✍ Ш.Умиров
🎤 Ў.Холйигитов

@Muhammadyusufizdoshlari

Дyнё титраб кетар хасратларимдан.
Юрак кийналади, захматларимдан.
Калбим безовтадир, нафратларимдан.
Розиман дунёнинг ёлгонларига...🖤

🎙Mumtoza
✍Sarvinoz Xojiyeva

🎧#Roziman_dunyoning_yolgonlariga

@Muhammadyusufizdoshlari

Олийжаноблик

Ҳа,дунёда шундай инсонлар борлигига ишонганим учун яна шу мавзу ҳақида ёзгим келди.Оқ кўнгил,софдил,бошқаларнинг ташвишини ўзининг ташвишидек қабул қилиб,елиб-югириб инсонларга ёрдам қўлини чўзадиган кишилар ҳам бор.Бу кишиларни “олийжаноб инсонлар “деб атаймиз!Улар ҳаётимизнинг безаги,кўнгил уйимизнинг тўридан жой олган кўнгилдошимизга айланган.Нега дейсизми?!Улар бизни тинглашади,эшитишади,олтинга тенг фикрлари билан йўл кўрсатадилар.Қалбимиздагини тўкиб соламиз!Яқин инсонимизга айланиб қолади.Эртаю кеч дуойи жонларини қилиб,Оллоҳимдан шу олийжаноб инсонга соғлик,умр,оиласига файз-барака беришини сўраймиз.Ҳотамтой инсон бўлганлигидан яқин акамиз,жигаримиз,дўстимизга айланиб қолган.Ҳа,мана шундай инсоннинг борлигига шукр қиламиз.Ўзида олийжаноблик,инсонпарварлик,саховат туйғусини шакллантиргани учун ота-онасининг шаънига таҳсинлар айтамиз!
Биз энг бой инсонмиз,чунки ота-онамиз,қайнота-қайнонамиз ҳаёт!Суянган тоғимиз,қўрғонимиз бор.Ота-она инсонга қалқон,тоғдай куч бахш этар экан!Ушбу Рўза Рамазон ойида яқинларимизнинг дуоларини олиб,ифторликларига барча нарсаларни муҳайё этиб,кўнгилларини олсак,биздан қоладиган яхши амаллар фарзандларимизга шу бўлади,қадрлигим!
Биз юқорида олийжаноблик ҳақида фикрлашдик.Сафимизда олийжаноб инсонлар кўпайсин!Сиз яхшилаб эътибор беринг!Сизнинг қаршингизда турган шу инсон мен сизга таърифлаган киши бўлишлари мумкин,қадрдоним!Шу саховатпеша инсонни ўз паноҳингда асрагин!
Оллоҳим барчамиздан рози бўлсин!

Шаҳло Ортиқова

Oliyjanoblik

Ha,dunyoda shunday insonlar borligiga ishonganim uchun yana shu mavzu haqida yozgim keldi.Oq ko‘ngil,sofdil,boshqalarning tashvishini o‘zining tashvishidek qabul qilib,yelib-yugirib insonlarga yordam qo‘lini cho‘zadigan kishilar ham bor.Bu kishilarni "oliyjanob insonlar "deb ataymiz!Ular hayotimizning bezagi,ko‘ngil uyimizning to‘ridan joy olgan ko‘ngildoshimizga aylangan.Nega deysizmi?!Ular bizni tinglashadi,eshitishadi,oltinga teng fikrlari bilan yo‘l ko‘rsatadilar.Qalbimizdagini to‘kib solamiz!Yaqin insonimizga aylanib qoladi.Erta-yu kech duoyi jonlarini qilib,Ollohimdan shu oliyjanob insonga sog‘lik,umr,oilasiga fayz-baraka berishini so‘raymiz.Hotamtoy inson bo‘lganligidan yaqin akamiz,jigarimiz,do‘stimizga aylanib qolgan.Ha,mana shunday insonning borligiga shukr qilamiz.O‘zida oliyjanoblik,insonparvarlik,saxovat tuyg‘usini shakllantirgani uchun ota-onasining sha’niga tahsinlar aytamiz!
Biz eng boy insonmiz,chunki ota-onamiz,qaynota-qaynonamiz hayot!Suyangan tog‘imiz,qo‘rg‘onimiz bor.Ota-ona insonga qalqon,tog‘day kuch baxsh etar ekan!Ushbu Ro‘za Ramazon oyida yaqinlarimizning duolarini olib,iftorliklariga barcha narsalarni muhayyo etib,ko‘ngillarini olsak,bizdan qoladigan yaxshi amallar farzandlarimizga shu bo‘ladi,qadrligim!
Biz yuqorida oliyjanoblik haqida fikrlashdik.Safimizda oliyjanob insonlar ko‘paysin!Siz yaxshilab e’tibor bering!Sizning qarshingizda turgan shu inson men sizga ta’riflagan kishi bo‘lishlari mumkin,qadrdonim!Shu saxovatpesha insonni o‘z panohingda asragin!
Ollohim barchamizdan rozi bo‘lsin!
Shahlo Ortiqova
@Muhammadyusufizdoshlari

Ёғоч дарвоза.

Гўё фаришталар нафаси теккан,
Ҳазрат Хизирларни дуоси етган,
Гўзал афсонадек довруғи кетган,
Чиройли дарвоза, ёғоч дарвоза.

