فرقة رابعة ( بالنسبة للقضية تحل القضيه ازاي ؟ وكلمتين للمكسحين في موضوع القضية دا )
#اولا -حل مباشر هيقولك فلان بيدفع بكذا ايه رأيك في الدفوع دي هتقوله بالنسبة للدفع الاول صحيح ولا غير صحيح وليه وخلصنا )
وخلي بالك الحل كله في الصفحة الاولي ف الغالب يعني هتكتب ف كل دفع سطور معدوده ..
طيب ماشي مفيش مشكلة هعمل كدا زي الفل وهقول الدفع غير صحيح وصحيح بس المهم سيادتك فاني مش هبقي عارف اقول ليه 😂
- علشان كدا عايز اقولك ان ليه دي والاجابة هتكون مبدأ من المبادئ دي اللي اصلا الدكتور ملاها في محاضرته بما يعني ان الحل هيكون في المبادئ دي يعني هتكتب الدفع غير صحيح لسبب من دول يبقي تحفظهم زي اسمك . وتشوف بقي اي مبدأ من دول ينطبق علي القضية اللي قدامك .
طيب لو انا مكسح ؟ 😂
طبعا لو مكسح وانت مغمض عنيك من غير كلام كل الدفوع تعملها غير صحيحه
وتشوف الدفع فيه ايه عدم وفاء عدم قبول - تظهير - سقوط حق حامل مهمل - افلاس ساحب او حامل او مهمل . وتيجي رايح راصص المبادئ الخاصة بالموضوع . وزي ما يطلعو معاك .
طايب ايه هي المبادئ دي ؟
توكلنا علي الله
1- الورقة التجارية مستقله عن العلاقات التي حررت من اجلها والتزام كل موقع متجرد عن باقي الموقعين ( مبدا التجريد )
2- كل موقع علي الورقه التجارية ملتزم بالوفاء بقيمتها التزاما مستقلا عن التزامات باقي الموقعين ( مبدأ استقلال التوقيعات )
3- التظهير التام الجزئي باطل
4- التظهير التام يجوز فيه ان يكون لحامله ولكن لا يجوز انشاء كمبيالة لحاملة فلابد ان يكون انشاءه باسم . وخلي بالك لو شيك ينفع تصدره من البداية لحامله اما الكمبيالة لا
5- لا يجوز للمدين في الكمبيالة التمسك بالعيوب التي كانت له قبل مظهر الكمبيالة تظهيرا تاما ( قاعدة تطهير الدفوع )
6- لا يجوز للمظهر اليه تظهيرا توكيليا ان يظهر الكمبيالة تظهيرا تاما
7- مقابل الوفاء ليس شرطا لصحة الكمبيالة بل هو ضمانه للوفاء بقيمتها .
8- يجوز للمسحوب عليه ان يوفي جزء من الكمبيالة وليس كلها عند مطالبته بالوفاء ..
9- حق الحامل علي مقابل الوفاء حق ملكية نعم ولكنه ملكية لن تتحقق ويصبح مالكا له الا في (حالة حلول ميعاد الاستحقاق او في حالة قبول المسحوب عليه )
10- حالات وجوب تقديم الكمبيالة للقبول وحالات عدم تقديمها للقبول (يجب تقديم الكمبيالة للقبول اذا كان ميعاد استحقاقها بعد مده من الاطلاع - او اذا كانت متضمنه شرط القبول ويحذر تقديم الكمبياله المستحقة لدي الاطلاع او المتضمنه شرط عدم القبول )
11- القبول المعلق علي شرط قبول باطل ودليل قاطع علي تلقيه مقابل الوفاء .
12- افلاس المسحوب عليه سواء كان قابل او غير قابل وافلاس الساحب يعتبر بمثابة امتناع عن القبول وبالتالي يحق للحامل عمل بروتستو امتناع عن القبول والرجوع علي الموقعين حتي ولو كان المسحوب عليع قابل .
13- اذا قبل المسحوب عليه الكمبياله فالاثر المترتب علي ذلك هو اعتباره مدين رئيسي للحامل
14- في حالة امتناع المسحوب عليه عن الوفاء فان من حق حامل الكمبيالة ان يرجع علي كل الموقعين متضامنين دفعه واحده او علي بعضهم دون البعض او علي احد منهم منفردا ولا يجوز لاحدهم ان يعترض علي هذا الرجوع بحجة الاسبقيه او الترتيب .. واذا وفي احدهم لايجوز له الرجوع الا علي السابقين عليه دون اللاحقين
15- لا تجوز المعارضة في الوفاء الا في حالتين ( ضياع الكمبيالة - افلاس الحامل )
16- ميعاد احتجاج عدم الوفاء يكون في الايام الاربعه التالية لتاريخ الاستحقاق . وعمل احتجاج عدم وفاء علي المظهرين يكون في الايام الاربع التالية لتاريخ عمل الاحتجاج الاول .
17- عمل احتجاج عدم القبول او افلاس المسحوب عليه او الساحب يغني عن عمل احتجاج عدم وفاء
18- يمكن للحامل ان يرجع علي الموقعين قبل ميعاد الاستحقاق في الحالات الاتية ( امتناع المسحوب عليه عن القبول جزئيا او كليا - افلاس المسحوب عليه قابل ام غير قابل - افلاس الساحب قبل قبول المسحوب عليه )
19- في حالة رجوع الحامل علي المسحوب عليه القابل لايجوز للمسحوب علي ان يتمسك بسقوط حق الخامل في الرجوع عليه لاهماله . ولكن يتمسك بالتقادم اذا انقضت مدة التقادم
20- التظهير اللاحق لميعاد الشيك يفقد الشيك معناه ويتحول الي حوالة مدنية
21- لا قبول في الشيك ووضع صيغة مقبول تعتبر كان لم تكن
22- عدم وجود مقابل الوفاء لا يوثر علي صحة الشيك مثل الكمبيالة لانه ضمانه وليس شرط .
23- يجوز الوفاء الجزئي في الشيك ويمكن تحريك دعوي شيك بدون رصيد بالجزء الباقي
24- في حالة التزاحم بين حملة الشيكات علي مقابل الوفاء فالاسبقية لتاريخ الاصدار ثم الشيك الاسبق رقما ثم الشيك الاقل مبلغا .

