Namaz Course (Part-268)

Musafir Ki Namaz :

Safar Ke Dauran Raste Me Namaz Qasar Karenge Ya Nahi.!?

Traveling Ka Jo Safar Hota Hai Misaal Ke Taur Par Aap Bangalore Se Bombay Ja Rahe Hain Aik Mahine Ke Liye To Ab Bombay Ka To Aap Ko Pakka Pata Chal Gaya Ki Aik Month Rukna Hai To Bombay Watane Iqamat Ho Gaya To Wahan Pahunch Kar Puri Namaz Padhege.

Lekin Ye Jo Safar Hai Traveling Ke Dauran aap Namaz Qasar Karenge Ya Nahi Ye Question Aata Hai.? To Iska Hukm Ye Hai Ki Safar Ke Daoran Agar Woh Safar 92 km Ya Isse Zyada Ka Hai To Aap Safar Ke Daoran Raste Me Namaz Qasar Karege Lekin Jaise Hi Bombay Aap Pahunch Jayenge To Wahan Se Namaz Puri Padhenge. To Jo During Travel Hota Hai Wahan Par Aap Ko Qasar Karni Hai Jabki Aap Ka Destination 92 km Ya Usse Zyada Ki Doori Par Ho Ye Hai Masla.

Continue...

https://t.me/Namaz_Course
👨‍💻 ៚ Ubaid e Raza Official

Namaz Course (Part-269)

Musafir Ki Namaz :

Sharai Musafir Ka Musalsal Aur Muttasil Safar :

Kabhi Aysa Hota Hai Ki Hum 2-3 Din Ruk-Ruk Kar Alag-Alag Jagah Jate Hain Misaal Ke Taur Par Bangalore Se Aap ek Shaher Ja Rahe Hain Jo Takriban 50 Km Hai Wahan Par 2-3 Din Rukenge Fir 50 Km Ki Doori Par Aik Aur Shaher Me Jayenge Wahan Par Bhi 2-3 Din Rukege To Isme Qasr Karenge Ya Puri Padhenge.!?

Kyun Ke Aap Dekhen Ye 3rd City Aap Ke Shaher Se To 100 Km Ki Doori Par Ho Gaya To Isme Ye Dekhenge Ki Agar Aap Aik Jagah Stop Ho Rahe Hain Aur Wahan Par 2-3 Din Ka Stay Hai To Aap Ke Shaher Se Le Kar Jo First Shaher Aap gaye Woh Sirf 50 Km Ki Doori Par Hai To Yahi Dekha Jayega, Ye Nahi Dekhenge Ke Ab 2-3 Ke Baad Aik Aur Shaher Jana Hai Aisa Nahi Hai.. Aap Ke Shaher Se Yahan Tak Kitna Tha.? 50 Km Tha Aur 50 Km Par Sharai Safar Ka Hukum Nahi Hota To Aap Namazen Poori Padhenge. Isi Tarah Aur 50 Km Aage Gaye Wahan Par 2-3 Din Rahe Bhale Aap Ke Shaher Se Pura 100 Km Ban Raha Hai Lekin Jahan Se Aap Ruk Kar Aaye They Wahan Se Sirf 50 Km Hai Na Yahan Par Bhi Aap Namazen Puri Padhenge Qasar Nahi Karenge.

Continue...

https://t.me/Namaz_Course
👨‍💻 ៚ Ubaid e Raza Official

Namaz Course (Part-270)

Musafir Ki Namaz :

Sharai Musafir Ka Musalsal Aur Muttasil Safar :

Aik Aur Misal : Misal Ke Taur Par Aap Ki Friend Hain Unki Shadi Hai Unka Ghar 50 Km Ki Doori Par Hai Ab Aap Ja Rahe Hain To 2-3 Din Ruk Rahe Hain Lekin Aap Ka Safar 50 Km Ka Hai Aap Wahan Par Ruk Rahe Hain Lekin 92 Km Nahi Hua Hai Isliye Aap Wahan Par Poori Hi Namaz Padhenge Aur Fir Wahan Se Dulhe Ka Ghar Aur 50 Km Doori Par Hai Aap Ko Waleeme Ke Liye Ab Udhar Jana Hai To Aur 50 Km Aap Gaye To Jahan Par Aap Ruke They Dulhan Ke Ghar Se Dulhe Ka Ghar 50 Km Ki Doori Par Hai To Wapas Fir Sirf 50 Km Ki Doori Par Hi Aa Raha Hai Yani Sharai Safar Nahi Hai Raha Hai Aap Ka To Fir Aap Namaz Poori Hi Padhenge Ye Nahi Kahenge Ki Main Jo Mangalore Se Aai Hoon To Poora 100 Km Hai 50 Km Dulhan Ka Ghar Fir 50 Km Pe Dulhe Ka Ghar Hai To Ye Ab 100 Km Ki Doori Par Main Aa Gai Hoon To Ye Aap Nahi Check Karenge.

