{رفقاً بالقوارير}🎀🫧
1.81K subscribers
40 photos
34 videos
1 file
19 links
أخفِيكم سرًّا…
أخاف أن يعجب أحدهم بكلماتي فيفتن بي، وأنا عند الله لا شيء، وأعلم ضعفي وتقصيري.
أتمنى أن يُقال عني بعد موتي:
"كانت تُذكرنا بالله وتمنحنا الأمل."
اللهم اجعل قناتي صدقة جارية وأثرًا طيبًا لا يُنسى🤍.
الـمالك: @Nona002
الـسايـت: @Nona002_bot
Download Telegram
This media is not supported in your browser
VIEW IN TELEGRAM
بسم الله حنبدوا نحكوا على أحداث ليلة اسراء ومعراج الرحلة في أجزاء كل ليلة ناخذوا جزء منها ونعيشوا مع تفاصيلها من بداية الرحلة المباركة إلى نهايتها
🌟🌟🌟
Please open Telegram to view this post
VIEW IN TELEGRAM
❤185💘31
This media is not supported in your browser
VIEW IN TELEGRAM
القصة إسراء والمعراج

قبل ما نبدأ القصة علاش تسمّت الإسراء والمعراج؟ وفي أي يوم صارت؟
في ليلة من أعظم ليالي الإسلام صارت معجزة عظيمة للنبي محمد ﷺ، رحلة ما كانتش زي أي رحلة، رحلة أكرمه الله بيها، وكانت فيها آيات عظيمة من قدرة الله سبحانه وتعالى.
لكن قبل ما نحكوا تفاصيلها خلّونا نفهموا علاش تسمّت الإسراء والمعراج.
🌟الإسراء: معناها السير ليلًا، وسُمّيت هكي لأن الله أسرى بنبيّه محمد ﷺ ليلًا من المسجد الحرام في مكة إلى المسجد الأقصى في القدس.

🌟المعراج: معناها الصعود والارتقاء، وسُمّيت هكي لأن النبي ﷺ عُرج به إلى السماوات العُلا، وشاهد من آيات الله الكبرى.

أما في أي يوم صارت؟ فالمشهور عند الناس إنها كانت ليلة 27 من شهر رجب، لكن تاريخها الدقيق مش ثابت بدليل صحيح متفق عليه، والعلماء اختلفوا في تحديده.


ليلة الجبر بعد الحزن فقد زوجته السيدة خديجة رضي الله عنها، اللي كانت سندًا وراحة لقلبه، وفقد عمّه أبا طالب اللي كان يحميه من أذى قريش.
وحتى لما مشى للطائف يدعو أهلها إلى عبادة الله، ما لقى منهم القبول اللي كان يرجوه.
تخيّلوا معاي قداش كانت الفترة هذي صعبة، وقداش كان النبي ﷺ محتاجًا إلى تثبيت من ربّه، وهو اللي كان يحمل همّ هداية الناس، ويدعوهم للخير رغم كل اللي يلقاه منهم.
لكن ربي سبحانه وتعالى ما ينساش عبده، وما يضيعش صبره.
وفي وسط هالظروف الصعبة، أكرم الله نبيّه ﷺ بمعجزة الإسراء والمعراج، رحلة عظيمة فيها تسلية لقلبه وتكريم له، وآيات تبيّن قدرة الله سبحانه وتعالى. ويُعتقد أن الرحلة وقعت قبل الهجرة إلى المدينة، بعد فترة من الشدائد التي مرّ بها النبي ﷺ.
قال الله تعالى:

سُبْحَانَ الَّذِي أَسْرَىٰ بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا ۚ إِنَّهُ هُوَ السَّمِيعُ الْبَصِيرُ

وهكي بدأت واحدة من أعظم الرحلات في تاريخ الإسلام؛ رحلة أسرى الله فيها بنبيّه ﷺ ليلًا، ليريه من آياته الكبرى.
لكن شن صار لما وصل النبي ﷺ إلى المسجد الأقصى؟ وشن اللي صار في السماوات العُلا؟ وشن العلاقة بين المعراج والصلوات الخمس؟ نكملوا القصة غدوا بإذن الله، مش هنعقد عليكم، ولو وصلتوا لهني صلّوا على النبي ﷺ، اللهم صلِّ وسلم وبارك على سيدنا محمد
🌟🌟🌟
Please open Telegram to view this post
VIEW IN TELEGRAM
❤699💘211
This media is not supported in your browser
VIEW IN TELEGRAM
﴿ فَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾

