوطني كان بيكفيني بس اعمل مرور بشكل سريع ع أهم الافكار.

8️⃣ ما هو سر حصولك على هذه العلامة وسر النجاح برأيك ؟
- اهم شي لحتى الشخص يأدي عدة مهام بشكل منظم هو الثبات والتماسك، وعدم التراجع نهائيا والصبر.

9️⃣ واخيراً ما رأيك بالامتحان الوطني كامتحان قبل التخرج؟
-الامتحان الوطني جيد من اجل مراجعة المعلومات الطبية لطالب الطب قبل ما ينطلق عالحياة العملية.
-مستوى اسئلة الامتحان كانت متوسطة لسهلة، والسبب الأساسي لارتفاع المعدلات هو نسبة تكرار الدورات بشكل كبير
- الخطوة القادمة هيي الاكمال بطريقي عسى انو اقدر اوصل لغايتي بالاختصاص باميركا.
——————————
كل الشكر للدكتور حيدرة خيربك على مشاركتنا تجربته الفريدة في دراسة الستيبات والوطني خلال السنة السادسة ونتمنى له التوفيق وتحقيق حلمه في متابعة الاختصاص الطبي في أميركا ❤️❤️
@NationalExamFiles

البعض عم يطلب نشر تجارب بمعدلات متوسطة أو قليلة لحتى نغطي تجارب لكل الطلاب ومنتفق معكم بهي الفكرة

بس للصراحة كل يلي ارسل تجاربه طلاب نيردات ومعدلات عالية لحد الان 😂❤️

في عنا لسا 6 او 8 تجارب قيد الانتظار رح يتم نشرهم تدريجيا

لسوادسنا 2022 الغاليين شو ما كان معدلك سواء 95 او 85 او 75 او ناجح عالحد بامكانك تشارك تجربتك وممكن تنوه على الاخطاء يلي وقعت فيا وتقدم نصايح مفيدة للبقية 👇🏻
@NationalExamAdmin

ولحتى ما نزعلكم حكيت مع رفيقي درس للوطني بشهر ونص كان بدو بس ينجح الوطني لانو حاطط ببالو يطلع ع المانيا
ودرس دورات فقط بدون ولا شي تاني .. رح يكتب تجربته ويبعتا .. اما علامته النهائية رح نخليا مفاجئة 🫢

#تجارب
تجربة صاحب المرتبة الرابعة على مستوى جامعة البعث ❤️

الاسم :ربيع صفوان رجوب
الجامعة : البعث
العلامة: 93
مدة التحضير: الدراسة الفعالة 4 شهور

1️⃣ متى بدأت بالدراسة للفحص الوطني وكيف كانت طريقة دراستك ؟
✨ بالشهر الخامس تقريبا بدأت بالدراسة بشكل جدي قبل ذلك كنت اخد فكرة عن المقررات فقط بدون حفظ
طريقة دراستي لمعظم المواد تعتمد على الفهم أولا ثم ابدأ بالحفظ وكل قسم انتهي منه حل اسئلة دوراته

2️⃣ ما هي الوسائل المساعدة التي استعنت بها لفهم المواد ؟
✨ قناة Macropage للدكتور ماهر الله يجزيه الخير كان له الفضل بعد الله بفهمي لمواد الداخلية وحفظها

3️⃣ ما هي مصادر الدراسة التي اعتمدت عليها ؟
✨ #الداخليات المرجع / وكترميم أهم الأفكار لدريم (القلبية درستها من ملخص ال DNA الكبير)
#الأطفال 1 من MRI ودريم / اطفال2 من المرجع
#جلدية مرجع ودريم
#عينية Ptr
#اذنية MRI
#نسائية وتوليد MRI
#جراحة عامة CMD 2017
عظمية DNA بولية Nerd
صدرية Dna عصبية دريم
باقي الجراحات MRI
مصادر المراجعة نفس مصادر دراستي لأنني اعتمد على الذاكرة البصرية مع اختصار بعض الافكار غير الهامة والتركيز على أفكار الدورات

