各位好，呢篇係一篇告別文。
由當初寫低第一行 code，建立呢個 channel 同 bot 開始，到而家原來已經過咗咁多年。睇返目前 channel 表面上仲有 476xx 位 subscribers，但其實每個 post 嘅實際 view 數只係得返 10xx；而從後台數據睇，bot 嗰邊喺二、三月真實互動過嘅用家，亦大概只有 21xx 幾位。呢啲數字溫柔咁提醒緊我：真正仲需要或者依賴呢個系統嘅人，其實已經慢慢變少，大家似乎都已經搵到自己嘅新節奏。
去到呢一刻，我坦白承認，自己真係發覺已經冇乜動力再去勉強維護落去。除咗大家嘅需要減少，仲有兩個我無力挽回嘅客觀現實：
第一，係呢套系統嘅靈魂同骨架，其實一直停留咗喺 2019 年。佢就好似一位由舊時代行過嚟嘅老戰友，帶著一身傷痕同陳舊嘅思維，面對外面日新月異、不斷升級嘅新世界，佢嘅關節已經嚴重退化。依家最新嘅程式環境，對佢嚟講已經係完全水土不服、無法兼容。我真係唔忍心再夾硬用各種 patch 去延續佢嘅殘喘，亦唔想見到佢最後因為頂唔順而崩潰。
第二，係當初賦予呢套系統生命嘅 Telegram owner 帳號，早已經被刪除。
喺一個失去擁有者、無法轉移權限，而且機能已經步入暮年嘅死局入面，與其等佢慢慢枯萎甚至引發無法預計嘅風險，我選擇喺呢個時刻親手為佢畫上句號。由聽日起（3月10日），我會將呢個 channel 同 bot 正式停運。
喺正式熄燈之前，我仲想趁呢個機會，特別多謝幾個人：
我前任女朋友 (Ki)：多謝你喺嗰一晚，最後理智戰勝咗情感，交返我部 MacBook 出嚟，令呢個故仔可以繼續寫落去。
我老婆：多謝你一直以嚟嘅體諒。多謝你願意包容我將大把時間，掉落去呢啲完全無實質回報、甚至旁人未必理解嘅事情上面。
當年一路走來嘅戰友：多謝你哋由未有自動 bot 嗰陣開始，就已經每日好似輪更返工咁，自願撐住成件事。到半年後自動 bot 終於正式誕生，喺佢仲未完善、成日甩轆嘅時候，你哋依然無怨無悔咁幫手執頭執尾。大家明明各自都有自己嘅正職同生活，仍然可以咁無私、咁投入去撐起呢件事。回望返轉頭，我只可以講一句：大家真係痴線嘅，但亦都係我遇過最熱血、最值得珍惜嘅一班痴線佬。
貓爸：其實喺我心入面，你先係呢個channel真正嘅OWNER。我到而家都最記得嗰次我哋一齊食糖水，你屌鳩我太有辦事效率。雖然你喺系統自動化之後就離開咗我哋，拼命去為生存奮鬥，但我想同你講：既然你當初交得呢個檔口俾我哋，我哋都總算無負所託，堅持到而家。
最後，仲有一位曾經同我傾過偈嘅小姐：多謝你話畀我知，你表妹係我哋嘅忠實 fans，甚至成個中學生涯都係靠我哋。呢番說話我一直記喺心入面，佢令我覺得，原來我當初揼出嚟嘅呢堆死物，真係確確實實咁陪伴過一個人嘅青春。呢個係我覺得呢個 project 最有意義、最無悔嘅時刻。
由聽日起，系統會全面停止運作。如果你哋之後見到 bot 冇反應或者 channel 再冇更新，請唔好意外，因為佢終於可以好好休息。如果大家日後仲需要接收類似嘅資訊，可以轉去留意 @safetystationinfo 作為代替。佢哋嘅報料通道係 @Teacoffeeliveinfo_bot
最後嘅最後，我想同 CSRPU 嘅同事講一聲：
你唔好以為我哋呢邊收咗皮，你哋就天都光晒
隔離台都係我哋啲人嚟㗎。
真心祝大家未來出入平安、搭車順利。希望大家將當年嗰份「互相提醒、互相照應」嘅微小善意，繼續帶落自己以後嘅生活入面。
多謝各位陪我哋走過呢段歲月，江湖再見。
由當初寫低第一行 code，建立呢個 channel 同 bot 開始，到而家原來已經過咗咁多年。睇返目前 channel 表面上仲有 476xx 位 subscribers，但其實每個 post 嘅實際 view 數只係得返 10xx；而從後台數據睇，bot 嗰邊喺二、三月真實互動過嘅用家，亦大概只有 21xx 幾位。呢啲數字溫柔咁提醒緊我：真正仲需要或者依賴呢個系統嘅人，其實已經慢慢變少，大家似乎都已經搵到自己嘅新節奏。
去到呢一刻，我坦白承認，自己真係發覺已經冇乜動力再去勉強維護落去。除咗大家嘅需要減少，仲有兩個我無力挽回嘅客觀現實：