Уни қадрлаган боболар ўтмиш,
Хушлаб ардоқлаган донолар ўтмиш,
Машраб, Навоийлар савлатин суймиш,
Чиройли дарвоза, ёғоч дарвоза.

Миллат туйғуларин туйганим учун,
Мадҳинг куйламайин юракдан нечун,
Менга қадрингни-да англатур очун,
Чиройли дарвоза, ёғоч дарвоза.

Чертсам темирдан-да фарқли садолар,
Янграр танбурдайин завқли наволар,
Ундан яралгандек ўлан, ёр-ёрлар,
Чиройли дарвоза, ёғоч дарвоза.

Гўзал тақиллаган овозларинг бор,
Ганчкор қойиллаган андозларинг бор,
Суртсам юзларимга ёқар, нақшинкор,
Чиройли дарвоза, ёғоч дарвоза.

Сени маҳоратли Ўзбек ясаган!
Шердек жасоратли мард бек ясаган!
Тоҳир яратгандир... Фарҳод яратган...
Чиройли дарвоза, ёғоч дарвоза.

Элим ҳаётида буюк иқболсан,
Солиҳ, солиҳага рамз-у висолсан
Тарих уммонидан томган зилолсан,
Чиройли дарвоза, ёғоч дарвоза.

Муаллиф:
Илҳом ИҚБОЛ
Кичик қурама қишлоғи

Yogʻoch darvoza.

Goʻyo farishtalar nafasi tekkan,
Hazrat Xizirlarni duosi yetgan,
Goʻzal afsonadek dovrugʻi ketgan,
Chiroyli darvoza, yogʻoch darvoza.

Uni qadrlagan bobolar oʻtmish,
Xushlab ardoqlagan donolar oʻtmish,
Mashrab, Navoiylar savlatin suymish,
Chiroyli darvoza, yogʻoch darvoza.

Millat tuygʻularin tuyganim uchun,
Madhing kuylamayin yurakdan nechun,
Menga qadringni-da anglatur ochun,
Chiroyli darvoza, yogʻoch darvoza.

Chertsam temirdan-da farqli sadolar,
Yangrar tanburdayin zavqli navolar,
Undan yaralgandek oʻlan, yor-yorlar,
Chiroyli darvoza, yogʻoch darvoza.

Goʻzal taqillagan ovozlaring bor,
Ganchkor qoyillagan andozlaring bor,
Surtsam yuzlarimga yoqar, naqshinkor,
Chiroyli darvoza, yogʻoch darvoza.

Seni mahoratli Oʻzbek yasagan!
Sherdek jasoratli mard bek yasagan!
Tohir yaratgandir... Farhod yaratgan...
Chiroyli darvoza, yogʻoch darvoza.

Elim hayotida buyuk iqbolsan,
Solih, solihaga ramz-u visolsan
Tarix ummonidan tomgan zilolsan,
Chiroyli darvoza, yogʻoch darvoza.

Muallif:
Ilhom IQBOL
Kichik qurama qishlogʻi
@Muhammadyusufizdoshlari

Бухорои Шарифнинг Ғиждувон туманида яшовчи Камолиддин Шукур ижодларидан намуналар.


ОДАМИЙЛИК ДАРСИ

Саноғи топилмас хатоларданмас,
Сочга қиров сепган жафоларданмас.
Мени суйган казо - казоларданмас,
Отамдан ўргандим Одамийликни!

Узун тунлар муштоқ келишим кутган,
Мени деб овора, ўзни унутган.
Титроқ қўлларида борини тутган,
Онамдан ўргандим Одамийликни!

Менинг дардим ўзи бутун Оламча,
Ҳеч бир дам татимас, сен бўлган дамча.
Анов ачак - чечак юрган одамча,
Боламдан ўргандим Одамийликни !!!


ОТАМНИНГ СУҲБАТЛАРИДАН

Бир сўз учун бағрингни эзмай қўяқол, Ўғлим,
Шеър учун ҳаётингдан безмай қўяқол, Ўғлим.
Ёзар бўлсанг, ҳақни ёз!
Эл шод бўлсин шеърингдан,

Кимнидир мақтаб ёзсанг
Ёзмай қўяқол, Ўғлим..!!!



АСЛИДА...

Тиригида қилмай илтифот, қадр,
Ўлганда қабрига қурамиз қаср..?
Не - не улуғ зотлар ўтдилар фақир,
Оддийгина яшар экан даҳолар...

Камолиддин ШУКУР

" ЭСКИ ДАФТАР " дан.

Макрлари кўпдир асли ҳаётнинг,
Гоҳ кулиб яшайсан, гоҳо қон қусиб.
Ким дейди: " Менимча адабиётнинг,
Чўққисига етган Муҳаммад Юсуф..."

Яна кимдир айтар: " Яшаб хилватда,
Тўрт - беш хил мошини бўлган, албатта..
Диванларда ётиб, ботиб шуҳратга,
Ғазалларин битган Муҳаммад Юсуф..."

Ким айтар: Ялтироқ ҳайкалин ўпиб,
Яшаган шеър ёзиб, кунда пул топиб.
Боғларда Навоий байтларин ўқиб,
Париларин кутган Муҳаммад Юсуф..."

