Muhammed Computer Technology (MCT)

ምርጥ የቴክኖሎጂ የዩቱቭ ቻናል ገባ በሉ እውቀት ታገኛላችሁ!
https://www.youtube.com/channel/UC7itLSzJdbzZQv8XrSHN_EQ

👍1

24.1K viewsMuhammed Comp Tech 1, 09:49

🗯 ሮቦቶች እና የተሰማሩበት የስራ ዘርፍ

◼️ ሮቦቶች በተለያዩ ሰዎች እይታ የተለያየ መልክ ይዘዉ ኖረዋል። ሮቦት የሚለዉ ስም "robota" ከሚለዉ የቼክ ቋንቋ የመጣ ቃል ሲሆን፣ ትርጉሙም የግዳጅ ሠራተኛ ወይም አገልጋይ ማለት ነዉ። ሮቦቶች ልክ እንደ ሰማቸዉ ትርጉም ሳይታክቱ እና ደከመኝ ሳይሉ ስራቸዉን የሚያከናዉኑ የሰዉ ልጆች አጋዥ ናቸዉ። ለአንዳንድ የሰዉ ልጆች ረዳት እንደሆኑ ተደርገዉ የሚታዩት ሮቦቶች በሌሎች ሠዎች ዓይን ደግሞ ከስማቸዉ አፈንግጠዉ ወደፊት የሰዉ ልጆችን ሊተኩ፣ ሊቆጣጠሩና ሊገዙም የሚችሉ አደገኛ ሰዉ-ሰራሽ ማሽኖች እንደሆኑ ተደርገዉም ይታያሉ። በዓለም ዙርያ በተለያዩ ዘርፎች፣ በተለይም በኢንዱስትሪዉ ሥራ ላይ የተሰማሩ በብዙ ሺህ የሚቆጠሩ ሮቦቶች በርካታ አገልግሎት እየሠጡ ይገኛሉ። ከእነዚህ ዉስጥ ጥቃቶቹን እንመልከት፦

1. ወተት አላቢዉ ሮቦት፦ እኛ በተለምዶዉ ከምናዉቀዉ በሰዉ እጅ ከሚከናወነዉ የላም ወተት አስተላለብ ሌላ ሮቦቶች ይህንን ተግባር እጅግ በተቀላጠፈ ሁኔታ እንደሚያከናዉኑ ታዉቃላቹህ? "Robotic Milking" ወይንም "Automatic Milking System" -- AMS" በመባል የሚታወቀዉ አሰራር ያለምንም የሰዉ ጣልቃ ገብነት በተቀላጠፈ ሁኔታ በኮምፒዉተር ትዕዛዝ የሚታገዙ ሮቦቶች ከላም ላይ ወተትን የማለቡን ተግባር ይፈጽማሉ። የመሣሪየዉ ዋጋ ከ140 እስከ 200 ሺህ ዶላር ያወጣል።

