ده برنامج بيبينلك أتحمل اد ايه من الملف اللي انت بتنزله على شكل شريط بيفضل موجود وبالتالي مش هتحتاج تبص كل شوية على الملف وهو بينزل🔥

تحسين البطارية(اعادة معايرة البطارية)
____

السلام عليكم ف المنشور ده ان شاء الله هقولكم ازاي تعايرو البطارية او تظبطوا القراءة بتاعة الجهاز للبطارية.


الخطوات:
١) هتستخدم موبايلك لغاية اما يوصل ل ٥%.
٢) متوصلش الشاحن،،،هتكتب ف برنامج الهاتف الكود ده *#8220# من اليمين لليسار، هتطلعلك قائمة اضغط تحت على Quick Start، هتطلعلك رسالة اضغط على Ok ومتخافش.
٣) سيب التليفون لغاية اما يفتح وغالبا هتلاقي نسبة البطارية اتغيرت يعني بقت اقل من ٥% .
٤)هتشحن التلفون لغاية ١٠٠%  ومتفصلش الشاحن واعمل اعادة تشغيل للجهاز وبعد كده افصل الشاحن.
٥) كرر الخطوات ٢ و ٤ تقريبا ٣ مرات لغاية اما تلاقي النسبة معدتش بتتغير ولو لسه بتنزل حاول كزه مره كمان لغاية اما تظبط معاك.
٦) بعد اما النسبة معدتش بتنزل عن ١٠٠%، افتح برنامج الهاتف واكتب الكود ده *#0099# وانزل تحت واضغط علي batterystats reset،،، وبعد كده اطلع من القايمة دي و اعمل اعادة تشغيل.
٧) كرر الخطوات دي تاني بعد اسبوع.




بس كده بعد اما تنفذ الخطوات دي كده انت ظبطت قراية الجهاز للبطارية وهتشتغل معاك ان شاء الله بشكل احسن من الاول...

ده لينك لبرنامج بيحملك برنامج google camera الخاص بجهازك
https://play.google.com/store/apps/details?id=com.granturismo.gcamator

HighEnd animations

LowEnd animatoins

سجّل بواسطة XRecorder: https://recorder.page.link/Best

السلام عليكم ورحمة الله وبركاته

-طرق تقليل إستهلاك البطارية لهواتف سامسونج-

ملحوظة/
اي حاجه مش عارف مكانها ابحث عنها ف الاعدادات😊

الخطوات//

١- تفعيل ال dark mode او الوضع الداكن

٢- ضبط معدل تحديث الشاشة او refresh rate على ٦٠ هرتز مش ٩٠ او ١٢٠

٣- ضبط جودة الشاشة على اقل جودة ممكنه او على الاقل 1080p (الخيار ده مش موجود ف كل الهواتف)

٤- تفعيل تقليل سطوع الخلفية أثناء تشغيل الوضع الداكن

٥- قفل الاهتزاز او ال vibration

٦- ضبط قوة المعالجه على اقل حاجه ممكنه مثلا optimised او خفيف او minimum اهم حاجه متكونش maximum او قصوى

٧- تفعيل ال adaptive battery او البطارية التكيفية

٨- الخيار ده تعمله لو عايز تحافظ على البطارية على المدى الطويل وهو خيار ال protect battery او حماية البطارية وهو بيخلي التلفون يوقف شحن عند نسبة معينة وهي ٨٥% بشكل افتراضي ممكن تغيرها

٩- قلل سطوع الشاشة خليه على اقل حاجه تعرف تشوف بيها الشاشة

١٠- حط التطبيقات اللي مش بتستخدمها ف وضع السكون
Put unused apps to sleep

١١- للناس اللي على تحديث one ui 5 تقدر تشوف التطبيفات اللي شغاله ف الخلفية وتقفلها ودي بتظهر ف ال recent apps او القتيمة اللي بتشوف فيها البرامج اللي انت كنت فاتحها فوق ع اليمين لو تلفونك عربي والعكس لو انجلش

١٢- قم بإلغاء تنشيط المزامنة التلقائية للتطبيقات التي لا تتطلب المزامنة ودي الخطوات//

●انتقل إلى "الحسابات والنسخ الاحتياطي" في "الضبط".

●اضغط على إدارة الحسابات

●اضغط على الحساب

●اضغط على "مزامنة الحساب".

