حياتك مُلكك لاتخلي احد يشاركك بيها

الا اذا كانت حياته ملكك .

شوية انانية

‏وضميت الجگاير للسفر صحبان
وصاحب عگب صاحب خلص الباكيت !


كاظم اسماعيل الكاطع

اعيونهم
صارت گزاز
بكل جفـن يندله حلمك..!

وانته يلمجروح
خاف احچي والچمك..!


كاظم اسماعيل الكاطع

غشيم وخوّفوني بيك ،

كَالولي اليحب يموت يوميّه .

شحلاتك وشحلاة الموت يوميّه !

كاظم اسماعيل الكاطع

حبيبي كون أشمّك شَّم
من گمرة جبينك وأهبط إردود
وطولك ما تشحّده احدود
وحنين الروح ما ينگاش وأحنه إثنين
لا واحد لگه روحه وصفه واحد
أخذ منه الدهر حيفه ولوه أيامه التعب



علي الشباني

مسودن وادور بالهوى نسمة اعله شعرك فايته

نهاد الخيگاني

انة حتى بمشيتي ما مأذي الگاع
الجدم مثل اللسان ومأحب يغلط

سعد شميل

جيتك والعتب بالعين

عتب عاشك بحنيه

واكلك هجـرك اسوى لون ادري فلا اهـوا.!


كاظم الــٌرويعي

حتى نسيانك حلو يذكرني بيك …!!


عبدالحسين الحلفي

يا ذاك القريب التسمع الرمشة


حيدر النوري

ولك صدري إعلة صدرك .. گمر بالماي


عزيز السماوي

لميت كل حرگة جفه ومنك هواي تحملت..!


عريان السيد خلف

صير اوياي عاشگ لاتظل معشوگ
وتسودن عليه ولاتظل حبـاب

واشتاگ اعله حيلك
كون من تشتـاگ

مثلي الباب ادفعه ولاتدگ الباب

سعود الخفاجي

ادور بيـك عـن مـلگاي

ذياب كزار

ويا حسرتي الطولت
ومگظي ليل اجفاك سكتة..

صابر وذوب سواد العين
صبري وما جزعتة..

وأنتَ أبد ما چنك أنتَ...!!


عريان السيد خلف

وانت تدري
تدري كل ليله
بغيابك ينهدم ثلثين عمري..!


كاظم عبد الجبار

اذا منعوا صلاة الكاس
اطوف شفايفك وسكر
واكاسر شوفي بعيونك
لماهيس الجفن يخدر
واشم من منحرك روحي
وخالط منحر بمنحر
لما احس الهوى كزبر
وسمارك يشتعل تحمر
يشنهو انت
عنبر مستوي مهدر
شكر بمرورتي اطشر
ديرم عالسان اسعر
وشلك بيه
الك بيه ركش فاله ونكش خنجر
مرض واستاهلك واكثر
كسر بس لاتظن يجبر

سوادين ولفايف صوف
وحروز وسريد اثياب واتضغبر
وملامة وين المعثر
وبعدبيه
خلعت اعرافهم
غيمه شحيحه وطاحت اعله البر

عدنان البركي

گالـولـي رجٍّـع ضحڪتَك
گلتلـهم ودمعـي .!؟

فاضل حسن

وانت بكل كتر بعضاي الك طعنات



عطا السعيدي

واگلك لمني واحييني
واخذني من الرماد انسان عايزلك
من باگوا عيونه الناس بچه من خصرك لخدك



بسام عبد الكريم

تگـلي ويـنك انت وسـطك انـه


عريان السيد خلف⁩