4️⃣ لو عاد بك الزمن ، هل هناك أي اخطاء تتمنى لو تلافيتها ؟
✨ على مستوى الوطني لا

5️⃣ نصيحتك التي تقدمها لطلاب السادسة المستجدين ؟
✨ الدراسة بذكاء والبدء التدريجي لزيادة عدد الساعات وممارسة الهوايات واللغات وعدم التوتر والثبات على مصدر للدراسة ترتاح له لأن التشتت يزيد التوتر

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
✨ كانت الاسئلة وسط مع بعض الصعوبة بالاطفال
الارتفاع يعود لعامل العدد الكبير من الأطباء وعدم وجود اسئلة خلافية كثيرة

7️⃣ ما هو سر حصولك على هذه العلامة وسر النجاح برأيك ؟
✨سر حصولي هو إصراري في الأشهر الاخيرة على الدراسة حتى لو شعرت بالملل
سر النجاح رضا الله والوالدين وعدم اليأس

🌀 هل كنت تتوقع الحصول على هذه العلامة أو الترتيب في بداية العام ؟
✨ من السنة الخامسة كنت مقرر يطلعلي مرتبة بالامتحان الوطني😂 ف درست على هذا الأساس لكن بدون بذل جهد في البداية

8️⃣ ما الاختصاص الذي تطمح له وهل تنوي السفر؟
✨لم أحدد بعد لكن أحب الداخلية الهضمية والقلبية
السفر فكرة موجودة ، حاليا لا لعدم توفر المال

9️⃣ ما هي خطتك الحالية للمرحلة القادمة من حياتك ؟
✨العمل في مشاريع مع بعض المنظمات
وبدأت بدراسة اللغة الألمانية تأخرت بالبدء لأنني لم أكن أنوي السفر لكن الأن سأعود للمتابعة وإعطاء دروس خصوصية في مادة العلوم لطلاب البكالوريا منذ ثلاث سنوات وحتى بأسبوع الفحص لم اتوقف عن الإعطاء😂
——————————
كل الشكر للدكتور ربيع صفوان رجوب على مشاركتنا تجربته ونتمنى له التوفيق في المرحلة القادمة من حياته ❤️❤️
@NationalExamFiles

رح ننشر تجربة اخيرة لليوم بعد نصف ساعة
وغدا منكمل مع بقية التجارب نشالله ❤️❤️

#تجارب
تجربة صاحب المرتبة الثالثة على مستوى جامعة البعث ❤️

🔺الاسم : ياسين خليل حوا
المسؤول العملي ل فريق بيتا للسنوات 4-5 طب بشري البعث
🔺الجامعة : البعث
🔺العلامة : 94 من مئة (الثالث عالبعث والخامس عمستوى سوريا)
🔺مدة التحضير : 10 شهور تقريبا

1️⃣ متى بدأت بالدراسة للفحص الوطني وكيف كانت طريقة دراستك ؟
بدأت من الشهر 10 بس بمقدرات 2-4 ساعات بالنهار فقط وكنت خلال الأشهر 9-10-11 قضي كتير من وقتي بالمشافي ومع الدكاترة والعمليات

2️⃣ ما هي الوسائل المساعدة التي استعنت بها لفهم المواد ؟
الحمد لله عندي أساس قوي من السنة 4-5 وخصوصا اني كنت دقق دورات البعث للسنوات 4-5
اعتمدت بشكل أساسي عمراجع الوطني
+ محاضرات دكاترتي + بالبداية كان عندي شغف بأني وسع معلوماتي فكنت اقرأ عن الأمراض الي بحبها من الMedscape + فديوهات macropage