Ким оғиз кўпирар, қалаб сўзларни,
Лофдан қизартириб, оппоқ юзларни.
"Шеър ўқиб, қанчадан - қанча қизларни,
Қўлларидан тутган Муҳаммад Юсуф..."

Аслидачи, асли..?
Безиб жафодан,
Баъзан кўнгли қолиб, назм-у наводан.
Оқилни хорлаган, қаттол Дунёдан,
Йиғлаб ўтиб кетган Муҳаммад Юсуф...

✍ Камолиддин ШУКУР.
Бухоро вилояти Ғиждувон тумани.

Муҳаммад Юсуф издошлари телеграм канали👇
@Muhammadyusufizdoshlari


Buxoroi Sharifning G‘ijduvon tumanida yashovchi Kamoliddin Shukur ijodlaridan namunalar.


ODAMIYLIK DARSI

Sanogʻi topilmas xatolardanmas,
Sochga qirov sepgan jafolardanmas.
Meni suygan kazo - kazolardanmas,
Otamdan oʻrgandim Odamiylikni!

Uzun tunlar mushtoq kelishim kutgan,
Meni deb ovora, oʻzni unutgan.
Titroq qoʻllarida borini tutgan,
Onamdan oʻrgandim Odamiylikni!

Mening dardim oʻzi butun Olamcha,
Hech bir dam tatimas, sen boʻlgan damcha.
Anov achak - chechak yurgan odamcha,
Bolamdan oʻrgandim Odamiylikni !!!


OTAMNING SUHBATLARIDAN

Bir soʻz uchun bagʻringni ezmay qoʻyaqol, Oʻgʻlim,
Sheʼr uchun hayotingdan bezmay qoʻyaqol, Oʻgʻlim.
Yozar boʻlsang, haqni yoz!
El shod boʻlsin sheʼringdan,

Kimnidir maqtab yozsang,
Yozmay qoʻya qol, Oʻgʻlim..!!!



ASLIDA...


Tirigida qilmay iltifot, qadr,
Oʻlganda qabriga quramiz qasr..?
Ne - ne ulugʻ zotlar oʻtdilar faqir,
Oddiygina yashar ekan daholar...

Kamoliddin SHUKUR

“ ESKI DAFTAR ” dan.


Makrlari koʻpdir asli hayotning,
Goh kulib yashaysan, goho qon qusib.
Kim deydi: “ Menimcha adabiyotning,
Choʻqqisiga yetgan Muhammad Yusuf...”

Yana kimdir aytar: “ Yashab xilvatda,
Toʻrt - besh xil moshini boʻlgan albatta..
Divanlarda yotib, botib shuhratga,
Gʻazallarin bitgan Muhammad Yusuf...”

Kim aytar: Yaltiroq haykalin oʻpib,
Yashagan sheʼr yozib, kunda pul topib.
Bogʻlarda Navoiy baytlarin oʻqib,
Parilarin kutgan Muhammad Yusuf...“

Kim ogʻiz koʻpirar, qalab soʻzlarni,
Lofdan qizartirib, oppoq yuzlarni.
”Sheʼr oʻqib, qanchadan - qancha qizlarni,
Qoʻllaridan tutgan Muhammad Yusuf..."

Aslidachi, asli..?
Bezib jafodan,
Baʼzan koʻngli qolib, nazmu - navodan.
Oqilni xorlagan qattol Dunyodan,
Yigʻlab oʻtib ketgan Muhammad Yusuf...

✍ Kamoliddin SHUKUR.

Buxoro viloyati G‘ijduvon tumani.

Muhammad Yusuf izdoshlariga qo‘shiling👇
@Muhammadyusufizdoshlari👈kanalimiz.
@Muhammadyusufizdoshlariguruhi👈 guruhimiz

https://t.me/Muhammadyusufizdoshlari

**
Она, бошингга ўрик,
Гуллар тақиб кетибди.
Сабр тўлган кўнглингда,
Соғинч анқиб кетибди.

Сезмадимми?! Оҳ, қачон,
Гўзал юзинг сарғайди,
Кечир.
Кечир, онажон,
Боланг чиқди кўп дайди.

Қайда эдинг, қайда, -деб
Йилларим қилар таъна.
Бир ўзини севгувчи,
Мен не фарзанд бўлдим-а.

Шира босган кўзимга,
Кўринмас ишдан бўлак.
Нима беролдим сенга,
Термултиришдан бўлак.

Еяр бурда нонингни,
Кўз ёшингга ботирдинг.
Кутиб- кутиб не маҳзун,
Тунларни оқартирдинг.

Дил тўла исён, э -воҳ,
Ёмон тутди хўрлигим.
Гоҳи оғриб қолса ҳам,
Билдирмаган, шўрлигим.

Мен ким бўлдим.
Ким, ахир?
Ҳеч сени ўйламабман.
Райҳон бўйим дебману,
Райҳонни бўйламабман.

Куз баҳор йилларига,
Хазон ёқиб кетибди.
Ҳижронда умримизнинг,
Ярми оқиб кетибди.

Она, бошингга ўрик,
Гуллар тақиб кетибди...

✍ Нигора МУҲАММАД.
Наманган вилояти Наманган тумани.