سبحان الله
الحمد لله
ولا إله إلا الله
والله أكبر
ولا حول ولا قوة إلا بالله
واستغفر الله العظيم واتوب اليه

🌟🌟🌟
Please open Telegram to view this post
VIEW IN TELEGRAM
💘45❤10432
This media is not supported in your browser
VIEW IN TELEGRAM
{رفقاً بالقوارير}🎀🫧
القصة إسراء والمعراج قبل ما نبدأ القصة علاش تسمّت الإسراء والمعراج؟ وفي أي يوم صارت؟ في ليلة من أعظم ليالي الإسلام صارت معجزة عظيمة للنبي محمد ﷺ، رحلة ما كانتش زي أي رحلة، رحلة أكرمه الله بيها، وكانت فيها آيات عظيمة من قدرة الله سبحانه وتعالى. لكن قبل ما…
قصة الإسراء والمعراج | الجزء الثاني

لما أسرى الله سبحانه وتعالى بنبيّه محمد ﷺ ليلًا من المسجد الحرام في مكة إلى المسجد الأقصى في القدس في رحلة عظيمة مليانة بالآيات والمعجزات.
لكن توا السؤال شن صار لما وصل النبي ﷺ إلى المسجد الأقصى؟ وشن شاف في السماوات العُلا؟ وكيف فُرضت علينا الصلوات الخمس؟
كيف وصل الرسول ﷺ إلى المسجد الأقصى؟

بعد ما أذن الله سبحانه وتعالى لنبيّه محمد ﷺ بهذه الرحلة العظيمة، جاءه جبريل عليه السلام بالبُراق، وهو الدابة اللي أكرم الله بها نبيّه في رحلة الإسراء.

وتعالوا نتعرّفوا على شكل البُراق من وصف الرسول ﷺ نفسه، فقد جاء في صحيح مسلم أنه قال:

«أُتِيتُ بِالْبُرَاقِ، وَهُوَ دَابَّةٌ أَبْيَضُ طَوِيلٌ، فَوْقَ الْحِمَارِ وَدُونَ الْبَغْلِ، يَضَعُ حَافِرَهُ عِنْدَ مُنْتَهَى طَرْفِهِ».


شن معناها الكلام هذا؟

يعني إن البُراق دابّة بيضاء اللون، حجمها أكبر من الحمار وأصغر من البغل، ومن سرعة خطوتها إنها تضع حافرها عند أبعد مسافة يصل إليها بصرها، وهذا من عظيم قدرة الله سبحانه وتعالى.

النبي ﷺ يركب على البُراق، وجبريل عليه السلام معاه، وينطلقوا في رحلة مباركة من مكة المكرمة إلى المسجد الأقصى في القدس، في وقت قصير بقدرة الله سبحانه وتعالى، رغم إن المسافة بينهما بعيدة جدًا
المسافة بين المسجد الحرام والقدس عبر الطرق البرية تقارب 1,500 إلى 1,700 كيلومتر يعني الإنسان لو يمشي كل يوم 30 كيلومتر، ممكن يحتاج قرابة شهرين باش يوصل!

سبحان الله! رحلة عظيمة تبيّن لنا إن قدرة الله سبحانه وتعالى فوق كل شيء، وإنه إذا أراد شيئًا فإنما يقول له كن فيكون.
شن أول حاجة دارها النبي ﷺ لما وصل؟ النبي محمد ﷺ وصل إلى بيت المقدس، وجبريل عليه السلام معاه، بعد رحلة عظيمة من مكة المكرمة إلى القدس بقدرة الله سبحانه وتعالىوجاء في الحديث الصحيح إن النبي ﷺ قال إنه وصل إلى بيت المقدس، وربط البُراق في الحلقة اللي كان الأنبياء يربطوا فيها دوابهم، وبعدها دخل المسجد وصلّى فيه ركعتين سبحان الله! وصل النبي ﷺ إلى هذا المكان المبارك وصلّى فيه، ثم بدأت أحداث عظيمة من رحلته المباركة ورد في رواية صحيحة عن النبي ﷺ أنه قال
«ثُمَّ أَتَيْتُ عَلَى مُوسَى وَهُوَ قَائِمٌ يُصَلِّي فِي قَبْرِهِ»

وجاء في رواية أخرى في صحيح مسلم أنه ﷺ قال
«وَإِذَا أَنَا بِمُوسَى قَائِمٌ يُصَلِّي».