3️⃣ ما هي مصادر الدراسة التي اعتمدت عليها ؟
🔹#الداخليات: مرجع
🔹الأطفال: مرجع
🔹#العيادات MRI
🔹#النسائية والتوليد : مرجع + محاضرات دكاترتي
🔹#الجراحات: انا مولع فيها كتير😍
العامة: CMD + مقرر د.فهد شريباتي (من السنة 4)
بولية: RBC روعة روعة روعة بتختم البولية ... يتضمن أي سؤال ممن ينسئل خصوصا اذا حليت دورات جامعة دمشق البولية (سنة 5 فصل 1)
العظمية (اختصاصي المستقبلي 💪 بإذن الله) : انا كنت عامل دورة اونلاين السنة 5 طلاب البعث الجراحة العظمية والطب النفسي ،والفضل لله هدول اكتر شي استفدت منن سواء بدراسة الطب النفسي أو الجراحة العظمية + اطلعت عملخص غدير اطلاع كرام
بقية الجراحات كانت من الMRI
🔺#مصادر_المراجعة :
انا من النوع الي بيدرس من كد يده وعرق جبينه( مثلنا الشعبي المعروف😉)
ما بحب امسك المرجع وانزل فيه قراءة 😅, وكمان ما بحب امسك ملخصات غير شغلي وانزل فيها قراءة 😂 ,بحب دائماً اقرأ ملاحظاتي وتلخيصي وأسلوبي (أنا من أول ما بلشت دراسة.. كنت اقرأ المرجع واكتب الشي الي حاسه مهم أو ضروري حفظه عشكل سلايدات بوربوينت .. كلنا طلاب جامعة ومتعودين ان ناخد محاضرات عشكل بوربوينت (البوربوينت كتير بيعطيك ميزات ... كطريقة عرض حلوة وملفتة للانتباه مابتخليك تمل + فيك تعدل اي معلومة أو تضيف عليها معلومات تانية .. + فيك تضيف عالسلايدات صور تشخيصية وتوضيحية من النت كتير بتساعدك عالتذكر..) حبيت هالطريقة كتير, وما كنت حس بالملل أو الضجر ابدا بالعكس تماما تميت محافظ عهاد الروتين وقدرت بفضل لله تعالى اعمل سلايدات لكل المواد وكانت كتير كتير رائعة) ووقت المراجعة فقط راجعت هاي السلايدات + الدورات (ليس المرجع وليس أي ملخص لأن الصراحة قد ما تكون الملخصات حلوة ومرتبة بتم شغلك الخاص الو طعمة أحلى وبيرسخ بالذهن أكتر من أي مصدر تاني👍👍)

🌀 هل قمت بحل بنوك اسئلة أخرى بجانب اسئلة دورات الوطني ؟
نعم , فقط أسئلة دمشق للجراحة البولية

4️⃣ لو عاد بك الزمن ، هل هناك أي اخطاء تتمنى لو تلافيتها ؟
الحمد لله ما كان في أي أخطاء ... أنا مبسوط من كل ثانية مرت معي بالسنة السادسة ,الحمد لله استثمرت وقتي بشي المفيد الي بالوطني ,تفاديت كل شي ممكن يعرقل مسيرة الجدية والتميز بالوطني ,وطلعت من السنة السادسة وعندي سلايدات ممتازة بقدر فيد فيها أي طالب وطني جديد

5️⃣ نصيحتك التي تقدمها لطلاب السادسة المستجدين ؟
1- بالنسبة للألماني : أنا من الناس الواقعيين ,والي بيحسبها لقدام (كنت فكر بالسفر ودراسة اللغة, لكن في كتير عوائق لا اعتقد اني سأتجاوزها أولاً مبلغ الحساب البنكي ليس لدى أهلي قدرة عليه, وحتى الكفيل رح يتم هالشي دين عليي وعلى أهلي وما أحب هالشي.., ثانياً الألماني بده متابعة يومياً وهالشي ما كتير رح يقدر عليه طالب الوطني)
2- بالنسبة لمجموعات الوطني عالتلغرام أنا انضميت لشي 17 مجموعة للوطني😂, بس الفضل لله ما فحت ولا وحدة وما روحت وقتي متابعة حكي الناس (عندي قناعة ان علامتي بالوطني ما رح تجي من التلغرام وأقوال العالم ... وإنما من دراستي تعبي)
3- بالنسبة لمصدر الدراسة: بنصح بدراسة المراجع بالطريقة الي كل شخص بحبها وبفضلها بحيث ما يمل ,والتلخيص للمعلومات المهمة مشان يراجعها بشكل منفصل قبل الامتحان👍 + الجراحات لقيت الmri حلو ,لكنه غير كافي للعظمية , الأذنية والعينية : mRI لقيته كافي للعينية والأذنية

🌀 هل قمت بأي نشاطات أخرى بجانب التحضير للوطني خلال العام ؟
قدمت ألماني A1 ونجحت ,لكن بعدها ما عاد اقدر كفي .. فرجعت كأني من الصفر 😅