Aap Ne Pahle Jahan Stop Kiye Woh Kitne Km Hai Dulhan Ka Ghar.? 50 Km Hai Jo Sharai Safar Nahi Hai To Aap Poori Namaz Padhenge Iske Baad Dulhe Ke Ghar Waleeme Ke Liye Ja Rahe Hain Woh Bhi 50 Km Par Hai Dulhan Ke Ghar Se To Ye Bhi Sharai Safar Nahi Hua To Iske Liye Aap Ko Dulhe Ke Ghar Me Bhi Puri Hi Namaz Padhna Hai Agar Aap Mangalore Se Direct Dulhe Ke Ghar Ja Rahi Hain 100 Km Hai To Fir Aap Ko Qasar Karna Hota.

Continue...

https://t.me/Namaz_Course
👨‍💻 ៚ Ubaid e Raza Official

Namaz Course (Part-271)

Musafir Ki Namaz :

Kabhi Kabhaar Aisa Hota Hai Ki Aik Place Se Dusre Place Tak Kai Road Jate Hain Misal Ke Taur Par 1, 2 Road Se Aap Jayenge To Wahan Par Sharai Safar Nahi Banta 50, 70 Km Ho Raha. Doosri Taraf Se Aap Ghoom Kar Ja Rahe Hain To 100 Km Ho Raha Hai To Ab Kya Karenge.? To Jis Bhi Road Se Aap Ja Rahe Hain Uska Hisab Lenge Agar 50 Km Wale Road Se Jayenge To Namaz Poori Padhenge 70 Km Wale Road Se Jayenge Tab Bhi Namaz Poori Padhenge 100 Km Wale Road Se Jayenge To Fir Namaz Qasar Kar Ke Padhenge To Jis Road Se Aap Ke Jane Ka Irada Hai Us Hisab Se Hi Aap Ko Apne Namaz Ka Hukum Lena Hai Ki Qasar Karna Hai Ya Poori Padhna Hai.

Continue...

https://t.me/Namaz_Course
👨‍💻 ៚ Ubaid e Raza Official

Namaz Course (Part-272)

Bigair Mehram Ke Sharai Safar Par Jana.!?

Aur Islami Bahne Jab Bhi Sharai Safar Par Jayengi To Unke Sath Mehram Ka Hona Zaroori Hai Bigair Mehram Ke Jayengi To Pure Safar Me Gunahgar Hote Rahengi Fir Chahe Woh Kareeb Ke Gao Me Jaye Chahe Door Ke Gao Me Jaye Chahe Hajj Ke Liye Jaye Chahe Umrah Ke Liye Jaye Kisi Ke Liye Bhi Jaye Jab Tak Mehram Na Ho Sharai Safar Par Islami Bahen Akele Nahi Ja Sakti Chahe Kisi Bhi Type Ka Journey Ho Plane Ka Ho, Train Ka Ho, Car Ka Ho Us Plane Me Bas Aap Ke Sath Security Officers Ho, Chahe Aap Ke Sath Bahut Sari Paak Saaz Aurten Ho Kuch Bhi Ho Aap Nahi Ja Sakte Iski Ijazat Shariat Ki Taraf Se Nahi Hai.

Mehram Kahte Kise Hain Ye Main Aap Ko Sitre Aurat Ke Lesson Me Samjha Di Hoon Ki Jiske Sath Nikah Hamesha Ke Liye Haram Ho Kabhi Bhi Jayez Na Ho Woh Aap Ke Liye Mehram Hota Hai Jaise Aurat Ke Liye Uska Baap, Uska Bhai, Uska Beta, Uska Damad, Uska Apna Bhanja Uska Apna Bhateeja, Shohar Ka Bhatija Bhanjha Aurat Ka Mehram Nahi Hai Hum Apne Muh Se Bana Lete Hain Haqeeqi Me Woh Mehram Nahi Hai, To Apna Bhanja Apna Bhateeja Ye Aap Ke Mehram Hote Hain Isi Tarah Aap Ke Razai Bhai Vagairah Ho To Ye Bhi Mehram Hote Hain.