Муҳаммад Юсуф издошлари телеграм канали👇
@Muhammadyusufizdoshlari

**
Ona, boshingga oʻrik,
Gullar taqib ketibdi.
Sabr toʻlgan koʻnglingda,
Sogʻinch anqib ketibdi.

Sezmadimmi?! Oh, qachon,
Goʻzal yuzing sargʻaydi,
Kechir.
Kechir, onajon,
Bolang chiqdi koʻp daydi.

Qayda eding, qayda, -deb
Yillarim qilar taʼna.
Bir oʻzini sevguvchi,
Men ne farzand boʻldim-a.

Shira bosgan koʻzimga,
Koʻrinmas ishdan boʻlak.
Nima beroldim senga,
Termultirishdan boʻlak.

Yeyar burda noningni,
Koʻz yoshingga botirding.
Kutib- kutib ne mahzun,
Tunlarni oqartirding.

Dil toʻla isyon, e -voh,
Yomon tutdi xoʻrligim.
Gohi ogʻrib qolsa ham,
Bildirmagan, shoʻrligim.

Men kim boʻldim.
Kim, axir?
Hech seni oʻylamabman.
Rayhon boʻyim debmanu,
Rayhonni boʻylamabman.

Kuz bahor yillariga,
Xazon yoqib ketibdi.
Hijronda umrimizning,
Yarmi oqib ketibdi.

Ona, boshingga oʻrik,
Gullar taqib ketibdi...

✍ Nigora MUHAMMAD.
Namangan viloyati Namangan tumani.

Muhammad Yusuf izdoshlari telegram kanali👇
@Muhammadyusufizdoshlari

Наҳот қайтар бўлсанг... Қабоғим учди
(О,сен бор тушларим бўлса ижобат!)
Алдаб опичимга олиб чарчаган
Юракнинг олдида эдим хижолат.

Яшашдан зериккан таним салгина
Омонлигинг кўриб олса ҳаловат.
Тузалмас дардига шифо сўргандай
Тинмай сўрайвердим,берди ниҳоят.

Юрак ўз ишидан келар маҳалинг
Бўшашини айтиб қилса шикоят.
Кўндириб тураман, кеч қолсанг ҳам оз
Солгани рост бўлсин дилга ҳидоят.

Кафтимни тўлдириб дуолар қилсам
Тилимдан тўкилар минг бир саловат.
Субҳидам уйғонсам исминг пичирлаб
Ниҳоят...
Ижобат...
Ибодат!!!

Муяссархон Эргашева


Nahot qaytar boʻlsang... Qabogʻim uchdi
(O,sen bor tushlarim boʻlsa ijobat!)
Aldab opichimga olib charchagan
Yurakning oldida edim xijolat.

Yashashdan zerikkan tanim salgina
Omonliging koʻrib olsa halovat.
Tuzalmas dardiga shifo soʻrganday
Tinmay soʻrayverdim,berdi nihoyat.

Yurak oʻz ishidan kelar mahaling
Boʻshashini aytib qilsa shikoyat.
Koʻndirib turaman, kech qolsang ham oz
Solgani rost boʻlsin dilga hidoyat.

Kaftimni toʻldirib duolar qilsam
Tilimdan toʻkilar ming bir salovat.
Subhidam uygʻonsam isming pichirlab
Nihoyat...
Ijobat...
Ibodat!!!

Muyassarxon Ergasheva
Namangan viloyati
Chust tumani
@Muhammadyusufizdoshlari

Яшашинг биламан, мендан кейин ҳам,
Бир илииқ баҳорлар меҳмонинг бўлар.
Дардларни унитиб, хижрондан кетиб,
Гўзал муҳаббатга имконинг бўлар.

Тонгларинг отади соғинчсиз ёруғ,
Тушлариинг лабингга атайди кулгу.
Бир чиройли малак сочинг силайди,
Манзилинг тополмай қайтади қайғу.

Ҳар лаҳзанг бахт бўлар, фараҳ бўлгуси,
Армонлар шодасин мен тақиб кетгум.
Кўксингда бир хиснинг майин кулгуси,
Қўй энди...
Кўнглингни оралаб нетгум.

Қўшилмади афсус дунёларимиз,
Хатолар чоҳида, тутқунман, эркам.
Мен яшай олмадим хаёлларингсиз...
Сен бахтли яшайсан, мендан кейин ҳам...

✍ Мадина МУҲАММАД.
Тошкент шаҳри.

Муҳаммад Юсуф издошлари телеграм канали👇
@Muhammadyusufizdoshlari



Yashashing bilaman, mendan keyin ham,
Bir iliiq bahorlar mehmoning boʻlar.
Dardlarni unitib, xijrondan ketib,
Goʻzal muhabbatga imkoning boʻlar.

Tonglaring otadi sogʻinchsiz yorugʻ,
Tushlariing labingga ataydi kulgu.
Bir chiroyli malak soching silaydi,
Manziling topolmay qaytadi qaygʻu.

Har lahzang baxt boʻlar, farah boʻlgusi,
Armonlar shodasin men taqib ketgum.
Koʻksingda bir xisning mayin kulgusi,
Qoʻy endi...
Koʻnglingni oralab netgum.

