"Nasaf" U21 murabbiylar shtabida o‘zgarishlar amalga oshirildi

"Nasaf" futbol klubi rahbariyati U21 jamoasining so‘nggi davrdagi qoniqarsiz natijalari tufayli murabbiylar shtabiga o‘zgarishlar kiritish to‘g‘risida qaror qabul qildi.

Jamoani shu paytga qadar boshqarib kelgan Zafar Xolmurodov klub strukturasida boshqa lavozimga, yordamchi murabbiy Kenja To‘rayev esa faoliyatini futbol akademiyamizda davom ettiradi. Murabbiylar shtabining a’zosi — Ikrem Repatov bilan esa o‘zaro kelishuv asosida shartnoma bekor qilindi.

Mavsum yakuniga qadar "Nasaf" U21 jamoasini klubning texnik direktori Botir Qorayev boshqarib boradi. Tajribali mutaxassis o‘tgan mavsumda ham yoshlar jamoasi bilan ishlagan va ularning rivojlanishida muhim o‘rin tutgan edi.

"Nasaf" futbol klubi rahbariyati yangi murabbiylar shtabi jamoaning o‘yin sifatini yaxshilash, musobaqalarda munosib natijalar qayd etish hamda asosiy jamoa uchun salohiyatli yosh futbolchilarni tayyorlash yo‘lida samarali ish olib borishiga ishonch bildiradi.

⚽️⚽️ Sentyabr oyining eng yaxshi murabbiyi — Ro‘ziqul Berdiyev (Nasaf)

54 yoshli mutaxassis ushbu mavsum ikkinchi bor, umumiy hisobda esa 16-marta oy murabbiyi bo‘ldi va bu borada o‘zining rekordini yangilashda davom etmoqda.

♻️ Artel | 💳 Uzcard | 🔴 Coca-Cola | ⚫️ Apex | ⚫️ Macron | 🔵 BMB