Muhammed Computer Technology (MCT)

የካይዘን ስራ አመራር ፍልስፍና ምንነት
✅ ካይዘን የሚለው ቃል የጃፓን ቃል ሆኖ ካይ ማለት ለውጥ ሲሆን ዘን ማለት ደግሞ የተሻለ ማለት ነው፣

✅ ቀጣይነት ያለው የተሻለ ለውጥ ማለት እንደሆነ ትርጓሜው ያመላክታል፣

✅ የካይዘን ስራ አመራር ፍልስፍና ትኩረት የሚሰጠው ነባራዊ ሁኔታን በመረዳትና የስራ አካባቢን በማሻሻል ላይ ነው፣

✅ ዋና የለውጥ ተዋናይ አድርጎ የሚወስደውም የሰው ኃይሉን በተለይም ፈጻሚውን ነው፣

✅ የካይዘን የለውጥ መርሆ አንድም ቀን ቢሆን ያለ ለውጥ ማለፍ የለበትም የሚል ነው፣

✅ የካይዘን የለውጥ ቡድን የማያቋርጥ የጥራት መሻሻልን ማዕከል ያደረገና ከታች ጀምሮ ያለውን ሰራተኛ የሚያቅፍ ቡድን ነው፣

✅ የየካይዘን የለውጥ ቡድን ፍልስፍና የሚመነጨው ከአሳታፊነት እና ሰብዓዊ ተኮር ከሆነ አመራር /Participative and Human Oriented Management/ ሲሆን የዚህ አመራር ፍልስፍና ለሰዎችና ለፍላጐታቸው ትኩረት የሚሰጥ ነው፣

ለዚህም ምክንያቱ ሰዎች የአንድ ተቋም ከፍተኛው ሀብት ናቸው ተብሎ ስለሚታመን ነው፣
ሰዎች ለተቋማቸው ትርጉም ያለው አስተዋጽኦ ሊያበረክቱ የሚችሉት በተለመደው ድርጅታዊ መዋቅር የሰው ኃይል አሰላለፍ የተዋረድ አሠራር ላይ በተመሠረተ የሥራ ትዕዛዝ በመስጠትና በመቀበል አመራር ብቻ ሳይሆን በሥራ ቦታ ላይ እንደ አንድ የሥራ ክፍል ቡድን እና ግለሰብ ስለሚሰጡት አገልግሎት እና ስለአሠራራቸው የተሻለ ሀሣብ እንዲያመነጩ፣ እንዲመክሩ፣ እንዲተገብሩ፣ ለውጣቸውን እንዲያዩ፣ ከለውጡም እንዲቋደሱ የሚያስችል የሥራ አካባቢ ሲፈጠርላቸው ነው፣

የካይዘን ልማት ቡድኖች ለውጥ እንዲያመጡ ከሚያስችሏቸው ዘዴዎች መካከል የሚከተሉት በመሠረታዊነት ይጠቀሳሉ፤

🔷 የሠራተኞችን የችግሮች/ማነቆዎች የማቃለልና የመፍታት አቅማቸውን ማሳደግ፣

🔷 የጋራ ብልጽግና ወይንም ዕድገት መርህን መከተል፣

🔷 ቀና አስተሳሰብን መፍጠርና ማስረጽ፣

🔷 የሥራ ላይ ሥነ ምግባርን መገንባት፣

🔷 የደንበኞችን ፍላጐት ማዕከል ያደረገ አሠራርን በመከተል፣ የሥራ ፍላጐትን ማነሳሳት፣

✅ ለሥራ ከፍተኛ መበረታታትን መፍጠር፣

✅ የግል ኃላፊነትን በአግባቡ የመገንዘብና የመወጣት ስሜትን መፍጠር፣

✅ እያንዳንዱ ሠራተኛ ከሥራ ክፍልና ከተቋም ባሻገር የህብረተሰብ ዕድገትን ማምጣት አስተዋጽኦ እንዳለው ማስገንዘብ ናቸው፡፡

⏺⏺⏺ጠቀሜታ⏺⏺⏺
✅ ሠራተኛውንና የሥራ አመራሩን ያቀራርባል፣
✅በሠራተኞች መካከል የሥራ ትብብርን ይፈጥራል፣
✅ የሥራ ዕርካታን ያስገኛል፣
✅ ለሥራ ያነቃቃል፣
✅ በራስ መተማመንን ይፈጥራል፣
✅ መሪዎችን ለማፍራት ይረዳል፣
✅ ተተኪዎችን ለማፍራት ይረዳል፣
✅ የሥራ ፈጠራን ያበረታታል፣

👍4❤1

15.3K views⁉️, 12:24