وبعدها نواصلوا مع النبي ﷺ رحلة المعراج إلى السماوات العُلا وين التقى بعدد من الأنبياء وشاف آيات عظيمة من آيات الله سبحانه وتعالى
🌟🌟🌟
Please open Telegram to view this post
VIEW IN TELEGRAM
❤537💘322
This media is not supported in your browser
VIEW IN TELEGRAM
مش كل خطوة تبعدك عن ربي تحسّ بيها من أول مرة مرات تبدأ بتأجيل صلاة وبعدها تهاون في الطاعةوبعدها تلقى قلبك ولى بعيد وأنت مش حاسّ.

الشيطان يزيّنلك الغلط ويقولك ما زال عندك وقت لين تلقى روحك غارق في الذنوب وتارك الطريق اللي يرضي ربي.

قال الله تعالى:
﴿وَمَن يَعْشُ عَن ذِكْرِ الرَّحْمَٰنِ نُقَيِّضْ لَهُ شَيْطَانًا فَهُوَ لَهُ قَرِينٌ﴾

والمقصود هنا الشيطان اللي يوسوسله ويزيّنله المعصية.
يعني اللي يُعرض عن ذكر الله يحذّرنا ربي من أن يلازمه الشيطان ويزيّن له الغلط حتى يظنّ إنه ماشي صح وهو يبتعد عن الحق.
وتأكد إن الشيطان اللي يتبعك اليوم ويزيّنلك المعصية، يوم القيامة بيتبرأ منك ويقولك: أنا دعوتك بس، وإنت اللي استجبتلي!

قال الله تعالى:
﴿وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدْتُكُمْ فَأَخْلَفْتُكُمْ ۖ وَمَا كَانَ لِيَ عَلَيْكُمْ مِنْ سُلْطَانٍ إِلَّا أَنْ دَعَوْتُكُمْ فَاسْتَجَبْتُمْ لِي ۖ فَلَا تَلُومُونِي وَلُومُوا أَنْفُسَكُمْ﴾

ما تتبعش خطوات الشيطان وتنسى ربك لأن اللي يدعوك للمعصية اليوم، هو نفسه اللي حيتبرأ منك غدوة.
اللهم ثبّت قلوبنا على طاعتك وارزقنا حسن الخاتمة

🌟🌟🌟
Please open Telegram to view this post
VIEW IN TELEGRAM
❤574🍓2💘1
This media is not supported in your browser
VIEW IN TELEGRAM
This media is not supported in your browser
VIEW IN TELEGRAM
رسالة لكل شخص يقسو على والديه:

مهما كانت الخلافات بينك وبين أمك أو بوك، حاول ما تخليش الغضب يخليك تجرحهم بكلمة أو تصرّف تندم عليه بعدين.
تذكّر إن فيه ناس تتمنى لو عندها أم أو أب، وناس كل أمنيتها تسمع أصوات والديها مرة ثانية. وفيه ناس عندها هالنعمة، لكن للأسف ما تعرفش قيمتها إلا بعد فوات الأوان.
عامل والديك بالرحمة والاحترام، واختار كلامك معاهم، فالعمر يمشي والأيام ما ترجعش، ومش كل اعتذار نقدروا نقدموه في الوقت اللي نبوّه.
ما تستناش الفقد باش تعرف قيمة الوجود، وما تستناش الندم باش تتعلّم الرحمة. 🤍

ربي يحفظ والدينا، ويعيننا على برّهم والإحسان إليهم، ويرحم كل من فقد والديه.
❤27194
This media is not supported in your browser
VIEW IN TELEGRAM
كان فيه أمانان يحموك من أي عذاب وهّم وضيق
أمان كان مع الرسول ﷺ
وأمان قعد معاك انتِ لتوا في يدك، تقدر تستخدمه في أي لحظة شنهوا ؟؟

﴿وَمَا كَانَ اللَّهُ لِيُعَذِّبَهُمْ وَأَنتَ فِيهِمْ ۚ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ﴾