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
الأطفال كانت صعبة : القصة اجا اسئلة من مقررات الجامعات وغير موجودة بالمرجع وأغلبها كان من مقرر دمشق الداخليات: كانت كلها من المرجع وسهلة , الجلدية: من مقرر حلب بس سهلة ,
النسائية: من المرجع + أفكار دورات (وكان في قسم من الأسئلة حليته بالاعماد عمحضرات دكاترتي)
الجراحات والأذنية والعينينة : المصادر الذ كرتها كانت كافية تماما👍,
سبب ارتفاع المعدلات .. أولاً يوجد سهولة ببعض المواد + الطلاب كتير منن اجتهد عحاله

🌀ما رأيك بالامتحان الوطني ؟
حلو , الغاية منه رفع السوية العلمية لأطباء سورية على مستوى كل المحافظات

7️⃣ ما هو سر حصولك على هذه العلامة وسر النجاح برأيك ؟
ملخصاتي 😍 ,السلايدات الي عملتها كتير كتير كانت المراجعة منها يسيرة وممتعة (مكنتني راجع مادة كاملة بيوم واحد فقط مع دوراتها)

🌀 هل كنت تتوقع الحصول على هذه العلامة (أو الترتيب) في بداية العام ؟
نعم

8️⃣ ما الاختصاص الذي تطمح له وهل تنوي السفر؟
الجراحة العظمية , السفر حاليا لا, بعد الاختصاص ممكن

9️⃣كلمة أخيرة لكل من أحب تجربتي :
نظم وقتك + وكل ما عدت مرات أكتر صدقني رح تكون علامتك أعلى + لاتشتت حالك بأقوال الناس (هاد معدلك وانت المسؤول عنه ,اعتمد عنفسك المراجع موجودة والدورات موجودة ... ما عليك غير تنظم دراستك بحيث تقدر تعيد بأقصر وقت ممكن لمعلوماتك , المعلومات الي رح تلزمك فقط المراجع + حفظ الدورات)
——————————
كل الشكر للدكتور ياسين خليل حوا على مشاركتنا تجربته الشخصية الغنية والمفصلة ونتمنى له التوفيق في المرحلة القادمة من حياته ❤️❤️
@NationalExamFiles

نقلا عن الدكتور ياسين صاحب التجربة السابقة
"هديتي لطلاب الوطني ... ارجو ان تنال اعجابكم وتستفديو منها"

تصبحون على ما تتمنون ❤️❤️

شغلة اخيرة هي قناة للوطني لأحد الاصدقاء خارقة بكل معنى الكلمة خصوصاً البوست المثبت يلي فيا مننصح فيا
https://t.me/National_Exam888

#تجارب (التجربة 12)
تجربة مميزة تقديم Step 1 + اجتياز الوطني بعلامة 93 في أقل من شهر ❤️

🔺الاسم : محمد براء بوظو
🔺الجامعة : جامعة دمشق
🔺العلامة : ٩٣%
🔺مدة التحضير : ١١ يوم قبل الكتلة الاولى و الاسبوعين بين الكتلتين

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بالواقع انا كان هدفي من فترة اني امشي بطريق المعادلة الامريكية ... صار معي بعض الظروف اضطريت اتأخر بتقديم ال step 1 و ما كنت حاطط ببالي اني لح قدم وطني هلدورة باعتبار انو معدلي بسنوات الجامعة فوق ٩٠% وطريق امريكا مو مضمون لهيك ما كنت بدي اكتفي بمجرد النجاح او معدل متوسط
لكن بنصيحة من بعض الاصدقاء قررت ادرس شو ما كانت العواقب وباسوأ الاحوال بنسحب من احد الكتلتين
قدمت فحص step1 قبل ١٣ يوم من الوطني ... مع راحة يومين يا دوب سحبت فيهم انفاسي 😅 بلشت التحضير للوطني قبل ١١ يوم يلي حرفيا ما كنت بعرف عنو شي حتى توزيع بعض المواد على الكتل 😅

