🟥🟥🟥 🟥🟥🟥

✔️ BOJXONA INSTITUTIGA O‘QISHGA TAKLIF ETAMIZ !

Bojxona institutiga o‘qishga kirish uchun arizalar 2024-yilning 1 yanvaridan – 1 apreliga qadar qabul qilinadi.

Nomzodlar qabul boshlangach doimiy yashash, o‘qish, muddatli harbiy xizmat o‘tayotgan hududda joylashgan bojxona boshqarmalariga murojaat etishlari mumkin.
Bojxona instituti – oliy harbiylashtirilgan ta’lim muassasasi hisoblanadi.

Institutda, o‘qish kunduzgi shaklda, ta’lim muddati 4 yil, iqtisodchi va yurist mutaxassisliklari tayyorlanadi, o‘qishga qabul qilinganlar to‘liq davlat granti asosida o‘qitiladi, bepul formali-kiyim bosh va oziq-ovqat bilan ta’minlanadi hamda tibbiy xizmat ko‘rsatiladi.
Bojxona institutida o‘qish davri bir kuni bir kunga bojxona organlarida xizmat qilganlik davriga qo‘shiladi.

BOJXONA INSTITUTIGA: umumiy o‘rta, o‘rta maxsus, kasb-hunar ta’limi ma’lumotiga ega, harbiy xizmatni o‘tamagan 17 yoshdan 23 yoshgacha bo‘lgan, shu jumladan o‘qishga qabul qilingan yili 17 yoshga to‘ladigan hamda 23 yoshda bo‘lgan fuqarolar, 18 yoshdan 25 yoshgacha bo‘lgan, shu jumladan o‘qishga qabul qilingan yili 18 yoshga to‘ladigan hamda 25 yoshda bo‘lgan, ofitserlar tarkibi harbiy unvonlariga ega bo‘lmagan harbiy xizmatchilar va harbiy xizmatga majburlar tanlov asosida qabul qilinadi.

Nomzodlar: Dastlabki va Maxsus kasbiy tanlov bosqichlaridan o‘tkaziladi. Nomzodlar tanlov bosqichlari va belgilangan me’yorlar bilan: O‘zbekiston Respublikasi Vazirlar Mahkamasining 2019-yil 30-apreldagi qarori bilan tasdiqlangan “Bojxona instituti bakalavriatiga o‘qishga qabul qilish tartibi to‘g‘risida” Nizom orqali batafsil ma’lumot olishlari mumkin.

Nomzodlar va ularning ota-onalari qo‘shimcha ma’lumot olish uchun 79-222-05-55, 79-222-02-30 raqamlari orqali Inson resurslarini rivojlantirish va boshqarish bo‘limlariga murojaat etishlari mumkin.

Ariza topshirish uchun: Navoiy viloyati bojxona boshqarmasi manzili – Navoiy shahri, G‘alaba shoh ko‘chasi 176a-uy, mo‘ljal: Navoiy viloyati MIB yonida