●اضغط على مفتاح التبديل لإيقاف تشغيل المزامنة التلقائية لتطبيقات مثل "Samsung Internet" لتقليل استهلاك البطارية.

١٣- شغل البلوتوث لما تيجي تستخدمه بس.

١٤- خلي الخلفية بتاعت التلفون مايلة للون الأسود

١٥- اقفل البحث عن اجهزة قريبة او
Nearby device scanning

١٦- اقفل الوايفاي وانت بره البيت او مش بتستخدمه مثلا وانت رايح تنام

١٧- اقفل ال always on display

١٨- أقفل ال wifi scanning وال bluetooth scanning

١٩- اقفل ميزات زي "انقر نقراً مزدوجاً لتشغيل الشاشة" و "الرفع للتنشيط" و "التنبيه عند التقاط الهاتف"

٢٠- اقفل ال RAM plus

٢١- شغل "اعادة التشغيل عند الحاجه"

٢٢- في حجات في ال Developer options او خيارات المطور زي تقييد عملية البحث عبر Wi-Fi

٢٣- اقفل ال NFC لو شغال

٢٤- لو كل ده منفعش ممكن تفعل وضع توفير الطاقة او power saving mode

ده لينك من سامسونج تقدر تدخل عليه وتشوف برضه


لو كل ده منفعش استنى تحديث من شركة سامسونج يحل المشكلة او غير البطارية لو كان بقالها كتير مثلا ٣ سنين ولا حاجه.

بس كده ياريت اكون افدتكم 😊😘

ده خط انا حدثته وضفت بعض التعديلات هيعجبكم ان شاء الله

........................فهرس القناة.......................

١- خط Spavna

٢- خلفيات متحركة بتاعة سامسونج

٣- Object Eraser

٤- قفل الألبومات ف المعرض

٥- منع الاعلانات

٦- RegiSter Module

٧- تثبيت وتطبيق الخطوط للتلفون

٨- معايرة البطارية

٩- خلفيات متحركة بتاعة الايفون

١٠- تثبيت سوفتوير للتلفون

١١- تطبيقات هتحسن من اداء الجهاز (galaxy labs)

١٢- الروت. & ازاي تعمل روت


١٣- ويدجت لل one ui

١٤- Download progress ++

١٥- google Camera downloader

١٦- طرق تقليل استهلاك البطارية

١٧- ثيم جامدة لتلجرام

١٨- طريقة تثبيت البيتا لل s23 series

١٩- الشاحن اصلي ولا لأ

٢٠- أسباب استهلاك البطارية على مدار اليوم

٢١- أكواد سرية لهواتف سامسونج تكتبها ف برنامج الهاتف

٢٢- قائمة الهواتف المؤهلة للحصول على اندرويد ١٤ و one ui 6

٢٣- طريقة اعداد هواتف سامسونج بعد الفورمات او لاول مرة

٢٤- نصائح للمحافظه علي موبيلك بعد الشراء

٢٥- مميزات لا يعرفها أغلب المستخدمين

٢٦- حل مشاكل الشحن

٢٧- برنامج Nice catch

٢٨- تنظيف سماعات الهاتف

٢٩- تنزيل goodlock للمناطق الغير مدعومه

٣٠- أضافة تسجيل المكالمات

٣١- ازالة الصوت من الفيديوهات بدون برامج

32- شرح تطبيق clockface

33- طريقة تغيير شكل الأيقونات

34- خط one ui 6

اسمع الفيديو ده

https://youtu.be/7W6wbYzojmg?si=BgNGQt1iP2dq5R6L

عشان تعرف شاحن السامسونج اللي معاك اصلي ولا لاء ، لازم تركز ع الـ 5 بنود دول، وإعرف ان سقوط او الإخلال بإي بند من الـ 5 بنود دي إن تلقائي الشاحن ميبقاش اصلي ..

ملحوظة// ده بخصوص الشواحن الصغيرة اللي فيشتها ٢ مش ٣ يعني ده للشواحن المصرية اللي فيها ٢ pin مش ٣ زي دول الخليج باختصار زي اللي ف الصورة اللي تحت😂😅

البند الأول //

لازم تتأكد من إن بلد المنشأ او التصنيع لراس الشاحن هي . "فيتنام" بالبنوط العريض تلاقيها مطبوعة علي راس الشاحن كده بالانجليزي
"Made in Vietnam"
ويكون مطبوع علي راس الشاحن وعلي العلبة نفس الأمر، اي بلد تانية مكتوبة غير "فيتنام" ؟ كده" انت شايل نسخه كوبي مش اصلي.

