☄️ Nukus innovatsion instituti Malayziyaning INTI Xalqaro universiteti bilan hamkorlik aloqalarini yo'lga qo'ydi

🇺🇿 🇱🇷 Ayni paytda Nukus innovatsion instituti rahbariyati nufuzli xorijiy OTMlar bilan hamkorlik aloqalarini yanada kengaytirish maqsadida Malayziya davlatida xizmat safarida bo'lib turibdi.

🏛 Safar davomida Nukus innovatsion instituti rektori A'zamov Anvar Muzaffarovich, institutning O'quv ishlari bo'yicha prorektori Shavkat Madraximov, institut o'qituvchisi Nazira Naimovalar #TOP_600 talik ro'yxatda 516-o'rinni egallagan Malayziyaning INTI Xalqaro universitetiga tashrif buyurishdi.

🤝 Nukus innovatsion instituti delegatsiyasini INTI Xalqaro universitetining O'quv ishlari bo'yicha prorektori Prof. Dr. Lai Yin Ling, Xalqaro aloqalar bo'limi rahbari Dr. Choo Wou Onn, Prof. Dr. Cheng Wan Hee, Sri Suryani Mohamed Razalilar munosib ravishda kutib olishdi. Xizmat safari davomida ikkala OTM o'rtasida hamkorlik aloqalarini yanada kengaytirish bo'yicha muzokaralar olib borildi.

⚡️ Safar yakunida Nukus innovatsion instituti hamda INTI Xalqaro universiteti o'rtasida hamkorlik memorandumi imzolandi. Ushbu hamkorlik kelishuviga asosan endilikda Nukus innovatsion instituti talaba-yoshlari Malayziyaning INTI Xalqaro universitetida "Double degree program" dasturiga muvofiq oliy ta'lim olib, birdaniga ikkita diplomli bo'lish imkoniyatiga ega bo'lishdi.

▶️ Nukus innovatsion instituti rektori A'zamov Anvar Muzaffarovich boshchiligidagi institutimiz delatsiyasi a'zolarining xorijiy davlatlarga safari davom etmoqda.

📃 Nukus innovatsion instituti Matbuot xizmati

Bizning sahifalarimiz:
Telegram Instagram Facebook