Shohar Ke Sath Aap Sharai Safar Me Ja Sakti Hain Lekin Usko Mehram Nahi Kahte Kyun Ki Mehram Woh Hota Hai Ki Jiske Sath Nikah Hamesha Haram Ho Aur Aap To Shohar Ke Nikah Me Hain...To Khalu Wagairah Ke Sath Aap Nahi Ja Sakti, Han Chaha Ke Sath Ja Sakte Hain, Mamu Ke Sath Ja Sakte Hain, Aurat Apne Sasur Ke Sath Bhi Ja Sakti Hai Haan Agar Kahi Par Koi Fitne Ka Khauf Ho To Fir Na Jaye Kyun Ki Asal Maqsad Tha Ki Aap Ki Hifazat Kare Ulta Fitna Khada Ho Gaya To Fir To Woh Jis Maqsad Se Shariat Ne Mehram Ka Hukum Diya Tha Wahi Chala Gaya To Jahan Par Fitna Ho Jaise Saas Aur Damad Bahut Zyada Jawan Hain Aur Kuch Fitne Ka Khauf Ho Log Baate Banayege Aisa Sab Ho To Fir Na Jaye.

Continue...

https://t.me/Namaz_Course
Ubaid-e-Raza Official

Namaz Course (Part-273)

Bigair Mehram Ke Sharai Safar Par Jana.!?

Agar Koi Mazboori Hai Aur Shohar Nahi Aa Sakte Unke Koi Business Ka Masla Hai Woh Bol Rahe Hain Aap Chali Jao Train Me Safar Kar Lo Koi Woh Nahi Hai To Fir Hum Is Soorat Me Mehram Ke Bigair Safar Me Ja Sakte Hain.!?

Nahi Ja Sakte, Ye Yaad Rakhen..!! Ye Hadeese Mubarka Bhi Hai Shariat Ka Bahut Bada Usool Hai Isko Hamesha Yaad Rakhna Chahiye Ki Allah Ta'ala Ki Nafarmani Me Kisi Makhlooq Ki Ita'at (Farmabardai) Jayez Nahi, Kisi Makhlooq Ke Hukum Ko Follow Karna Jayez Nahi Hai Agar Maa Baap Kahte Hain Namaz Chhod Do, Farz Roze Chhod Do, Shohar Kahta Hai Ki Farz Namaz Chhod Do, Parda Chhod Do Ye Sab Cheezen Hain To Ye Makhlooq Ki Aap Farmabardai Kar Rahi Hain Allah Ta'ala Ki Nafarmani Kar Ke Allah Ta'ala Ke Rasool Ki Nafarmani Kar Ke...

To Kiska Hukum Aap Par Zyada Hai Aap Par Haq Bhi Zyada Allah Aur Uske Rasool Ka Hai Na To Fir Aap Unke Hukum Ko Follow Karengi. Yahan Par Aap Par Farz Hai Ki Apne Walidain Ke Khilaf Jaye Farz Hai Aap Par Apne Shohar Ke Khilaf Jaye Apne Namazen Padhen Apne Roze Rakhen Apna Parda Karen Ye Aap Par Lazim Hai Nahi Karenge To Aap Bargahe Ilahi Me Bilkul Ujr Nahi Pesh Kar Sakti Ki Main Shohar Ki Farmabardai Kar Rahi Thi.

To Train Me Aap Ko Jana Hai To Apne Balig Bachhon Ke Sath Ya Fir Kisi Mehram Ke Sath Arrange Kar Ke Jana Padega, Isi Tarah Kuch Log Saudi Vagairah Me Hote Hain Apni Family Ko Bolate Hain Biwi Aur Bachhon Ko Bachhe Chhote Hote Hain Woh Biwi Akele Bina Mehram Ke Jati Hai Iski Bhi ijazat Nahi Hai Yaad Rakhen Khash Makhsoos Sooraton Me Ulma Kiraam Ne Iski ijazat Di Hai Woh Waisi Soorat Shayed Hi Pesh Aaye.. Aisa Hota Hai Na Ke Bula Liya Family Ko Plane Me Woh Kisi Ke Sath Aa Rahi Hai Woh Aik Dost Ke Sath Aa Rahi Hai To Ye Gunahgar Hogi Shohar Bhi Gunahgar Hoga Biwi Bhi.