25- في حالة تزاحم بين حملة الكمبيالة علي مقابل الوفاء فالترتيب يكون لتاريخ انشاء الكمبيالة ثم الكمبيالة المقبولة لو التاريخ واحد .
26- في الشيك ليس من حق المسحوب عليه ان يحتج بسقوط حق الحامل المهمل في الرجوع عليه طالما مقابل الوفاء موجود لديه . وايضا ليس من حق الساحب ان يحتج باهمال الحامل طالما لم يقدم مقابل وفاء .
27- تتقادم دعاوي الحامل في الشيك ( 6 اشهر في مواجهة الساحب وباقي المظهرين - 3 سنين في مواجهة المسحوب عليه )
#طاب هتسيبنا بقي ؟ لا باذن الله هنطبق سوا ع المبادئ دي وانا اقولك قضيه صغيره وانت تقولي يتحطلها اي مبدأ وهتكون سهله ..
#بالتوفيق بشواتنا , د تامر سليمان

فرقة رابعة ( تعالي نبسطها بالامثلة وكمان نقول الدفوع المتوقعه بحلها للمكسحين اللي كسحوني شخصيا والله)
#بص ياباشا مصر
-القضية اللي هتيجي في الامتحان هتتحل ازاي ياسيدي بالراحة اهو . هيجيبلك دفوع وعايزك تقوله صحيحه ولا غير صحيحه وليه ؟
هتجاوب بالدفع غير صحيح او صحيح وتقول علشان كذا
علشان كذا دي هتكون مبدأ من المبادئ اللي انا نزلتها امبارح يعني المبدأ دا هو الحل هو الحل .
- يبقي القضيه فيها ايه تعالي نقول امثله ممكن الدفع اللي عايزك تقول صحيح ولا غير صحيح بيتكلم عن
1- ممكن الدفع ان المسحوب عليه او البنك عمل قبول علي كمبيالة وعلق القبول دا علي شرط يعني قال مقبوله بشرط وجود مقابل وفاء.
-يبقي هتقول الدفع غير صحيح وتيجي قايل وفقا لمبدأ (ان القبول المعلق علي شرط باطل) والكمبيالة كانت معلقه علي شرط كذا
2- ممكن الدفع يكون ان المسحوب عليه بيقول ان الورقه دي او الصك دا مش كمبيالة او شيك لانه بيفتقد مقابل الوفاء او الرصيد مش موجود .
- يبقي هتقوله دفع غير صحيح وتيجي رازع المبدأ اللي انت المفروض قريت أمه في بوست امبارح 😂
اللي هو ( لان مقابل الوفاء ليس شرطا لصحة الكمبيالة او الشيك بل هو ضمانه من ضمانات الوفاء به )
3- ممكن الدفع يكون ان واحد من الموقعين لما رجع عليه الحامل قاله ملكش ترجع عليا ارجع علي اللي قبلي الاول ..
- يبقي تقوله غير صحيح وتقوله المبدأ ( للحامل ان يرجع علي كل الموقعين متضامنين او علي بعضهم او علي احدهم وليس لاحد منهم ان يعترض لان كلهم ضامنين للوفاء بقيمة الكمبيالة ) وتخلي بالك هيوفي غصب عنه بس بعد مايوفي للحامل ملوش غير انه يرجع علي اللي قبله بس .
4- ممكن الدفع يكون ان الساحب حرر اكتر من كمبيالة او شيك لاكتر من شخص وراحو كلهم عايزين يصرفوا من البنك الا ان الرصيد اللي هو مقابل الوفاء مش مكفيهم كلهم فيكون من اولي من التاني انه ياخد .