第一，係呢套系統嘅靈魂同骨架，其實一直停留咗喺 2019 年。佢就好似一位由舊時代行過嚟嘅老戰友，帶著一身傷痕同陳舊嘅思維，面對外面日新月異、不斷升級嘅新世界，佢嘅關節已經嚴重退化。依家最新嘅程式環境，對佢嚟講已經係完全水土不服、無法兼容。我真係唔忍心再夾硬用各種 patch 去延續佢嘅殘喘，亦唔想見到佢最後因為頂唔順而崩潰。
第二，係當初賦予呢套系統生命嘅 Telegram owner 帳號，早已經被刪除。
喺一個失去擁有者、無法轉移權限，而且機能已經步入暮年嘅死局入面，與其等佢慢慢枯萎甚至引發無法預計嘅風險，我選擇喺呢個時刻親手為佢畫上句號。由聽日起（3月10日），我會將呢個 channel 同 bot 正式停運。
喺正式熄燈之前，我仲想趁呢個機會，特別多謝幾個人：
我前任女朋友 (Ki)：多謝你喺嗰一晚，最後理智戰勝咗情感，交返我部 MacBook 出嚟，令呢個故仔可以繼續寫落去。
我老婆：多謝你一直以嚟嘅體諒。多謝你願意包容我將大把時間，掉落去呢啲完全無實質回報、甚至旁人未必理解嘅事情上面。
當年一路走來嘅戰友：多謝你哋由未有自動 bot 嗰陣開始，就已經每日好似輪更返工咁，自願撐住成件事。到半年後自動 bot 終於正式誕生，喺佢仲未完善、成日甩轆嘅時候，你哋依然無怨無悔咁幫手執頭執尾。大家明明各自都有自己嘅正職同生活，仍然可以咁無私、咁投入去撐起呢件事。回望返轉頭，我只可以講一句：大家真係痴線嘅，但亦都係我遇過最熱血、最值得珍惜嘅一班痴線佬。
貓爸：其實喺我心入面，你先係呢個channel真正嘅OWNER。我到而家都最記得嗰次我哋一齊食糖水，你屌鳩我太有辦事效率。雖然你喺系統自動化之後就離開咗我哋，拼命去為生存奮鬥，但我想同你講：既然你當初交得呢個檔口俾我哋，我哋都總算無負所託，堅持到而家。
最後，仲有一位曾經同我傾過偈嘅小姐：多謝你話畀我知，你表妹係我哋嘅忠實 fans，甚至成個中學生涯都係靠我哋。呢番說話我一直記喺心入面，佢令我覺得，原來我當初揼出嚟嘅呢堆死物，真係確確實實咁陪伴過一個人嘅青春。呢個係我覺得呢個 project 最有意義、最無悔嘅時刻。
由聽日起，系統會全面停止運作。如果你哋之後見到 bot 冇反應或者 channel 再冇更新，請唔好意外，因為佢終於可以好好休息。如果大家日後仲需要接收類似嘅資訊，可以轉去留意 @safetystationinfo 作為代替。佢哋嘅報料通道係 @Teacoffeeliveinfo_bot
最後嘅最後，我想同 CSRPU 嘅同事講一聲：
你唔好以為我哋呢邊收咗皮，你哋就天都光晒
隔離台都係我哋啲人嚟㗎。
真心祝大家未來出入平安、搭車順利。希望大家將當年嗰份「互相提醒、互相照應」嘅微小善意，繼續帶落自己以後嘅生活入面。
多謝各位陪我哋走過呢段歲月，江湖再見。
輕鐵安全乘車channel pinned «各位好，呢篇係一篇告別文。 由當初寫低第一行 code，建立呢個 channel 同 bot 開始，到而家原來已經過咗咁多年。睇返目前 channel 表面上仲有 476xx 位 subscribers，但其實每個 post 嘅實際 view 數只係得返 10xx；而從後台數據睇，bot 嗰邊喺二、三月真實互動過嘅用家，亦大概只有 21xx 幾位。呢啲數字溫柔咁提醒緊我：真正仲需要或者依賴呢個系統嘅人，其實已經慢慢變少，大家似乎都已經搵到自己嘅新節奏。 去到呢一刻，我坦白承認，自己真係發覺已經冇乜動力…»
輕鐵安全乘車channel pinned «各位好，呢篇係一篇告別文。 由當初寫低第一行 code，建立呢個 channel 同 bot 開始，到而家原來已經過咗咁多年。睇返目前 channel 表面上仲有 476xx 位 subscribers，但其實每個 post 嘅實際 view 數只係得返 10xx；而從後台數據睇，bot 嗰邊喺二、三月真實互動過嘅用家，亦大概只有 21xx 幾位。呢啲數字溫柔咁提醒緊我：真正仲需要或者依賴呢個系統嘅人，其實已經慢慢變少，大家似乎都已經搵到自己嘅新節奏。 去到呢一刻，我坦白承認，自己真係發覺已經冇乜動力…»