مُـسْـــلم

893 viewsedited 18:21

894 viewsedited 18:25

خلاص بقيت تاجر دين ؟؟!!!
لماذا بعد فترة - طالت أو قصرت - ينسحب غالب الدعاة وأصحاب المحتوى الديني من الميديا ويختفون دعويًا؟!
السؤال ده جه ف بالي كتير جدا، لأني رصدت خطوات دعاة كتيييير جدا لقيت أن معظمهم في فترة معينة اختفى دعويا أو اتجه لنشاطات أخرى..

والظاهرة دي مرعبة لو تعلمون!
انت مش متخيل يعني ايه داعية مشهور مؤثر ينسحب فجأة في ظل هذه الموجات العاتية من الفتن والشهوات والشبهات وضياع المجتمع وتصدر الجهلة وأصحاب الأجندات الممولة، انت مش متخيل يعني ايه الناس تبطل تسمع عن ربنا وعن النبي ﷺ من ناس بتتبع المنهج الصحيح ومنهج سلف الأمة وتسمع لناس ضُلّال مفسدين هم أبعد ما يكون عن سنة رسول الله ﷺ، اللي فاهم حجم الكارثة هيترعب والله!

وحاولت أفسّر الظاهرة دي، لقيت أسباب مشتركة وأسباب فردية، يعني منهم اللي اتفتن والعياذ بالله، منهم اللي توجهاته اتغيرت تماما، ولكن السبب اللي أغلبهم اشترك فيه هو: السبب المادي! أنهم انسحبوا عشان يلاقوا باب يجيبوا منه لقمة العيش وياكلوا بالحلال!

في مجتمع (يحرّم ويجرّم) أن الدعاة يتكسبوا بأي طريقة حتى لو طريقة شرعية زي أنك تعمل إعلان لمنتج محترم أنت مجربه أو شركة انت بتثق فيها، في مجتمع يرى أن الدعاة والشيوخ يجب أن يكونوا أفقر الناس ولا يجدون قوت يومهم وياكلوا من الزبالة حرفيا عشان يبقو مخلصين وكده، في مجتمع اتعمله فوبيا من أي شيخ يعيني عنده عربية!! يترى جابها منين؟!؟!؟؟!؟! وكأنه الوحيد الذي اشترى سيارة في الكوكب! في مجتمع يدفع المال لكل شيئ حتى للذنوب! وفي نفس اللحظة يرى أن شيخ القرآن كتير عليه ٢٠٠ جنيه في الشهر واتقِ الله يشيييخ! وهو أصلا في أقل خروجة واحدة بيصرف ضعفهم!
مجتمع تم حقنه ضد أهل الدين والدعاة المخلصين!
مجتمع اتربي أن كل حاجة بفلوس، إلا أي حاجة متعلقة بالدين حتى لو صحابها ده مصدر دخلهم الوحيد.

غالب الدعاة المحترمين مش بيكسبول حاجة من فيديوهاتهم لأنهم مش مفعلين الإعلانات لأن فعلا فلوس الإعلانات مشبوهة وأنا قـ.ـتلت الموضوع ده بحثا، وبيبقي نفسهم يقدموا للدين وللناس ولكن محدش بيساعدهم ماديا، ف غصب عنهم بينسحبوا عشان ميمدوش ايديهم لحد، وهذا والله مؤسف مؤلم موجع!

لو عاوز تطلع صدقات ف أحسب أن الباب ده من أفضل الأبواب لإخراج الصدقات، ولكن لما تحب تديها متقولش عليها صدقة لأن ممكن ميقبلهاش، سميها دعم، سميها لتطوير المحتوى، سميها كفالة طالب علم، بتفرق
ادعم أحد أصحاب المحتوى النافع ماديا بمبلغ كل شهر لو معاك وقادر، ولو قادر تتكفل بيه افعل ولا تتردد طالما علمت صدقه ورأيت نفعه، ولو عندك محل أو شغل خاص مفيش أي مشكلة أنه يبقي واجهتك، يحط اللوجو او اسم المحل بتاعك وتكفله انت ماديا، وعلى فكرة ده بيتعمل في كل مكان عادي، اتعرض عليا انا شخصيا كتير جدا بس غالبهم مش مناسب ليا ف رفضت، لكن لو كان واحد مناسب مكنتش هرفض نهائي! ومش شايف أي مشكلة في ده، بل أن حد أعرفه ناس بتديله مبلغ وتقوله اعمل فيديو عن كذا وده يكون صدقة جارية لوالدي الله يرحمه ونزله من غير ما تقول والنية كما اتفقنا.

بلا مزاح، اللي عنده شغل حلال ومناسب لداعية يعرض عليه، اللي عارف وظيفته الأساسية سواء دكتور أو مهندس أو مدرس أو ايا كان يساعده يلاقي فرصة كويسة بوظيفته توفرله وقت كافي للدعوة، اللي عاوز يخدم الدين ده يخدم دعاته والمخلصين في تقديم الدين لإخوانهم والناس، والله باب خير كبير أن كل الملايين اللي بتنتفع دي وتقرب لربنا تكون في ميزانك، وأنا أعرف أخوة حالهم لا يسر عدو ولا حبيب والله، وتركوا وبيتركوا الدعوة لأن الدنيا ضاقت بهم، والناس لا تفهم لماذا تركوا الثغر وانسحبوا.. وبكتب المنشور ده تأثرا بحالهم حقيقي، حاجة تقهر والله يجماعة.

#الساخر_الهادف
#ادعموا_الدعاة

1.04K views21:53