Continue...

https://t.me/Namaz_Course
Ubaid-e-Raza Official

Namaz Course (Part-274)

Musafir Ki Namaz :

Sawal - Delhi Aur Mumbai Ye Dono Bahut Bade Shahar Hain, To Kya Ye Pura Shahar Hi Vatan E Asli Hoga.?

Ji Shahar Bada Ho Chhota Ho Ismein Matter Nahin Karta Shahar Shahar Hai Yani Wah Jo Ek Shahar Hota Hai Ke Jiski Boundaries Hoti Hai Check Points Vagaira Hote Hain Phir Usi Se Related Uske Industrial Area Hota Hai To Ek Shahar Ban Jata Hai Na.. Ab Usme Phir Hum Ye Nahi Dekhenge Ki Yahan Se Wahan Tak Ka Ek Area Hai, Nahi..!! Ek Shahar Hai. Jis Sheher Me Pushtaini Ghar Hai Aur Wahi Wiladat Hui Hai, Woh Poora Shahar Watan E Asli Hai.

Continue...

https://t.me/Namaz_Course
Ubaid-e-Raza Official

Namaz Course (Part-275)

Musafir Ki Namaz :

Sawal : Agar Mumbai Me 92km. Chalen Tab Bhi Qasar Nahi Padh Sakte.?

Mumbai Me 92 Nahi 200km. Chale Tab Bhi Qasar Nahi Padh Sakte Poori Namaz Aada Karenge Kyuki Sharai Safar Ke Jo Sharait Hai Un Me Se Ek Shart Shehar Ya Gaanv Se Bahar Nikalna Hai, Mumbai Shehar Me Aap 200km. Bhi Ghomoge Tab Bhi Namaz Puri Hi Padhni Hogi Wo Is Liye Ke Sharai Safar Ki Shart Nahi Payi Ja Rahi Hai Is Bina Par Puri Hi Padhi Jayegi Qasar Nahi Padhenge.

Sawal : Kya Jo Gaanv Me Rahte Hain Woh Gaanv Ke Hudood Se Nikalte Hi Qasar Padhenge.?

Ji Han..! Jaise Abhi Gaanv Ka Ilaka Hai Usse Related Jo Bhi Hote Hain Jaise Wahan Ka Qabristan, Wahan Ki Jo Bhi Boundaries Hoti Hai Vahan Se Bahar Nikal Gaye To Phir Qasar Shuru Hogi.

Post End......

Yahan Par الحمد لله عزوجل Namaz Course Mukammal Ho Gaya Jahan Tak Baji Padhayi thi 🤲🏻💚🌹

🤲🏻 Allah Ta'ala Meri Dono ustaad Umm e Hashir Baji And Umm e Mariya Baji ko Duniya o Aakhirat ki har Khair o bhalai naseeb farmaye 🌸🤲🏻 Unki Har Mushkil Ko aazmaishon ko Aasaniyon mein badal de.. Allah Ta'ala unki Har dili Duaa e Maqbool farmaye 🤲🏻🌹
Unko Har Saal kahir o Aafiyat ke sath Hajje Mabroor, Baar Baar Umrah Maqbool Naseeb Farmaye...🕋💚🤲🏻

آمین بجاہ سید المرسلین صلی اللہ علیہ والہ وسلم

*सफ़र के दो रस्ते हों, तो दूरी का एतिबार किस से होगा ?*

السلام عليكم و رحمة الله و بركاته
🌸 Khushkhabri baraaye Dars-e-Seerat-e-Ambiya (عليهم السلام) 🌸
الحمد لله عزوجل

🤲 Ramzan-ul-Mubarak ke mubarak mahine mein Seerat-e-Ambiya (عليهم السلام) ka ek khaas dars rakhha jaa raha hai, jisme aasaan aur aam-faham andaaz mein Ambiya-e-Kiraam (عليهم السلام) aur unki azwaaj e mutahharat ki paak seerat ka bayan kiya jayega, taake hum apni zindagi Qur’an aur Sunnat ke mutabiq sanwaar sakein.

