«А чаму не? Гэта не забаронена», — прэс-сакратар Пуціна Дзмітрый Пяскоў прызнаўся, што карыстаецца VPN.

Актуальная карта вайны ва Украіне пасля вызвалення Кіеўскай вобласці.

Франак Вячорка: Сярод ахвотных атрымаць візы шмат сваякоў чыноўнікаў і сілавікоў

Дарадца Святланы Ціханоўскай патлумачыў цяперашнія нюансы з атрыманнем беларусамі візаў, відаў на жыхарства ў краінах Еўропы і правядзеннем рэлакацыі.

https://nashaniva.com/?c=ar&i=287561

Без VPN — па гэтай спасылцы.

Інфармацыя пра раненне партызанаў пад Бабруйскам не пацвярджаецца. Рабочы рух: Напэўна, гэта ўкід

Ініцыятыва пракаментавала інфармацыю прапагандыста, што двух чалавек нібыта цяжка паранілі пасля падпалу рэлейных шафаў на чыгунцы.

https://nashaniva.com/?c=ar&i=287559

Без VPN — па гэтай спасылцы.

Крыніцы: На волю выйшлі топ-менеджары банка БелВЭБ, за іх заплацілі гіганцкі выкуп

Як стала вядома «Нашай Ніве», сёння на волю выйшлі затрыманыя топы БелВЭБа. Умовай выхаду стала «кампенсацыя шкоды» ў кратным памеры. Мацюшэўскаму, меркавана, удалося атрымаць на гэта грошы ў кіраўніка расійскага ВЭБа Шувалава. 

https://nashaniva.com/?c=ar&i=287562

Без VPN — па гэтай спасылцы.

Целы са знакамі катаванняў, трупы на вуліцах, брацкія магілы. Расійскія войскі пакінулі на Кіеўшчыне страшныя сляды 

Украінская армія і паліцыя ўвайшлі ў гарады, якія месяц правялі пад расійскай акупацыяй. Шмат разбурэнняў, шмат разрабаванага і сляды злачынстваў.

У Бучы, па словах мэра горада Анатоля Федарука, у брацкай магіле пахавалі 280 чалавек, але шмат трупаў яшчэ застаецца на вуліцах.

Па меры таго як вызваленыя раёны падключаюць да інтэрнэту і размініруюць, у сацсетках, СМІ і каналах з'яўляецца ўсё больш фота- і відэасведчанняў.

Глядзіце тут. АСЦЯРОЖНА, ТАМ СТРАШНЫЯ ФОТА

Уначы ракетныя ўдары былі нанесеныя па Адэсе

Улады горада пакуль не паведамляюць пра тое, што стала аб’ектам атакі. Вядома, што частку ракет збіла супрацьпаветраная абарона.

«Забіты з камерай у руках»

У Марыупалі загінуў літоўскі рэжысёр-дакументаліст Мантас Кведаравічус, паведаміў у фэйсбуку яго калега.

Аблога горада, які расійскія войскі планавалі заняць за некалькі дзён, працягваецца ўжо месяц.

На сайце Nashaniva.com таксама з’явілася магчымасць выказваць сваё стаўленне эмоцкамі

Заходзьце, выказвайцеся!

Нагадаем, што на сайце вы таксама заўсёды знойдзеце поўную карціну падзей.

Самы зручны VPN. Расказвае практык

Украінская кампанія «Энергаатам», аператар АЭС Украіны, заявіла, што ахову Чарнобыльскай АЭС (байцоў Нацыянальнай гвардыі Украіны), якіх узялі ў палон у першы дзень вайны, расійскія войскі вывезлі разам з сабой у кірунку беларускага Брагіна.

Калі вам нешта вядома пра ўкраінскіх палонных у Беларусі, вы бачылі іх ці маеце іншую інфармацыю, пішыце ў @Nasa_Niva_Bot

«Муж быў супраць Лукашэнкі, а Пуцін у яго ўсё робіць правільна». Як зараз жывуць пары, дзе муж беларус, а жонка — украінка 

Нядаўна з намі размаўляў беларускі вядоўца Іван Падрэз, чыя жонка родам з Харкава. Іх погляды супадаюць: сям’я не падтрымлівае вайну. Але як у іншых такіх парах складваюцца адносіны? Пагутарылі з некалькімі сем’ямі, дзе муж — з Беларусі, а жонка — з Украіны. Ці наадварот. 

https://nashaniva.com/?c=ar&i=287567

А калі вы яшчэ не маеце VPN, то тут.

Рэцэпт на выхадныя: сальтымбока — традыцыйная рымская страва

Saltimbocca alla romana — гэта традыцыйная страва рымскай кухні, вельмі простая ў прыгатаванні. Назва «сальтымбока» перакладаецца з італьянскай мовы як «скокні ў рот!», страву рэкамендуюць есці максімальна гарачай. Звычайна для сальтымбокі выкарыстоўваюць цяляціну, але ў нашым рэцэпце яна робіцца з больш традыцыйнай для беларусаў свініны. 

https://nashaniva.com/?c=ar&i=285110

А калі без VPN, то тут.

Запусцілі сайт-навігатар па аўдыякнігах на беларускай мове і беларускіх аўтараў

На audiobooks.by можна знайсці як сучасную літаратуру, так і класічную. Ёсць дзіцячыя творы. Сайт не змяшчае самі кнігі, а дае спасылкі на пляцоўкі, дзе іх можна паслухаць альбо набыць.

Беларускі тэлеграм-праект @Hajun_BY апублікаваў 3-гадзінны запіс з відэакамеры, як расійскія вайскоўцы высылаюць поштай з Мазыра нарабаванае ва Украіне

Тэлевізары, кандыцыянеры, электрасамакат, алкаголь з цэннікамі, відэакарты, выцяжкі, акумулятары. У адным з момантаў можна заўважыць баўл з украінскага ГЦ «Эпіцэнтр».

На відэа ў вайскоўцаў відаць шаўроны 56-га гвардзейскага дэсантна-штурмавога палка ВС РФ, які дыслакуецца ў Феадосіі.

https://www.youtube.com/watch?v=6vyY4rnJ7lA

Расіяне стралялі, каб разагнаць дэманстрацыю ўкраінцаў у акупаванай Кахоўцы

Украінцы скандавалі «Домой», праходзячы паўз расійскія кардоны.