صباح الخير وجمعة مباركة عالجميع ❤❤
أنهينا بفضل الله الكورسات الخاصة بالداخليات مع الأطفال 2 ....بقي عنا مادتين بما يخص الكتلة الأولى وهنن الجلدية والأطفال 1
رح ننهي أطفال 1 اولا مشان جماعة أيار يلحقو يدرسو منها وان شالله بعدها الجلدية
بما يخص الأطفال 1
مادة حوالي ٣٠٠ صفحة فيها من المعلومات بحر وثقافة خير الله
تلخيصها فيها نوع من العذاب وضياع للوقت
عدد أسئلة قرابة 12 (أهميتها متلها متل غيرها ومتل الجلدية والاذنية ....)
رح ناخد الكورس مع بعض من نوطة MEDBOSS ونلخص مع بعض اهم الافكار ونركز الهام ونحذف الحشو ونضيف بعض الأفكار الخارجية مع الربط ببقية الأقسام 👌🔥❤
الكورس خلال أسبوع ان شالله بكون جاهز 💙

لأي سؤال فيكن تتواصلو على حسابي الشخصي
بالتوفيق ❤❤

السلام عليكم ❤❤
بوست هام جدا عن الأطفال 1
الحمدلله بلشت بالأطفال 1 وهي عينة عن العمل كيف الشغل بشكل عام
اكيد المادة فيها حشو كتير واكيد ١٦٠ صفحة أطفال حرام تندرس كلها إنما لازم تستنخبو المعلومات الاهم من كل فصل
هاد الكورس بصراحة هو محوري وجوهري اكتر من غيرو كون حذف الحشو والسرد مسؤولية كبيرة علي... بس بإذن الله شامل بنسبة 99% من الافكار الامتحانية ورح تطلعو من المادة مختمين كلشي فيها (بقية الفقرات سردية ومضيعه للوقت والجهد وحرام تندرس اكتر من هيك)
بهاد الكورس ان شالله عطيت المادة بشكل نقاط امتحانية موجهة بحيث نشمل اهم أفكار المادة دون نقصان ....
https://youtu.be/oAdae0fChw4?si=iyLAtRH5URlx0h8x

#تنويه_هام
🔵 الكورسات مجهزة باحتراف عالي جدا بعد تحضير وتلخيص الله بيعلم فقط كمية الجهد المبذولة فيها مع طريقة لطرح المعلومة للطالب بشكل موجه دون تعقيد وبابسط شكل ممكن ...لهيك طمنو بالكم لا داعي للتشتت وهي اصلا كورسات من نوط الميدبوس مصدرك الأول❤
🔵 أمر اخر حبيت خبركم باقتراب نهاية تطبيقي الخاص للكورسات والمحتوى ان شالله ليرتفع كاملا عليه فيما بعد ❤❤
موفقين 💙💙

مرحبا ياجماعة 💙💙
بوست #للتذكير
حبيت ارجع احكي عن مميزات الكورسات التابعة الي ....كون في طلاب لسا جديدة عالجو وحابة تبلش ....❤
🔵 كورسات #فيديوهات_مسجلة على قناة خاصة عالتلغرام معتمدة كلياً على نوط الميدبوس 2024
🔵 شرح كامل للنوط مع أدوات الربط المميزة لسهولة التذكر
🔵 الشرح شامل للميدبوس وكذلك للميني بوس أيضآ....يعني الي معتمد الميني فيه يكمل فهم الافكار من خلالها
🔵 مدة دراسة كل مادة يتراوح بين 5 6 ايام بعدد ساعات قياسي حوالي 7 ساعات وهاد شي إيجابي بحيث المعتمد عليها فيه يخلص فيديو الصبح فيديو المسا وخلال كم يوم بخلص المادة كلها
🔵 الشرح موجه وملخص كلشي بدو تلخيص ومركز كلشي مهم لهيك مافي داعي تعذبو حالكم بالتخليص المادة صارت جاهزة للدراسة والفهم كاملاً
🔵 الفيديوهات تنفع كدراسة وجه اول او تاني بالمراجعة بحال بدك شي اسعافي يوفرلك الوقت
🔵 سواء اساسك جيد او ضعيف رح يصير مستواك بالمواد عالي وتوب وتعرف تتوجه بالامراض وتطلب استقصاءات حسب كل مرض
🔵💥 تتضمن الفيديوهات أسئلة مرفقة داعمة ١٠٠ سؤال مع حالات يوورلد مترجمة حوالي ٣٠ حالة وملف للمصطلحات الطبية وملفين بنوك أسئلة MRCP+UWORLD
🔵 المتوفر من الكورسات حاليا لمواد الكتلة الأولى كلشي عدا الكبد والجلدية (ليتوفرو قريبا)
🔵 رح اجهز مواد للكتلة التانية ان شالله قريبا جدا جدا 😌✅
اي وهيك ....لسا مستمر ان شالله😌💥🔥
بالتوفيق يارب ❤❤

