Памятаеце, паказваў вам мышыных фітахімер? Ну дык вось, днесь у сне пабачыў яшчэ адну. #мышапавукі

Вялічэзная мыш з дзіўным носам йшла па траве, пранізаная сланечнікавымі стрыжнямі. Сонцападобная расліна - жахлівая халера - палала атрутнымі пялёсткамі, ажне забалела вачам.

Хімера мала імя. Я яго запамятаў, але, вядома, не зразумеў. Цікавы сон, аднак.

Мышапавучыя віншаванні вам, чалавекі!

#мышапавукі

Шматкі замалёвак з глыбіні думкавіра. Моцны ілюстратыўны патэнцыял адчуваю я)

Сёння дзень пана Ў - ён вылятае цераз дзіру ў гнілой столі й віншуе шаноўнае спадарства з днём роднай мовы.

Лапы й хвост чорныя праз цвіль - то адзнака шляхецкага паходжання.

#мышапавукі

Найагіднейшы мышапавук-альбінос. Хутчэй бы яго размазала, ух. #мышапавукі

І два гады то шмат, бо столькі доўжыцца жыццё звычайнай мышы. А гэты вырадак робіць шкоду ўжо больш за дзесяць (то калі не ўлічваць папярэднія інкарнацыі і ўскоснае ўздзеяннне). У-у халера.

Узімку зямля цвёрдая, дзёўбаць яе цяжка й пакутліва. Таму магільшчыкі карыстаюць спецінструмент.

(пазачарговы аўтапартрэт, не звяртайце ўвагі)

Пабачыў відэа пра саламяных павукоў, і ўзгадаў, як у дзяцінстве іх уласнымі рукамі/вачамі рабіў/бачыў.

Ажне думаю цяпер пра адпаведнага мышапавука:) Але ж дзе ў горадзе здабыць саломы?..

#мышапавукі

Нараджаецца. Лезуць з шчылін новыя #мышапавукі, і ніколі гэта не скончыцца)

Гэты пан, відавочна, ёсць прашчур П'етры. Але, відавочна, значна больш складаны й развіты.

А? Шо? Якая, у багну, вясна?

У нас тутака, нагадваю, працягваецца восень, дакладней - кастрычнік. Таму не дурыце мне галаву. Загортвайцеся ў коўдру, гатуйце гарбату і слухайце, як мышапавучымі галасамі пяюць сцены!

Заліў на ютуб свае музычныя спробы: https://www.youtube.com/watch?v=j4Q4BD6xEs8 Не тое каб яно было дужа патрэбна, але ж прыгожанька атрымалася. Даспадобы)

Так, то дахалеры раптоўна) Але ж вырашыў выпаўзаць з цішыні рашуча й упарта.

https://www.twitch.tv/nine_ravens_cemetery

Яно прымушае мяне маляваць мышапавукоў больш стабільна, не губляючы ўвагі. Размаўляю пакуль не дужа - бо ўжо забыўся, як казаць ротам словы. Але й гэта будзе паступова.

Сёння #мышапавукі працягваюць малявацца, 21:00 (https://www.twitch.tv/nine_ravens_cemetery).

На малюнку:

Шаграэль; Рудзі;
Лепус; Малаточак.

Вось якія #мышапавукі былі створаны за папярэднія тры дні. Сёння працягваем, сёння будуць мышапавучыць выключна стрымеркі - свядома пакінуў іх трох на сённяшні дзень. Бо свята, калі хто не здагадаўся) https://www.twitch.tv/nine_ravens_cemetery

З восьмым сакавіка, днём барацьбы за жаночыя правы, вішую ўсіх спадарынь - нават калі вы пакуль яшчэ не замышапавучыліся!