Muhammed Computer Technology (MCT)

👍4

28.6K views02:00

የአዘና ከተማ መሪ ማዘጋጃ ቤት በዲጂታላይዜሽን ቴክኖሎጂ የወረቀት አልባ አገልግሎት ለመስጠት በዛሬው ዕለት ይፋ አደረገ።

አዘና ጥር 22/2017 ዓ.ም (አየሁ ጓ/ኮሙኒኬሽን)
በአዊ ብሔ/አስ/አየሁ ጓ/ወ/የአዘና ከተማ መሪ ማዘጋጃ ቤት የከተማ መሬት መረጃ አያያዝና አስተዳደር ስረዓትን በማዘመን የካይዘን ፍልስፍናን ተግባራዊ በማድረግ ለተጠቃሚው/ለደንበኛው ማህበረሰብ የወረቀት አልባ አገልግሎት ለመስጠት በራሱ አቅም ሶፍት ዌር በማበልጸግ በቅርብ ጊዜ ማስመረቁ የሚታወቅ ሲሆን በዛሬው ዕለትም ተቋሙ በዲጂታላይዜሽን ስረዓት አገልግሎት ለመስጠት አጠቃላይ ስራውን አጠናቆ የወረቀት አልባ አገልግሎት ለመስጠት በዛሬው ዕለት ይፋ አድርጓል።

የተቋሙ ዋና ስራአስኪያጅ አቶ ወንድም ምህረት የወረቀት አልባ አገልግሎትን ለመስጠት በዛሬው ዕለት ይፋ ያደረጉ ሲሆን ይህ ቴክኖሎጂ ከአደጋ ስጋት ነፃ፣ ለአገልግሎቱ ፈጣን፣ የባለይዞታውን የፋይል ደህንነት የሚጠብቅ፣ ዋስትናው የተረጋገጠ፣ ተጠቃሚው ማህበረሰብ ከተቋሙ በተሠጠው መለያ ኮድ መሠረት ፈጣን፣ ቀልጣፋና ከሐሜት የፀዳ አገልግሎት የሚያገኝበት መሆኑን አብራርተዋል።

ከተቋሙ አገልግሎት ተጠቃሚው ማህበረሰብ በያዘው መለያ ኮድ መሠረት ከዛሬው ቀን ጀምሮ የወረቀት አልባ አገልግሎት ማግኘት እንደሚችል ይፋ ያደረጉት አቶ ወንድም ይህ ቴክኖሎጂ ሙሉ በሙሉ እውን በመሆን በሲስተም የወረቀት አልባ አገልግሎት በመጀመሩ እንኳን ደስ አላችሁ/አለን ብለዋል።

የአዘና ከተማ መሪ ማ/ቤት የወረቀት አልባ ሲስተም ይፋ ባደረገበት በዛሬው ዕለት በቦታው የተገኙት የወረዳው ከተማና መሠረተ ልማት ፅ/ቤት ኃላፊ አቶ አየነው ዋሲሁን የእንኳን ደስ አላችሁ መልዕክት በማስተላለፍ ይህ ቴክኖሎጂ እውን እንዲሆን ከማሰብ ጀምሮ ለስኬት እስከሚደርስ የተሳተፉ ለሶፍት ዌሩ አበልፃጊና ባለቤቱ ለአቶ መሀመድ ያሲን፣ ለተቋሙ ስራአስኪያጅና መላ ሠራተኞች፣ ለከተማው ማህበረሰብና የድርሻውን ለተወጡ ሁሉ ምስጋናቸውን አቅርበዋል።

የተቋሙ ሠራተኞችም የወረቀት አልባ አገልግሎት/ቴክኖሎጂን ተጠቅመው ለደንበኞቻቸው ቀልጣፋ አገልግሎት ለመስጠት መዘጋጀታቸውን ገልፀው ይህ ስራ በስኬት በመጠናቀቁ ደስታቸውን ገልጸዋል።

👍26❤12

22.4K viewsedited 02:00