شباب الي عندة مشكلة بتفعيل مشتركين ساس 3
خلي يحدث اخر اصدار
-سويت تعديلات بخصوص تفعيل الاشتراك

شباب تقريبا خلصت المزامنة لخدمة ايرثلنك
بس اتاكد منها و اضبطها ارفعلكم التحديث

تم اضافة مزامنة اشتراكات ايرثلنك + الساس 3

تم رفع اصدار جديد
مزامنة اشتراكات خدمة ايرثلنك + ساس 3
- الفائدة من المزامنة : تكدرون تفعلون من المبايل
ومن تشغلون النظام تسوون مزامنة للاشتراكات
راح تنضاف الاشتركات للنظام بالاجل
مثلا انت فعلت اليوزر معين من المبايل واشتراكة لايت
من تسوي مزامنة راح يصير تفعيل اجل لليوزر بقيمة 30 الف مثلا
* اهم شي بالمزامنة لازم اليوزر موجود سابقا بالنظام حتى يزامنة وية الصفحة

8- شرح طريقة ربط ايرثلنك + الساس3
مع التفعيل
وكذلك شرحة طريقة مزامنة الاشتراكات

سلام عليكم الشباب
ان شاء الله الجمعة انزل اصدار جديد
التحديثات الي راح تصير
1- بالتفعيل راح تنضاف ملاحظة بالمنجمنت تلقائية
يصير بيها ( الاسم + اسم الموظف الي فعلة + مجموع الديون ) تفيدكم بالمنجمنت
2- تعديل الية المزامنة بين النظام والصفحة
3- ارسال تنبيه واتساب + sms بالنسبة لواجهة اضافة الديون السابقة
4- تعديل واجهة المشترك : اختيار نوع التنبيه( sms او واتساب او كلاهما )
5- دخول نانو المشترك نوع (نانو راوتر) لعرض معلومات النانو cqq+tx rx+ uptime +signal + Lan

تم رفع اصدار جديد
يرجى تحديث النظام
ثم عمل صيانة للنظام كما موضح بالصورة

من اعدادات النظام تكدرون تختارون طريقة ارسال الرسائل او التنبيهات لكل المشتركين

بعد تحديد النوع الافتراضي لكل المتشركين من الاعدادات
- من واجهة المشتركين نكدر نغير او نستثني مجموعة مشتركين
مثلا مشترك ماعندة واتساب تختار طريقة التنبيه SMS
- او نكدر نلغي التنبيه لمشترك معين

عند اضافة ديون سابقة للمشترك
يتم ارسال تنبيه(واتساب او SMS) له بالمبلغ

تم تعديل الية مزامنة الاشتراكات كما موضح بالصورة

تم تعديل الية فحص اشارة النانو
بالنسبة لشركة ايرثلنك اذا كان الاشتراك بالنانو
اتركوا الايبي فارغ —> راح ياخذة من المنجمنت ويدخل للنانو
وان شاء الله راح اسوي نفس العملية للساس

عند تفعيل الاشتراك
يجب دخال المبلغ الواصل ثم تفعيل الاشتراك من الصفحة
-سوف يتم اضافة المبلغ المتبقي + اسم الموظف الي فعل الاشتراك
لخدمة ايرثلنك + الساس

نفس الالية لخدمة ايرثلنك

شباب رفعت تحديث جديد سويت تعديلات ع النظام
صار اسرع من قبل
جربوا عرض جميع الوصولات بعد التحديث

تم رفع اصدار جديد
تم تحديث الية مزامنة ايرثلنك
صار اكو نوعين للمزامنة الاشتراكات بين النظام
1- الاشتراكات التي تم تفعيلها اليوم
2- الاشتراكات التي تم تفعيلها خلال اسبوع
راح تنضاف للنظام وصولات بانواع الاشتراكات + تاريخ الاشتراك + وقت الاشتراك + مبلغ الاشتراك بالاجل
وبالنسبة لسرعة المزامنة صارت 1000 مشترك خلال ثانيتين يكملون
* الي يتزامن يصير لونة اخضر
والي بيه مشكلة يصير لونة احمر
* واهم شي من تكملون تسون تاكيد المزامنة حتى يحفظ الوصولات

شباب الي يريد مثل هذا التصميم
يرسلي معلومات المكتب ع الخاص
-الحجم 80ملم طابعة فواتير

شباب حدثوا النظام
حاليا سويت اضافة بسيطة للمزامنة
- الاسماء الي تطلع بالمزامنة راح تصير بداية القائمة حتى تتاكدون منها بسهولة
ثم تاكدون عملية الحفظ

سلام عليكم شباب
تنويه هام : ارجوا متابعة اخر التحديثات الخاصة بالبرنامج
و يفضل العمل على اخر اصدار للنظام تلافيا لحدوث مشاكل في الاصدارات السابقة

شباب ان شاء الله باجر يكمل التحديث
- بهذا الاصدار راح تكدرون تتحكمون بالتنبيهات التلقائية
- واكو تنبيهات يدوية بكل الواجهات راح تبقى اختيارية
- وتكدرون تحددون نموذج الرسالة لكل تنبيه