تحت رغبة بعض الزملاء ....إعادة نشر
قناة كورس الصدرية المجاني هي رابطها عالتلغرام
إضافة لتواجد المحتوى كاملا عاليوتيوب عقناة الفريق ❤❤
https://t.me/PulmonologycoursewithNasser
المحتوى يشمل 99% من النوطة 💥🔥

جمعة مباركة ❤❤
خلصنا القلبية والهضمية ....وصلنا للصدرية
خطة دراستها
عنا ٦ ايام داخلية مع أطفال
من يوم السبت حتى الخميس
يوم اول اعراض سريرية واسترواح مع نص الربو
يوم ٢ تتمة الربو مع copd وتليف كيسي
يوم ٣ سل وذات رئة
يوم ٤ سرطان رئة مع أمراض رئة خيالية
يوم خامس وسادس تتمة ماتبقى من الداخلية مع أطفال صدرية 💥❤
🔵 الي معتمد كورسي الصدرية المادة بتخلص معو اقل من هيك كون رابط بيناتن ممتاز والأفكار ذاكرها تقريبا نفسها بين المادتين مع ذكر الاختلاف
🔵 بعتذر من البعض مافيني نزل تقسيم الخطة كاملة لكل المواد فرد دفعة لانو الهدف من الغروب هو الالتزام + اكيد مافي وقت اعمل خطة لكل شخص ودوما لتنزل الخطة قبل يوم او يومين حد أقصى  وشكرا لتفهمكم جميعا 💙💙
رابط غروب الكورس المجاني
https://t.me/PulmonologycoursewithNasser
رابط غروب خطة الدراسة للمتابعة
https://t.me/NasserBoss

مسا الخير
خطة مادتنا القادمة
#داخلية_كلية 👌❤☑️
بعد الصدرية التقيلة شوي رح نريح حالنا بمادة سهلة بسيطة وممتعة والها باع كبير سريريا واسعافيا (مافي اكتر من حصيات الكلية وقصور الكلية حاد واختلاطات المزمن ...)
عنا 5 ايام للكلية بمعدل 4 داخلية و1  أطفال
يوم اول تظاهرات مع قصور حاد
تاني يوم قصور مزمن مع نص الكبيبات
تالت يوم بقية للكبيبيات حتى الحصيات
رابع يوم انتانات بولية والاورام لنهاية  المادة
خامس يوم أطفال كلية

بالنسبة لكورس الكلية الخاص الي معلومات عنو
عدد الفيديوهات 6
المدة الإجمالية 5.5 ساعة شاملة لكل المادة وتنتهي ب٣ إيام فقط
أطفال كلية تنتهي بيوم أيضا

كل التوفيق ❤❤

اي وهيك شدو الهمة قربنا نخلص نص الدافيدسون🔥❤
غروب خطة الدراسة والمتابعة
https://t.me/NasserBoss

#غدية
إحدى أدوات الربط المتبعة بكورساتي 💪❤
كتير مهم نحفظن بجو تعداد

مرحبا ياجماعة ❤❤
ختام العمل مع الدفعة الغالية على قلوبنا الي كانت معنا ببداية انطلاقة الفريق
خطة دراسة الكتلة التانية
عنا ١٣ يوم
خطة الدراسة بين الكتلتين كالتالي :
جراحة عامة يومين
بولية +عظمية يوم ونص
عينية يوم
اذنية يوم
توليد يومين ونص
نسائية يوم ونص
تتمة الجراحات يوم ونص
جميع ماسبق مع الدورات هام جدا ولاحظو انو زودت ايام بلتوليد والنسائية لانو بعرف دوراتها تقيلة بدها يوم كامل