Qoʻshilmadi afsus dunyolarimiz,
Xatolar chohida, tutqunman, erkam.
Men yashay olmadim xayollaringsiz...
Sen baxtli yashaysan, mendan keyin ham...

✍ Madina MUHAMMAD.
Toshkent shahri.

Muhammad Yusuf izdoshlariga qo‘shiling👇
@Muhammadyusufizdoshlari👈kanalimiz.
@Muhammadyusufizdoshlariguruhi👈 guruhimiz

https://t.me/Muhammadyusufizdoshlari

✍Muyassarxon Ergasheva

🎤Guli Ikrom qizi

Ер шарининг бир чеккасида
Сизни мендек соғинмас ҳеч ким.
Берсангиз ҳам озор негадир
Гуноҳингиз келади кечгим.

Ўтлар кетиб хонумонимга
Аламлардан титранар вужуд.
Келмасангиз бўлмайди бекор
Кетмайди-ку минг йиллик сужуд.

Борар йўлим йўқотдим. Сиз-чи
Айрилиққа қўймайсизми чек.
Кечмоқ илмин ўрганолмадим
Сиз Худони унутмагандек.

Ер шарининг у чеккасидан
Келсангиз ҳам майли бирровга.
Бағрингизга босинг-у қайтиб
Берманг мени бошқа бировга!

Муяссархон Эргашева

@Muhammadyusufizdoshlari

Ўзбекистон.

✍ Муҳаммад ЮСУФ.

🎤 Юлдуз Усмонова.

@Muhammadyusufizdoshlari
👆Муҳаммад Юсуф издошлари канали.

ЧЎЛПОННИНГ СЎНГГИ ИЛТИЖОСИ

Кун ёришди, кун ботди,
Мудом хонам ёришмас.
Вале ёруғ юрагим
Зулматларга қоришмас
Мен Ватанга йўғрилдим,
Ватан қолди жонимда.

Қани туйнук, қани нур?
Оқиб кетсин кўзларим...
Қоп-қорайган қоғозим –
Зулматларга сўзладим.
Мен Ватанга йўғрилдим,
Ватан қолди қонимда.

Ватан - севгим, ойгинам,
Кел, чимилдиқ - кўксимга!
Ойдин чимилдиқ ичра
Ишқ тафтини тўксин-да.
Мен Ватанга йўғрилдим,
Ватан хону монимда.

Ҳей, тўппонча! Ҳей, милтиқ!
Ўқинг қалбга отилсин.
Юрагим минг поралаб,
Юртим узра сочилсин.
Мен Ватанга сочилсам,
Ватан ҳар бир сонимда.

Ўтинаман, жаллодим,
Хато олма мўлжални.
Жудо этиб, бошимдан
Хўрлик қилма ажални.
Мен Ватанга йўғрилгум
Дил ёрилган онимда
Парча-парча жоним-ла!..
✍Наби ЖАЛОЛИДДИН.
@Muhammadyusufizdoshlari 👈 Муҳаммад Юсуф издошлари канали.

​ТАВАЛЛО

Оқ йўргакка ўрагансан ўзинг бизни,
Ҳам оқ ювиб-тарагансан ўзинг бизни.
Бешигимиз узра бедор она бўлиб,
Кунимизга ярагансан ўзинг бизни.
Фидойинг бўлгаймиз сени, Ўзбекистон,
Ҳеч кимга бермаймиз сени, Ўзбекистон!..

Қалқонинг бор, ким қасд қилса гар жонингга,
Алпомишлар руҳи ёр ҳар ўғлонингга.
Асрагаймиз гиёҳинг ҳам гулдай ўпиб,
Ёвлар яқин йўлолмагай қўрғонингга.
Адойинг бўлгаймиз сени, Ўзбекистон,
Ҳеч кимга бермаймиз сени, Ўзбекистон.

Тузинг тотиб, унутганлар хор бўлади,
Кўзларига икки дунё тор бўлади.
Шодон даминг кўролмаган юртфурушлар
Бир кун бир кафт тупроғингга зор бўлади.
Ёнингда тургаймиз сени, Ўзбекистон,
Ҳеч кимга бермаймиз сени, Ўзбекистон!..

Гул кўринган даштингдаги гиёҳ-хасдир,
Соддадилу улуғворлик сенга хосдир.
Севамизки, чўлларинг ҳам бизга жаннат,
Тупроғинг ҳам Макка мисол муқаддасдир.
Онадек кўргаймиз сени, Ўзбекистон,
Ҳеч кимга бермаймиз сени, Ўзбекистон!

✍ Муҳаммад ЮСУФ



​TAVALLO

Oq yoʻrgakka oʻragansan oʻzing bizni,
Ham oq yuvib-taragansan oʻzing bizni.
Beshigimiz uzra bedor ona boʻlib,
Kunimizga yaragansan oʻzing bizni.
Fidoying boʻlgaymiz seni, Oʻzbekiston,
Hech kimga bermaymiz seni, Oʻzbekiston!..

Qalqoning bor, kim qasd qilsa gar joningga,
Alpomishlar ruhi yor har oʻgʻloningga.
Asragaymiz giyohing ham gulday oʻpib,
Yovlar yaqin yoʻlolmagay qoʻrgʻoningga.
Adoying boʻlgaymiz seni, Oʻzbekiston,
Hech kimga bermaymiz seni, Oʻzbekiston.