🌀 ما سبب اختيارك لدراسة الستيبات بدلاً من اللغة الالمانية ؟
صراحة متل ما حكيت بالسنة الرابعة كنت مبلش الماني واخدت ٣ كورسات ... ولكن بعد اعادة النظر بسبب تسهيل قبول السوريين نسبيا بهديك الفترة ...قررت اخد ريسك اعلى واخد الطريق الاصعب و الاقل ضمانا لكن الافضل على المستوى العلمي وحتى المادي على المدى البعيد
الموضوع مو مجرد انو امشي عكس التيار😅... بس قسم لا بأس فيو من الطلاب يلي بدأت بطريق المانيا نسيو الطب وانكبو عللغة فصارت شغلون الشاغل
+ يمكن لبعض الاعتبارات الشخصية خيار اني ضل بالبلد كان مطروح بالنسبة الي وربما تجاوز حتى خيار السفر الى المانيا
+ طريق المانيا ممكن تداركه بالاختصاص بسنة دراسة علمرتاح اما طريق امريكا فصعب جدا تداركه بمرحلة متأخر

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : بالواقع دراستي لل step 1 ساعدتني جدا بمضاعفة سرعة دراستي بالكتلة الاولى تحديدا ... جزء لا بأس فيو من الافكار كان مارق عليي بالستيب ناهيك عن انو الستيب بشكل عام بعزز مدى استيعابك للمعلومات بشكل اسرع من خلال ربطو بقاعدة معلومات كبيرة مبنية على الفهم ثم الحفظ ...
أما بالنسبة للكتلة التانية فصراحة ما كان للستيب دور كبير بتسريع الدراسة نسبيا مقارنة بالكتلة الاولى

3️⃣ ما هي مصادر الدراسة التي اعتمدت عليها ؟
MRI + أسئلة الدورات
التركيز بالمقام الاول على الفقرات ... وقراءة ما تبقى قراءة مبنية على الفهم مع حفظ بعض المعلومات يلي تبدولي انها كانت مهمة

🔺#مصادر_المراجعة
تركت اخر ٣ ايام للمراجعة و ٨ ايام كدراسة مرة اولى
والمراجعة كانت : 1-لملاحق الMRI ايضا
2- اخطاء الدورات يلي مرت معي بأول وجه لها

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : بالسنة الرابعة بدأت طريق المانيا يلي هوي خيار موفق وسديد بالنسبة لكتير من الطلاب ... لكن بالسنة الخامسة قررت وقف وغير الطريق و تأخر قراري هاد بغض النظر عن مبرراتو ممكن يكون أبطألي خطواتي بهلطريق 😕

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : حدد هدفك من مرحلة مبكرة و ابدأ بالتحضير العملي الو باسرع وقت ممكن من دون ما تهمل مواد جامعتك
ولكن بمرحلة ما من سنين الدراسة بالكلية الاولويات لازم ينعاد ترتيتبها من جديد بناء على الطريق يلي راسمو لحالك بدون اهمال اي منها(كلون اسمون اولويات بالنهاية😗)

🌀 حسب تجربتك هل تنصح بقية الطلاب بدراسة الستيبات ؟
بالنسبة لتجرتبي بال step 1 فاكيد الجميع عندو اطلاع نسبي عطريق المعادلة بشكل عام ... ولكن كنصيحة حتى لو انت مالك ناوي تسافر و تشق هلطريق و حتى لو حدا بدأ بهلطريق وما انكتبلو فيو الخير ليكملو ... فالعلم يلي حيحصلو ما حيقدر يجنيه من اي مكان اخر و استحالة يندم عليه او علوقت يلي قضاه فيه ... نقلة نوعية بكافة المقاييس

نعم محاضراتنا غنية بالمعلومات وكنت ارجعلها صراحة لاستيضاح بعض الافكار او التوسع فيها ... بس طريقة مقاربة المعلومات بشكل سريري .. ونمط الأسئلة المدروس يلي بيعتمد على توظيف المعلومة مهما كانت تفصيلية بمنحى علمي وعملي مدروس بيعطي بعد اخر للطب حقيقة وبغير مفهومك عن مواد بأكملها

6️⃣ ما تقييمك لمستوى اسئلة الامتحان ؟
👈🏻 الاجابة : متوسطة تميل للسهولة في جزء منها و للصعوبة في البعض الاخر وهو الاقل