🌜 Ramzan-ul-Mubarak woh mahina hai jisme har neki ka ajr kai guna badha diya jaata hai, aur ilm-e-deen hasil karna sab se afzal ibadat hai. Ye woh mubarak waqt hai jisme dil narm hote hain aur hidayat qabool karne ka jazba badhta hai...

💫 *Allah Ta’ala ne hidayat aur rehnumai ke liye apne chune hue bandon, Ambiya aur Rasool (عليهم السلام) ko bheja. Unki aur unki azwaaj e paak ki* *seerat-e-mubarakah mein hamein har daur ke liye rehnumai milti hai..*
*sabr, akhlaq, qurbani, deen ki dawat, aur Allah Ta’ala par poora* *tawakkal ka behtareen dars..*

🌟 Important Ma'loomat:
👉 Only for Ladies
👉 Live on Telegram
👉 Time: 10:00 am

🌻 Aap tamam pyari behnon se adab ke saath guzarish hai ke:

🥀 Khud bhi is dars mein shirkat farmayein...
🥀 Apne ghar walon, doston aur azeezon ko bhi is nek aur barkat wale kaam ki dawat dein.

🤲 Allah Ta’ala hamein Ambiya-e-Kiraam (عليهم السلام) ke naqsh-e-qadam par chalne ki taufeeq ata farmaye..is dars ko hamare liye hidayat, islah aur qurb-e-Ilahi ka zariya banaye..aur hamare Ramzan-ul-Mubarak ko qubooliyat aur barkat wala bana de...
اللهم آمين

Contact: +919740804325

Only for Indians 🇮🇳

🌿 Rauzatul Ilm Online Academy Presents 🌿

Dars-e-Nizami (Aalimah) Course

Aik mukammal aur munazzam Islami taleemi safar, jahan Deen ke bunyadi aur aala uloom ko asaan faham aur practical andaaz mein sikhaya jayega.

Is course mein in topics par khaas tawajjuh di jayegi:

* Arabic Grammar
* Fiqh aur Usool e Fiqh
* Hadees aur Usool e Hadees
* Tarjama e Quran aur Tafseer
* Aqaaid
* Baatini Tarbiyat

✨ Islah o tarbiyat par bhi khusoosi tawajjuh di jayegi taake
• Tadris
• Tahrir
• Bayan
• Mutala’a aur tahqeeq ki salahiyat bedaar ho sake.

Saath hi Dunyavi funoon jaise English, Maths, Science, Computer waghairah bhi sikhaya jayega.

🌙 Maqsad sirf ilm hasil karna nahi, balki us par amal karna aur Deen ki khidmat ke qabil banna hai.

💡 Hamara andaaz-e-taleem riwayati usloob ke saath saath asaan hoga, taake har talib-e-ilm mazboot bunyadon ke saath aage badhe.

📚 Nisab ke liye click karein:
https://drive.google.com/file/d/15jOJDWNfLE6iiQtMqNSTNZQ2GpLcY9Aj/view?usp=drivesdk

By: Umm e Hashir and Umm e Mariya

🥳 *Khushkhabri baraye Taharat Course* 🥳

*طلب العلم فريضة علي كل مسلم*
*Yani ilm ka husool, har musalman (mard o aurat) par farz hai.*
🚨🚨🚨🚨🚨🚨🚨🚨
*Taharat ke masaail ko seekhe bighair namaz, roza, hajj, nikah, talaq jaise kaseer ahkaam par durust tareeqe se amal karna mumkin nahi aur qadam qadam par gunah mein mubtala hone ka andesha hai. Yaad rakhein seekhne ki qudrat hone ke bawajood zaroori ilm na seekhna ye khud ek alag gunah hai, lihaza aisi jagah mas'alah maloom na hone ka uzr hargiz qabil e qubool nahi!*

🌹 *Timings: 10:30 am -11:30 am IST (Every Tuesday)*

🌹 *Starting from 9th June, 2026*

🌹 *_Rules and Regulations_* 🌹

🌹 *Regular Basis par class attend karna hai...*

🌹 *Masaail ko achi tarah samajhkar, notes mein likhna hai...*

🌹 *Exam papers laazimi taur par solve karna hoga...*

🌹 *Har topic tafseel se padhaya jayega lihaza sirf sanjeedah islami behnein personal par rabita karein...*

🔔 *Limited Seats* 🔔