Tuzing totib, unutganlar xor boʻladi,
Koʻzlariga ikki dunyo tor boʻladi.
Shodon daming koʻrolmagan yurtfurushlar
Bir kun bir kaft tuprogʻingga zor boʻladi.
Yoningda turgaymiz seni, Oʻzbekiston,
Hech kimga bermaymiz seni, Oʻzbekiston!..

Gul koʻringan dashtingdagi giyoh-xasdir,
Soddadilu ulugʻvorlik senga xosdir.
Sevamizki, choʻllaring ham bizga jannat,
Tuprogʻing ham Makka misol muqaddasdir.
Onadek koʻrgaymiz seni, Oʻzbekiston,
Hech kimga bermaymiz seni, Oʻzbekiston!

✍ Muhammad YUSUF.

Muhammad Yusuf izdoshlariga qo‘shiling👇
@Muhammadyusufizdoshlari👈kanalimiz.
@Muhammadyusufizdoshlariguruhi👈 guruhimiz

https://t.me/Muhammadyusufizdoshlari

Т А С К И Н

Устоз шоир Муҳаммад ЮСУФнинг онаси Энахон ая тилидан ёзилган марсия.

(Бу шеър ёзилган пайтда шоирнинг онаизори ҳаёт эдилар. Илоҳим, ҳар иккисининг ҳам охиратларини обод айласин).


Юрагим бир хатар сезди,
Не бўлганин уқолмадим.
Кўз олдимдан ўтди тезда -
Шоир болам - Муҳаммадим.

Қўлни очдим дуоларга:
Сафарини бехатар қил!
Қорақалпоқ диёрига -
Кетган эди болам, ахир.

Онаизор кўнглим билан,
Хавотирда ёнар эдим.
Бу дунёнинг ғамларидан -
Тонар эдим, тонар эдим.


* * *

Бу хабарни тинглагунча,
Кар бўлсин-а, қулоқларим!
Ё Раб, меҳринг қаттиқ бунча?
Кўпми эди гуноҳларим ?!

Осмон қулаб ерга тушди,
Унда қуёш, ой қолмади.
Жимирлаган жонгинамни -
Қўярга бир жой қолмади.

Қариганда бу бошимга,
Не кунларни солдинг, болам?!
Мендан олдин кетмоқликка -
Кимдан рухсат олдинг, болам?!


* * *

О, бу дардни кўтармоқнинг -
Уддасини қилолмайман.
Юрак кўз ёш бўлиб оқди,
Не қилишни билолмайман.

Сен улғайган бешикка ҳам,
Ҳасратимни айтолмайман.
Чиқолмайман эшикка ҳам,
Чиқар бўлсам, қайтолмайман.

Минг-мингларни мусибатга,
Отиб кетдинг, Муҳаммаджон!
Қуёш эдинг, қай зулматга -
Ботиб кетдинг, Муҳаммаджон?!


* * *

Шоирларнинг онасига
Қийин дердинг, қийин дердинг.
Юр, Тошкентга олиб кетай -
Кийин дердинг, кийин дердинг.

Менга атаб ёзган шеъринг,
Кўп экан-ку сочимдан ҳам.
Бу фожени сезармидинг,
Болажоним, ё чиндан ҳам?!

... Балки менинг ёнимдасан,
Кириб келиб деразадан.
Қара, болам!
Шоирларнинг -
Онаси ҳам шеър ёзаркан...


* * *

Ҳар бир ота, ҳар бир она
Ортда қолсин болам, деркан.
Бахти бахтимдан нишона,
Доғи менга ҳаром, деркан.

Не қилайки, тақдир мени,
Таҳқирларга солиб қўйди.
Мени сендан ...
о, қанийди!
Сени мендан олиб қўйди.

Энди кўрган куним қурсин,
Ўкинарман қисматимдан.
Оқ сутимга розиман мен,
Сен рози бўл хизматингга...


* * *

Онамга, деб харид қилган,
Рўмолингни ўролмайман.
Юролмайман йиғламасдан,
Йиғламасдан туролмайман.

Умид билан қўйган номни,
Болажоним, оқлаб кетдинг.
Ва умримнинг ҳар дамини
Ёдинг билан боғлаб кетдинг.

Юракдадир дуоларим,
Ўкинч, афсус - овозимда.
Муҳаммадим, дуч келасан -
Ҳатто...
беш вақт намозимда.


* * *

“Ўнта бўлса, ўрни бошқа...”
Бўшаб қолди ўрнинг, болам.
Кўксим туриб, қайси тошга -
Бошгинангни урдинг, болам?!

Тошкентнинг тош йўлагидан,
Тополмадим изларингни.
Бўйин кўриб...
тўйин кўрмай -
Кетдингми гул қизларингни?!

Халқ дилида қолди сўзинг,
Эмас китоб вароғида.
Муҳаммаджон, порлар кўзинг -
Фарзандларинг қароғида.


* * *

Менга ёзган ҳар хатингдан,
Меҳринг қўмсаб, излаяпман.
Кулиб тушган суратингдан,
Йиғлаб, кўзим узмаяпман.

Алам ўти куйдиради,
Ер қайтарар муштларимни.
Наҳот энди тўлдиради -
Армонларим тушларимни?!