البند الثاني //

اي راس شاحن اصلي لازم يطبع علي الراس تاريخ الإصدار أو التصنيع، ولازم تخلي بالك إن التاريخ لازم يكون متكون بالترتيب بمعني اليوم، الشهر، السنه" ومينفعش منعا بتاتا اي حاجه من الترتيب ده متکنش موجوده او تكون ساقطه، يعني لو لاقيت او بند بتاع مكان التصنيع تمام ولقيت التاريخ مكتوب " الشهر، السنه" فقط من غير اليوم ، يبقي الراس اللي معاك مش اصلي، لازم الترتيب مع بعض.

ملحوظة للبند التاني/
ساعات بيبقى فيه فرق يومين ل ٣ او ٤ أيام بين تاريخ التصنيع اللي على الرأس واللي على العبوه بس بيبقى أيام معدوده، بحيث تكون قريبه جداً من تاريخ التصنيع ع الراس، ولازم التاريخ بيبقى بالكامل.

البند الثالث//

ال S/N او السريال نمبر يكون مطبوع علي راس الشاحن وضروري تتأكد انه نفس السريال هو هو مطبوع علي العلبة

البند الرابع//

لازم يكون لراس الشاحن اسم موديل، بمعني لازم تلاقي كلمه Model بالانجليزي، وتلاقي اسم الموديل بتاع الراس بإسم، ويكون طبعا هو هو اللي مطبوع ع العلبه.

البند الخامس//

اي راس شاحن تشتريها بغض النظر عن هي كام فولت بقي ، لازم تتاكد إن جنب رقم الفولت بتاع الشاحن كلمة (PPS) ودي مهمه جدا ولو مش موجوده يبقي طبعا مش اصلي

جزئية مش اساسية اوي والإخلال بيها مش بيخليه بالضرورة مش شاحن اصلي ألا وهى إن فيه بار كود مطبوع ع راس الشاحن والعلبة، صورهم علي اي ابليكشن قارئ للباركود، وشوف هيديك بعد مقرا الباركود بيانات راس الشاحن ولا لاء، لو مطلعلکش بیانات او اي حاجه مش بالضرورة الراس ساعتها تكون مضروبة ، لكن اكيد من الافضل يكون فيه معلومات عن الراس.

نقطة أخيرة برضو
لازم الستيكر يبقى ملصق مش مطبوع على العبوه وغالباً أسفل يسار مش في اعلى يمين ولا في منتصف ظهر العبوه

الاهم من ده كله بقي والرغي الكتير ده ، إن المكان الوحيد و المضمون اللي تقدر تشتري منه راس الشاحن السامسونج الاصليه وانت مطمن هو "التوكيل" ثم "التوكيل" برضو، وممكن بعض فروع فودافون ..

#منقول_من_بوست_عالفيسبوك
#طرق_أكتشاف_الشاحن_أصلي_ولا_لأ

..................مشاكل ف الشحن.................

>>حاول تنضف السوكيت بتاع مدخل الشحن
ومدخل الشحن ذات نفسه بفرشاة نضيفه ناعمه براحه وانت بتنضف توجههم لتحت عشان لو في حاجه تنزل علطول متنحشرش وانت بتحرك الفرشاة ف حاجه تانية.

>>حاول لو في رطوبة ف الجهاز ان انت تشيلها عن طريق منديل او تسيبه ف مكان فيه هوا بس مش رطوبه لغاية اما ينشف.

>>منصحكش ان انت توجه اي حاجه فيها حرارة ناحية السوكيت عشان اللحام بتاعه هيفك وهيسيب وهتبوظه اكتر.

>>دي طريقة لتنظيف بس براحه وانت بتعملها وتكون حذر عشان ممكن تبوظ حاجه>>

https://youtu.be/upcL-BEMtgE?si=3I3uHpM45T9KhGu3

>>لو معرفتش تعمله وديه لفني يعملهولك وبرضه ممكن يشوفهولك ممكن يكون فيه مشكله ف الفلاته مثلا.

................احتياطات وتحذيرات ...................

>>حاول متستخدمش الهاتف ف الاماكن او الاوقات اللي فيها رطوبه او اتربه وعفره زي البلكونه ساعة الفجر او الصبح بدري وقت الشبورة او الحمام او حمام السباحه.