‌‏كـيـف خلـيتـني عـقـب الجـماعـه وحـيـد
‏كـيـف نـزحتـنـيّ عـن ربعـي وعـن هـلـيَ ؟

‏اللي كنت أظنه أحن مامّر بعمري
هو نفسه اللي لقيت جروحي منه.

‏عطيتك اللي ما عطيته أقرب الناس
‏وعلقت فيك احلام عمري وضاعت ..!

يا نبرة الخاطر اللي يعزف سكاته
تعبت اغنّي الليالي بأعذب الحاني

ملّيت درب الحنين و كلّ عثراته
والغيمه اللي دجاها يفضح احزاني

وين الشروق القديم و وين ذرواته
الظاهر انّ السنا مختار يجفاني

قلبي .. يبي له زمانٍ .. ما بعد فاته
العمر يمضي وانا احتاج لعمر ثاني .

في رحيلك ما رحلت من الأماكن
ذكرياتك درب ، واشواقي ليالي

يا حبيب الصبح صار الصبح داكن
والقمر في غيبتك صار إنعزالي

كنت اظن الوقت يعتقني ولكن
سلطته متوسّده عرش إحتلالي

ليه صوتك في حنين العمرٍ راكن
وجرحك اكثر جرح موجع بس غالي

ليه عطرك في سما الأنفاس ساكن
والرياح اشواق تعبر من خلالي

قلت اسافر بس ما حرّكت ساكن
كان طيفك عزم خطوات ارتحالي

صورتك باحضان جدران المساكن
لو قبلت الصدق يسرقني خيالي

ما دريت انّ الهوى هالكثر ماكن
لين ما رحت وبقى وجهك قبالي

فقدت من الليالي صوت ما غيّب صداه سنين
سكن بين القصيد الحان تتمرّد على آفاقي

فقدت انسامك بـ فجرٍ هدوءه يجرح المسكين
بوجهك كان عنوان الصباح و موعد اشراقي

أشوفك بالمرايا ، والوجيه العابره لـ الحين
ملامح ترسم الذكرى طريق يعاتب اشواقي

إذا حسّيت بالغربه وضيّعت الديار منين
بتلقاني على نفس المكان آقلّب اوراقي

تعال وزاحم ظنون الحنين وعتمة التخمين
انا احتاجك طمأنينه تصبّ الضيّ باحداقي

مشتركين دعم زهد، شيّكوا على قروب الدعم ضروري @S5Sill .