2.📍የሮቦት ፖሊስ

▪️በማሽን የታገዘ ግድያ መፈጸም አዲስ ነገር አደለም። ጠመንጃ፣ ታንክ፣ የጦር አዉሮፕላን እና የመሳሰሉት በሰዉ ቢታገዙም ይህንኑ ሲፈጽሙ የቆዩ ማሽኖች ናቸዉ። ከቅርብ ጊዜ ወዲህ ደግሞ ሰዉ አልባ ድሮኖች የሚፈለገዉ ቦታ ድረስ በመሄድ ጥቃት እንዲሰነዝሩ እየተደረገ ይገኛል። ሮቦቶች ቦምብ ለማምከን፣ ወንጀለኛን አድኖ ለመያዝ እና ለመሳሰሉት ከፍተኛ ጥቅም የወንጀል መከላከል ስራዎች የአሜሪካ የፖሊስ ሀይልን ማገዝ ከጀመሩም ሰነባብተዋል። ነገር ግን በ2006 ዓ.ም. የሆነዉ ለየት ያለ ነገር ነበር። በአሜሪካ ሀገር በጥቁሮች ላይ በሚፈጸም ተከታታይ የፖሊስ ግድያ ተበሳጭቶ በዳላስ ቴክሳስ ዉስጥ አምስት ፖሊሶችን የገደለዉን ጥቁር አሜሪነበር ስናይፐር (የሮቦቱ ስም) አድኖ በመግደል ሮቦት ለመጀመሪያ ጊዜ በወንጀል መከላከል ግድያ ላይ ቀጥተኛ ተሳታፊ ሆኗል። ሮቦቱ የሚፈነዳ ገዳይ መሳሪያን በመሸከም ነበር ስናይፐሩ ወደተሸሸገበት ቦታ በመሄድ ግድያዉን የፈጸመዉ። ይህ ስናይፐር ተጨማሪ ሰዎችን ከመግደሉ በፊት ለማስቆም ያለዉ ብቸኛ አማራጭ ይኸዉ እንደነበር የተናገሩት ባለስልጣናት፣ ሰዉን ወደእርሱ ልኮ በቁጥጥር ስር ለማዋል ወይንም በሰዉ እጅ ለመግደል ፍጹም አደገኛ ሁኔታ እንደነበርም ገልጸዋል። ምክንያቱም ደግሞ ስናይፐሩ ከዚህ ቀደም የሚሊቴሪ ስልጠና የወሠደ በመሆኑ እና አንዲሁም ግድያ ይፈጽም የነበረበት ቦታ እርሱን በቁጥጥር ለማዋል ፈጽሞ የማይመች ስለነበረ ነዉ። በሚሊቴሪ ስራ ላይ የዋለ የሮቦት አሰራር በአሜሪካ የፖሊስ ሃይል ዉስጥ ተሰማርቶ ሰዉን በመግደል ተግባር ላይ መዋሉ አከራካሪ ሆኖ ሰንብቷል። ወደፊት ይህ ቴክኖሎጂ ከመስመር የወጣ አሠራር ዉስጥ ሊገባ እንደሚችልም አመልካች ሁኔታን ፈጥሯል። በአንጻሩ ሮቦቶች ከባድ በሆነ ሁኔታ ዉስጥ አልፈዉ የነፍስ ማዳን ስራ ላይ ተሰማርተዉ ከፍተኛ ጥቅም እየሰጡም ይገኛሉ። በ2001 ዓ.ም. ኒዉ ዮርክ ከተማ ላይ በአሸባሪዎች ጥቄት በተፈጸመበት ከወደሙት የዓለም የንግድ ማዕከል ህንፃዎች ዉስጥ ከፍተኛ ሙቀት ካለዉ ብረታ ብረትና ከሲሚንቶ ፍርስራሽ በታች የተረፉ ሰዎችን ለመፈለግ በርካታ ሮቦቶች ተሠማርተዉ ነበር።

3. ሮቦት ዘበኛ

"Knightscope" የተባለ ተንቀሳቃሽ ሮቦት በትምህርት ቤቶች፣ በንግድ ስፍራዎች፣ በህዝብ መናፈሻዎች፣ በቢሮ ህንፃዎችና በመሳሰሉ ስፍራዎች ላይ የጥበቃ ስራን ለማከናወን በስራ ላይ ዉሏል። የሮቦቱ አምራቾች እንደገለጹት ለዚህ ፈጠራ የተነሳሱበት በዲሴምበር 14 2012 ዓ.ም. በአሜሪካኗ የከነቲከት (Connecticut) ግዛት በሚገኝ ሳንዲ ሁክ የተባለ 1ኛ ደረጃ ትምህርት ቤት ዉስጥ በአንድ ነፍሰ ገዳይ አማካኝነት የተከሰተ አሰቃቂ የሆነ የህጻናት እልቂት ነዉ። የሮቦቱ ፈጣሪዎች እንዲህ ያለዉን አደጋ እንዳይከሰት የቅድመ መከላከል በማድረግ ይህ ጠባቂ ሮቦት ትልቅ አስተዋጽዎ እንደሚኖረዉ ተናግረዋል። 1.5 ሜትር ርዝመትና 136 ኪሎ ግራም ክብደት ያለዉ ይህ ሮቦት በላዉ ላይ በተገጠሙለት የቪድዮ ካሜራ፣ ሙቀትን በመለካት እንቅስቃሴን መለየት በሚችል ቴክኖሎጂ፣ ራዳር፣ ጨረር፣ ማይክሮፎንና የአየር ብክለት መለኪያ ቴክኖሎጂዎችን በመጠቀም ጥበቃን ማከናወንና የወንጀል እንቅስቃሴዎችን መከታተል ይቻላል። አስጊ ሁኔታን ካስተዋለ ወዲያዉኑ ለፖሊስ መጠቆም የሚችልበት ፈጣን የመገናኛ ቴክኖሎጂም ተካቶለታል።