ببقي عنكن تلاتا اربعا

التلاتا نظرة سريعة لكلشي بالاحمر توليد ونسائية مع عامة مع نص الاذنية دون دورات

الاربعا إعادة عظمية لكلشي بالاحمر مع دوراتها
دورات العينية فقط
ماتبقى من الاذنية(هيك ضمنتو إعادة المادة مع دورات العينية شملنا العيادات بيومين الامتحان)
حل كم دورة شاملات بحيث تضمن مراجعة أسئلة الجراحات الصغرى من خلالها
دراسة ملاحظاتك مع مفضلة الدورات

طبعا هي خطة تقريبية وفيكن تعدلو عليها كيف بدكن
كل التوفيق ❤❤
د. ناصر جزه را...........فريق الميدبوس

مرحبا ياجماعة ❤❤
طولنا عليكم الغيبة بس التهيت شوي مع طلاب أيار وكنت عبجهز مفاجئة لمواد للكتلة التانية 🔥🔥
المهم هلا رح نكفي ماتبقى من مواد الكتلة الأولى ومادتنا القادمة هي اول العيادات #الجلدية ✌️🔥🔥✌️
مادة بصمية بحتة بالدرجة الأولى وعالحرف كون اسئلتها دقيقة 👌💪💙
تحتاج لدمج الباطنة مع الأطفال لانو مافي فرق كبير بين المرجعين مع الشوامل طبعا 😊🙈

#البنوك والشوامل تدرس كاملةً بالجلدية مع دورة حلب الأخيرة #هامة جدا كون نمط الأسئلة بتشبه اسئلة جامعة حلب
عدد الأسئلة ١٢
جلدية الأطفال هي عبارة عن كم معلومة وقليلة الأهمية لهيك ناخدها بالكورس
#هام تراجع قبل الامتحان بيوم حصراً لانو بتنتسى كتير 🤗✌️
رح ناخدها مع بعض ضمن كورس بعدد ساعات نموذجي مع أدوات ربط مميزة مع حزمة انكي شاملة لكل المادة ان شالله 😇😎❤
الكورس بلشت فيه اليوم وتم رفع اول فيديوهين تظاهرات سريرية مع الاورام الجلدية واضطراب التصبغات 💥💙
مادتنا القادمة ان شالله الكبد وهي ختام موادي بالكتلة الأولى
كل التوفيق 💙💙

السلام عليكم ❤❤
خطة المادة الخامسة من الداخليات
مادة الرثوية
عنا ٤ ايام داخلية مع يوم واحد تتمة أطفال ٢
من يوم الاربعا حتى الأحد
يوم اول الفصال للعظمي حتى الرثباني
يوم تاني الأمراض سلبية المصل ، أمراض النسيج الضام مع الذئبة
يوم تالت أمراض للعظام ونص التهاب الاوعية
يوم رابع تتمة أمراض التهاب الأوعية مع التظاهرات السريرية
يوم خامس أطفال

الي معتمد كورس الرثوية الخاص فبني المادة بتخلص ب٣ ايام والرابع أطفال بتحرق المادة حرق 💪❤
برجع بذكر بضرورة دراسة الدورات مع كل مادة ولا تؤجل لدور تاني
للانضمام لغروب الدراسة والمتابعة المجانية هاد الرابط الي بحب ينضم
صار خلصنا قلبية هضمية صدرية كلية وحاليا رثوية ثم دم
https://t.me/NasserBoss
بالتوفيق ❤

مهما كان اختصاصك..... لما تقرأ موضوع يا ريت تبدأ بما يلي :
بال Basic
سواء
Pathophysiology
لو داخليات
أو
Anatomy
لو جراحات
أفضل طريقة تفهم فيها أصعب موضوع
ويثبت معاك مدى طويل بإذن الله
عدا ذلك المعلومات لتصير تحت عنوان
Easy come, Easy go
وهي جزء من اهداف الكورسات الي مشتغل عليها بالكتلة الأولى 💪❤
انو نفهم المرض اصولاً ابتداء من الشيوع إلى الفيزيو السوية والمرضية إلى الملامح السريرية ومن خلالها منعرف شو نطلب استقصاءات للمريض وشو نشوف والعلاج تحصيل حاصل .....

