Yaqinda bir qiziq voqea bo'ldi

Mashinada o'tirsam, shu rasmdagi otaxon oldimga kelib:
- Bolam, mana bu qog'ozdagi to'lovlarni qayerdan o'tkazaman, mana shu yerlarda bitta binoni aytishdi" deb qoldi.

Qarasam otaxon yoshi katta, kadastr va MIB uchun qanaqadir to'lovlari bor. Qiynalmasinlar dedim.

Otaga tushuntirib, telefonimdan o'tkazib berdim-da, ishiz bitdi dedim. Yoshi kattalar teknolojiyani uncha tushunmagani uchun, biroz ishonqiramadilar. Nomerimni berib ketdim.

Ushandan keyin tinmay telefon qildilar. Sizga pulimni berishim kerak, sizni haqqiz deb. Men roziman otam desam ham, tindirmay bir qizlari, bir o'g'illari qilishdi.

Va nihoyat bugun meni topib kelishibdi-da.

Otaxonga molodets. Juda halol va ko'ngli pok inson ekan.

Yaqin insonlar bir-biri o'rtasidagi pulni aldab bermay yurganda, g'irt begonani omonatini, garchi u rozi bo'lsa ham, qidirib yurib berdilar.

Shunday insonlar ko'paysin.

Ha aytgancha, o'sha pullarni kelishib, ehson qilib yuboradigan bo'ldik, otaxon uje joyiniyam topib qo'yishibdi :)