🔴 عاجل : فرصة ثالثة بالطريق لطلاب السادس الإعدادي ، حتى لو راسب بكل المواد

هيئة الرأي بوزارة التربية وافقت اليوم على :
1. إجراء الدور الثالث لطلبة السادس الإعدادي بكل فروعه ، والثالث المتوسط ، والسادس الابتدائي ، ويشمل الراسبين بجميع المواد.
2. اعتبار العام الدراسي 2025-2026 سنة عدم رسوب لكل المراحل.

الدور الثالث بعده يحتاج موافقة مجلس الوزراء حتى يصير نهائي ، وراح نوصلك القرار أول بأول.

اذا ما وفّقت بالأدوار السابقة ، هاي فرصتك والوقت قصير : المراجعة المركزة راجعة للدور الثالث.
التفاصيل وموعد التسجيل تنزل هنا بالقناة أول بأول.

يقولون الجلد يتقشر وبحالة تجدد مستمر… لعد ليش الوشم يطول سنين؟

جلدك يتكون من طبقتين: البشرة وهي الفوك وبحالة تجدد مستمر، والأدمة اللي هي شوية جوة.
صبغة الوشم تنحط بالأدمة تحديداً، وهناك تجي خلية اسمها البلعم الكبير تشوف جزيئات الصبغة كأجسام غريبة وتبلعها.
وإذا مات البلعم؟ الصبغة تتحرر ويجي بلعم ثاني ياكلها من جديد… فالصبغة تظل بمكانها حتى لو تموت الخلية.
يعني بقاء الوشم يعتمد على شغلتين: مكان الصبغة، وجسمك شلون يتعامل وياها.

بكتاب السادس: عملية البلعمة بالفصل الأول، والبلعم الكبير بالفصل الثاني.

📚 المصدر: Baranska وزملاؤها — Journal of Experimental Medicine (2018)

هاي جانت أول حلقة من سلسلة «ليش؟»… سوّي Follow حتى توصلك الحلقة الجاية.
سجل بالدورة الشتوية: دزلنا بالخاص ونسويلك جدول خاص بيك، وخلي بدايتك صح.

▶️ شاهد الريل على تيك توك:
https://www.tiktok.com/@bio_a2z/video/7699504691360615732

ريل جديد نزل هسه على الانستغرام !
من تبرد… ليش جسمك يظل يرجف؟

الجواب بالحلقة الثانية من سلسلة «ليش؟»
ومعلومة مهمة من الفصل الثاني بكتابك
👈 ادخل شوفه هسه
https://www.instagram.com/reel/De2QwMHDj7z/

من تبرد… ليش جسمك يظل يرجف؟ ومعقول هاي الحركة تدفيك؟

العضلات من تشتغل تستغل الطاقة الكيميائية الموجودة بالـATP: جزء منها يصير شغل عضلي، وجزء يتحرر حرارة.
ومن يبرد جسمك، الجهاز العصبي يسوي تقلصات سريعة ومتكررة بالعضلات الهيكلية… وهاي هي الرجفة اللي تزيد إنتاج الحرارة.
بس العضلات الهيكلية مو إرادية؟ إي صحيح، تحركهن بإرادتك، بس هذا ما يمنع شغلهن بشكل لا إرادي مثل ما يصير بالرجفة.

وكتابك بالفصل الثاني يكول: «العضلات مهمة لتوليد الحرارة للجسم».

هاي الحلقة الثانية من سلسلة «ليش؟»… سوّي Follow حتى توصلك الحلقة الجاية.
سجل بالدورة الشتوية: دزلنا بالخاص ونسويلك جدول خاص بيك، وخلي بدايتك صح.

▶️ شاهد الريل على إنستغرام:
https://www.instagram.com/reel/De2QwMHDj7z/

🔥 ريل جديد نزل هسه على انستغرام!

البكاية كرصتك وطارت… ليش انت بعدك تحك مكانها؟ 🦟
الجواب بالحلقة الثالثة من سلسلة «ليش؟»: خلية بجسمك تفرز مادة اسمها الهيستامين… وهي اللي تخليك تحك وتورّم القرصة 👀
وهاي الخلية موجودة بكتابك بفصل الأنسجة!

👈 ادخل شوفه هسه، واكتبلنا بالتعليقات «فهمت» إذا وصلتك الفكرة، وسوّي Follow حتى توصلك الحلقة الجاية:
https://www.instagram.com/reel/DfAgWJOHzIu/

البكاية كرصتك وطارت… ليش انت بعدك تحك مكانها؟

من تكرصك البعوضة تخلي جزء من لعابها بداخل جلدك، وجسمك ممكن يتحسس من المواد اللي بهاللعاب.
فتستجيب خلايا من جسمك، وحدة منها اسمها الخلية البدينة، وتفرز مادة اسمها الهيستامين.
الهيستامين يساهم بالحكة، ويوسّع الأوعية الدموية الصغيرة القريبة من القرصة فتدخل سوائل هواية للمكان… ولهذا تشوف القرصة منفوخة ومورّمة.
وحتى لو تطير البكاية، رد الفعل بجسمك يبقى… وتبقى الحكة.

وبفصل الأنسجة أكو شرح على الخلية البدينة والهيستامين وتأثيره على الأوعية الدموية، وهذا أقرب مثال عملي تفتهم بيه.

هاي الحلقة الثالثة من سلسلة «ليش؟»… سوّي Follow حتى توصلك الحلقة الجاية.
سجل بالدورة الشتوية: دزلنا بالخاص ونسويلك جدول خاص بيك، وخلي بدايتك صح.

▶️ شاهد الريل على إنستغرام:
https://www.instagram.com/reel/DfAgWJOHzIu/