انه بخضم سكري وتدك باب البال
شلي بال صافي وماعلي تطره!!

حيدر الحمداني

حظر تجوال
وانت بروحي
رايح راد ..
متعافي بغواك
ولا إلك رداد ..

لطيف العامري

أنه هذا
بـ گلبي مو بـ چفوفي ادگ نوبات بابك


جوآد زغير

لو ...
چاشيصير
لو يومين
من عمر النده الخدران بسنينك
يتبدن على سنيني ..
هلبت بالرماد
الركد بالخمسين
نبضة نار
تچوي برودة الفرگه
بشراييني .
هلبت
والسنين يردنّ حديثات
وأحچيلك الماگلته
وأگلك
لاوحک انت
وحگ كل گمر صاحبته
وحگ
عمري الفلا عشته
أطشر سنيني
الملگاك
واتلگه النده بسكته

لطيف العامري

ظمني بروحك
حتى من اموت الكاك يمي


مرتضى الغزي

‏طحت
من عيني
طيحت
محبس
السطاي
لا ينشد عليه ولا يردله اردود ..


عمار سالم

لا ترد بيه لدربهم
جيت منه اوحيد بس دمعي يزتني




كاظم إسماعيل الكاطع

عودتني البيه ينزل بس عليك

ضيع دخان بضباب
وسدلي عيني وهم اجيك

علمت روحي اشتهيك

فواز رشم

واجيت ومو بوكتك
جيتك شتضيف
كتلي
انطيني شاهد
هاك شاهدهن

هيبتها الجرايد ب اول المصباح
ويصفن للمسح لو فات موعدهن


سعد شميل

ردينه
منهم نضحك
ونلم حزنه اعله الروس ...!


محمد الشمري

انه الباسوا عيونه وفاركوهن

حميد جاسم

شحلاتك من تحط نجمه آعلى شباجي ..

وآعصر لك مناديلي ..

وراويك آشكثر باجي ..


عبد الكريم القصاب

طشرتني وارد المك
جيت من اخر يتم بيه ارد اشمك
جيت للمحراب تايب
ردت ارتل سورة اللهفة اعله جسمك
وتضل انت التعذبني واغنيلك
ويجي غيرك يدللني
وارد اردود اصليلك

باسم الخاقاني

انه بلياك گلبي شما يدگ يبرد

عريان السيد خلف

يا حبيبي ..

هواي حبيت الأغاني
البيها چلمات العشك تاخذني لـ اسمك

يا حبيبي
منين ما ادير العمر الكاني احبك

طارق بريسم

مانمت كلش قلق كَلبي لزم كَلبه
ها راح احبه صدگ... !!
بطلت ماحبه!!
بنص النقاش وفتت
واستسلمت من شفت
دم وضباب وثلج ملتمه على الركَبه


امير فاهم

انه إشما جاسني الضيم وتعداني ومشه بيه
انه بچف ابيض إمسّير على الدنيا

رياض ابو شبع

يبني صبرك
خلي بسمار الدرب نابت برجلك لاتشلعة
يمه ضل لابس حديدك لاتمل منه وتنزعة


كاظم إسماعيل الگاطع

بيع روحك
قابل آنت أول إنسان يبيع روحة

عبد الحسين الحلفي

اچيـک بـ كل تعال الضالـه بـ گلبـي •
وأردن ليـش . ..

امجد الحلفي

حزن بينه
سمار الناس يچوينه..
نهر بولاية العميان مرينه..!
الوطن وينه..؟
الوطن وينه..؟؟!
عمر ناگص شعب مذبوح ردينه..!!!
بعد بينه...
بعدنه انطيح من نعثر
بعدها جروح المعرسين تابوت ونذر تفتر..!!
عرس خرسان ما خضر..
حزن عنبر
شهگ منحر
مشه بحزنه اليحب الله
صعد والدم صور طوله
نزل ويه المطر للناس هلهوله
ويگلوله
بعد بينه
بعد بينه..!!

احمد فشلان