Ну што, спадарства, то ўжо трэцяя спроба весці тэлеграм. І цяпер, хутчэй за ўсё, канчатковая - сфармуляваў сабе пэўны шлях. Ну й буду яго трымацца, і халера на іншае.

Новая назва, новыя дыяфільмы. Адчуваецца вельмі прыемна.

От халера. Для мантажу блэндэр больш-менш падыходзіць, а вось рабіць анімацыю ў ім вельмі цяжка. Трэ пашукаць штосьці іншае.

Была вельмі простая ідэя, а страціў на яе паўдня. І нават не паспеў зрабіць усё, што збіраўся. Халера.

Усялякія эффекты, якіх шмат у сучасных відэарэдактарах, робяць працу і прасцей, і цяжэй. З аднаго боку - шмат чаго робіцца літаральна ў адзін клік. З другога - менш кантролю і губляецца якасць,

Вось, напрыклад, рабіў караценечкае відэа. Было адно, а стала другое. Нібыта й добра, але неяк не тое, нешта крывіць.

Дарэчы, чуў, што ў нас там забаранілі лацінку? Ну, то-бок не забаранілі, а перасталі выкарыстоўваць. Ці забаранілі, бо "варожае". Гамон, карацей.

Ажне хочацца цяпер яе ў мае казкі дадаць. Але ж з тым цяжка, бо беларуская мова ў мяне не толькі як грамадзянская пазіцыя, але й як нарратыўны элемент. І нават крыху дызайну ў тым ёсць - падабаецца кантраст між першапачатковай кірыліцай і ангельскімі субтытрамі (яны не толькі для пашырення аўдыторыі, так, яны ўплецены ў гісторыю).

Але ж іншы раз пісаць пасты лацінкай - чаму б і не?) А там, глядзіш, і арабіцу можна паспрабаваць. Цікавая частка нашай культуры.

Зараз намагаюся цягнуць два праекты: мышапавучыя казкі (то маё жыццё) і "Глыбіня" (веб-гульня, каб весялей было вывучаць франтэнд). Пазней дадам сюды спасылкі на ўсялякія тыктокі й ютубы (халера, я ёсць амаль паўсюды).

Так, вось яшчэ дадаў магчымасць каментаваць на канал. Нібыта атрымалася?

Дарэчы, не пахваліўся - мышапавучую казку (тую, што пра жырандолю) прынялі да ўдзелу ў "Цёмных Матэрыях". Гэта мая першая спроба дзесьці паўдзельнічаць з літаратурнага боку.

І згодна плану мерапрыемства яе магчыма зачытаюць услых. Цікава б то паслухаць, але й крыху боязна - мае казкі надта дзіўныя, адрозніваюцца ад звычнага) Аншлагу хутчэй за ўсё не будзе. Але было б прыемна, калі б камусьці спадабалася.

Пятніца 13. Наспраўдзе добры дзень - і хорарна крыху, і канец рабочага тыжня. Утульна, прыемна.

Зараз вось выпякаю пячэнне, гляджу "Сіністар". І рыхтую пер'е - бо сёння пераглядаў старыя чарнільныя малюнкі, і цяпер хочацца зрабіць іх яшчэ. Яны, мусіць, атрымліваюцца ў мяне найлепш. Вельмі падабаецца, як выглядаюць.

Таму вось здабыў у краме шклянку чарніл. Часу губляецца шмат, але іншы раз, вядома, можна сябе пацешыць.

Пакуль праца йдзе - буду сюды проста малюнкі закідваць. Іх ж у мяне шмат, дык чаму б і не)

Вось, напрыклад, добры мышапавук. Жучыныя надкрыллі ў яго арганізме граюць ролю даспеху - і моцныя, і зручныя дзякуючы сваёй рухомасці. Выдатнае забрала атрымалася.