Ишонмайман!
Бу дунёдан -
Шунчаки юз бургандайсан.
Назаримда Тошкентларда -
Шеърлар ёзиб юргандайсан!

✍ Ориф ТЎХТАШЕВ.

Муҳаммад Юсуф издошлари телеграм канали👇

@Muhammadyusufizdoshlari

T A S K I N

Ustoz shoir Muhammad YUSUFning onasi Enaxon aya tilidan yozilgan marsiya.

(Bu sheʼr yozilgan paytda shoirning onaizori hayot edilar. Ilohim, har ikkisining ham oxiratlarini obod aylasin).


Yuragim bir xatar sezdi,
Ne boʻlganin uqolmadim.
Koʻz oldimdan oʻtdi tezda -
Shoir bolam - Muhammadim.

Qoʻlni ochdim duolarga:
Safarini bexatar qil!
Qoraqalpoq diyoriga -
Ketgan edi bolam, axir.

Onaizor koʻnglim bilan,
Xavotirda yonar edim.
Bu dunyoning gʻamlaridan -
Tonar edim, tonar edim.


* * *

Bu xabarni tinglaguncha,
Kar boʻlsin-a, quloqlarim!
Yo Rab, mehring qattiq buncha?
Koʻpmi edi gunohlarim ?!

Osmon qulab yerga tushdi,
Unda quyosh, oy qolmadi.
Jimirlagan jonginamni -
Qoʻyarga bir joy qolmadi.

Qariganda bu boshimga,
Ne kunlarni solding, bolam?!
Mendan oldin ketmoqlikka -
Kimdan ruxsat olding, bolam?!


* * *

O, bu dardni koʻtarmoqning -
Uddasini qilolmayman.
Yurak koʻz yosh boʻlib oqdi,
Ne qilishni bilolmayman.

Sen ulgʻaygan beshikka ham,
Hasratimni aytolmayman.
Chiqolmayman eshikka ham,
Chiqar boʻlsam, qaytolmayman.

Ming-minglarni musibatga,
Otib ketding, Muhammadjon!
Quyosh eding, qay zulmatga -
Botib ketding, Muhammadjon?!


* * *

Shoirlarning onasiga
Qiyin derding, qiyin derding.
Yur, Toshkentga olib ketay -
Kiyin derding, kiyin derding.

Menga atab yozgan sheʼring,
Koʻp ekan-ku sochimdan ham.
Bu fojeni sezarmiding,
Bolajonim, yo chindan ham?!

... Balki mening yonimdasan,
Kirib kelib derazadan.
Qara, bolam!
Shoirlarning -
Onasi ham sheʼr yozarkan...


* * *

Har bir ota, har bir ona
Ortda qolsin bolam, derkan.
Baxti baxtimdan nishona,
Dogʻi menga harom, derkan.

Ne qilayki, taqdir meni,
Tahqirlarga solib qoʻydi.
Meni sendan ...
o, qaniydi!
Seni mendan olib qoʻydi.

Endi koʻrgan kunim qursin,
Oʻkinarman qismatimdan.
Oq sutimga roziman men,
Sen rozi boʻl xizmatingga...


* * *

Onamga, deb xarid qilgan,
Roʻmolingni oʻrolmayman.
Yurolmayman yigʻlamasdan,
Yigʻlamasdan turolmayman.

Umid bilan qoʻygan nomni,
Bolajonim, oqlab ketding.
Va umrimning har damini
Yoding bilan bogʻlab ketding.

Yurakdadir duolarim,
Oʻkinch, afsus - ovozimda.
Muhammadim, duch kelasan -
Hatto...
besh vaqt namozimda.


* * *

“Oʻnta boʻlsa, oʻrni boshqa...”
Boʻshab qoldi oʻrning, bolam.
Koʻksim turib, qaysi toshga -
Boshginangni urding, bolam?!

Toshkentning tosh yoʻlagidan,
Topolmadim izlaringni.
Boʻyin koʻrib...
toʻyin koʻrmay -
Ketdingmi gul qizlaringni?!

Xalq dilida qoldi soʻzing,
Emas kitob varogʻida.
Muhammadjon, porlar koʻzing -
Farzandlaring qarogʻida.


* * *

Menga yozgan har xatingdan,
Mehring qoʻmsab, izlayapman.
Kulib tushgan suratingdan,
Yigʻlab, koʻzim uzmayapman.

Alam oʻti kuydiradi,
Yer qaytarar mushtlarimni.
Nahot endi toʻldiradi -
Armonlarim tushlarimni?!

Ishonmayman!
Bu dunyodan -
Shunchaki yuz burgandaysan.
Nazarimda Toshkentlarda -
Sheʼrlar yozib yurgandaysan!

✍ Orif TO‘XTASHEV.

Muhammad Yusuf izdoshlari telegram kanali👇
@Muhammadyusufizdoshlari

Аллоҳим

Фусункордир тоғу қирлар баҳорларда,
Андалиблар нола қилар наҳорларда.
Билганларим бир томчидир анҳорларда,
Сен бўлмасанг олам қайда, эй Аллоҳим.

Зурриёдим севинчимга севинч улар,
Унинг учун бўлдим агар бўлсам қуллар.
Тирноғини тополмасман кезиб йўллар,
Сен бўлмасанг болам қайда, эй Аллоҳим.