🌀 ما الفرق ما بين الدراسة للستيبات والدراسة للوطني ؟
1-في الستيبات تقريبا كل معلومة مشروع سؤال حقيقي عكس منهاج الوطني المليء بالحشو
2-حل بنوك الأسئلة في الستيبات لاعطاء مرونة في حل السؤال وسرعة الوصول للاجابة لا لمجرد حفظ السؤال بخياراته كما هي
3- الاعتماد على التكرار اقل اهمية في الستيبات منه في الوطني فالاعتماد الاكبر على بنوك الأسئلة وكثرة التدريب عليها(مع اهمية المراجعة طبعا)
4- معلومات الستيب ون في الغالب تبقى ... معلومات الوطني لغزارتها و التفات الطلاب لتفاصيل لا معنى لها في الغالب لا يبقى منها شيء يذكر
5- اللغة الانكليزية الطبية قد تكون اولى العقبات في البداية لكنها تتحول في النهاية الى ميزة حقيقية
6- بالرغم من كثافة المنهاج الوطني الا أن الضغط المرافق لدراسة وامتحان الستيب لا يفوق الامتحان الوطني بمراحل لان عامل الوقت وسرعة الاجابة عاملان حاسمان لا بد من التدرب عليهما
7- الجانب المعتمد على الفهم و استيعاب المعلومة والبناء عليها طاغي بنسبة كبيرة في فحص الستيب على نظيره في الفحص الوطني
8-بالنهاية في الوطني انت تبحث عن العلامة -من خلال المعلومة- .... في الستيب انت تبحث عن المعلومة -والعلامة تؤكد حصولك عليها فقط -

🌀ما رأيك بالفحص الوطني كامتحان ما قبل التخرج ؟
بالنسبة كفكرة الامتحان الوطني بشكل عام فهي جيدة لولم تكن شرطا للتخرج اولا + ولو كانت بنسبة مئوية اقل بالنسبة للمعدل التفاضلي العام

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : توفيق الله عز وجل اولا واخيرا ومعونتو التي تجلت بقدرتي على وصل دراسة ستيب ون بالوطني بدون راحة حقيقية بيناتون

🌀 هل كنت تتوقع الحصول على هذه العلامة في بداية العام ؟
قبل ما قدم قطعا لاء 😅 بس بعد اول كتلة تسربلي التفاؤل شوي شوي

8️⃣ ما الاختصاص الذي تطمح له وهل تنوي السفر؟
👈🏻 الاجابة : هدفي ان شاء الله اختصاص هضمية او قلبية ... واذا الله كتبلنا الخير بطريق المعادلة الامريكية فهو المراد بإذن الله وان لم يكن فهو خير

9️⃣ كلمة اخيرة بتحب تقولها للطلاب
👈🏻 الاجابة : # دائما لما يكون في غاية راقية مخبأة بمكان ابعد من مجرد الحصول على علامة عالية او تجاوز فحص بيعطيك دافع كبير للدراسة وحبس الانفاس الطويل😮‍💨... فوجود هلغاية واستحضارها بكل المحطات اساس لتوصل لهدفك ايا كان

# تجربتي لا تعني انو نهمل دراسة الوطني او ما ندرسلو الا قبل فترة وجيزة...لو ما كنت عبدرس step 1 طول السنة وبمعدل ساعات مرتفع يوميا قطعا كنت بلشت دراسة وطني من فترة مبكرة ...
بس خبرتنا الطويلة بأسئلة الجامعة + مقدار العلم يلي حصلتو بال step 1+ توفيق الله عز وجل بهي الدورة تحديدا يلي قد ما يكون نفسو بدورة تانية = كلها عوامل ساهمت بهالنتيجة

🌀 ما هي خطوتك القادمة ما بعد الوطني ؟
البدء بالتحضير لامتحان الstep 2 ان شاء الله والتركيز عليه بالمقام الاول
——————————
كل الشكر للدكتور محمد براء بوظو على مشاركتنا تجربته الغنية وتوضيح مسار مختلف قد يكون ضبابي للبعض ونتمنى له التوفيق في المرحلة القادمة من حياته ❤️❤️
@NationalExamFiles