Утульная ўтульнасць бясконца ўтульна! З каўдрай, смаколікамі і ў адпаведным асвятленні можна прыладзіцца сапраўды файна. Тое што трэба падчас свят/халадоў.

#мышапавукі

Найбольш святочная з усіх магчымых мышапавучых анімацый - "не чапай смаколікі, халера, ты бачыў колькі там калорый?!"

#мышапавукі

Танчыць-скача мыш сярод іржы і цвілі - віншуе вас з пачаткам чарговай ітэрацыі!:)

#мышапавукі

Хай шчасціць у наступным годзе. Няхай здабудуць волю тыя, хто за яе змагаецца, і пня ў сраку тым, супраць каго яны вымушаны змагацца. Панеслася!)

Святочныя #дранікі даеліся, цяпер дакладна ўсё будзе добра)

Зара яшчэ салаты ўсялякія крабавыя рассасуцца, й будзе нармалёва. Можна пачынаць рухацца далей)

Так, ну вось яшчэ сёння калядуем-святкуем, і будзем ужо вяртацца да малявання. А то ж планаў шмат на новы год напланавалі, а ў той бок яшчэ й не глядзелі)

Ну што, працоўны 2025 афіцыйна распачаўся, творчасць пачынаецца-працягваецца) Дамалёўваем анімацыі, перад сюжэтнай халерай та іншым запланаваным (а запланаваў я дахалеры).

Усім вітанкі перадаюць #мышапавукі :)

На гэтым тыжні скончу серыю анімашак. 16 штук атрымліваецца - і прыгожанька, і карысны досвед)

На вось гэтай анімацыі мы мышапавучым чынам робім гімнастыку галоўнага мастацкага інструмента.

#мышапавукі

Якія перавагі дае хімернасць? Да безліч, насамрэч. Нават самае бязглуздае і пазанатуральнае спалучэнне канечнасцяў можа выкарыстоўвацца люта эфектыўна - калі ўласнік хімернага арганізма нарадзіўся і звыкся з ім.

#мышапавукі

Надоечы Лінч памёр. Трошкі ўшанаваўшы яго, сяджу пераглядаю "Твін Пікс". #мышапавукі

"Сківіцы", тыя што насамрэч хеліцэры, працуюць розна ў розных мышапавукоў. У некаторых, напрыклад як у Вінцуся, яны ажне амаль па-шпіёнскі схаваныя. Дзякуючы гэтаму некаторыя натуральныя #мышапавукі могуць глыбока інтэгравацца ў гарадское асяродзе.

Сёння менавіта той дзень, калі варта яшчэ раз запосціць гэты малюначак.

Добра атрымалася, нават трошкі ганаруся ім (хоч і не люблю маляваць людзей).

І вяртаемся ў мышыны маёнтак.

Наасфера ў закінутым маёнтку да таго анамальная, што да яе далятае рэха іншых сусветаў. Яно не можа значна ўплываць, але трошкі матэрыалізуецца - у асноўным з дапамогай Тэлекамунікацыйнага Слупа, што вырас у дальнім ізаляваным пакойчыку.

На шматлікіх экранах мільгацяць шматлікія варыацыі сапраўднасці. У тым ліку і наш сусвет.

Міжнародная група дасьледнікаў ідэнтыфікавала новы паразытычны грыб, які інфікуе пячорных павукоў Metellina merianae, каб кіраваць іхнымі паводзінамі. Упершыню грыб заўваылі падчас здымак дакумэнтальнага фільму для BBC.

Новы паразытычыны грыб атрымаў назву Gibellula attenboroughii, ён, падобна іншым грыбам-паразытам, прымушае сваю ахвяру пакінуць нару й заняць месца на столі пячоры, каб грыбныя споры мелі большы распаўсюд.

На здымку інфікаваны павук.

Гекаф'я цалкам. Пакуль не варушыцца, але анімацыі ўжо малююцца. #мышапавукі

Замест крылаў - плаўнікі, замест лука й стрэл - джала, замест маўпы - мыш. Змены не прынцыповыя, па сутнасці ўсё на месцы - то-бок канон)

#мышапавукі

Дзень роднай мовы, таму з прасторы між цаглінамі выпаўзла чарговая "Ў".

Дужа сіметрычная. Гудзе, ствараючы вібрацыі - ці то кліча кагосьці, ці гутарыць з чымсьці па-за межамі нашага ўспрымання. Жыве ўжо доўга, будзе жыць вечна.

#мышапавукі

Наступная паштоўка ўмоўнай "квадратнай" серыі - мышапавучая Пагоня. Яе варта было б посціць 25 сакавіка, але намалявалася зараз - тады чаму б і не?)

#мышапавукі