- هتقوله مبدأ ( التزاحم علي مقابل الوفاء في الكمبيالة وفي الشيك . ( في الكمبيالة العبرة بتاريخ الاصدار ثم بالكمبيالة اللي واخده قبول - في الشيك الاولوية بالتاريخ ثم بالاسبق رقما في حالة سحب شيكات من دفتر واحد ثم لو تساوو يبقي يتصرف الشيك الاقل مبلغا ..
5- ممكن الدفع يكون ان البنك( المسحوب عليه) موفاش وبيدفع بعدم احقية الحامل في الرجوع عليه لان الحامل مهمل في المواعيد او معملش عدم احتجاج في المواعيد بتاعته
- يبقي تقوله غير صحيح وتقوله المبدأ ( ان المسحوب عليه سواء في الكمبيالة او الشيك لا يستفيد من اهمال الحامل في المواعيد اللي بيستفيد من الدفع دا الساحب وباقي الموقعين وخلي بالك الساحب ممكن الا يستفاد ايضا في حالة اذا كانت الورقه شيك ومقدمش حضرته مقابل الوفاء
6- ممكن يكون الدفع ان المسحوب عليه او الساحب افلسو ولما رجع الحامل علي الموقعين قالوا لا ملكش حق عندنا لانك معملتش احتجاج عدم وفاء كان لازم تعمله قبل ما ترجع علينا .
- هتقوله الدفع غير صحيح وتقوله المبدأ ( ان افلاس المسحوب عليه سواء كان قبل او غير قابل وافلاس الساحب يعفي الحامل من عمل بروتستو عدم وفاء وله ان يرجع عليهم دون عمل الاحتجاج بحجة افلاس المسحوب عليع او الساحب .
7- ممكن يكون الدفع ان المسحوب عليه بيتحلل من التزامه تجاه الحامل بعد ما قبل الكمبياله منه وبيقوله مش هوفي لان مقابل الوفاء مجاش )
- تقوله غير صحيح وتقوله المبدأ ( يترتب علي قبول المسحوب عليه للكمبيالة التزاما التزام رئيسي بدفع قيمتها حتي ولو لم يتوافر مقابل الوفاء )
8- لاقيت واحد ظهر الكمبيالة تظهير تام ( ناقل للملكيه) بقيمة عشرين الف مثلا والمظهر اليه دا ظهرلها لواحد بس ظهرله منها عشره بس . ولو لاقيت التظهير علي سبيل التوكيل مثلا والمظهر اليه توكليا ظهرها تظهير ناقل للملكية
- دماغك تروح زي الصاروخ علي التلات قواعد دول ( التظهير التام الجزئي باطل - قاعدة تطهير الدفوع - لا يجوز للمظهر اليه توكليا ان يظهرها تظهير تام )
9- لاقيت مثلا شيك والمسحوب عليه عمل عليه صيغة مقبول
- تروح لقاعدة ( لا قبول في الشيك ووضع صيغة القبول غلي الشيك تعتبر كان لم تكن )
10- لاقيت دفع بيتكلم عن عدم احقية ان الحامل يرجع علي الموقعين او الساحب قبل ميعاد الاستحقاق .
- هتقول غير صحيح ‘المبدأ هو ( يحق للحامل ان يرجع حتي قبل ميعاد استحقاق الكمبيالة- في حالة افلاس الساحب او المسحوب عليه او امتناع المسحوب عليه عن القبول .
11- لاقيت دفع بيتكلم عن ان البنك وفي بجزء من المبلغ مش المبلغ كله .
- هتقول مبدأ ( يجوز الوفاء الجزئي سواء بالشيك او بالكمبيالة ) وفي الشيك الحامل بياخد جزء من المبلغ وبيرفع دعوي اصدار شيك بدون رصيد بالباقي اللي مخدهوش.

