Humint (2026)

အက်ရှင်အလန်းစား ကားတွေကို စောင့်မျှော်နေကြသူများအတွက် Zo In-Sung, Park Jeong-Min,
Shin Sae-Kyeong, Park Hae-Jun တို့လို ထိတ်ထိတ်ကြဲ မင်းသား၊ မင်းသမီးတွေ အဓိက
ပါဝင်သရုပ်ဆောင်ထားတဲ့ ရုံတင် စပိုင်အက်ရှင်ကားသစ်ကြီးကတော့ ထွက်ရှိလာပြီပဲ ဖြစ်ပါတယ်။

HUMINT ဆိုတာကတော့ "Human Intelligence" ရဲ့ အတိုကောက် စကားလုံးဖြစ်ပြီး
သတင်းပေး၊ ထောက်လှမ်းရေးသမားစတဲ့ လူသားအရင်းအမြစ်တွေကို အသုံးချပြီး
သတင်းအချက်အလက် စုဆောင်းရယူတဲ့ ထောက်လှမ်းရေးလောက အသုံးအနှုန်းတစ်ခုပါ။

- ဇာတ်လမ်းအကျဉ်း -

တောင်ကိုးရီးယား အမျိုးသားထောက်လှမ်းရေးအဖွဲ့က ဌာနမှူးဂျို (Zo In-Sung) ကတော့
အရှေ့တောင်အာရှမှာ ဖြစ်ပွားတဲ့ နိုင်ငံတကာ ရာဇဝတ်မှုတွေကို ခြေရာခံလိုက်နေသူပါ။

သူဟာ HUMINT စစ်ဆင်ရေးတစ်ခုအတွင်းမှာ အသက်ပေးလိုက်ရတဲ့ သတင်းပေး ချန်ထားခဲ့တဲ့
သဲလွန်စနောက်ကို လိုက်ပြီး ရုရှားနိုင်ငံ ဗလာဒီဗော့စတော့မြို့ဆီ ရောက်ရှိလာခဲ့ပါတယ်။

အဲဒီမြို့မှာ ဌာနမှူးဂျိုဟာ မြောက်ကိုးရီးယားစားသောက်ဆိုင် ဝန်ထမ်းမလေး ချယ်ဆွန်းဟွာ (Shin Sae-Kyeong)နဲ့
ဆုံတွေ့မိပြီး ဆွန်းဟွာကို သူ့ရဲ့ HUMINT စစ်ဆင်ရေးအသစ်အတွက် သတင်းပေးအဖြစ် ရွေးချယ်လိုက်ပါတော့တယ်။

တစ်ဖက်မှာလည်း နယ်စပ်ဒေသမှာ ဖြစ်ပွားနေတဲ့ လူပျောက်မှုတွေကို စုံစမ်းဖို့အတွက် ဗလာဒီဗော့စတော့မြို့ဆီ
စေလွှတ်ခြင်းခံရတဲ့ မြောက်ကိုးရီးယား နိုင်ငံတော်လုံခြုံရေးဝန်ကြီးဌာနက ခေါင်းဆောင် ဘတ်ဂွန်း (Park Jeong-Min) ဆိုသူက
ဒီအမှုရဲ့ နောက်ကွယ်မှာ မြောက်ကိုးရီးယား ကောင်စစ်ဝန်ချုပ် ဟွမ်ချီဆောင်း (Park Hae-Jun) ရှိနေမှန်း သိလိုက်ရပါတော့တယ်။

မတူညီတဲ့ ပန်းတိုင်ကိုယ်စီနဲ့ ဗလာဒီဗော့စတော့မြို့မှာ ထိပ်တိုက်ဆုံတွေ့မိကြတဲ့ မြောက်နဲ့‌ တောင်ကိုးရီးယား အေးဂျင့်တွေရဲ့
အားပြိုင်ပုံကို ဒီဇာတ်လမ်းလေးထဲမှာ ရင်ခုန်စိတ်လှုပ်ရှားစွာနဲ့ ဆက်လက် ကြည့်ရှုလိုက်ကြပါဦး။