🌟وَمَا كَانَ اللَّهُ لِيُعَذِّبَهُمْ وَأَنتَ فِيهِمْ
يعني مستحيل ننزل عليهم عذاب استئصال زي الأمم اللي قبلهم، وانت يا محمد موجود بينهم، إكراماً ليك وهاذي كانت الأمان الأول.
🌟وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ
وهاذي الأمان الثاني اللي قعد لينا ليومنا هذا بعد ما توفى الرسول ﷺ. يعني طول ما الناس تستغفر، ربي مش حيعذبهم لا في الدنيا ولا في الآخرة.
استغفر الله عظيم واتوب اليه
🌟🌟🌟
Please open Telegram to view this post
VIEW IN TELEGRAM
❤64145💘21
This media is not supported in your browser
VIEW IN TELEGRAM
ستبقي ضائعة إلا أن تصلي
ستبقي حزينة إلا أن تصلي
ستبقي تائهة إلا أن تصلي
فالصلاة ليست واجباً فقط
بل هي طريقك للنجاة

🌟🌟🌟
Please open Telegram to view this post
VIEW IN TELEGRAM
❤71743💘1
This media is not supported in your browser
VIEW IN TELEGRAM
{رفقاً بالقوارير}🎀🫧
قصة الإسراء والمعراج | الجزء الثاني لما أسرى الله سبحانه وتعالى بنبيّه محمد ﷺ ليلًا من المسجد الحرام في مكة إلى المسجد الأقصى في القدس في رحلة عظيمة مليانة بالآيات والمعجزات. لكن توا السؤال شن صار لما وصل النبي ﷺ إلى المسجد الأقصى؟ وشن شاف في السماوات العُلا؟…
قصة الإسراء والمعراج | الجزء الثالث

المعراج للسماوات العُلا وفرض الصلاة🤍

توا بعد ما النبي ﷺ صلى في المسجد الأقصى إمام بالأنبياء كلهم وهادي بروحها معجزة كبيرة وتبين إن النبي ﷺ هو خاتم الأنبياء وإمامهم بدت الرحلة اللي أكبر وأعظم اللي هي المعراج.

شنو هو المعراج؟
المعراج زي الدروج أو السلم ركب عليه النبي ﷺ هو وجبريل عليه السلام من المسجد الأقصى وطاروا بيه للسماوات الفوقية وكل هذا بقدرة ربي سبحانه وتعالى.

شن صار في السماوات؟؟؟

لما وصلوا للسماء الأولى جبريل عليه السلام دق الباب قالوله الملائكة: من؟ قال: جبريل، قالوله: ومن معاك؟ قال: محمد ﷺ، قالوله: وهو انبعث؟ قال: نعم، ففتحولهم الباب.

كيف فيه باب في السما؟؟ صح؟

هنحكيلك شن يعني باب السماء
السما مش فراغ وخلاص هي بناء عظيم ربي بانيه وكل سماء عندها باب حقيقي وعليه حرس من الملائكة.

الله وسبحانه وتعالي قال
{وَالسَّمَاءَ بَنَيْنَاهَا بِأَيْدٍ وَإِنَّا لَمُوسِعُونَ﴾

والأبواب هادي ما تنفتحش لأي حد إلا بإذن من ربي.

حتى لما يدعي الواحد دعاء و عمله صالح يرقى تفتحله أبواب السماءولو عمله مش صالح ولا هو كافر، ربي قال:
{لَا تُفَتَّحُ لَهُمْ أَبْوَابُ السَّمَاءِ}

وهكي صار في كل سماء، يعني 7 بيبان انفتحت للنبي ﷺ تكريماً ليه ولا واحد يقدر يركب للسما إلا بإذن

وتوا تعالوا نشوفوا منو قابل النبي ﷺ في كل سماء:
🌟في السماء الأولى:قابل سيدنا آدم عليه السلام سلم عليه وفرح بيه وقاله: مرحبتين بالابن الصالح والنبي الصالح.

🌟في السماء الثانية: قابل عيسى ويحيى عليهما السلام، ولاد خالة بعضهم، حتى هما رحبوا بيه.

🌟في السماء الثالثة: قابل يوسف عليه السلام، اللي ربي عطاه نص جمال الدنيا سبحان الله!

🌟في السماء الرابعة: قابل إدريس عليه السلام.

🌟في السماء الخامسة: قابل هارون عليه السلام.

🌟في السماء السادسة: قابل موسى عليه السلام.

🌟في السماء السابعة: قابل إبراهيم عليه السلام وكان متكي على البيت المعمور والبيت المعمور هذا مكان في السماء السابعة يخشوله كل يوم سبعين ألف ملك يصلوا فيه ومعاش يرجعوله بكل ليوم
🌟🌟🌟
Please open Telegram to view this post
VIEW IN TELEGRAM
❤5365💘2