اهم شي حتى تفهم الداخليات صح لازم تقارب المريض بشكل صحيح....المقاربة بالتعريف هي قصة سريرية مع فحص سريري ❤
القصة السريرية بالتعريف هو تحويل مصطلحات المريض العامية المرضية إلى مصطلحات طبية المتعارف عليها بالوسط الطبي .....وهاد شي بتطلب منك فهم وحفظ للأمراض والمصطلحات حتى تعرف تتوجه صح ....✅💪💙

الجمل الشائعة بكرا بتتعلم بالاختصاص ....في وقت بحر بالأختصاص .....الي اكبر منك بعلمك كلشي بالاختصاص .....هاد كلام حبر على ورق والله 👌💥
في تعليم اكيد بالاختصاص وتوجيه اكاديمي ببعض المشافي في سوريا ....بس التعلم السريري هو اجتهاد شخصي بالدرجة الأولى وكل ما كان أساسك منيح بالسنوات السريرية كل ما زاد راحتك بالاختصاص جزئياً والمهمة بتصير أسهل....🤞👍

كل التوفيق 💙💙

صباح الخير ياجماعة الخير ❤
بلشت من فترة بكورس الجلدية وبعتذر تأخرت عن العينة لضغط المناوبات والدوام
الكورس بأسلوب فكاهي جدا حلو ورح تبصمو المعلومات بطريقة عفوية لا ارادية 💪😎
هي عينة عن النخالية الوردية وفيها أداة ربط الي بشوف الفيديو يحط لايك عليه ويكتبلي هون شو المقطع الي سمعو و #بربح كود لكورس رثوية إو كلية لأول تعليق مع لايك 🤞🔥❤
المادة تقريبا شبه خلصتها وصلنا لنهاية الشرى.
بقي مادة وحدة رح نشملها من كورسات الكتلة الأولى وهي الكبد ومن ثم رح نبلش كتلة تانية بالتتالي....🔥🔥🔥
https://youtu.be/9e09SMQjwJA?si=sFvcbJi24YxRN0sH
كل التوفيق يارب ❤❤

بعد شوي بوست موجه الي حابب يبلش هلا وبدو يعتمد مصدر الميني بوس .....
شو المواد الي تدرس ميد وشو المواد الي تدرس ميني .....بحال حبيت اعمل مراجعة من الميني بعد دراستي للميد شو المواد الي بنصح فيها خاصة بعد الاحصائية الي نشرناها من فريق الميدبوس ❤
تابعو معي الي مهتم بالموضوع بما يخص الكتلة الأولى بعد شوي

السلام عليكم ❤
بوست طويل بس مهم جدا
بالنسبة لموضوع الدراسة من الميني بوس كتلة أولى
الحمدلله بتوفيق من الله متل مانزلنا بالاحصائية بالسكرينات مدى شمولية سلسلة الميني السلسلة المصغرة المشتقة من الميدبوس وبنسبة تقارب 94% بدورة أيار 2024 أصعب دورة وطني.
وهي للأمانة نسبة فاقت التوقعات حتى نحن كأعضاء فريق مع العلم العمل كان لضمان علامة مقبولة كحل اسعافي يرضي طالب حصل معو ظروف وماحسن يبلش بكير ومع هيك بفضل الله السلسلة المصغرة كانت بنفس مستوى سلسلة الميدبوس 🔥❤ وإن دل على شي فهاد دليل واضح بمدى التدقيق باستنخاب المعلومات الامتحانية المحورية للفحص الوطني من قبل مشرفي المواد .....🤞💪❤
بعد هي المقدمة الطويلة شوي اظن توضحت الأمور....
منجي للأسئلة المتكررة :
اذا درست ميني رح اضمن علامة عالية؟
شو المواد ادرسها ميد وشو المواد ادرسها ميني ؟
شو المواد اعيدها ميني بالمراجعة اذا كنت دارس ميدبوس مسبقا
بسم الله 💪❤.....
اول شي بعد المقدمة الي حكيتها فالموضوع صار أسهل حتى نستوعب الفكرة ....الميني شامل قولا واحدا والفرق عن الميد هو بالشروحات والاستفاضة المختصرة بالميني عن الميد وهي كافية لضمان علامة عالية رح اكتب وسطياً 90 بإذن الله 🤞💙✅.

