А цяпер - таямніца каляднай паштоўкі) Раней я адзначыў, што з ёй не ўсё так проста. І вось прыйшоў час падрабязнасцей.

У мышыным грамадстве святло ёсць вораг. Таму праўду нам распавядзе супрацьлегласць святла, то-бок цень.

1. Ценю няма ў ягад, бо то міраж. Нязграбнага мыша падвялі вочы, якімі ён вырашыў скарыстацца ў адчаі (адсутнасць вачной павязкі паказвае на крытычнасць сітуацыі). Тое, што мусіла ўратаваць ад голаду, выявітася нічым.

2. Але нешта ў паветры ўсё ж ёсць! Цень падказвае нам, што да небаракі-вандроўніка набліжаецца штосьці крылатае. І ціхае (менавіта дзеля палявання на мышэй совы навучыліся лётаць абсалютна бязгучна).