Muhammed Computer Technology (MCT)

BExANet ቤክሳኔት
👉https://t.me/BExANet
👉https://t.me/BExANet
👉https://t.me/BExANet
በመረጡት ሶሻል ሚዲያ ገፆቻችንን ይጎብኙ፤ ይከተሉን!

👍5

16.8K views19:51

በኢንተርኔት አጭበርባሪዎች እንዳትታለሉ!
መፍትሄዎቹን ልብ ይበሉ!

✅ በሰለጠነው ዓለም በኢንተርኔት አማካኝነት የሚፈጸም ማታለል የተለመደ ነው፡፡ ይሁንእንጂ ይህ ችግር ከጊዜ ወደጊዜ እየተስፋፋ መጥቷል። በኢንተርኔት የሚፈጸም ማጭበርበር በሸማቾች ላይ በቢሊዮን ዶላር የሚቆጠር ኪሣራ እያስከተለ እንደሆነ ጥናቶች ያሳያሉ።

✅ ከዚሁ ጎንለጎን በኮምፒውተር ቫይረስ አማካኝነት የሚሰነዘረው ጥቃትም በከፍተኛ ደረጃ በመጨመሩ በዩናይትድ ስቴትስ ከሚገኙ የኢንተርኔት ተጠቃሚዎች መካከል ጉዳት ማድረሱን የተለያዩ ምንጮች በቅርብ ጊዜ ገልጸው ነበር፡፡

✅ ለማንኛውም ሀገራችን ኢትዮጵያ አሁንም ይሁን ወደፊት የዚህ ችግር ተጠቂ መሆኗ አይቀርምና እንዲህ ካለው አደጋ እያንዳንዱ ዜጋ ራሱን መጠበቅ የሚችለው እንዴት እንደሆነ ማሳወቅ ተገቢ ነው፡፡

✅ በመጀመሪያ ግን የኢንተርኔት ላይ አታላዮች ከሚጠቀሙባቸው በርካታ ማጭበርበሪያ ዘዴዎችን እንመልከት።

✅ የማታለያ ዘዴዎቻቸው ምንድናቸው?

የኢንተርኔት አጭበርባሪዎች ከተለያዩ ሰዎች ጋር የሚገናኙት በኢሜይል አማካኝነት ነው። ከገንዘብ ጉዳይ ጋር የተያያዙ የግል መረጃዎችን የሚጠይቅ የማታለያ መልእክት ፊሺንግ ኢሜይል ይባላል። ታዲያ በዚህ ዓይነቱ ኢሜይል የሚጠቀሙ አጭበርባሪዎችም ሕጋዊ የሚመስል ድረ ገጽ ተጠቅመው ሰዎችን በማታለል ፓስወርድ፣ የክሬዲት ካርድ ቁጥራቸውን ወይም የባንክ ሒሳብ መረጃቸውን እንዲሰጧቸው ያደርጋሉ።

✅ እንደነዚህ ካሉት ፊሺንግ ኢሜይሎች መካከል አንዳንዶቹ ምንም ዓይነት መረጃ ባትሰጥ እንኳ አጭበርባሪዎች የፈለጉትን ነገር እንዲያገኙ ይረዷቸዋል። ምክንያቱም አንድን ኢሜይል መክፈትህ ብቻ ስፓይ ሶፍትዌር የሚባል ፕሮግራም ወደ ኮምፒውተርህ እንዲገባ ሊያደርግና በኮምፒውተርህ የምታከናውናቸውን ነገሮች ሊመዘግቡ ይችላሉ። አንዳንዶቹ የምትጫናቸውን የኮምፒውተር ቁልፎች የሚመዘግቡ ሲሆን አጭበርባሪዎቹ በዚህ ተጠቅመው የይለፍ ቃልህን እና የግል መረጃዎችህን መስረቅ ይችላሉ። ሌሎች ፕሮግራሞች ደግሞ አጭበርባሪ ወደሆኑ ድረ ገጾች የሚመሩህ ሊሆኑ ይችላሉ።

✅ ታዲያ ከእነዚህ አታላዮች እንዴት መጠንቀቅ ይቻላል
መፍትሄዎቹ አጭርና ግልጽ ናቸው፡፡ በመጀመሪያ አጠራጣሪ ወደሆኑ ድረ ገጾች የሚመሩ ኢሜይሎች ሲደርሱህ ጥንቃቄ አድርግ። እንዲህ ያሉ ኢሜይሎችን ስትከፍት አጭበርባሪዎች ትሮጃን ሆርስ ወይም ትሮጃን በሚባለው ፕሮግራም አማካኝነት አንተ ሳታውቅ ኮምፒውተርህ ውስጥ ያሉ የግል መረጃዎችህን ሊያገኙ ይችላሉ።

✅ አጭበርባሪዎች ጠቃሚ የሆኑ መረጃዎችን ለማግኘትና መረጃዎችን ለመስረቅ የሚያግዟቸውን ስፓይ ሶፍትዌሮች ኮምፒውተርህ ላይ ለመጫን ከሚጠቀሙባቸው መንገዶች መካከል የብልግና ምስሎችና ጽሑፎች የሚገኙባቸው ድረ ገጾች፣ ምንጫቸው የማይታወቅ ሶፍትዌሮችን የሚያቀርቡ ድረ ገጾች እና አንዳንድ ማኅበራዊ ድረ ገጾች ይገኛሉ። አንዳንዴ ደግሞ የማይታመን ትርፍ ወይንም ገንዘብ እንደሚያስገኙ ለሚገልጹ የኢሜይሎች መልእክቶች መልስ መስጠት አያስፈልግም።

✅ ምናልባት በኢንተርኔት አማካኝነት ሥራ የምትፈልግ ከሆነም አጭበርባሪዎች፣ የማታለያ ድረ ገጾችን በመጠቀም “የመመዝገቢያ ክፍያ” እና ሌላው ቀርቶ ከገንዘብ ጋር የተያያዙ የግል መረጃዎችን ሊሰበሰቡ ይችላሉ።

✅ እነዚህ አጭበርባሪዎች ወደ ትላልቅ ኩባንያዎች ወይም ገንዘብ ነክ ተቋማት ሳይሄዱ ባሉበት ሆነው የድርጅቶቹን የመረጃ ማዕከል ጥሰው በመግባት መረጃዎችን መስረቅ እየቻሉ ይገኛሉ። በአሁኑ ጊዜ አጭበርባሪ ሠራተኞችና የኮምፒውተር መረጃ ጠላፊዎች የሰረቋቸውን የክሬዲት ካርድ መረጃዎችንና የግለሰቦችን ሙሉ መረጃዎች በኢንተርኔት ላይ የሚሸጡበት የደራ ገበያ እንዳለ አንዳንድ ምንጮች ይገልጻሉ።

✅ ስለዚህ አንተም ከላይ ከተጠቀሱ ጥንቃቄዎች በተጨማሪ በኢንተርኔት እንዳትጭበረበር የኮምፒውተርህ መከላከያ (ፋየርዎል) ሁልጊዜ የሚሠራ መሆኑን ማረጋገጥ እንዲሁም የቫይረስ መከላከያ ፕሮግራሞች ወይንም አንቲቫይረስ መጫን እና ሌሎች ፕሮግራሞች ጊዜ ያለፈባቸው አለመሆናቸውን ዘወትር ማረጋገጥ ብልህነት ነው፡፡

📌 እናንተስ ምን ትላላችሁ! በኢንተርኔት ላይ ላለመታለል ምን አይነት ጥንቃቄዎች ሊወስዱ ይገባል!

👍32❤6👎1

17.3K views16:36