طيب فيني اعتمد كل المواد ميني بوس ؟
للأمانة الي حابب يدرس كلشي ميني عادي جدا بإمكان الجميع يعمل هيك .....بس حسب ماشفت بالاختصاص من حالات اسعافية وصلت لنتيجة الكل بنصح فيها (وهي رأي شخصي )
اغلب الحالات الاسعافية عبتكون احتشاء عضلة قلبية نزف هضمي هجمات ربو وذات رئة وأمراض فقر دم وتثبيط سلاسل دموية وقصور كلية ....بالدرجة التانية بقية المواد
لهيك انا بفضل نضمن هي المواد سواء للامتحان سواء للاختصاص وهي تعتبر اساس الداخليات فينا نقول ونكون نوعا ما متوجهين فيما بعد.....
لهيك مواد ينصح بدراستها ميدبوس :
قلبية هضمية صدرية كلية دموية
بقية المواد رثوية انتانية عصبية غدية أطفال ٢ و ١ وجلدية كلها ميني بوس بس الجلدية تدرسو اخر دورة لحلب مهمة كتير
وان شالله هيك بتضمنو علامة + بناء اساس مقبول بالداخليات 💙
باختصار تاني شديد الي بدو #نجاح فقط يدرس كلشي ميني وصلى الله وبارك 😁😇😌
بالنسبة للاعادة من الميني بعد الميد متل ماحكيت يفضل إعادة ماسبق من الميني والباقي ميني او ميد بحال ملخصين منيح على نوطكم 💥🌸

بالنسبة لشمولية كورساتي من الكتلة الأولى:
باختصار شديد مادام المحتوى معتمد عالميد فأكيد رح تاخد شمولية الميدبوس نفسها 👌❤
فيني قلكم إنو الكورسات شاملة 100% لمحتوى #الميد_والميني بما يخص الكتلة الأولى بدورة أيار 2024
وهاد أيضا دليل على دقة التلخيص والشرح الموجود ضمن الفيديوهات وأهمية عدم حذف ايا معلومة امتحانية او فهمية بتهمنا كطلاب تخرج واختصاص ...... والي حضر الكورسات بيعرف اكيد عن مدى الشمولية فيها وشو عمنضيف فيها من ميزات.
واكيد الذاكرة السمعية والبصرية رح تكون عامل قوي مساعد الكم خلال دراستكم بالفيديوهات مع الميدبوس او الميني بوس ....
بإمكان الي حابب يعتمد ميني بوس يشوف محتوى الميدبوس من خلال الكورسات ويضيف شغلات حلوة فهمية على نوط الميني لتشملو محتويي الميد والميني ....
اي وهيك ....😎😇💙
بالتوفيق ❤❤

خطة مادة الدموية ❤
الداخلية السادسة
نهاية أصعب مواد الداخليات (٦ داخليات)
٦ ايام ٥ داخلية، ١ أطفال
من يوم الاتنين غدا حتى السبت القادم
يوم ١ فقر دم حتى الانحلال
٢ تتمة فقر الدم
٣ صفيحات ونزف
٤ خباثات
٥ منتجات الدم مع بداية الأطفال
٦ أمراض أطفال دم مع أمراض خبيثة  أطفال

مادة الجلدية تم الانتهاء منها ورفعها كاملة
عدد الفيديوهات 10 والمدة الكلية 6.5 ساعات شاملة لكل المنهاج مع إضافات هامة من منهاج الجامعات خاصة حلب وشرح دورات الجامعات من النوطة مع اادوات الربط المميزة
تم اضافة حزمة انكي الجلدية لدراسة المادة بطريقة التكرار
تم اضافة ملف لصور للأمراض الجلدية لحفظ آفات الأمراض. ❤