- لاقيت دفع بيتكلم عن شيك بعمله اجنبية والبنك مش راضي يديله غير بالمصري ..
- يبقي تروح علي مبدأ ( يجوز الصرف بالعملة المصرية عادي وفقا لسعر الصرف العادي للعمله الاجنبيه ولا يجبر الخامل علي ذلك بل بارادته )
12- لاقيت دفع بيتكلم عن اهمال الحامل في انه يعمل عدم احتجاج الوفاء خلال المواعيد .
- يبقي تقول مبدأ (ان عمل الاحتجاج بيكون في الايام الاربع التالية لميعاد الاستحقاق ولو معملوش يبقي مهمل ومن حق الموقعين ان يدفعو بسقوط حقه . لكن خلي بالك مش من حق المسحوب غليه ولا الساخب الذي لم يقدم مقابل الوفاء) ، د تامر سليمان

فرقة رابعة ( نموذجين امتحان )
#النموذج الاول
( قضية اجباري ) وباذن الله اجابتها مش هتطلع بره المبادئ ذاكر بوست المبادئ + بوست التبسيط بالامثلة )
اجب عن ثلاثة اسئلة
السوال الاول
من اثار الافلاس بالنسبة للدائنين وقف الدعاوي الانفرادية وسقوط اجال الديون اشرح ذلك
السؤال الثاني
مبدأ عدم تجزئة الحساب الجاري والاستثناءات عليه موضحا اسباب قفل الحساب الجاري
السؤال الثالث
أ- قاعدة تطهير الدفوع
ب- تملك مقابل الوفاء في الشيك والكمبيالة
السوال الرابع
أ- العلاقات الناشئة عن الاعتماد المستندي
ب- اثار الصلح الواقي
-------------
#النموذج الثاني
( قضية اجباري )
اجب عن ثلاث اسئلة من الاتي
السؤال الاول
شروط المدفوعات في الحساب الجاري
السوال الثاني
اثار الافلاس المتعلقة بذمة المفلس ( غل اليد )
السؤال الثالث
ا- انقضاء الحق الثابت بالكمبيالة بالسقوط
ب- انقضاء الصلح الواقي
السوال الرابع
أ- طبيعة الحكم بشهر الافلاس وشهره وتنفيذه
ب- انقضاء الحق الثابت بالكمبيالة بالتقادم الصرفي
----------------------------- د تامر سليمان

طلبة الفرقة الرابعة
لايف اليوم تجاري ليلة الامتحان الساعة ١٠ مساءا

تمنياتي لكم بالتوفيق

https://www.facebook.com/groups/2135813440044288/permalink/2827711810854444/

دكتور احمد دبور

'سيبكم من ال عدي ومترجعوش حاجة ملوش لازمه غير انكم هتزعلوا وزعلكم هياثر ع الجاي وال جاي اكتر واحلى اكيد لان ف ايد رب كريم مش هينسي تعبنا ولا سهرنا ولا محولاتنا، طمنوا قلوبكم وسبوها لله وال فات مات خلاص وبصوا لل جاي، وإن شاء الله ربنا مش هيكسر بخاطركم ابداََ مهما حصل ثق بالله وطمن قلبك ان مستقبلك ف ايد رب رحيم وكريم،، بتمني ليكم التوفيق ف ال جاي كله وان شاء الله ربنا مش هيضيع تعب حد ابداََ.
" ان الله لا يضيع اجر من أحسن عملاَ"
دمتم بخير ونجاح دائم يارب🤍🤍🤍🤍🤍🤍🤍🤍🤍🤍🤍🤍🤍🤍💭.'

الضريبه علي المرتبات ✓

المحاضرة الخامسة ا .دكتور سيد طه ✅

محاضرة السادسة من ا د سيد طه✅