4. ሮቦት ሼፍ

"Moley" ይባላል። በዓለም ላይ የመጀመሪያዉ የሮቦት ሼፍ ነዉ። ሁለት እጆች ያሉት ይህ ሮቦት ከሙሉ አዉቶማቲክ የምግብ ማደራጃና ማብሰያ ጋር አብሮ የሚመጣ ሲሆን እጆቹ ከጣሪያ የሚወርዱና የሰዉ ልጅ እጅ የሚሰራዉን ተግባር ማከናወን የሚችሉ ናቸዉ። በሚያስደንቅ ሁኔታ የሰዉ እጅ አይነት እንቅስቃሴ ያለዉ ይህ ሞሊ የሮቦት ሼፍ የምግብ ግብዓቶችን ከመምረጥ፣ ከመመጠን ወይም ከመለካት፣ ከመክተፍ፣ ከማማሰል፣ ማብሰያ እቃዎችን አንስቶ የሚገባቸዉ ቦታ ከማስቀመጥ አንስቶ አብስሎ እስኪጨርስ ማብሰያዉን እስከ ማጽዳት ድረስ አስገራሚ የማብሰል ክንዉን ያካሂዳል።

ማብሰል በራሱ የሚወደድ ተግባር ቢሆንም፣ በስራና የዕለት ተዕለት ጉዞ ዉስጥ የተጠመዱ ሰዎች ወደፊት በማብሰል ይጠፍ የነበረዉ ሰዓታቸዉን ከሚወዱት ሰዉ ጋር በመጫወት ወይንም ሌሎች ነገሮችን በማከናወን ሊያሳልፉ ይችላሉ። ይህንን ሮቦት በ "touch screen" እንዲሁም በስልክ ላይ በሚጫን "app" መቆጣጠር ይቻላል። የሮቦት እጁን መጠቀም በማያስፈልግ ጊዜ ወደ ጣሪያዉ እንዲሰበሰብ አድርጎ ማብሰያ ቦታዉን ለሰዉ ጥቅም ማዋል ይቻላል። ይህ ቴክኖሎጂ የሙከራ ጊዜዉን አጠናቆ በጥቂት ዓመታት ዉስጥ ለተጠቃሚዎች እንደሚቀርብ ታዉቋል።

5. ሮቦት የፍርማሲ ሰራተኛ

ከላይ እንደተጠቀሰዉ በካሊፎርኒያ የዩንቨርስቲ ሆስፒቴል ዉስጥ የሚገኝ መድሀኒት ቤት ዉስጥ አገልግሎት መስጠት የጀመረዉ ሮቦት የመጀመሪያዉ በመስኩ በፍርማሲ የተሰማራ ሮቦት ቢሆንም፣ ይህ አሰራር ወደፋት በስፍት ሊቀጥል እንደሚችል አመልካች ሁኔታ እየታየ ነዉ። እንግሊዝ ሀገር በሚገኝ ሆስፒታል ዉስጥ የሚገኝ ልላ መድሀኒት ቤትም ሰዉን ተክቶ የፍርማሲ ስራ የሚሰራ ሮቦት ተግባራዊ ሆኗል። መድሃኒቶች ከመደርደሪያቸዉ ወስዶ ለደንበኞች ማቀበል የሚችል እጆች የተገጠሙለት ሮቦት ይህንን ተግባር በጥቂት ሴኮንዶች ዉስጥ ያከናዉናል።

6. አረጋዉያን አጫዋቹና ረዳቱ ሮቦት?

በጃፓን ዉስጥ የአረጋዉያን ቁጥር ከፍተኛ ነዉ። 20 በመቶዉ የጃፓን ህዝብ እድሜዉ ከ65 ዓመት በላይ ሲሆን፣ ወጣቱ ህብረተሰብ ደግሞ ከማነሱ ባሻገር ህይወቱ እጅጉን የተጨናነቀ ዓይነት ስለሆነ ከአረጋዉያን ጋር የሚያጠፋዉ ጊዜ የለዉም። ይህንን ችግር ለማቃለል የሚችል የሙከራ የሮቦት ቴክኖሎጂ በዚችዉ ሀገር ተፈጥሮ በስራ ላይ ዉሏል። ፈጠራዉን በስራ ላይ ያዋለዉ የአረጋዉያን መጦሪያ ተቋም ቴክኖሎጂዉ ደንበኞቹን ለማገልገል አስቸዋጽዎ እያደረገ እንደሚገኝ ገልጿል። ሌላ አይነት የአረጋዉየን አጋዥ ሮቦት ደግሞ ምግብንና ዉሃን በማቀበል በብራትን በማብራትና በማጥፋት እንዲሁም ቤትን በማጽዳት አረጋዉያንን

👍6

24.6K viewsMuhammed Comp Tech 2, 16:04