Нуридийдам парвонадир кеча-кундуз,
Қиёсига қирқ оламдан тополмам сўз.
Барчамизга меҳрибонсан ўзинг ёлғиз,
Сен бўлмасанг онам қайда, эй Аллоҳим.

Болалигим саройида буюк султон,
Қалқоним бор-ҳаёт йўли тубсиз уммон.
Беададдир бузрукворим берган имкон,
Сен бўлмасанг отам қайда, эй Аллоҳим.

Кўк тоқидан қатра илҳом сўраб кўрдим,
Шеърларимга дардларимни ўраб кўрдим.
Ҳисларимни камалакка бўяб кўрдим,
Сен бўлмасанг қалам қайда,эй Аллоҳим.

Сен бўлмасанг, икки дунём бўлар рўё,
Тупроқман мен, ўзинг қўлим етмас қоя.
Ислом қўйди осмонингга пиллапоя,
Сен бўлмасанг чорам қайда, эй Аллоҳим.

✍ Назира ас-Салом.

Муҳаммад Юсуф издошлари телеграм канали👇
@Muhammadyusufizdoshlari



Allohim

Fusunkordir togʻu qirlar bahorlarda,
Andaliblar nola qilar nahorlarda.
Bilganlarim bir tomchidir anhorlarda,
Sen boʻlmasang olam qayda, ey Allohim.

Zurriyodim sevinchimga sevinch ular,
Uning uchun boʻldim agar boʻlsam qullar.
Tirnogʻini topolmasman kezib yoʻllar,
Sen boʻlmasang bolam qayda, ey Allohim.

Nuridiydam parvonadir kecha-kunduz,
Qiyosiga qirq olamdan topolmam soʻz.
Barchamizga mehribonsan oʻzing yolgʻiz,
Sen boʻlmasang onam qayda, ey Allohim.

Bolaligim saroyida buyuk sulton,
Qalqonim bor-hayot yoʻli tubsiz ummon.
Beadaddir buzrukvorim bergan imkon,
Sen boʻlmasang otam qayda, ey Allohim.

Koʻk toqidan qatra ilhom soʻrab koʻrdim,
Sheʼrlarimga dardlarimni oʻrab koʻrdim.
Hislarimni kamalakka boʻyab koʻrdim,
Sen boʻlmasang qalam qayda,ey Allohim.

Sen boʻlmasang, ikki dunyom boʻlar roʻyo,
Tuproqman men, oʻzing qoʻlim yetmas qoya.
Islom qoʻydi osmoningga pillapoya,
Sen boʻlmasang choram qayda, ey Allohim.

✍ Nazira as-Salom.


Muhammad Yusuf izdoshlari telegram kanali👇

https://t.me/Muhammadyusufizdoshlari
https://t.me/Muhammadyusufizdoshlari

САМАРҚАНД

Самарқандга борсам мен агар,
Улуғбекни кўриб қайтаман.
У қон йиғлаб туpap ҳар сафар:
Мен дардимни кимга айтаман?..

Бағримда бўй етган бўз болам,
Мерган болам, лочин кўз болам,
Бўғзимга тиғ урган ўз болам…
Мен дардимни кимга айтаман.

Сезмай қолдим. Ўшанда чоғим,
Юлдузларда экан нигоҳим.
Билмадим не эди гуноҳим…
Мен дардимни кимга айтаман.

Қанча ғамга ботмаган эдим,
Қанча оғу ютмаган эдим…
Ўз боламдан кутмаган эдим…
Мен дардимни кимга айтаман.

Таним музлаб, гоҳ тош қотаман,
Мен шоҳ эмас, ахир, отаман.
Гўримда ҳам ўйлаб ётаман,
Мен дардимни кимга айтаман?..

Самарқандга борсам мен агар,
Улуғбекни кўрмай келмайман.
У менга қон йиғлар ҳар сафар,
Мен дардимни кимга айтаман!

✍ Муҳаммад ЮСУФ

🎤 Маҳмуджон Азимов.

Муҳаммад Юсуф издошлари телеграм канали👇
@Muhammadyusufizdoshlari

Сизда ором қайда,
Сизда тин қайда,
Сиз тўйиб ухлаган
Битта тун қайда!
Эл-юрт оромини
Асраган зотлар,
Эл меҳри асрасин
Сизни ҳар жойда!

✍Муҳаммад Юсуф


25-октябрь- Ички ишлар идоралари ходимлари касб байрами куни билан ҳамиша беҳаловат, ўз тинчини халқининг хотиржам, тинч ҳаётига алмашган, халқига хизмат қилишни шарафли бурчи деб ҳисоблаган Ички ишлар ходимларини - азиз фарзандларимиз, укаларимизни чин юракдан табриклайман!
Мен Муҳаммад Юсуф оиласи номидан барча ички ишлар ходимларини касб байрами билан чин дилдан табриклайман.
Илоҳим халқнинг дуоси қўлласин!
Мартабаларингиз икки дунёда баланд бўлсин!
Сизлардек фидойи ходимлар кўпайсин!

✍ Назира ас-Салом.

@Muhammadyusufizdoshlari

✍ Ҳилола Мамажонова
🎤 Раъно Тожибоевна.
@Muhammadyusufizdoshlari