B*lo*odh*o*unds Season 2

ဇာတ်လမ်းထဲမှာလည်း ၃ နှစ်တာ အချိန်ကျော်လွန်သွားပြီးတော့ Kim Geon U က လက်ဝှေ့သမားချန်ပီယံဆုရဖို ကြိုးစားနေသလို ညီအစ်ကိုလိုခင်မင်ရတဲ့ Hong U Jin ကတော့ နည်းပြအဖြစ် ဘေးကနေအားဖြည့်ပေးနေတာပါ။ဒီတစ်ခေါက်မှာတော့ အတိုးပေးစားတဲ့ ချေးငွေလောကထက် ပိုမိုကြမ်းတမ်းတဲ့ မြေအောက် လက်ဝှေ့လောကကို ခြေဆန့်ပြီး ပိုမိုကြီးမားတဲ့အန္တရာယ်တွေနဲ့ ရင်ဆိုင်ရတော့မှာပါ။ဒီ Season 2 မှာ ပရိသတ်ကြီးအကြည့်ချင်ဆုံးဖြစ်တဲ့ ဗီလိန်အဖြစ်သရုပ်ဆောင်ထားတဲ့ မင်းသား Rain ရဲ့အမိုက်စားသရုပ်ဆောင်မှုတွေကြား ဘယ်လောက်ထိ ရင်တထိတ်ထိတ်ဖြစ်စေမလဲ။အက်ရှင်ကား ကြိုက်သူတွေအတွက်တော့ မလွတ်တမ်း ကြည့်သင့်တဲ့ဒရာမာလေးပါပဲ။

Hometown Romance (2026)

​မြို့ပေါ်မှာ ဇိမ်နဲ့နေပြီး ဆိုးနွဲ့လွန်းတဲ့
လူကုံထံမိသားစုက သမီးကြီး စီ (Si) ဟာ သူ့ရဲ့ညီမငယ် CEO ရာထူးရသွားတာကို မကျေနပ်ရာကနေ ဇာတ်လမ်းစတင်ခဲ့ပါတယ်။ တစ်ဖက်မှာလည်း စီ့အဖေပိုင်တဲ့ Shopping Mall မြေနေရာဟာ စာချုပ်သက်တမ်းကုန်ဆုံးတော့မှာဖြစ်ပြီး၊ မြေပိုင်ရှင်မလေး ကုလား (Kla) က သက်တမ်းမတိုးပေးဘဲ အဲ့ဒီမြေပေါ်မှာ လယ်ပြန်ထွန်မယ်လို့ ပြောဆိုခဲ့ပါတယ်။
​အခြေအနေတွေ တင်းမာနေချိန်မှာ ကုလားက ထူးဆန်းတဲ့ အပေးအယူတစ်ခု လုပ်ခဲ့ပါတယ်။ အဲ့ဒါကတော့ စာချုပ်သက်တမ်း အနှစ် ၂၀ ထပ်တိုးပေးဖို့အတွက် "စီ" နဲ့ လက်ထပ်ရမယ် ဆိုတဲ့အချက်ပါပဲ။ မြို့ပြမှာ မာနကြီးခဲ့တဲ့ စီတစ်ယောက် တောရွာကို ရောက်သွားတဲ့အခါ နေပူထဲမှာ လယ်ထွန်ရတာ၊ ကျွဲကျောင်းရတာ၊ ငါးဖမ်းရတာတွေကို ဟာသနှောပြီး ရိုက်ကူးထားပါတယ်။ စီဟာ သူဟာလည်း CEO တစ်ယောက်ဖြစ်ဖို့ ထိုက်တန်ကြောင်း သက်သေပြဖို့အတွက် ဒီခက်ခဲတဲ့ ကျေးလက်ဘဝမှာ ရှင်သန်အောင် ကြိုးစားရမှာဖြစ်ပါတယ်။အစပိုင်းမှာ တစ်ယောက်နဲ့တစ်ယောက် မတည့်ကြပေမဲ့ Kla ရဲ့ ရိုးသားပြီး ကြင်နာတတ်တဲ့ စိတ်ထားကြောင့် စီ့ရဲ့နှလုံးသား တဖြည်းဖြည်း ပြောင်းလဲလာပုံကို မြင်တွေ့ရမှာပါ။ ဇာတ်လမ်းအကျဥ်းကို Kim မှရေးသားထားပါသည်။